ईयोब

 २ “बुद्धिमान माणसांनो, माझ्या बोलण्याकडे लक्ष द्या;

पुष्कळ ज्ञान असलेल्यांनो, माझं ऐका.

 ३ जशी जिभेला* चव कळते,

तसेच कान शब्दांची पारख करतात.

 ४ योग्य काय आहे, हे आपण तपासून पाहू;

चांगलं काय आहे, ते आपसात ठरवू.

 ५ कारण ईयोब म्हणाला, ‘माझंच बरोबर आहे,+

पण देवाने मला न्याय दिला नाही.+

 ७ अपमानाचे घोट पाण्याप्रमाणे पिणारा,

ईयोबसारखा दुसरा कोणी आहे का?

 ८ तो वाईट कामं करणाऱ्‍यांच्या सोबत राहतो

आणि दुष्टांशी मैत्री करतो.+

 ९ तो म्हणतो, ‘देवाच्या इच्छेप्रमाणे वागल्याने

माणसाला काहीच फायदा होत नाही.’+

देव कधीच दुष्टपणे वागू शकत नाही,+

आणि सर्वशक्‍तिमान देव चूक करेल, हे शक्य नाही.+

११ कारण माणसाच्या कार्यांप्रमाणे देव त्याला प्रतिफळ देईल;+

आणि त्याच्या वागणुकीचे परिणाम त्याला भोगायला लावेल.

१२ देव दुष्टपणे वागत नाही;+

आणि सर्वशक्‍तिमान देव कधीच अन्याय करत नाही, हे निश्‍चित!+

१४ जर त्याने मानवांवर आपली नजर* रोखली,

आणि त्यांची जीवन-शक्‍ती व श्‍वास आपल्याकडे परत घेतला,+

१५ तर सर्व मानवांचा एकाच वेळी नाश होईल

आणि संपूर्ण मानवजात मातीला मिळेल.+

१६ म्हणून, तुमच्याजवळ समजशक्‍ती असेल, तर लक्ष द्या;

मी काय म्हणतोय, ते नीट ऐका.

१९ देव अधिकाऱ्‍यांचा पक्ष घेत नाही

आणि गरिबांपेक्षा श्रीमंतांवर* जास्त कृपा करत नाही,+

कारण त्या सर्वांनाच त्याने आपल्या हातांनी घडवलंय.+

२० मध्यरात्री अचानक त्यांचा मृत्यू होतो;+

त्यांचा थरकाप उडतो आणि ते नाहीसे होतात;

ताकदवान लोकही, मानवाचा हात न लागता नष्ट होतात.+

२१ कारण मानवाच्या मार्गांवर देवाची नजर असते,+

त्याच्या प्रत्येक पावलाकडे त्याचं लक्ष असतं.

२२ दुष्ट लोक जिथे लपू शकतील,

असा कोणताच अंधार किंवा दाट काळोख नाही.+

२३ कारण कोणत्याही मानवासाठी, आपल्या न्यायासनासमोर येण्याची

निश्‍चित वेळ देवाने ठरवलेली नाही.

२४ तो ताकदवान लोकांना त्यांच्या पदावरून खाली पाडून

त्यांच्या जागी इतरांना नेमतो;+ त्याला तपास करावा लागत नाही.

२५ कारण ते काय करत आहेत, हे त्याला चांगलं माहीत असतं;+

तो एका रात्रीत त्यांना उलथून टाकतो आणि त्यांचा चुराडा होतो.+

२६ त्यांच्या दुष्टपणामुळे,

तो सर्वांच्या देखत त्यांचा नाश करतो.+

२७ कारण त्यांनी त्याच्या मार्गांवर चालायचं सोडून दिलंय;+

त्याच्या आज्ञांबद्दल त्यांना जराही आदर वाटत नाही.+

२८ ते गोरगरिबांना त्याच्याकडे तक्रार करायला भाग पाडतात,

म्हणून तो त्या असाहाय्य माणसांचा आक्रोश ऐकतो.+

३० जो लोकांना पाशात अडकवू शकतो,

अशा दुष्टाला तो सत्ता चालवू देत नाही.+

३२ माझ्या नजरेतून काही सुटलं असेल, तर ते माझ्या लक्षात आणून दे;

मी जर काही चुकीचं केलं असेल, तर ते मी पुन्हा करणार नाही.’

३४ समजशक्‍ती* असलेले लोक;

माझं बोलणं ऐकणारे बुद्धिमान लोक मला म्हणतील,

३५ ‘ईयोबला काही माहीत* नसूनही तो बोलतो,+

त्याच्या बोलण्याला काही अर्थ नाही.’*

३६ ईयोबची अगदी पूर्णपणे परीक्षा झाली पाहिजे,*

कारण तो दुष्ट माणसांसारखी उत्तरं देतो.

३७ तो त्याच्या पापात बंडखोरीची भर घालतो;+

तो आपल्यासमोर टाळ्या वाजवून थट्टा करतो

आणि सतत देवाविरुद्ध बोलत राहतो!”+