नवीन ख्रिस्ती मंडळीची पारख होते

६:१-७; ७:५८–८:१

ग्रीक भाषा बोलणाऱ्‍या विधवांचा नुकताच बाप्तिस्मा झाला होता आणि ते यरुशलेममध्ये जास्त दिवसांसाठी राहिले होते. तिथे त्यांच्यासोबत भेदभाव केला जात होता. या अन्यायामुळे ते अडखळले का, की तो विषय यहोवा हाताळेल यासाठी ते धीराने त्याच्यावर विसंबून राहिले?

स्तेफनला दगडमार करण्यात आल्यानंतर यरुशलेममधल्या ख्रिश्‍चनांना तीव्र छळाचा सामना करावा लागला. यामुळे ते तिथून पळून यहूदीया आणि शोमरोन प्रदेशात गेले. पण नवीन जागी गेल्यावर त्यांनी आपलं सेवाकार्य कमी केलं का?

यहोवाचा पाठिंबा असल्यामुळे नवीन मंडळी टिकून राहिली आणि तिची वाढ होत गेली.​—प्रेका ६:७; ८:४.

स्वतःला विचारा: ‘मी परीक्षांचा सामना कसा करत आहे?’