LESON 53
Filia Entertainment na Jehovah e Se’ethathala Sulia
Jehovah nia “God e se’ethathala.” (1 Timothy 1:11) Nia e thathamia kuki se’ethathala la’u bo’o sulia marukia kulu. Bia nia ka se’ethathala si manga na e rikia kulu olto’ona si manga uria kuki mamalo, fasia kuka ilifania si do na adea kuka se’ethathala. La leson ne’e kuki u’unu sulia, kuki aruto’ona ufita ana si manga na kulu mamalo fasia kuka se’ethathala, bia fasia kuka ilifania si do na Jehovah kai se’ethathala sulia.
1. Ta na kuki manto’ona si manga na kuki filia te’e entertainment?
Ta na o thathami ilifania si manga na o mamalo? Tei imole kera thathamia si manga na kera mamalo keki to bada ma’afera, te’emania buka, rongo music, riki video mada keka internet ada. Tei imole ki la’u keka thathami ilifania si do bia imole kwaimani kera, uria lae keka liliu ada, sisiu ada la kafo baita ki, mada keka play ada. Do anta, ta entertainment ta bana kulu thathamia, e le’a uria kuki manto’ona entertainment na kuki filia “Lord kai se’ethathala sulia.” (Ephesians 5:10) E gwaunga’i uria kuki ma’alutania si do eri, sulia entertainment oro na imole kera thathamia manga eri Jehovah a’i si se’ethathala sulia, uria firu la, ilido garo la, bia spiritisim. (Te’emania Psalm 11:5.) Ta na kai adomi kulu fasia kuka filia entertainment na Jehovah e se’ethathala sulia?
Si manga na kulu filia imole kwaimani ki na kera liothau ana Jehovah, kera thaito’omana keki adomi kulu fasia kuka filia entertainment na Jehovah e se’ethathala sulia. Uria na kulu to’oa la leson 48, “wane na lae bia to’a na kera lioto’o kai lioto’o la’u bo’o.” Sui masa kuka kwairo’omi bia imole na a’i kesi liothau ana God kuki “fulato’ona ta’a la.”—Proverbs 13:20.
2. Uria ta ka gwaunga’i kuki kontrolem fita si manga na kuki falea ura ilifa’i lana entertainment?
Do anta kuka filia mena entertainment na Jehovah e se’ethathala sulia, e le’a uria a’i kusi falea asia na’a si manga oro uria. Adalalae a’i kusi to ana si manga ura ilifa’i lana si do gwaunga’i ki. Baebol e fa’arongo kulu uria kuki “aruto’ona le’a ana si manga [kulu].”—Te’emania Ephesians 5:15, 16.
TO’OA LA’U TEI SI DO
Kuki to’oa ufita fasia kuka thaungania disison le’a sula’ania entertainment.
3. To fasia entertainment na a’i si le’a
Uria ta kuka manta le’a si manga na kuki filia entertainment? Fatania VIDEO, sui u’unu kalia soeto’ona la ki.
Ta na fatania game na keki playim i Rome totolo na’o, e toto’o bia tei entertainment ki manga eri?
Uria na kulu rikia la video, ta na Danny to’oa sula’ania entertainment?
Te’emania Romans 12:9, sui u’unu kalia soeto’ona la:
Verse eri kai adomi ufita bo’o ani oe si manga na oki filia entertainment?
Ta bo’o tei si do na Jehovah e lalakwa tania? Te’emania Proverbs 6:16, 17 bia Galatians 5:19-21. Buira te’emania te’e scripture sui, u’unu kalia soeto’ona la:
Si do ta bo’o ana si do eki na verse e u’unu sulia e baita asia na’a la entertainment ki manga eri?
Si do na kai adomi oe fasia oko filia entertainment na e le’a
Manta kalia soeto’ona la ne’e ki:
Ufita, tesi do la entertainment eri Jehovah e lalakwa tania?
Ufita, entertainment eri e ngalia si manga nau uria kwai ilifania si do gwaunga’i ki?
Ufita, entertainment eri e adea kwa kwairo’omi bia imole na a’i kesi liothau ana Jehovah?
E le’a uria draeva a’i si draeva karangia si kula ne afeta’i. Adelana kulu mena kuki to fasia ta entertainment na kulu thaito’omana kai labata’i kulu
4. Aruto’ona le’a ana si manga oe
Fatania VIDEO, sui u’unu kalia soeto’ona la.
Do anta do’ora eri e a’i si rikia bo’o ta video ne ta’a, si do eri e labata’i ufita bo’o ana si manga nia?
Te’emania Philippians 1:10, sui u’unu kalia soeto’ona la:
Verse eri e adomi ufita ani kulu, si manga na kuki thaunga’i mantaa sulia si manga na kuki falea uria ilifa’i lana entertainment?
5. Filia entertainment na e le’a
Do anta entertainment oro Jehovah e a’i si se’ethathala sulia, tei entertainment na Jehovah e se’ethathala sulia e to. Te’emania Ecclesiastes 8:15 bia Philippians 4:8, sui u’unu kalia soeto’ona la:
Ta bo’o tei entertainment le’a na o thathamia asia na’a?
Entertainment oro e to na thaito’omana oki se’ethathala sulia
SI BA’EA TEI IMOLE KEKI SOREA: “A’i si garo bo’o uria kwai rikia entertainment na fatania firua, ilido garo la mada spiritism, masa a’i kwesi ilifania bo’o si do eki.”
Ta na oki sorea?
SI DO NA KULU TO’OA
Jehovah e thathamia kuki filia entertainment na kuki se’ethathala sulia bia nia mena kai se’ethathala la’u bo’o sulia.
Reviu
Kwa’i entertainment ufita na Christian keki to fasia?
Uria ta kuki manta le’a sulia si manga na kuki falea ura entertainment?
Uria ta oko thathami filia entertainment na Jehovah e se’ethathala sulia?
TEI SI DO KI LA’U
Te’emai sulia tei na tala’ana kai filia entertainment fakalu’a.
“Waswe, Olketa Jehovah’s Witness Tambuim Samfala Movie, Buk, or Song?” (Article la jw.org)
Te’emai sulia si do na oki ilifania fasia oko thaungania te’e disison le’a sula’ania hapitaem.
“Waswe, Iu Chusim Gudfala Hapitaem?” (Wastaoa, October 15, 2011)
La u’unua ne’e, “I Even Overcame My Prejudice,” te’emai sulia uria ta te’e wane ka talaa entertainment na e filia.
“The Bible Changes Lives” (The Watchtower, February 1, 2010)
Rikia si do na te’e thainaka e ilifania uria kai to fasia riki lana video sula’ania spiritisim.