“पवित्र शास्त्रीय चर्चा कशा सुरु कराव्या व त्या कशा चालू ठेवाव्या, आणि चर्चेसाठी बायबल विषय या पुस्तिकांचा तुम्ही उपयोग करीत आहात का?”
१. प्रेषित पौलाने व येशूने लोकांना कसे शिकवले?
१ प्रेषित पौलाने ‘शास्त्रवचनांतून तर्क’ करण्याचा प्रयत्न केला. (प्रे. कृत्ये १७:२, ३, NW; १८:१९, NW) असे करण्याद्वारे त्याने येशूचे अनुकरण केले. येशूने नेहमी शास्त्रवचनांचा संदर्भ दिला आणि आपल्या श्रोत्यांना देवाची इच्छा समजण्यास मदत व्हावी म्हणून दाखल्यांचा उपयोग केला. (मत्त. १२:१-१२) असे करण्यास आपल्याला मदत मिळावी म्हणून वर उल्लेख केलेल्या दोन्ही पुस्तिका तयार करण्यात आल्या आहेत.
२. प्रभावी प्रस्तावना तयार करताना आपण, पवित्र शास्त्रीय चर्चा कशा सुरु कराव्या व त्या कशा चालू ठेवाव्या या पुस्तिकेचा उपयोग कसा करू शकतो?
२ प्रभावी प्रस्तावना तयार करणे: पवित्र शास्त्रीय चर्चा कशा सुरु कराव्या व त्या कशा चालू ठेवाव्या या पुस्तिकेच्या २-७ पानांवरील प्रस्तावना, बायबलविषयी आणखी शिकून घेण्याबद्दल घरमालकाची आस्था वाढवू शकतात. तुम्हाला जर एकाच क्षेत्रात वारंवार जावे लागत असेल तर वेगवेगळ्या प्रस्तावना शिकून घेऊन त्यांचा उपयोग केल्याने, तुमची सेवा रटाळवाणी होणार नाही आणि तुम्हालाही लोकांबरोबर विविध विषयांवर प्रभावकारी चर्चा सुरू करता येऊ शकतील. टेलिफोनवरून साक्षकार्य करताना किंवा अतिसुरक्षा इमारतींमध्ये इंटरकॉमवरून बोलताना, तुम्ही वर उल्लेख केलेल्या पुस्तिकेतल्या प्रस्तावनांचा देखील वापर करू शकता.
३. पवित्र शास्त्रीय चर्चा कशा सुरु कराव्या व त्या कशा चालू ठेवाव्या या पुस्तिकेच्या ७-१३ पानांवर कोणती माहिती आहे जिचा आपल्याला सेवा कार्यात उपयोग होऊ शकतो?
३ लोक आक्षेप घेतात तेव्हा: क्षेत्रात जाण्याआधी, लोकांनी आपल्यावर आक्षेप घेतल्यास आपण त्यांना कशा प्रकारे उत्तर देऊ शकतो त्याची तयार करताना, पवित्र शास्त्रीय चर्चा कशा सुरु कराव्या व त्या कशा चालू ठेवाव्या या पुस्तिकेच्या ७-१३ पानांवरील माहितीवर एक ओझरती नजर टाका. आपल्याला कदाचित, बौद्ध, हिंदू, यहुदी किंवा मुस्लिम लोक भेटण्याची शक्यता आहे का? मग, १३-१६ पानांवरील माहिती उपयुक्त ठरू शकेल.
४. लोक जेव्हा आपल्याला एखादा प्रश्न विचारतात किंवा एखादा वादग्रस्त विषय निघतो तेव्हा आपण चर्चेसाठी बायबल विषय पुस्तिकेचा उपयोग कसा करू शकतो?
४ प्रश्नांची उत्तरे: लोक जेव्हा आपल्याला एखादा प्रश्न विचारतात किंवा एखादा वादग्रस्त विषय निघतो तेव्हा चर्चेसाठी बायबल विषय ही पुस्तिका आपल्याला खूप मदत करू शकते. घरमालक जेव्हा तुम्हाला प्रश्न विचारतात तेव्हा तुम्ही त्यांना, या विषयावर तुमच्याजवळ एक रोचक माहिती आहे असे सांगून ही पुस्तिका बाहेर काढू शकता. या पुस्तिकेतील विषय क्रमानुसार देण्यात आले आहेत त्यामुळे, घरमालकाचा प्रश्न ज्या विषयाखाली येतो तो ठळक अक्षरातील विषय काढा. तुम्हाला हवा असलेला विषय मिळाल्यावर, त्याखालची शास्त्रवचने सरळ तुमच्या बायबलमधून वाचा किंवा घरमालकाकडे त्याचे स्वतःचे बायबल असेल तर त्यातून वाचा.
५. बायबल विषय पुस्तिकेचा कोणकोणत्या प्रकारे उपयोग करता येऊ शकतो?
५ पुस्तिकांचा इतर वेळी वापर: काही जण, आपल्या कामाच्या किंवा शाळेच्या बॅगामध्येच बायबल विषय पुस्तिका ठेवतात. यामुळे, जेव्हा त्यांना ‘तुम्ही अमूक सण साजरा का करत नाही?’ असा प्रश्न विचारला जातो तेव्हा ते लगेच या पुस्तिकेतून उत्तर देऊ शकतात. आजारी असलेल्या किंवा ज्यांच्या घरात कोणाचा तरी मृत्यू झाला आहे अशा तुमच्या एखाद्या मित्राला किंवा ओळखीच्या व्यक्तीला तुम्ही भेटायला जाणार आहात का? मग, “मृत्यू” किंवा “पुनरुत्थान” या मथळ्यांखालील शास्त्रवचनांचा उपयोग करून तुम्ही त्यांना सांत्वन देऊ शकता. भाषणाची अथवा क्षेत्र सेवेच्या सभेची तयारी करतानासुद्धा तुम्हाला बायबल विषय पुस्तिकेतून बरीच माहिती मिळू शकते.
६. प्रचार कार्य करताना आपला उद्देश काय असतो?
६ प्रचार कार्य आपण इतरांना गप्प बसवण्याच्या किंवा फक्त माहिती देण्याच्या उद्देशाने करत नाही. तर आपण लोकांना कुशलतेने शास्त्रवचनांतून पटवून देऊ इच्छितो. पवित्र शास्त्रीय चर्चा कशा सुरु कराव्या व त्या कशा चालू ठेवाव्या, आणि चर्चेसाठी बायबल विषय या पुस्तिकांचा चांगल्याप्रकारे उपयोग करून आपण दाखवून देतो, की आपण आपल्या शिक्षणाकडे नीट लक्ष देत आहोत.—१ तीम. ४:१६.