स्तोत्र
आसाफचं गीत.+
७९ हे देवा, राष्ट्रांनी तुझ्या मालमत्तेवर* हल्ला केलाय;+
त्यांनी तुझ्या पवित्र मंदिराला दूषित केलंय;+
यरुशलेमला त्यांनी दगडमातीचा ढिगारा करून टाकलंय.+
२ तुझ्या सेवकांचे मृतदेह त्यांनी आकाशातल्या पक्ष्यांना, अन्न म्हणून दिले आहेत
आणि तुझ्या एकनिष्ठ सेवकांचं मांस, त्यांनी पृथ्वीच्या जंगली पशूंना दिलंय.+
३ त्यांचं रक्त त्यांनी यरुशलेमभोवती पाण्यासारखं ओतलंय;
त्यांना पुरायला कोणीही राहिलं नाही.+
४ आमच्या शेजारची राष्ट्रं आमची निंदा करतात;+
आमच्या आसपासचे लोक आमची थट्टा करतात आणि आम्हाला टोमणे मारतात.
५ हे यहोवा, तू कुठवर रागावलेला राहशील? कायमचा?+
तुझा क्रोध कुठवर आगीसारखा जळत राहील?+
६ तुला न ओळखणाऱ्या राष्ट्रांवर
आणि तुझ्या नावाचा आदर न करणाऱ्या राज्यांवर तुझ्या क्रोधाचा वर्षाव कर.+
७ कारण त्यांनी याकोबला गिळून टाकलंय,
त्याचा देश त्यांनी उद्ध्वस्त केलाय.+
८ आमच्या पूर्वजांच्या अपराधांसाठी आम्हाला जबाबदार धरू नकोस.+
लवकरात लवकर आमच्यावर दया कर+
कारण आम्ही अगदी असाहाय्य आहोत.
९ तारण करणाऱ्या आमच्या देवा,
तुझ्या वैभवी नावामुळे आम्हाला साहाय्य कर+
आणि तुझ्या नावामुळे आमची सुटका करून आमच्या पापांची क्षमा कर.*+
१० “कुठे आहे यांचा देव?”+ असं राष्ट्रांनी का म्हणावं?
आमच्यादेखत या राष्ट्रांना दाखवून दे,
की तुझ्या सेवकांच्या रक्ताचा बदला घेण्यात आलाय.+
११ कैद्यांचं कण्हणं तुला ऐकू येवो.+
ज्यांना मृत्युदंड सुनावण्यात आलाय,* त्यांना तू आपल्या महान सामर्थ्याने* वाचव.*+