सन २००१ साठी ईश्‍वरशासित सेवा प्रशालेचा आराखडा

सन २००१ साठी ईश्‍वरशासित सेवा प्रशालेचा आराखडा

सूचना

सन २००१ मध्ये ईश्‍वरशासित सेवा प्रशाला पुढील व्यवस्थांनुरूप चालवली जाईल.

क्रमिक पुस्तके: बायबल, टेहळणी बुरूज [w], सावध राहा! [g] कौटुंबिक सौख्यानंदाचे रहस्य [fy] विसाव्या शतकातील यहोवाचे साक्षीदार [br78], जीवनाचा काय उद्देश आहे? [pr], देव आपल्याकडून काय अपेक्षितो? [rq] यहोवाचे साक्षीदार जगभरात देवाची इच्छा ऐक्याने आचरीत आहेत [je] सर्वकाळातील सर्वश्रेष्ठ मनुष्य ह्‍यांवर आधारित नेमणुका दिल्या जातील.

प्रशालेचा कार्यक्रम गायन, प्रार्थना व स्वागतपर अभिवादनाने वेळेवर सुरू केला जावा. कार्यक्रमात कोणते भाग हाताळले जाणार आहेत याचा सुरवातीला सारांश देण्याची गरज नाही. प्रत्येक भाग कोणत्या विषयावर आहे त्याबद्दल प्रशाला पर्यवेक्षकांनी त्या त्या भागाच्या सुरवातीला सांगावे. नंतर तो पुढील प्रकारे चालवला जावा:

नेमणूक क्र. १: १५ मिनिटे. वडील किंवा सेवा सेवकांकरवी ही हाताळली जावी आणि ती टेहळणी बुरूज, किंवा सावध राहा! किंवा कौटुंबिक सौख्यानंदाचे रहस्य यावर आधारलेली असेल. हा भाग प्रश्‍नोत्तर पद्धतीने नाही, तर १५ मिनिटांच्या बोधप्रद भाषणाच्या रूपात सादर केला जावा; केवळ साहित्य उरकणे हा या मागील हेतू नसावा तर चर्चिल्या जात असलेल्या माहितीच्या व्यावहारिक मूल्यावर लक्ष केंद्रित करून मंडळीस अत्यंत सहायक ठरणारे मुद्दे ठळकपणे मांडणे हा असावा. आराखड्यात दिलेले शीर्षक उपयोगात आणावे.

या भाषणाची नेमणूक मिळालेल्या बांधवांनी आपले भाषण मर्यादित वेळेमध्ये संपवण्याची दक्षता घ्यावी. आवश्‍यक असल्यास किंवा वक्‍त्‌याने विनंती केल्यास खासगी सूचना दिल्या जाऊ शकतील.

बायबल वाचनातील ठळक मुद्दे: ६ मिनिटे. हा भाग वडिलांनी किंवा सेवा सेवकाने हाताळावा, ते स्थानिक गरजांप्रमाणे साहित्याचा प्रभावीपणे अवलंब करतील. यासाठी ठराविक विषयाची गरज नाही. हा भाग म्हणजे, नेमून दिलेल्या वाचनाचा केवळ एक सारांश नसावा. नेमून दिलेल्या अध्यायांचे ३० ते ६० सेकंदांपर्यंत संपूर्ण पुनरावलोकन यात समाविष्ट करता येईल. तथापि, या भागाचा प्रमुख हेतू, ही माहिती आपल्याकरता का व कशाप्रकारे महत्त्वाची आहे, हे जाणण्यास श्रोत्यांना साहाय्य करणे हा आहे. यानंतर प्रशाला पर्यवेक्षक विद्यार्थ्यांना आपापल्या वर्गात पाठवतील.

नेमणूक क्रमांक २: ५ मिनिटे. या नेमणुकीत एखाद्या बांधवाला बायबलच्या भागाचे वाचन नेमून दिले जाते. हे प्रशालेच्या मुख्य वर्गास तसेच उपवर्गांस लागू होईल. वाचनाच्या नेमणुका बहुधा, विद्यार्थ्याला सुरवातीच्या व समारोपाच्या विवेचनांमध्ये संक्षिप्त स्पष्टीकरणात्मक माहिती सादर करण्याएवढ्या पुरेशा असतात. यात ऐतिहासिक पार्श्‍वभूमी, भविष्यवादित किंवा सिद्धान्तीय अर्थसूचकता आणि तत्त्वांचा अवलंब यांचा समावेश करता येईल. नेमून दिलेली सर्व वचने मध्यंतरी न थांबता सलग वाचली जावीत. अर्थात, वाचावयाची वचने क्रमाने नसतील तेथे वाचन पुन्हा कोठून सुरू होते त्याबद्दल विद्यार्थी सांगू शकतो.

नेमणूक क्रमांक ३: ५ मिनिटे. ही नेमणूक भगिनीला नेमून देण्यात येईल. या प्रस्तुतीचा विषय विसाव्या शतकातील यहोवाचे साक्षीदार [br78], जीवनाचा काय उद्देश आहे? [pr], देव आपल्याकडून काय अपेक्षितो? [rq] यहोवाचे साक्षीदार जगभरात देवाची इच्छा ऐक्याने आचरीत आहेत [je] यांतून घेतला जाईल. दृश्‍य रचना अनौपचारिक साक्ष, पुनर्भेट, गृह बायबल अभ्यास यांवर आधारित असू शकते, व यामध्ये भाग घेणारे बसू शकतात किंवा उभे राहू शकतात. विद्यार्थीनी, नेमलेला विषय कशाप्रकारे घरमालकाला समजावते तसेच कशाप्रकारे शास्त्रवचनांतून तर्क करते यावर प्रशाला पर्यवेक्षक अधिक लक्ष देतील. नेमणूक मिळालेल्या विद्यार्थीनीला वाचता येणे आवश्‍यक आहे. प्रशाला पर्यवेक्षक एक मदतनीस नेमून देतील, पण आणखी एक मदतनीस देखील घेता येऊ शकतो. दृश्‍य रचनेला नव्हे तर बायबलचा प्रभावीपणे उपयोग करण्याला प्राधान्य दिले जावे.

नेमणूक क्रमांक ४: ५ मिनिटे. या नेमणुकीचा विषय सर्वकाळातील सर्वश्रेष्ठ मनुष्य या पुस्तकाच्या आधारावर असेल. नेमणूक क्र. ४ एखाद्या बांधवाला किंवा भगिनीला दिली जाऊ शकते. हा भाग बांधवाला नेमून दिल्यास त्यांनी तो भाषणाच्या पद्धतीनेच सादर करावा. भगिनीला नेमून दिल्यास तिने ते, नेमणूक क्रमांक ३ च्या पद्धतीने सादर करावे.

बायबल वाचन आराखडा: मंडळीतील सर्वांना साप्ताहिक बायबल वाचन आराखड्याचे अनुसरण करण्याचे उत्तेजन दिले जाते. दर दिवशी एक पान वाचल्यास तुम्ही साप्ताहिक बायबल वाचनासाठी नेमलेले अध्याय आठवड्याभरात वाचू शकता.

सूचना: सल्ला, वेळ, लेखी उजळणी आणि नेमणुकांची तयारी, यांविषयी अतिरिक्‍त माहिती व मार्गदर्शनाकरता कृपया ऑक्टोबर १९९६ ची आमची राज्य सेवा पृष्ठ ३ पाहा.

आराखडा

जाने. १ बायबल वाचन: २ राजे १३-१६

गीत क्र. ३ (३२)

क्र. १: क्षमा केल्यामुळे बचावाची संधी मिळते (w९९ १/१ पृ. ३०-१)

क्र. २: २ राजे १४:१-१४

क्र. ३: यहोवाचे साक्षीदार—कोण आहेत? (br78 पृ. ३-५)

क्र. ४: स्वर्गाकडून संदेश (gt अध्याय १)

जाने. ८ बायबल वाचन: २ राजे १७-२०

गीत क्र. २३ (२००)

क्र. १: स्वीकारावयास सोपा असलेला सल्ला (w९९ १/१५ पृ. २१-४)

क्र. २: २ राजे १८:१-१६