पूर्वयोजना करा!
१ आपल्या आध्यात्मिक गरजा तृप्त करण्यासाठी यहोवाची संघटना, ईश्वरशासित कार्यहालचालींचा एक नियमित कार्यक्रमच आखत असते. आणि त्याच्याप्रती असलेली आपली कृतज्ञता, आयोजित केलेल्या सर्व कार्यहालचालींचा अर्थात प्रवासी पर्यवेक्षकांच्या भेटी, संमेलने आणि अधिवेशने तसेच मंडळीतर्फे आयोजित केलेल्या इतर खास कार्यहालचालींचा पुरेपूर लाभ घेण्याची प्रेरणा आपल्याला देते. (मत्त. ५:३) पण, काहीजणांना इतर कामांमुळे या आध्यात्मिक तरतुदी चुकवाव्या लागतात. यावर उपाय काय? गैरईश्वरशासित कामांमुळे “श्रेष्ठ” गोष्टींकडे दुर्लक्ष होणार नाही याची खात्री आपण कशी करू शकतो?—फिलिप्पै. १:१०.
२ विचारपूर्वक योजना आवश्यक: नीतिसूत्रे २१:५ आपल्याला असा सल्ला देते की, “उद्योग्याचे विचार [योजना] समृद्धि करणारे असतात. जो कोणी उतावळी करितो तो दारिद्र्याकडे धाव घेतो.” आध्यात्मिक ‘समृद्धिकरिता,’ आयोजित केलेल्या सर्व ईश्वरशासित कार्यहालचाली लक्षात ठेवून प्रयत्नपूर्वक पूर्वयोजना करणे जरूरीचे आहे. आपण आपल्या वैयक्तिक कार्यहालचाली अशा वेळेसाठी आयोजित कराव्यात जेव्हा आध्यात्मिक आशीर्वादांचा लाभ घेण्यासाठी उपस्थित राहण्यास काहीही आड येणार नाही. येणाऱ्या दिवसांसाठी आयोजित केलेल्या ईश्वरशासित कार्यहालचाली लक्षात न घेता आपल्या वैयक्तिक कार्यहालचालींसंबंधी उतावळीने योजना केल्यास आध्यात्मिकरित्या ‘दरिद्री’ होण्याचीच शक्यता आहे.
३ मुळीच चुकवू नका! आपण सगळेच जण भवितव्यासाठी तसेच सुट्ट्यांसाठी, व्यापारी दौऱ्यांसाठी, नातेवाईकांना भेटायला जाण्यासाठी आणि अशा इतर अनेकानेक गोष्टींसाठी योजना आखत असतो. पण, एखाद्याला शब्द देण्यापूर्वी किंवा आपल्या योजनांना निश्चित स्वरूप देण्यापूर्वी येणाऱ्या दिवसांतील ईश्वरशासित कार्यहालचालींचा आराखडा पाहा. तुम्ही बाहेर कोठे जाणार असणार आणि नेमक्या त्याच दरम्यान विभागीय पर्यवेक्षक येणार असतील किंवा एखादे संमेलन असेल तर या आध्यात्मिक कार्यक्रमांत तुम्हाला सहभाग घेता यावा म्हणून तुमच्या वैयक्तिक कार्यहालचालींमध्ये फेरबदल करण्याचा प्रामाणिक प्रयत्न करा. सहसा आपल्या मोठमोठ्या कार्यक्रमांविषयी आपल्याला पुरेशा वेळेआधीच कळवले जाते. शिवाय, मंडळीतर्फे आयोजित केलेल्या कार्यहालचालींची माहिती वडिलांकडून प्राप्त केली जाऊ शकते.
४ अशाप्रकारे, पुढचा विचार केल्याने तसेच अधिक महत्त्वपूर्ण गोष्टींसाठी पूर्वयोजना केल्याने ‘देवाचे गौरव व स्तुति व्हावी म्हणून नीतिमत्त्वाच्या फळाने आपण भरून जाऊ.’—फिलिप्पै. १:११.