ईश्वरशासित वृत्त
◼ आर्मीनिया: डिसेंबरच्या अहवालात ४,७४१ प्रचारकांची नोंद होती आणि प्रत्येकाने सरासरी १६ तास सेवेत खर्च केले होते. प्रचारकांचा हा नवीन उच्चांक गेल्या वर्षाच्या सरासरीपेक्षा १७ टक्के अधिक आहे.
◼ चिली: पायनियरांच्या तासांच्या मागणीत फेरबदल झाल्यामुळे येथल्या पायनियरांमध्ये मोठा उत्साह दिसून आला; कारण जानेवारी महिन्यात येथे ४,३५१ नियमित पायनियरांनी अहवाल दिला असून हा एक अभूतपूर्व उच्चांक होता; तर, ५,१७५ सहायक पायनियर यंदाच्या सेवा वर्षातील सगळ्यात मोठी संख्या होती.
◼ युक्रेन: जानेवारीमध्ये अहवाल देणाऱ्या १,००,१२९ प्रचारकांपैकी १२ टक्के, कोणत्या ना कोणत्या प्रकारच्या पूर्ण-वेळ सेवेत सामील होते. युक्रेनने ५,५१६ नियमित पायनियरांची संख्या गाठली असून हा सलग २७ वा उच्चांक आहे; या शिवाय, ६,४६८ प्रचारकांनी सहायक पायनियर म्हणून कार्य केले.