ईयोब

१३ खरंच, मी आपल्या डोळ्यांनी हे सर्व पाहिलं आहे,

आणि कानांनी ते ऐकून, समजून घेतलं आहे.

 २ तुम्हाला जे कळतं, ते मलाही कळतं;

मी काही तुमच्यापेक्षा कमी नाही.

 ३ त्यापेक्षा मी सर्वशक्‍तिमान देवाशी बोलीन;

मी माझा वाद देवासमोर मांडीन.+

 ४ तुम्ही खोटं बोलून माझ्या नावाला कलंक लावत आहात;

तुम्ही सगळे बिनकामाचे वैद्य आहात.+

 ५ तुम्ही जर अगदी गप्प बसलात,

तरच तुमचं शहाणपण दिसून येईल.+

 ६ कृपा करून मी मांडलेला वाद ऐकून घ्या,

माझ्या याचनांकडे लक्ष द्या.

१० जर तुम्ही गुप्तपणे पक्षपात करण्याचा प्रयत्न केला,

तर तो तुम्हाला नक्की ताडन करेल.+

१५ जरी त्याने मला ठार मारलं, तरी मी शेवटपर्यंत वाट पाहीन;+

मी त्याच्यासमोर आपला वाद मांडीन.*

१६ तेव्हा तो माझ्यासाठी तारण ठरेल,+

कारण कोणीही दुष्ट माणूस* देवासमोर जाऊ शकत नाही.+

१७ माझे शब्द कान देऊन ऐका;

माझ्या बोलण्याकडे लक्ष द्या.

१८ पाहा, मी माझ्या दाव्याची तयारी केली आहे;

मी निर्दोष आहे, हे मला माहीत आहे.

२० हे देवा, माझ्या फक्‍त दोन विनंत्या मान्य कर,*

म्हणजे मी स्वतःला तुझ्यापासून लपवणार नाही.

२१ तुझा बलवान हात माझ्यापासून दूर कर,

आणि मला घाबरवू नकोस.+

२२ एकतर तू बोल आणि मी उत्तर देईन,

किंवा मला बोलू दे आणि तू उत्तर दे.

२६ तू माझ्याविरुद्ध भयानक आरोपांची नोंद करत राहतोस,

आणि माझ्या तरुणपणातल्या पापांचा हिशोब घेतोस.

२७ तू माझे पाय खोड्यांत* अडकवले आहेस,

तू माझ्या सर्व मार्गांवर पाळत ठेवतोस

आणि माझ्या पाऊलखुणांवर नजर ठेवतोस.

२८ त्यामुळे माणूस* एखाद्या कुजणाऱ्‍या वस्तूसारखा;

कसर लागलेल्या कापडासारखा खराब होत जातो.