स्तोत्र
चढणीचं गीत.
१३२ हे यहोवा, दावीदला आठव.
त्याने सोसलेलं दुःख आठव.+
२ त्याने शपथ घेऊन यहोवाला वचन दिलं होतं;
त्याने याकोबच्या शक्तिशाली देवाला वचन दिलं होतं:+
३ “मी आपल्या घरी, आपल्या तंबूमध्ये जाणार नाही,+
मी आपल्या पलंगावर, आपल्या बिछान्यावर झोपणार नाही;
४ मी आपल्या डोळ्यांना झोप घेऊ देणार नाही,
मी आपल्या पापण्यांवर सुस्ती येऊ देणार नाही;
५ जोपर्यंत मी यहोवासाठी एक ठिकाण शोधत नाही,
याकोबच्या शक्तिशाली देवासाठी एक सुंदर निवासस्थान* शोधत नाही,
तोपर्यंत मी असंच करीन.”+
८ हे यहोवा, ऊठ आणि तुझ्या विसाव्याच्या ठिकाणी ये.+
तुझ्या सामर्थ्याचं प्रतीक असलेल्या तुझ्या कराराच्या पेटीसोबत ये.+
९ तुझ्या याजकांनी नीतिमत्त्वाची वस्त्रं घालावीत;
तुझ्या एकनिष्ठ सेवकांनी आनंदाने जयजयकार करावा.
१० तुझा सेवक दावीद याला दिलेल्या वचनामुळे,
तू आपल्या अभिषिक्ताला नाकारू नकोस.+
११ यहोवा आपला शब्द मोडणार नाही;
त्याने शपथ घेऊन दावीदला वचन दिलं होतं;
“तुझ्या संततीपैकी* एकाला,
मी तुझ्या राजासनावर बसवीन.+
१२ जर तुझ्या मुलांनी माझा करार पाळला
आणि मी शिकवलेल्या स्मरण-सूचना* पाळल्या,+
तर त्यांची मुलंही
तुझ्या राजासनावर सर्वकाळ बसतील.”+
१४ तो म्हणाला, “हे माझं सर्वकाळाचं विसाव्याचं ठिकाण आहे;
मी इथे राहीन,+ कारण माझी अशी इच्छा आहे.
१५ मी तिला भरपूर अन्नधान्य देऊन आशीर्वादित करीन;
तिच्या गरिबांना मी अन्नाने तृप्त करीन.+
१७ तिथे मी दावीदचं सामर्थ्य* वाढवीन.
माझ्या अभिषिक्तासाठी मी एक दिवा तयार केलाय.+
१८ मी त्याच्या शत्रूंना लज्जेने झाकून टाकीन,
पण त्याच्या डोक्यावर त्याचा मुकुट चमकेल.”+