मसीहा आणि त्याच्या शिष्यांचा काळ

या भागात आपण जवळजवळ एक शतकाचा काळ पाहणार आहोत. सुरुवातीला आपण मरीया नावाच्या एका यहुदी कुमारीबद्दल पाहू. या अतिशय नम्र तरुणीला, आजपर्यंत कुठल्याही अपरिपूर्ण मानवाला मिळाली नसेल इतकी मोठी जबाबदारी मिळाली होती. आणि शेवटी आपण येशूचा लाडका प्रेषित योहान याच्या आयुष्याच्या शेवटच्या काळात येऊन पोहोचतो. मधल्या काळात आपण विलक्षण धैर्य दाखवलेल्या काही विश्‍वासू सेवकांची उदाहरणं पाहणार आहोत. जसं की, बाप्तिस्मा देणारा योहान, प्रेषित पेत्र, मग्दालीया मरीया, स्तेफन आणि प्रेषित पौल. हे विश्‍वासू लोक अशा काळात जगत होते जेव्हा बऱ्‍याच लोकांनी येशूला नाकारलं. पण या विश्‍वासू सेवकांनी येशू हाच मसीहा असल्याचं धैर्याने सांगितलं. तसंच, छळ होत असतानाही त्यांनी येशूचं अनुकरण केलं. इतकंच नाही, तर विरोध आणि द्वेषाचा सामना करत असतानाही ते येशूबद्दलचा आनंदाचा संदेश सांगत राहिले.