स्तोत्र
कोरहच्या मुलांचं गीत.+ मस्कील.* संचालकासाठी सूचना; “भुईकमळं” याच्या चालीवर गायलं जावं. एक प्रेमगीत.
४५ एका चांगल्या बातमीमुळे माझं मन आनंदी आहे.
मी म्हणतो: “माझं गीत* एका राजाबद्दल आहे.”+
माझी जीभ कुशल लेखकाच्या*+ लेखणीसारखी+ व्हावी.
२ तू मानवांमध्ये सर्वात देखणा आहेस.
तुझ्या ओठांतून मधुर शब्द वाहतात.+
म्हणून देवाने तुला सर्वकाळासाठी आशीर्वाद दिले आहेत.+
४ तुझ्या वैभवाने विजयाकडे* वाटचाल कर.+
सत्य, नम्रता आणि नीती स्थापन करण्यासाठी स्वारी कर.+
तुझा उजवा हात विस्मयकारक गोष्टी करेल.*
५ तुझे बाण तीक्ष्ण आहेत, त्यांमुळे राष्ट्रं तुझ्यासमोर पडतात;+
ते राजाच्या शत्रूंच्या हृदयांत शिरतात.+
७ तू नीतीवर प्रेम केलंस+ आणि वाइटाचा द्वेष केलास.+
म्हणून देवाने, तुझ्या देवाने, तुझा तेलाने अभिषेक केला+ आणि तुझ्या इतर सोबत्यांपेक्षा तुला जास्त आनंदी केलं.+
८ तुझी सगळी वस्त्रं गंधरस, अगरू* आणि तज* यांनी सुगंधित आहेत.
हस्तिदंतांच्या आलिशान महालातून येणाऱ्या तंतुवाद्यांच्या सुरांनी तुला प्रसन्न वाटतं.
९ तुझ्या दरबारातल्या प्रतिष्ठित स्त्रियांमध्ये राजकन्या आहेत.
ओफीरच्या* सोन्याने+ सजलेली राणी तुझ्या उजव्या हाताला उभी आहे.
१० हे मुली, लक्ष दे आणि कान देऊन ऐक;
आपल्या लोकांना विसर; आपल्या वडिलांचं घर विसर.
११ राजा तुझ्या सौंदर्यावर मोहित होईल.
तो तुझा प्रभू आहे,
म्हणून तू त्याला वाकून नमस्कार कर.
१२ सोरची मुलगी तुझ्यासाठी नजराणा* आणेल.
सर्वात श्रीमंत लोक तुझी कृपा मिळवण्याचा प्रयत्न करतील.
१४ तिला भरजरी वस्त्रं* घालून राजासमोर आणलं जाईल.
तिच्या मागोमाग येणाऱ्या कुमारींनासुद्धा तुझ्यासमोर आणलं जाईल.
१५ त्यांना आनंदाने मिरवत आणि जल्लोष करत आणलं जाईल;
त्या राजाच्या महालात प्रवेश करतील.
१६ तुझी मुलं तुझ्या वाडवडिलांची जागा घेतील.
तू त्यांना संपूर्ण पृथ्वीवर प्रधान म्हणून नेमशील.+
१७ येणाऱ्या सर्व पिढ्यांना मी तुझ्या नावाची ओळख करून देईन.+
त्यामुळे लोक सदासर्वकाळ तुझी स्तुती करतील.