देव तुमच्या प्रार्थना ऐकतो का?

याविषयी बायबल काय म्हणतं?

• देव नक्कीच तुमच्या प्रार्थना ऐकतो. बायबल असं आश्‍वासन देतं: ‘यहोवा त्याला प्रामाणिकपणे हाक मारणाऱ्‍या सर्वांच्या जवळ आहे. तो त्यांची मदतीची याचना ऐकून त्यांना सोडवतो.’—स्तोत्र १४५:१८, १९.

• तुम्ही देवाला प्रार्थना करावी असं त्याला वाटतं. बायबल असं प्रोत्साहन देतं: “सगळ्या गोष्टींत देवाचे आभार मानून प्रार्थना आणि याचना करा आणि आपल्या विनंत्या देवाला कळवा.”—फिलिप्पैकर ४:६.

• देवाला खरंच तुमची खूप काळजी आहे. तुम्ही कोणत्या चिंतांचा आणि समस्यांचा सामना करता, हे त्याला माहीत आहे. आणि तुम्हाला मदत करायची त्याची मनापासून इच्छा आहे. म्हणूनच बायबल म्हणतं: “आपल्या सगळ्या चिंता त्याच्यावर टाकून द्या, कारण त्याला तुमची काळजी आहे.”—१ पेत्र ५:७.