अनुवाद
२३ ज्याचे अंड ठेचण्यात आले आहेत किंवा ज्याचं लिंग कापून टाकण्यात आलं आहे, अशा कोणत्याही माणसाने यहोवाच्या मंडळीत येऊ नये.+
२ विवाहबंधनापासून जन्म न झालेल्या मुलाने यहोवाच्या मंडळीत येऊ नये.+ दहाव्या पिढीपर्यंतही त्याच्या वंशजांनी यहोवाच्या मंडळीत येऊ नये.
३ अम्मोनी किंवा मवाबी यांच्यापैकी कोणीही यहोवाच्या मंडळीत येऊ नये.+ दहाव्या पिढीपर्यंतही त्यांच्या वंशजांनी कधीही यहोवाच्या मंडळीत येऊ नये. ४ कारण तुम्ही इजिप्तमधून बाहेर निघालात, तेव्हा त्यांनी मार्गात तुम्हाला अन्नपाणी देऊन मदत केली नाही;+ तसंच, तुम्हाला शाप देण्यासाठी त्यांनी मेसोपटेम्या इथल्या पथोरच्या बौरचा मुलगा बलाम याला पैसे देऊन बोलावून घेतलं.+ ५ पण तुमचा देव यहोवा याने बलामचं ऐकलं नाही.+ उलट, यहोवाने तो शाप आशीर्वादात बदलला.+ कारण, तुमचा देव यहोवा याचं तुमच्यावर प्रेम होतं.+ ६ तुम्ही आपल्या आयुष्यात कधीही त्यांच्या भल्यासाठी किंवा समृद्धीसाठी प्रयत्न करू नका.+
७ तुम्ही अदोमी लोकांचा द्वेष करू नका, कारण ते तुमचे भाऊ आहेत.+
तुम्ही इजिप्तच्या लोकांचा द्वेष करू नका, कारण तुम्हीही त्यांच्या देशात विदेशी म्हणून राहिलात.+ ८ त्यांच्या तिसऱ्या पिढीतली मुलं यहोवाच्या मंडळीत येऊ शकतात.
९ शत्रूंशी लढायला गेल्यावर जेव्हा तुम्ही तळ द्याल, तेव्हा सर्व अशुद्ध गोष्टींपासून दूर राहा.+ १० रात्री वीर्यपात झाल्यामुळे एखादा पुरुष अशुद्ध झाला,+ तर त्याने छावणीबाहेर जावं आणि पुन्हा आत येऊ नये. ११ त्याने संध्याकाळी अंघोळ करावी आणि मग सूर्यास्तानंतर तो छावणीत परत येऊ शकतो.+ १२ शौचाला जाण्यासाठी छावणीच्या बाहेर ठरावीक जागा असावी आणि तुम्ही शौचासाठी तिथेच जावं. १३ तुमच्या हत्यारांत एक कुदळ असावी. शौचाला बसण्याआधी त्या कुदळीने एक खड्डा खणा आणि मग आपलं मलमूत्र झाकून टाका. १४ तुमचा देव यहोवा तुम्हाला सोडवण्यासाठी आणि तुमच्या शत्रूंना तुमच्या हाती देण्यासाठी तुमच्या छावणीतून चालतो.+ म्हणून, तुमची छावणी पवित्र असली पाहिजे,+ नाहीतर त्याला तुमच्यामध्ये एखादी अशुद्ध गोष्ट दिसेल आणि तो तुमच्यासोबत यायचं सोडून देईल.
१५ एखादा दास आपल्या मालकाकडून पळून तुमच्याकडे आला, तर तुम्ही त्याला पुन्हा त्याच्या मालकाच्या हाती देऊ नका. १६ तो तुमच्या शहरांपैकी कोणत्याही शहरात, त्याला आवडेल त्या ठिकाणी राहू शकतो. तुम्ही त्याला वाईट वागणूक देऊ नका.+
१७ इस्राएलच्या मुलींपैकी कोणीही वेश्या* बनू नये,+ तसंच इस्राएलच्या मुलांपैकीही कोणी पुरुष-वेश्या बनू नये.+ १८ वेश्येला किंवा पुरुष-वेश्येला* दिलेली रक्कम,* नवस फेडण्यासाठी तुमचा देव यहोवा याच्या घरात आणू नका. कारण तुमचा देव यहोवा याला या दोघांचीही घृणा वाटते.
१९ तुम्ही तुमच्या भावाकडून व्याज घेऊ नका.+ मग ते पैशावर असो, अन्नावर असो किंवा व्याज घेतलं जाऊ शकतं अशा कोणत्याही गोष्टीवर असो. २० तुम्ही विदेश्याकडून व्याज घेऊ शकता,+ पण आपल्या भावाकडून व्याज घेऊ नका;+ म्हणजे तुम्ही ज्या देशाचा ताबा घेणार आहात, त्यात तुमचा देव यहोवा तुमच्या प्रत्येक कामात तुम्हाला आशीर्वाद देईल.+
२१ तुम्ही यहोवाला काही नवस केला,+ तर तो फेडायला उशीर लावू नका.+ कारण तुमचा देव यहोवा तुम्हाला न चुकता तो फेडायला लावेल; तुम्ही तो फेडला नाही, तर तुमच्यासाठी ते पाप ठरेल.+ २२ पण तुम्ही नवस केलाच नाही, तर ते पाप ठरणार नाही.+ २३ दिलेला शब्द तुम्ही पाळला पाहिजे+ आणि जर तुम्ही तुमचा देव यहोवा याला स्वेच्छेने काही अर्पण करण्याचा नवस केला, तर तो तुम्ही फेडला पाहिजे.+
२४ तुम्ही आपल्या शेजाऱ्याच्या द्राक्षमळ्यात गेला, तर पोटभर द्राक्षं खाऊ शकता, पण टोपलीत काही घेऊ नका.+
२५ तुम्ही आपल्या शेजाऱ्याच्या शेतात गेला, तर त्याच्या शेतातल्या उभ्या पिकांतली तयार कणसं हाताने तोडू शकता, पण आपल्या शेजाऱ्याच्या पिकाला विळा लावू नका.+