अनुवाद

“यहोवा सीनाय इथून आला,+

सेईरवरून त्याचा प्रकाश त्याच्या लोकांवर चमकला,

पारानच्या डोंगरांतून त्याचं तेज प्रकट झालं,+

त्याच्यासोबत त्याचे लाखो पवित्र स्वर्गदूत होते,+

त्याचे योद्धे त्याच्या उजव्या हाताला होते.+

 ३ आपल्या लोकांबद्दल त्याला जिव्हाळा होता;+

ते सर्व पवित्र जन तुझ्या हातात आहेत.+

ते तुझ्या पायांशी बसून,+

तुझे शब्द ऐकू लागले.+

 ४ (मोशेने आम्हाला एक आज्ञा, एक नियम दिला,+

हा याकोबच्या मंडळीचा वारसा आहे.)+

 ५ लोकांचे सर्व प्रमुख+

आणि इस्राएलचे सर्व वंश एकत्र आले,+

तेव्हा देव यशुरूनमध्ये*+ राजा बनला.

 ६ रऊबेनला आयुष्य लाभो आणि त्याला मृत्यू न येवो,+

त्याची माणसं कमी न होवोत.”+

“हे यहोवा, यहूदाची प्रार्थना ऐक,+

त्याला त्याच्या लोकांमध्ये पुन्हा घेऊन ये.

त्याने आपल्या हातांनी आपल्या वारशाचं रक्षण केलंय,*

त्याच्या शत्रूंविरुद्ध लढण्यासाठी तू त्याला मदत कर.”+

“तुझं* थुम्मीम आणि तुझं उरीम,*+ तुझ्या एकनिष्ठ माणसाजवळ राहो,+

तू मस्सा इथे त्याची परीक्षा घेतलीस.+

तू त्याच्याशी मरीबा इथे वाद घातलास,+

 ९ तो माणूस आपल्या आईवडिलांबद्दल म्हणाला, ‘मी त्यांची पर्वा केली नाही.’

त्याने तर आपल्या भावांनाही नाकारलं,+

आणि स्वतःच्या मुलांकडे दुर्लक्ष केलं.

कारण तो तुझ्या आज्ञांप्रमाणे चालला

आणि त्याने तुझा करार पाळला.+

१० ते याकोबला तुझे न्याय-निर्णय,+

आणि इस्राएलला तुझं नियमशास्त्र शिकवतील.+

ते तुझ्या वेदीवर होमार्पण* देतील+

आणि तुझ्यासाठी* सुवास म्हणून धूप जाळतील.+

११ हे यहोवा त्याच्या कष्टांवर आशीर्वाद दे,

त्याच्या हातांचं काम स्वीकार.

त्याच्याविरुद्ध उठणाऱ्‍यांचे पाय मोडून टाक,

म्हणजे त्याचा द्वेष करणारे पुन्हा डोकं वर काढणार नाहीत.”

“यहोवाचा प्रिय त्याच्याजवळ सुरक्षित राहो;

आणि तो पूर्ण दिवस त्याला आसरा देवो,

तो त्याच्या पाठीवर* निवास करेल.”

त्याला आकाशातल्या चांगल्या गोष्टी,

दव आणि जमिनीखालचे झरे,+

१४ सूर्यामुळे उगवणाऱ्‍या चांगल्या गोष्टी,

आणि दर महिन्याला येणारं शेताचं चांगलं उत्पन्‍न मिळो;+

१५ त्याला प्राचीन डोंगरांतल्या* चांगल्यातल्या चांगल्या गोष्टी,+

आणि कायम टिकणाऱ्‍या टेकड्यांवरच्या चांगल्या गोष्टी मिळोत,

१६ पृथ्वी आणि तिच्यावरच्या सर्व चांगल्या गोष्टी+ त्याला मिळोत.

१७ त्याचं वैभव पहिल्या जन्मलेल्या बैलासारखं आहे,

त्याची शिंगं रानातल्या बैलाच्या शिंगांसारखी आहेत.

तो आपल्या शिंगांनी राष्ट्रांना ढकलेल,*

अगदी पृथ्वीच्या टोकांपर्यंत तो त्यांना ढकलेल.

ही शिंगं म्हणजे एफ्राईमचे लाखो,+

आणि मनश्‍शेचे हजारो आहेत.”

“हे जबुलून तुझ्या कारभारांत* आनंद कर,

इस्साखार तू आपल्या तंबूंमध्ये आनंद कर.+

ते समुद्रातली संपत्ती,

आणि वाळूतला गुप्त खजिना काढून घेतील.”*

तो तिथे सिंहासारखा बसतो,

तो आपल्या शिकारीचा हात आणि डोकं फाडायला तयार असतो.

२१ तो स्वतःसाठी जमिनीचा सर्वोत्तम हिस्सा निवडून घेईल,+

कारण कायदा देणाऱ्‍याने तो त्याच्यासाठी राखून ठेवला आहे.+

तो इस्राएलमध्ये यहोवाच्या नीतीप्रमाणे,

त्याच्या न्याय-निर्णयांप्रमाणे कार्य करेल.”

“नफताली यहोवाच्या कृपेने

आणि त्याच्या भरपूर आशीर्वादाने संतुष्ट आहे.

त्याचे भाऊ त्याच्यावर कृपा करोत,

तो आपले पाय तेलात बुडवो.

२५ तुझ्या फाटकांची कुलपं लोखंडाची आणि तांब्याची आहेत,+

तू आयुष्यभर सुरक्षित राहशील.”*

तुझ्या साहाय्यासाठी तो आकाशावर स्वारी करतो,

तो आपल्या वैभवात ढगांवर आरूढ होतो.+

२७ प्राचीन काळापासून देव तुझा आश्रय आहे,+

त्याचे सर्वकाळाचे बाहू* तुला आधार देतात.+

तो तुझ्यापुढून शत्रूंना हाकलून लावेल,+

आणि तो म्हणेल, ‘त्यांचा सर्वनाश कर!’+

२८ इस्राएल सुरक्षित राहील,

धान्य आणि नवीन द्राक्षारसाच्या देशात,+

आकाशातून दव झिरपणाऱ्‍या देशात,+

याकोबचा झरा सुखरूप राहील.

तुला यहोवाकडून तारण लाभलंय;+

तोच तुझी ढाल,+

आणि तुझी गौरवशाली तलवार आहे.

तुझे शत्रू तुझ्यासमोर थरथर कापतील,+

आणि तू त्यांची पाठ* तुडवशील.”