देवाच्या वचनातील अनमोल रत्नं | लेवीय १-३
बलिदानं देण्याचा उद्देश काय होता?
नियमशास्त्रात अर्पण आणि बलिदानं देण्याची आज्ञा देण्यात आली होती. त्या बलिदानांमुळे यहोवाला आनंद व्हायचा. ही बलिदानं येशूच्या बलिदानाला आणि त्यामुळे मिळणाऱ्या फायद्यांना सूचित करत होती.—इब्री ८:३-५; ९:९; १०:५-१०.
बलिदानासाठी अर्पण केले जाणारे प्राणी निष्कलंक आणि निर्दोष असणं गरजेचं होतं. त्याच प्रकारे येशूही निर्दोष होता. त्याने आपल्या निष्कलंक आणि परिपूर्ण शरीराचं बलिदान दिलं—१पेत्र १:१८, १९.
होमार्पण देताना संपूर्ण प्राणी यहोवाला अर्पण करणं गरजेचं होतं. येशूनेही स्वतःला पूर्णपणे यहोवाला अर्पण केलं
शांती-अर्पण देणाऱ्या व्यक्तीचं यहोवासोबत शांतीपूर्ण नातं असायचं. तसंच, आजही प्रभूच्या सांजभोजनात सहभागी होणाऱ्या अभिषिक्त ख्रिश्चनांचं यहोवासोबत शांतीपूर्ण नातं असतं