थोडक्यात
असा एक दिवस कधी येईल का, जेव्हा जगात कधीच युद्धं किंवा हिंसक संघर्ष होणार नाहीत? असं व्हावं असं तर सगळ्यांनाच वाटतं, पण ते शक्य नाही असंही बऱ्याच जणांना वाटतं. कारण आजपर्यंत मानवांना युद्धांचा आणि संघर्षांचा अंत करणं शक्य झालेलं नाही. पण मानवांना ते का शक्य झालेलं नाही, हे बायबलमध्ये सांगितलंय. बायबलमध्ये हेही सांगितलंय, की लवकरच संपूर्ण जगात शांती असेल आणि असं खरंच घडणार आहे!
या नियतकालिकात “युद्ध” आणि “संघर्ष” हे शब्द, ज्या सशस्त्र गटांमध्ये राजकीय हेतू साध्य करण्यासाठी युद्धं आणि लढाया होतात त्यांच्या बाबतीत वापरण्यात आले आहेत. शिवाय, उल्लेख केलेल्या काही व्यक्तींची नावंही बदलण्यात आली आहेत.