अनुवाद
३४ मग मोशे मवाबच्या मैदानांतून यरीहोसमोर,+ पिसगाच्या माथ्यावर+ असलेल्या नबो पर्वतावर गेला.+ तिथून यहोवाने त्याला सगळा देश दाखवला; म्हणजेच गिलादपासून दानपर्यंतचा प्रदेश,+ २ नफतालीचा सगळा प्रदेश, एफ्राईम आणि मनश्शेचा सगळा प्रदेश, पश्चिमेकडच्या समुद्रापर्यंत* पसरलेला यहूदाचा सगळा प्रदेश,+ ३ आणि नेगेब,+ तसंच, यरीहोचं खोरं आणि खजुरांच्या झाडांचं शहर असलेला, सोअरपर्यंत+ पसरलेला यार्देनचा सगळा प्रदेशही+ त्याला दाखवला.
४ मग यहोवा मोशेला म्हणाला: “‘हा देश मी तुमच्या संततीला* देईन,’+ असं ज्या देशाबद्दल मी अब्राहाम, इसहाक आणि याकोब यांना वचन दिलं होतं, तोच हा देश आहे. मी तुला तो देश पाहू दिला आहे, पण तू त्यात जाऊ शकणार नाहीस.”+
५ यानंतर यहोवाने सांगितल्याप्रमाणे, यहोवाचा सेवक मोशे याचा तिथे, म्हणजे मवाब देशात मृत्यू झाला.+ ६ त्याने त्याला मवाबमधल्या बेथ-पौरसमोरच्या खोऱ्यात पुरलं. त्याची कबर कुठे आहे हे आजपर्यंत कोणालाच माहीत नाही.+ ७ मोशेचा मृत्यू झाला तेव्हा तो १२० वर्षांचा होता.+ पण तरीही त्याची दृष्टी कमजोर झाली नव्हती किंवा तो थकला नव्हता.* ८ इस्राएली लोक मोशेसाठी मवाबच्या मैदानांत ३० दिवस रडत राहिले.+ मग त्याच्यासाठी रडण्याचा आणि शोक करण्याचा काळ संपला.
९ नूनचा मुलगा यहोशवा बुद्धीने* परिपूर्ण होता, कारण मोशेने त्याच्यावर आपला हात ठेवला होता.+ इस्राएली लोक त्याचं ऐकू लागले आणि यहोवाने मोशेला आज्ञा दिल्याप्रमाणेच त्यांनी केलं.+ १० पण यहोवा ज्याच्याशी समोरासमोर बोलायचा,+ असा मोशेसारखा कोणीही संदेष्टा पुन्हा कधी इस्राएलमध्ये झाला नाही.+ ११ यहोवाने फारोविरुद्ध, त्याच्या सर्व सेवकांविरुद्ध आणि त्याच्या देशाविरुद्ध जी चिन्हं आणि चमत्कार करण्यासाठी मोशेला इजिप्त देशात पाठवलं होतं, ते सर्व त्याने केलं.+ १२ तसंच, त्याने सर्व इस्राएली लोकांदेखत आपल्या शक्तिशाली हाताने बरीच अद्भुत कार्यंही केली.+