वैऱ्‍यांना भिऊ नको!

१. प्रिय माझ्या सेवकांनो,

नम्र लोकांना शोधा,

राज्याची वार्ता सांगा,

सैतानाला न भिता!

राजा येशूने वैऱ्‍याला

पृथ्वीवरी फेकिले,

करुनी बंदी दुष्टाला

पर्व आणील मुक्‍तीचे!

२. कितीही असोत वैरी

काहीही करो युक्‍ती,

धमकावुनी कधी तर,

कधी खोटे हासुनी.

शूर माझा तू शिपाई

झेलुनी घेशी छळा!

अंती होशील विजयी

पाठीराखा मी तुझा!

३. नाही पोरका कधी तू,

मी वाली आहे तुझा,

सोडवीन मृत्यूच्या

विळख्यातूनही तुला!

का भ्यावे घेती जे केवळ

प्राण हिरुनी तुझा?

आणीन तुला परतुनी

मी अनंत जीवना!