ख्रिस्ती जीवन
तरुणांनो—यहोवा तुमचा बेस्ट फ्रेंड आहे का?
तुम्ही कसा मित्र निवडाल? तुम्ही कदाचित असा मित्र निवडाल जो तुम्हाला कधीही सोडणार नाही, नेहमी तुमची काळजी घेईल आणि तुमची मदत करायला कधीही तयार असेल. यहोवा अगदी अशाच प्रकारची व्यक्ती आहे. (निर्ग ३४:६; प्रेका १४:१७) जेव्हा तुम्ही त्याला प्रार्थना करता तेव्हा तो तुमचं ऐकतो. तुम्हाला मदतीची गरज असते तेव्हा तो मदत करायला नेहमी तयार असतो. (स्तो १८:१९, ३५) तुमच्याकडून चूक झाली तरी तो ती माफ करतो. (१यो १:९) यहोवापेक्षा आणखी चांगला मित्र कोणी असूच शकत नाही!
तुम्ही यहोवाचे मित्र कसे बनू शकता? तो कशा प्रकारची व्यक्ती आहे हे माहीत करून घेण्यासाठी बायबल वाचा. तुमच्या मनातली प्रत्येक गोष्ट त्याला सांगा. (स्तो ६२:८; १४२:२) यहोवासाठी जे महत्त्वाचं आहे ते तुमच्यासाठीही महत्त्वाचं आहे हे दाखवा. जसं की, त्याचा मुलगा, त्याचं राज्यं, आणि भविष्यासाठी त्याने दिलेली वचनं. त्याच्याबद्दल इतरांना सांगा. (अनु ३२:३) तुम्ही जर यहोवाशी पक्की मैत्री केली तर तो कायमचा तुमचा मित्र बनून राहिल.—स्तो ७३:२५, २६, २८.
तरुणांनो—“परमेश्वर किती चांगला आहे याचा अनुभव घेऊन पाहा,” हा व्हिडिओ बघा आणि खाली दिलेल्या प्रश्नांची उत्तरं द्या:
समर्पण करण्यासाठी आणि बाप्तिस्मा घेण्यासाठी तुम्ही कशी तयारी करू शकता?
मंडळीच्या भाऊबहिणींच्या मदतीने तुम्ही यहोवाची सेवा आणखी चांगल्या प्रकारे कशी करू शकता?
सेवाकार्यात भाग घेतल्यामुळे यहोवाशी तुमचं नातं आणखी मजबूत कसं होऊ शकतं?
यहोवासोबत असलेली आपली मैत्री कायम टिकून राहू शकते!
तुम्ही कोणकोणत्या मार्गांनी यहोवाची सेवा करू शकता?
यहोवाबद्दल तुम्हाला कोणत्या गोष्टी आवडतात?