നിങ്ങളു​ടെ മനസ്സാ​ക്ഷി​യെ ബൈബിൾത​ത്ത്വ​ങ്ങൾകൊണ്ട്‌ പരിശീ​ലി​പ്പി​ക്കുക

1-2. (എ) ആദാമി​നും ഹവ്വയ്‌ക്കും എന്തു സമ്മാന​മാ​ണു കൊടു​ത്തത്‌? (ബി) അവർക്ക്‌ ആ സമ്മാന​ത്തോ​ടു നന്ദി കാണി​ക്കാൻ കഴിയു​മാ​യി​രു​ന്നത്‌ എങ്ങനെ?

മൃഗങ്ങൾ സഹജജ്ഞാ​ന​ത്തോ​ടെ കാര്യങ്ങൾ ചെയ്യുന്നു. പല യന്ത്രങ്ങ​ളും അതു പ്രോ​ഗ്രാം ചെയ്‌തു​വെച്ച വിധത്തിൽ പ്രവർത്തി​ക്കു​ന്നു. എന്നാൽ മനുഷ്യ​രു​ടെ കാര്യം അങ്ങനെയല്ല. ദൈവം നമ്മളെ സൃഷ്ടി​ച്ചത്‌ ഒരു പ്രത്യേക സമ്മാനം തന്നു​കൊ​ണ്ടാണ്‌. അതാണ്‌ ഇച്ഛാസ്വാ​ത​ന്ത്ര്യം. സ്വന്തമാ​യി തീരു​മാ​ന​ങ്ങ​ളെ​ടു​ക്കാ​നുള്ള മനുഷ്യ​ന്റെ കഴിവാണ്‌ അത്‌. ആദ്യ മനുഷ്യ​നായ ആദാമി​നെ ദൈവം തന്റെ ഛായയിൽ അഥവാ സാദൃ​ശ്യ​ത്തിൽ സൃഷ്ടി​ച്ച​താ​യി ബൈബിൾ പറയുന്നു. (ഉൽപ. 1:26, 27) ബുദ്ധി​ശ​ക്തി​യുള്ള സൃഷ്ടികൾ എന്ന നിലയിൽ ആദാമി​നും ഹവ്വയ്‌ക്കും സ്വന്തമാ​യി തീരു​മാ​ന​മെ​ടു​ക്കാ​നുള്ള അവസരം യഹോവ കൊടു​ത്തു.

² യഹോവ ആദാമി​നും ഹവ്വയ്‌ക്കും നിയമ​ങ്ങ​ളു​ടെ വലി​യൊ​രു ലിസ്റ്റൊ​ന്നും കൊടു​ത്തില്ല. ദൈവം ലളിത​മായ ചില കാര്യ​ങ്ങ​ളാണ്‌ അവരോ​ടു പറഞ്ഞത്‌: ഭൂമിയെ പരിപാ​ലി​ക്കുക, മക്കളെ​ക്കൊണ്ട്‌ ഭൂമി നിറയ്‌ക്കുക, പരിധി​കൾ വെക്കാ​നുള്ള ദൈവ​ത്തി​ന്റെ അധികാ​രത്തെ ആദരി​ക്കുക. (ഉൽപ. 1:28; 2:16, 17) ഇച്ഛാസ്വാ​ത​ന്ത്ര്യം എന്ന സമ്മാനം കൊടുത്ത ദൈവ​ത്തോട്‌ ആദാമി​നും ഹവ്വയ്‌ക്കും എങ്ങനെ നന്ദി കാണി​ക്കാ​നാ​കു​മാ​യി​രു​ന്നു? യഹോവ കൊടുത്ത എല്ലാ നന്മക​ളെ​ക്കു​റി​ച്ചും ചിന്തി​ച്ചു​കൊണ്ട്‌, ഒട്ടും ബുദ്ധി​മു​ട്ടി​ല്ലാ​തി​രുന്ന ആ കല്പനകൾ അവർ അനുസ​രി​ക്ക​ണ​മാ​യി​രു​ന്നു. യഹോ​വ​യോ​ടുള്ള സ്‌നേ​ഹം​കൊ​ണ്ടും യഹോ​വയെ സന്തോ​ഷി​പ്പി​ക്കാ​നുള്ള ആഗ്രഹം​കൊ​ണ്ടും വേണമാ​യി​രു​ന്നു അവർ അതു ചെയ്യാൻ.—സുഭാ. 23:15.

3. ആദാമും ഹവ്വയും തങ്ങളുടെ ഇച്ഛാസ്വാ​ത​ന്ത്ര്യം എങ്ങനെ​യാണ്‌ ഉപയോ​ഗി​ച്ചത്‌?

³ ആദാമും ഹവ്വയും അവരുടെ ഇച്ഛാസ്വാ​ത​ന്ത്ര്യം നന്നായി ഉപയോ​ഗി​ച്ചി​ല്ലെന്നു ബൈബിൾ കാണി​ച്ചു​ത​രു​ന്നു. അവർ യഹോ​വ​യോട്‌ അനുസ​ര​ണ​ക്കേടു കാണി​ക്കാൻ തീരു​മാ​നി​ച്ചു. അവർ ഒരു തീരു​മാ​ന​മെ​ടു​ത്ത​പ്പോൾ യഹോ​വ​യോ​ടുള്ള സ്‌നേ​ഹ​വും നന്ദിയും അല്ല പകരം സ്വാർഥ​ത​യാണ്‌ അവരെ നയിച്ചത്‌. (ഉൽപ. 3:1-7) അവർ ചെയ്‌ത​തി​ന്റെ ദുരന്ത​ഫ​ലങ്ങൾ നമ്മൾ ഇന്നും അനുഭ​വി​ക്കു​ന്നു.—റോമ. 5:12.

4. (എ) ഗലാത്യർ 6:5 അനുസ​രിച്ച്‌ നമ്മൾ എല്ലാവ​രും എന്തു ചെയ്യണം? (ബി) ഏതു സമ്മാന​ത്തെ​ക്കു​റി​ച്ചാ​ണു നമ്മൾ ഈ ലേഖന​ത്തിൽ ചർച്ച ചെയ്യു​ന്നത്‌?

⁴ ഇന്നത്തെ ജീവിതം ഒട്ടും എളുപ്പമല്ല; ഓരോ ദിവസ​വും നമുക്ക്‌ ഒരുപാട്‌ തീരു​മാ​നങ്ങൾ എടു​ക്കേ​ണ്ടി​വ​രു​ന്നു. (ഗലാത്യർ 6:5 വായി​ക്കുക.) ചിലതു ചെറി​യ​ചെ​റിയ തീരു​മാ​ന​ങ്ങ​ളാണ്‌; എന്നാൽ മറ്റു ചിലതു ഗൗരവ​മു​ള്ള​താണ്‌. എങ്കിൽ യഹോ​വയെ സന്തോ​ഷി​പ്പി​ക്കുന്ന തീരു​മാ​ന​ങ്ങ​ളെ​ടു​ക്കാൻ നമുക്ക്‌ എങ്ങനെ കഴിയും? അതിന്‌ ആദ്യം, നമുക്ക്‌ യഹോ​വ​യു​ടെ സഹായം ആവശ്യ​മാ​ണെന്നു തിരി​ച്ച​റി​യണം. (സുഭാ. 16:3; യിരെ. 10:23) പൂർണ​മ​നു​ഷ്യ​നാ​യി​രുന്ന യേശു​പോ​ലും തനിക്ക്‌ യഹോ​വ​യു​ടെ സഹായം വേണ​മെന്നു മനസ്സി​ലാ​ക്കി. (എബ്രാ. 5:7) അങ്ങനെ​യെ​ങ്കിൽ അപൂർണ​രായ നമ്മുടെ കാര്യം പറയേ​ണ്ട​തു​ണ്ടോ? യേശു​വിന്‌ ആവശ്യ​മാ​യി​രു​ന്ന​തി​നെ​ക്കാൾ കൂടുതൽ സഹായം നമുക്ക്‌ ഇന്നു വേണ്ടേ? നമുക്ക്‌ ഇപ്പോൾ ശരിയായ തീരു​മാ​ന​ങ്ങ​ളെ​ടു​ക്കാൻ യഹോവ തന്നിരി​ക്കുന്ന മറ്റൊരു സമ്മാന​ത്തെ​ക്കു​റിച്ച്‌ നോക്കാം—നമ്മുടെ മനസ്സാ​ക്ഷി​യാണ്‌ അത്‌.

എന്താണ്‌ മനസ്സാക്ഷി?

5. (എ) എന്താണ്‌ മനസ്സാക്ഷി? (ബി) മനസ്സാക്ഷി നമ്മളെ സഹായി​ക്കു​ന്നത്‌ എങ്ങനെ​യാണ്‌? (റോമർ 2:14, 15)

⁵ ശരിയും തെറ്റും തിരി​ച്ച​റി​യാൻ നമ്മളെ സഹായി​ക്കുന്ന ഒന്നാണ്‌ മനസ്സാക്ഷി. ദൈവ​നി​യ​മ​ങ്ങ​ളെ​ക്കു​റിച്ച്‌ ഒന്നും അറിയാത്ത ഒരു വ്യക്തി​ക്കു​പോ​ലും മനസ്സാ​ക്ഷി​യുണ്ട്‌. (2 കൊരി. 4:2) നമ്മുടെ ചിന്തക​ളെ​യും പ്രവൃ​ത്തി​ക​ളെ​യും ഒന്നുകിൽ കുറ്റ​പ്പെ​ടു​ത്തു​ക​യോ അല്ലെങ്കിൽ ന്യായീ​ക​രി​ക്കു​ക​യോ ചെയ്യുന്ന ഒരു ജഡ്‌ജി​യെ​പ്പോ​ലെ​യാ​ണു നമ്മുടെ മനസ്സാക്ഷി എന്നു പറയാം. (റോമർ 2:14, 15 വായി​ക്കുക.) തെറ്റെന്ന്‌ അറിയാ​വുന്ന ഒരു കാര്യം നമ്മൾ ചെയ്യാൻ തുടങ്ങു​മ്പോൾ മനസ്സാക്ഷി നമുക്കു മുന്നറി​യി​പ്പു തരും. (1 ശമു. 26:8-11) അതു​പോ​ലെ ശരിയായ കാര്യം ചെയ്യാൻ അതു നമ്മളെ നിർബ​ന്ധി​ക്കു​ക​യും ചെയ്യും. ഇച്ഛാസ്വാ​ത​ന്ത്ര്യം ഉള്ളതു​കൊ​ണ്ടു​മാ​ത്രം യഹോ​വ​യ്‌ക്ക്‌ ഇഷ്ടമുള്ള തീരു​മാ​നങ്ങൾ നമ്മൾ എപ്പോ​ഴും എടുക്ക​ണ​മെ​ന്നില്ല. അതിനു മനസ്സാ​ക്ഷി​യു​ടെ സഹായം​കൂ​ടി വേണം. ശരിയായ തീരു​മാ​ന​വും തെറ്റായ തീരു​മാ​ന​വും തമ്മിലുള്ള വ്യത്യാ​സം തിരി​ച്ച​റി​യാൻ സഹായി​ക്കു​ന്നതു മനസ്സാ​ക്ഷി​യാണ്‌.

6. നമ്മുടെ മനസ്സാ​ക്ഷി​ക്കുള്ള ഒരു കുഴപ്പം എന്താണ്‌?

⁶ എന്നാൽ നമ്മുടെ മനസ്സാ​ക്ഷിക്ക്‌ ഒരു കുഴപ്പ​മുണ്ട്‌. നമ്മൾ അപൂർണ​രാ​യ​തു​കൊണ്ട്‌ നമ്മുടെ മനസ്സാ​ക്ഷി​യും അപൂർണ​മാണ്‌. വളർന്നു​വന്ന സാഹച​ര്യ​ങ്ങ​ളും സംസ്‌കാ​ര​വും നമ്മുടെ ഉള്ളിലെ തെറ്റായ ആഗ്രഹ​ങ്ങ​ളും ഒക്കെ അതിനെ മോശ​മാ​യി സ്വാധീ​നി​ച്ചേ​ക്കാം. ബൈബിൾ പറയു​ന്നത്‌, നമ്മുടെ മനസ്സാക്ഷി ‘ദുർബ​ല​വും’ ‘അശുദ്ധ​വും’ ‘ചുട്ടു​പ​ഴുത്ത ഇരുമ്പു​കൊ​ണ്ടെ​ന്ന​പോ​ലെ പൊള്ളി​ത്ത​ഴ​മ്പി​ച്ച​തും’ ‘ദുഷി​ച്ച​തു​പോ​ലും’ ആയേക്കാം എന്നാണ്‌. (1 കൊരി. 8:12; തീത്തോ. 1:15; 1 തിമൊ. 4:2; എബ്രാ. 10:22) അങ്ങനെ​യൊ​രു മനസ്സാക്ഷി ഒരിക്ക​ലും ഒരു നല്ല വഴികാ​ട്ടി ആയിരി​ക്കില്ല. തെറ്റായ സമയം കാണി​ക്കുന്ന ഒരു വാച്ച്‌ പോ​ലെ​യാ​യി​രി​ക്കും അത്‌. വാച്ച്‌ ശരിയാ​ക്കി​യെ​ടു​ക്കു​ന്ന​തു​പോ​ലെ, നമ്മുടെ മനസ്സാക്ഷി നന്നായി പ്രവർത്തി​ക്ക​ണ​മെ​ങ്കിൽ അതിനെ ശരിയാ​യി പരിശീ​ലി​പ്പി​ക്കേ​ണ്ട​തുണ്ട്‌. (1 പത്രോ. 3:16) അതു നമുക്ക്‌ എങ്ങനെ ചെയ്യാം?

നമുക്ക്‌ എങ്ങനെ മനസ്സാ​ക്ഷി​യെ പരിശീ​ലി​പ്പി​ക്കാം

7-8. (എ) നമുക്ക്‌ എങ്ങനെ മനസ്സാ​ക്ഷി​യെ പരിശീ​ലി​പ്പി​ക്കാ​നാ​കും? (ബി) ബൈബിൾത​ത്ത്വ​ങ്ങൾ നമ്മളെ എങ്ങനെ​യാ​ണു വഴിന​യി​ക്കു​ന്ന​തെന്ന്‌ ഒരു ദൃഷ്ടാ​ന്ത​ത്തി​ലൂ​ടെ വിശദീ​ക​രി​ക്കുക. (ചിത്ര​വും കാണുക.)

⁷ മനസ്സാ​ക്ഷി​യെ പരിശീ​ലി​പ്പി​ക്കാൻ നമുക്ക്‌ എന്തു ചെയ്യാം? പതിവാ​യി ബൈബിൾ വായി​ക്കു​ക​യും യഹോ​വ​യു​ടെ വീക്ഷണ​ത്തിൽ ഏതാണ്‌ ശരി, ഏതാണ്‌ തെറ്റ്‌ എന്നു പഠിക്കു​ക​യും ചെയ്യേ​ണ്ട​തുണ്ട്‌. ദൈവ​നി​യ​മ​ങ്ങ​ളെ​ക്കു​റിച്ച്‌ പഠിക്കു​ന്നതു ദൈവ​ത്തി​ന്റെ ചിന്ത മനസ്സി​ലാ​ക്കാൻ നമ്മളെ സഹായി​ക്കും. എന്നാൽ മുൻലേ​ഖ​ന​ത്തിൽ കണ്ടതു​പോ​ലെ നിയമങ്ങൾ ചില പ്രത്യേക സാഹച​ര്യ​ങ്ങ​ളിൽ മാത്രം ഉപകാ​ര​പ്പെ​ടു​ന്ന​താ​യി​രി​ക്കും. അതു​കൊ​ണ്ടാ​ണു നമ്മൾ അതിനു പിന്നിലെ തത്ത്വവും​കൂ​ടെ മനസ്സി​ലാ​ക്കേ​ണ്ടത്‌. തത്ത്വങ്ങൾ യഹോ​വ​യു​ടെ ചിന്തക​ളെ​യും വികാ​ര​ങ്ങ​ളെ​യും കുറി​ച്ചുള്ള വിശാ​ല​മായ ഒരു വീക്ഷണം നമുക്കു തരും.—യശ. 55:9.

⁸ നമ്മുടെ ജീവി​ത​യാ​ത്രയെ മരുഭൂ​മി​യി​ലൂ​ടെ​യുള്ള ഒരു യാത്ര​യോട്‌ ഉപമി​ക്കാം. ലക്ഷ്യസ്ഥാ​നത്ത്‌ എത്താൻ സഹായി​ക്കുന്ന വ്യക്തമായ റോഡു​ക​ളോ സൈൻ ബോർഡു​ക​ളോ ഒന്നും അവിടെ ഇല്ലെന്നു ചിന്തി​ക്കുക. സൂര്യ​ന്റെ​യും നക്ഷത്ര​ങ്ങ​ളു​ടെ​യും സ്ഥാനം നോക്കി, പോകേണ്ട ഏകദേശ ദിശ മനസ്സി​ലാ​ക്കാ​നാ​യേ​ക്കും. പക്ഷേ വഴിയ​ട​യാ​ളങ്ങൾ ഒക്കെ കാണി​ച്ചി​രി​ക്കുന്ന ഒരു മാപ്പ്‌ നമ്മുടെ കൈയിൽ ഉണ്ടെങ്കിൽ അതു നമ്മളെ കുറച്ചു​കൂ​ടി നന്നായി സഹായി​ക്കും. നമ്മൾ പോകുന്ന വഴി ശരിയാ​ണോ എന്ന്‌ ഉറപ്പാ​ക്കാ​നും ഇടത്തോ​ട്ടോ വലത്തോ​ട്ടോ തിരി​യ​ണോ എന്നു മനസ്സി​ലാ​ക്കാ​നും ആ മാപ്പ്‌ സഹായി​ക്കും. നമ്മുടെ ലക്ഷ്യസ്ഥാ​നം യഹോ​വയെ സന്തോ​ഷി​പ്പി​ക്കുക എന്നതാണ്‌. വ്യക്തമായ നിർദേ​ശങ്ങൾ ഉള്ള ഒരു മാപ്പ്‌ പോ​ലെ​യാ​ണു ബൈബിൾ. അതിലെ വഴിയ​ട​യാ​ള​ങ്ങ​ളാണ്‌ ബൈബിൾത​ത്ത്വ​ങ്ങൾ. ആ തത്ത്വങ്ങൾക്കു ചേർച്ച​യിൽ നടക്കു​ക​യാ​ണെ​ങ്കിൽ നമ്മൾ ഉറപ്പാ​യും ലക്ഷ്യസ്ഥാ​നത്ത്‌ എത്തി​ച്ചേ​രും.

9. മനസ്സാ​ക്ഷി​യെ പരിശീ​ലി​പ്പി​ക്കാ​നുള്ള മറ്റേത്‌ സഹായ​ത്തെ​ക്കു​റി​ച്ചാണ്‌ റോമർ 9:1 പറയു​ന്നത്‌?

⁹ നമുക്കു മനസ്സാ​ക്ഷി​യെ നന്നായി പരിശീ​ലി​പ്പി​ക്ക​ണ​മെ​ങ്കിൽ പരിശു​ദ്ധാ​ത്മാ​വി​ന്റെ സഹായം കൂടി​യേ​തീ​രൂ. (റോമർ 9:1 വായി​ക്കുക.) ഒരു കാര്യ​ത്തെ​ക്കു​റി​ച്ചുള്ള ദൈവ​ത്തി​ന്റെ ചിന്ത എന്താ​ണെന്നു മനസ്സി​ലാ​ക്കാൻ പരിശു​ദ്ധാ​ത്മാവ്‌ സഹായി​ക്കും. അതു​പോ​ലെ യഹോ​വ​യു​ടെ ഇഷ്ടത്തി​ന​നു​സ​രിച്ച്‌ പ്രവർത്തി​ക്കാ​നുള്ള പ്രചോ​ദ​ന​വും ഊർജ​വും അതു നൽകും. (ഫിലി. 2:13) എന്നാൽ പരിശു​ദ്ധാ​ത്മാ​വി​ന്റെ സഹായം നമുക്ക്‌ എങ്ങനെ ലഭിക്കും?

10. പരിശു​ദ്ധാ​ത്മാ​വി​ന്റെ സഹായം നമുക്ക്‌ എങ്ങനെ ലഭിക്കും? (ലൂക്കോസ്‌ 11:10, 13)

¹⁰ പരിശു​ദ്ധാ​ത്മാ​വി​നു​വേണ്ടി പ്രാർഥി​ക്കുക. (ലൂക്കോസ്‌ 11:10, 13 വായി​ക്കുക.) യഹോവ പരിശു​ദ്ധാ​ത്മാ​വി​നെ ഒരു പിശു​ക്കും കൂടാതെ നമുക്കു തരുമെന്ന കാര്യം ഉറപ്പാണ്‌. (യോഹ. 3:34) പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പി​നു ചേർച്ച​യിൽ പ്രവർത്തി​ക്കു​ന്ന​വർക്ക്‌ യഹോവ അതു ഉദാര​മാ​യി കൊടു​ക്കും. (സുഭാ. 1:23; യാക്കോ. 1:5) നമുക്ക്‌ ഇനി മനസ്സാ​ക്ഷി​യെ പരിശീ​ലി​പ്പി​ക്കാ​നുള്ള മറ്റൊരു വിധം നോക്കാം.

11. (എ) എന്തായി​രി​ക്കണം നമ്മുടെ ജീവി​ത​ല​ക്ഷ്യം? (ബി) നമ്മു​ടേതു പരിശീ​ലി​പ്പി​ക്ക​പ്പെട്ട ഒരു മനസ്സാ​ക്ഷി​യാ​ണെ​ന്നും അതു നന്നായി പ്രവർത്തി​ക്കു​ന്നു​ണ്ടെ​ന്നും ഉറപ്പു​വ​രു​ത്തേ​ണ്ടത്‌ എന്തു​കൊണ്ട്‌?

¹¹ യഹോ​വ​യു​ടെ ഇഷ്ടം ചെയ്യാൻ എപ്പോ​ഴും ശ്രമി​ക്കുക. (സുഭാ. 8:34, 35) അതായി​രി​ക്കണം നമ്മുടെ ജീവി​ത​ല​ക്ഷ്യം. ജീവി​ത​ത്തി​ലെ എല്ലാ സാഹച​ര്യ​ങ്ങ​ളി​ലും ആ ലക്ഷ്യം നമ്മുടെ മനസ്സി​ലു​ണ്ടെ​ങ്കിൽ മനസ്സാ​ക്ഷി​യെ പരിശീ​ലി​പ്പി​ക്കാൻ നമുക്കാ​കും. യഹോ​വ​യു​ടെ ചിന്തക​ളോ​ടു ചേരുന്ന ഒരു മനസ്സും യഹോ​വ​യു​ടെ വികാ​രങ്ങൾ മനസ്സി​ലാ​ക്കുന്ന ഒരു ഹൃദയ​വും ചേരു​ന്ന​താ​ണു പരിശീ​ലി​പ്പി​ക്ക​പ്പെട്ട ഒരു മനസ്സാക്ഷി. ഇന്നത്തെ നമ്മുടെ ജീവിതം ഒരുപാ​ടു കാര്യ​ങ്ങൾകൊണ്ട്‌ നിറഞ്ഞ​താണ്‌. ഉദാഹ​ര​ണ​ത്തിന്‌ വിനോ​ദം, ജോലി, വിദ്യാ​ഭ്യാ​സം, മറ്റുള്ള​വ​രു​മാ​യുള്ള ബന്ധം എന്നിവ​യു​മാ​യി ബന്ധപ്പെട്ട്‌ ബൈബി​ളിൽ എടുത്തു​പ​റ​ഞ്ഞി​ട്ടി​ല്ലാത്ത പല സാഹച​ര്യ​ങ്ങ​ളി​ലും നമുക്കു തീരു​മാ​നങ്ങൾ എടു​ക്കേ​ണ്ട​താ​യി​വ​രും. അതു​കൊണ്ട്‌ നന്നായി പരിശീ​ലി​പ്പി​ക്ക​പ്പെട്ട ഒരു മനസ്സാക്ഷി ഉണ്ടായി​രി​ക്കേ​ണ്ടതു വളരെ പ്രധാ​ന​മാണ്‌. അങ്ങനെ​യെ​ങ്കിൽ ഇത്തരം കാര്യ​ങ്ങ​ളിൽ നമ്മൾ ഒരു തീരു​മാ​ന​മെ​ടു​ക്കു​മ്പോൾ അത്‌ യഹോ​വയെ സന്തോ​ഷി​പ്പി​ക്കു​ന്ന​താ​ണെന്നു നമുക്ക്‌ എങ്ങനെ ഉറപ്പാ​ക്കാം?—2 കൊരി. 1:12.

12. ശരിയായ രീതി​യി​ലാ​ണോ മനസ്സാക്ഷി പ്രവർത്തി​ക്കു​ന്ന​തെന്നു തിരി​ച്ച​റി​യാൻ നമ്മളെ എന്തു സഹായി​ക്കും? (എഫെസ്യർ 5:10)

¹² ബൈബി​ളിൽ വായി​ക്കുന്ന കാര്യ​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ക്കുക. (സങ്കീ. 49:3) ബൈബിൾ വായി​ക്കു​മ്പോൾ യഹോ​വ​യു​ടെ ചിന്ത മനസ്സി​ലാ​ക്കാൻ സഹായി​ക്കുന്ന ബൈബിൾത​ത്ത്വ​ങ്ങൾ കണ്ടെത്തുക. (എഫെസ്യർ 5:10 വായി​ക്കുക.) നമുക്കു ജീവി​ത​ത്തിൽ വലി​യൊ​രു പ്രശ്‌നം നേരി​ടു​മ്പോൾ നമ്മുടെ മനസ്സാക്ഷി പോകേണ്ട ഒരു വഴി കാണി​ച്ചു​ത​ന്നേ​ക്കാം. എന്നാൽ മനസ്സാക്ഷി ശരിയായ രീതി​യി​ലാ​ണോ പ്രവർത്തി​ക്കു​ന്ന​തെന്ന്‌ അറിയാൻ അതുമാ​യി ബന്ധപ്പെട്ട ബൈബിൾത​ത്ത്വ​ങ്ങൾ നമ്മൾ ഒത്തു​നോ​ക്കണം. (സുഭാ. 2:4-9, 11-13) മനസ്സാക്ഷി ശരിയായ വിധത്തിൽ പ്രവർത്തി​ക്കു​ന്നി​ല്ലെ​ങ്കിൽ അതിനെ തിരു​ത്താ​നും നല്ല തീരു​മാ​ന​ങ്ങ​ളെ​ടു​ക്കാ​നും ബൈബിൾത​ത്ത്വ​ങ്ങൾ സഹായി​ക്കും.—എബ്രാ. 5:14.

13. നമ്മൾ ഏതു കാര്യം ഒഴിവാ​ക്കണം? ഒരു ഉദാഹ​രണം പറയുക.

¹³ ഒരു തീരു​മാ​ന​മെ​ടു​ത്തിട്ട്‌ അതിനെ പിന്തു​ണ​യ്‌ക്കുന്ന ബൈബിൾത​ത്ത്വം കണ്ടെത്താൻ ശ്രമി​ക്കു​ന്നത്‌ ഒഴിവാ​ക്കുക. ബി.സി. 607-ലെ യരുശ​ലേ​മി​ന്റെ നാശത്തി​നു ശേഷം യഹൂദാ​ദേ​ശത്ത്‌ ബാക്കി ഉണ്ടായി​രുന്ന ഇസ്രാ​യേ​ല്യ​രെ അനുക​രി​ക്കാൻ നമ്മൾ ആഗ്രഹി​ക്കു​ന്നില്ല. അവർ എന്താണ്‌ ചെയ്‌തത്‌? അവർ യിരെ​മ്യ​യോട്‌ ഇങ്ങനെ പറഞ്ഞു: “ഞങ്ങൾ പോകേണ്ട വഴിയും ഞങ്ങൾ ചെയ്യേണ്ട കാര്യ​ങ്ങ​ളും അങ്ങയുടെ ദൈവ​മായ യഹോവ ഞങ്ങൾക്കു പറഞ്ഞു​ത​രു​മാ​റാ​കട്ടെ.” (യിരെ. 42:3-6) പക്ഷേ അവർ അപ്പോൾത്തന്നെ ഒരു തീരു​മാ​ന​മെ​ടു​ത്തി​ട്ടാണ്‌ യഹോ​വ​യു​ടെ അഭി​പ്രാ​യം ചോദി​ച്ചത്‌. അവർ ആഗ്രഹി​ക്കാത്ത ഒരു നിർദേശം യഹോവ കൊടു​ത്ത​പ്പോൾ അത്‌ അനുസ​രി​ക്കാ​തെ സ്വന്തം തീരു​മാ​ന​ത്തോ​ടു​തന്നെ പറ്റിനി​ന്നു. അതു വലിയ ദുരന്ത​ങ്ങ​ളിൽ ചെന്ന്‌ അവസാ​നി​ച്ചു. (യിരെ. 42:19-22; 43:1, 2, 4) അതു​കൊണ്ട്‌ നമ്മൾ ഒരു തീരു​മാ​ന​മെ​ടു​ക്കു​ന്ന​തി​നു മുമ്പു​തന്നെ, ആ കാര്യ​ത്തി​ലുള്ള യഹോ​വ​യു​ടെ ചിന്ത എന്താ​ണെന്നു മനസ്സി​ലാ​ക്കാൻ സഹായി​ക്കുന്ന ബൈബിൾത​ത്ത്വ​ങ്ങൾ കണ്ടെത്തുക. എന്നിട്ട്‌ അതിനു ചേർച്ച​യിൽ പ്രവർത്തി​ക്കുക.

14. ബൈബിൾത​ത്ത്വ​ങ്ങൾക്കു ചേർച്ച​യിൽ തീരു​മാ​ന​മെ​ടു​ക്കേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁴ ബൈബിൾത​ത്ത്വ​ങ്ങൾക്കു ചേർച്ച​യി​ലുള്ള തീരു​മാ​ന​ങ്ങ​ളെ​ടു​ക്കുക. (മത്താ. 7:24-29; യാക്കോ. 1:23-25) അങ്ങനെ​യുള്ള തീരു​മാ​ന​ങ്ങ​ളെ​ടു​ക്കു​മ്പോൾ നമ്മൾ ദൈവാ​ത്മാ​വി​ന്റെ വഴിന​ട​ത്തി​പ്പി​നു ചേർച്ച​യിൽ പ്രവർത്തി​ക്കു​ക​യാ​യി​രി​ക്കും. അതിന്റെ ഫലമോ? യഹോവ തന്റെ ആത്മാവി​നെ തുടർന്നും നമുക്കു തരും. (പ്രവൃ. 5:32) എന്നാൽ പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പി​നെ അവഗണി​ക്കു​ക​യാ​ണെ​ങ്കിൽ നമ്മൾ ആത്മാവി​നെ ‘ദുഃഖി​പ്പി​ക്കു​ക​യാ​യി​രി​ക്കും’ അല്ലെങ്കിൽ അതിന്‌ എതിരെ പ്രവർത്തി​ക്കു​ക​യാ​യി​രി​ക്കും. (എഫെ. 4:30; യശ. 63:10; പ്രവൃ. 7:51) അപ്പോൾ ദൈവം തന്റെ ആത്മാവി​നെ നമുക്കു തരുന്നതു നിറു​ത്തു​ക​പോ​ലും ചെയ്‌തേ​ക്കാം. (സങ്കീ. 51:11; 1 തെസ്സ. 5:19) അത്‌ എത്ര സങ്കടക​ര​മാ​യി​രി​ക്കും. കാരണം നമുക്കു ദൈവാ​ത്മാ​വി​ന്റെ ശക്തി കൂടി​യേ​തീ​രൂ.—എഫെ. 3:16.

ബൈബിൾത​ത്ത്വ​ങ്ങൾ എങ്ങനെ കണ്ടുപി​ടി​ക്കാം

15-16. (എ) ബൈബിൾത​ത്ത്വ​ങ്ങൾ എങ്ങനെ കണ്ടെത്താം? (ബി) പുകവലി നിറു​ത്താൻ ഏതെല്ലാം ബൈബിൾത​ത്ത്വ​ങ്ങൾ ഒരു വിദ്യാർഥി​യെ സഹായി​ച്ചേ​ക്കാം?

¹⁵ പഠിക്കാ​നുള്ള ഉപകര​ണങ്ങൾ നന്നായി ഉപയോ​ഗി​ക്കുക. ബൈബിൾത​ത്ത്വ​ങ്ങൾക്കു ചേർച്ച​യിൽ പ്രവർത്തി​ക്കാൻ പറ്റണ​മെ​ങ്കിൽ നമ്മൾ ആദ്യം അവ കണ്ടെ​ത്തേ​ണ്ട​തുണ്ട്‌. ഉദാഹ​ര​ണ​ത്തിന്‌, നിങ്ങളു​ടെ ബൈബിൾവി​ദ്യാർഥി പുകവലി നിറു​ത്താൻ മടി കാണി​ക്കു​ന്നെ​ങ്കി​ലോ? അദ്ദേഹം ചില​പ്പോൾ ഇങ്ങനെ ന്യായീ​ക​രി​ച്ചേ​ക്കാം: ‘പുകവലി തെറ്റാ​ണെന്നു ബൈബി​ളിൽ എവി​ടെ​യും പറയു​ന്നി​ല്ല​ല്ലോ.’ അങ്ങനെ​യാ​ണെ​ങ്കിൽ അതിനു പറ്റിയ ബൈബിൾത​ത്ത്വ​ങ്ങൾ കണ്ടെത്താൻ നിങ്ങൾക്ക്‌ അദ്ദേഹത്തെ എങ്ങനെ സഹായി​ക്കാ​നാ​കും? അതിനുള്ള ഒരു ഉപകര​ണ​മാണ്‌ യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ഗവേഷ​ണ​സ​ഹാ​യി. അതിലെ “സാത്താന്റെ വ്യവസ്ഥി​തി” എന്നതിനു കീഴിലെ “പുകവലി ഉപേക്ഷി​ക്കാം” എന്ന തലക്കെട്ട്‌ വിദ്യാർഥി​ക്കു കാണി​ച്ചു​കൊ​ടു​ക്കാം. ആ തലക്കെ​ട്ടി​നു കീഴിൽ “പുകവലി—എന്താണ്‌ ദൈവ​ത്തി​ന്റെ വീക്ഷണം?” എന്ന ലേഖനം (2014 ജൂലൈ 1, വീക്ഷാ​ഗോ​പു​രം കാണുക.) അദ്ദേഹ​ത്തി​നു കണ്ടെത്താ​നാ​കും. ആ ലേഖന​ത്തിൽ സഹായ​ക​മായ ഏതെല്ലാം ബൈബിൾത​ത്ത്വ​ങ്ങൾ അദ്ദേഹം കണ്ടെത്തി​യേ​ക്കാം?

¹⁶ ആ ലേഖന​ത്തിൽ കൊടു​ത്തി​രി​ക്കുന്ന അഞ്ച്‌ തത്ത്വങ്ങൾ നോക്കാം. (1) മരണത്തി​ലേക്കു നയിക്കുന്ന ഒന്നിനും നമ്മൾ അടിമ​ക​ളാ​ക​രുത്‌. (റോമ. 6:16) (2) നമ്മുടെ ശരീര​ത്തി​നു ദോഷം ചെയ്യു​ന്ന​തെ​ല്ലാം നമ്മൾ ഒഴിവാ​ക്കണം. (2 കൊരി. 7:1) (3) തന്നെ മുഴു​ദേ​ഹി​യോ​ടെ സേവി​ക്കാ​നാണ്‌ യഹോവ ആഗ്രഹി​ക്കു​ന്നത്‌. (മത്താ. 22:37) (4) നമ്മുടെ പ്രവൃ​ത്തി​കൾ മറ്റുള്ള​വർക്കു ദോഷം ചെയ്യു​ന്ന​താ​ക​രുത്‌. (മത്താ. 22:39; 1 കൊരി. 10:24) (5) ശരിയാ​യതു ചെയ്യാ​നുള്ള ശക്തി യഹോവ തരും. (ഫിലി. 4:13) അതു​കൊണ്ട്‌ പുകവ​ലി​യെ​ക്കു​റിച്ച്‌ ബൈബി​ളിൽ നേരിട്ട്‌ പറയു​ന്നി​ല്ലെ​ങ്കി​ലും അതിലെ തത്ത്വങ്ങൾ യഹോ​വ​യു​ടെ ചിന്ത മനസ്സി​ലാ​ക്കാൻ വിദ്യാർഥി​യെ സഹായി​ക്കും.

17. വധൂവ​ര​ന്മാർ വിവാഹം പ്ലാൻ ചെയ്യു​മ്പോൾ സഹായ​ക​മായ ബൈബിൾത​ത്ത്വ​ങ്ങൾ എങ്ങനെ കണ്ടെത്താം?

¹⁷ ഒരു വധുവും വരനും തങ്ങളുടെ വിവാ​ഹ​ദി​വസം പ്ലാൻ ചെയ്യു​മ്പോൾ, സഹായ​ക​മായ ബൈബിൾത​ത്ത്വ​ങ്ങൾ അവർക്ക്‌ എങ്ങനെ കണ്ടെത്താം? ഇവി​ടെ​യും ഗവേഷ​ണ​സ​ഹാ​യി ഉപയോ​ഗി​ക്കാം. “കുടും​ബ​ജീ​വി​തം” എന്ന ഭാഗത്തെ “വിവാ​ഹ​വും വിവാ​ഹ​വി​രു​ന്നും” എന്ന തലക്കെ​ട്ടി​നു കീഴിൽ സഹായ​ക​മായ ബൈബിൾത​ത്ത്വ​ങ്ങ​ളുള്ള പല ലേഖനങ്ങൾ കാണാ​നാ​കും. നമുക്ക്‌ ഇപ്പോൾ അവരെ സഹായി​ക്കുന്ന ആറു ബൈബിൾത​ത്ത്വ​ങ്ങൾ നോക്കാം: (1) വിവാ​ഹ​ദി​വസം നടക്കുന്ന എല്ലാ പരിപാ​ടി​ക​ളും യഹോ​വയെ മഹത്ത്വ​പ്പെ​ടു​ത്തു​ന്ന​താ​യി​രി​ക്കണം. (1 കൊരി. 10:31, 32) (2) വസ്‌ത്ര​ധാ​രണം അന്തസ്സു​ള്ള​തും മാന്യ​മാ​യ​തും ആയിരി​ക്കണം. (1 തിമൊ. 2:9; 1 പത്രോ. 3:3, 4) (3) വസ്‌തു​വ​കകൾ പൊങ്ങ​ച്ച​ത്തോ​ടെ പ്രദർശി​പ്പി​ക്കുന്ന സാത്താന്റെ ലോകത്തെ അനുക​രി​ക്ക​രുത്‌. (യോഹ. 17:14; യാക്കോ. 1:27; 1 യോഹ. 2:15, 16) (4) കാര്യ​ങ്ങ​ളെ​ല്ലാം ചിട്ട​യോ​ടെ പ്ലാൻ ചെയ്‌തു​ന​ട​ത്തണം. (1 കൊരി. 14:40) (5) മുഴു​ക്കു​ടി ഉൾപ്പെ​ടുന്ന വന്യമായ ആഘോ​ഷങ്ങൾ ഒഴിവാ​ക്കണം. (ഗലാ. 5:21) (6) കാര്യ​ങ്ങൾക്കെ​ല്ലാം മേൽനോ​ട്ടം വഹിക്കാൻ ഉത്തരവാ​ദി​ത്വ​പ്പെട്ട ഒരാളെ ഏൽപ്പി​ക്കണം.—യോഹ. 2:8, 9.

18-19. (എ) നമ്മളെ സഹായി​ക്കുന്ന മറ്റ്‌ ഏത്‌ ഉപകര​ണ​മാ​ണു​ള്ളത്‌? (ബി) ആഘോ​ഷ​ങ്ങ​ളു​മാ​യി ബന്ധപ്പെട്ട്‌ തീരു​മാ​നങ്ങൾ എടു​ക്കേ​ണ്ടി​വ​രു​മ്പോൾ ബൈബിൾത​ത്ത്വ​ങ്ങൾ കണ്ടെത്താൻ ഈ ഉപകരണം നമ്മളെ എങ്ങനെ സഹായി​ക്കും? (“നിങ്ങൾക്ക്‌ ബൈബിൾത​ത്ത്വ​ങ്ങൾ മനസ്സി​ലാ​ക്കാ​നാ​കു​ന്നു​ണ്ടോ?” എന്ന ചതുരം കാണുക.)

¹⁸ ഇനി പലർക്കും പ്രയോ​ജനം ചെയ്‌തി​ട്ടുള്ള മറ്റൊരു ഉപകര​ണ​മാണ്‌ ക്രിസ്‌തീയ ജീവി​ത​ത്തി​നുള്ള ബൈബിൾത​ത്ത്വ​ങ്ങൾ എന്ന പുസ്‌തകം. അതിൽ പല തരത്തി​ലുള്ള വിഷയ​ങ്ങ​ളും അതുമാ​യി ബന്ധപ്പെട്ട തിരു​വെ​ഴു​ത്തു​ക​ളും കൊടു​ത്തി​ട്ടുണ്ട്‌. നിങ്ങൾ ഒരു വിഷയം തിര​ഞ്ഞെ​ടു​ത്താൽ അതിനു കീഴിൽ ചില ചോദ്യ​ങ്ങ​ളു​ണ്ടാ​കും. അതോ​ടൊ​പ്പം ബൈബിൾത​ത്ത്വ​ങ്ങൾ മനസ്സി​ലാ​ക്കാൻ സഹായി​ക്കുന്ന വാക്യ​ങ്ങ​ളും കൊടു​ത്തി​ട്ടുണ്ട്‌. ഉദാഹ​ര​ണ​ത്തിന്‌ ഒരു പ്രത്യേക ആഘോ​ഷ​ത്തിൽ പങ്കെടു​ക്ക​ണോ വേണ്ടയോ എന്ന്‌ ഒരു ക്രിസ്‌ത്യാ​നി ചിന്തി​ച്ചേ​ക്കാം. അപ്പോൾ അദ്ദേഹ​ത്തിന്‌ “ആഘോ​ഷങ്ങൾ” എന്ന തലക്കെ​ട്ടി​നു കീഴി​ലുള്ള “ക്രിസ്‌ത്യാ​നി​കൾ ഒഴിവാ​ക്കുന്ന ആഘോ​ഷങ്ങൾ” എന്ന ഉപതല​ക്കെട്ട്‌ നോക്കാ​നാ​കും.

¹⁹ അതിനു കീഴി​ലാ​യി കൊടു​ത്തി​രി​ക്കുന്ന ചില ഭാഗങ്ങൾ നോക്കാം: “വ്യാജ​മ​ത​വു​മാ​യി ബന്ധമുള്ള ആഘോ​ഷ​ങ്ങ​ളിൽ പങ്കെടു​ക്കു​ന്നത്‌ തെറ്റാ​യി​രി​ക്കു​ന്നത്‌ എന്തു​കൊണ്ട്‌? (1 കൊരി. 10:21; 2 കൊരി. 6:14-18; എഫെ. 5:10, 11).” അത്തരം ചില ആഘോ​ഷ​ങ്ങ​ളു​ടെ ഉദാഹ​ര​ണങ്ങൾ അതിൽ കൊടു​ത്തി​ട്ടുണ്ട്‌. ഇനി “ദേശീയ ആഘോ​ഷങ്ങൾ” എന്നൊരു ഉപതല​ക്കെ​ട്ടും കാണാ​നാ​കും. ഗവൺമെ​ന്റു​ക​ളോ രാഷ്ട്ര​ങ്ങ​ളോ സംഘടി​പ്പി​ക്കുന്ന ദേശീ​യാ​ഘോ​ഷ​ങ്ങ​ളി​ലോ യുദ്ധങ്ങളെ അനുസ്‌മ​രി​ക്കുന്ന ചടങ്ങു​ക​ളി​ലോ പ്രമു​ഖ​വ്യ​ക്തി​കളെ ആരാധ​നാ​പൂർവം ആദരി​ക്കുന്ന ചടങ്ങു​ക​ളി​ലോ ഒരു ക്രിസ്‌ത്യാ​നി പങ്കെടു​ക്ക​ണോ എന്നു തീരു​മാ​നി​ക്കാൻ സഹായി​ക്കുന്ന ബൈബിൾത​ത്ത്വ​ങ്ങൾ അതിനു കീഴിൽ കൊടു​ത്തി​ട്ടുണ്ട്‌. നമ്മുടെ മനസ്സാ​ക്ഷി​യെ പരിശീ​ലി​പ്പി​ക്കാൻ സഹായി​ക്കുന്ന ഇത്തരം ഉപകര​ണങ്ങൾ യഹോ​വ​യു​ടെ സംഘടന തന്നിരി​ക്കു​ന്ന​തിൽ നമുക്ക്‌ ഒരുപാട്‌ നന്ദിയി​ല്ലേ!

പരിശീ​ലി​പ്പി​ക്ക​പ്പെട്ട മനസ്സാ​ക്ഷി​യു​ണ്ടെന്നു തെളി​യി​ക്കു​ക

20. മനസ്സാ​ക്ഷി​യെ ശരിയാ​യി പരിശീ​ലി​പ്പി​ച്ചി​ട്ടു​ണ്ടെന്നു നമുക്ക്‌ എങ്ങനെ തെളി​യി​ക്കാം?

²⁰ ഇച്ഛാസ്വാ​ത​ന്ത്ര്യം എന്ന സമ്മാനത്തെ നമ്മൾ ഒരുപാട്‌ വിലമ​തി​ക്കു​ന്നു. എന്നാൽ യഹോ​വയെ സന്തോ​ഷി​പ്പി​ക്കുന്ന രീതി​യിൽ അത്‌ ഉപയോ​ഗി​ക്ക​ണ​മെ​ങ്കിൽ നമ്മൾ മനസ്സാ​ക്ഷി​യെ നന്നായി പരിശീ​ലി​പ്പി​ക്കണം. അത്തര​മൊ​രു മനസ്സാക്ഷി യഹോ​വ​യ്‌ക്ക്‌ ഇഷ്ടമുള്ള, യഹോ​വയെ മഹത്ത്വ​പ്പെ​ടു​ത്തുന്ന തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കും. അതിനു നമുക്കു പരിശു​ദ്ധാ​ത്മാ​വി​ന്റെ സഹായം വേണം. അതു​കൊണ്ട്‌ നമുക്കു പരിശു​ദ്ധാ​ത്മാ​വി​നു​വേണ്ടി പ്രാർഥി​ക്കാം, അതിന്റെ വഴിന​ട​ത്തി​പ്പി​നു ചേർച്ച​യിൽ പ്രവർത്തി​ക്കാം. ഇനി, ബൈബിൾത​ത്ത്വ​ങ്ങ​ളും മനസ്സാ​ക്ഷി​യെ പരിശീ​ലി​പ്പി​ക്കാൻ നമ്മളെ സഹായി​ക്കും. അതു​കൊണ്ട്‌ മനസ്സാക്ഷി, ഇച്ഛാസ്വാ​ത​ന്ത്ര്യം എന്നീ സമ്മാനങ്ങൾ നന്നായി ഉപയോ​ഗി​ക്കാം. അപ്പോൾ നമുക്ക്‌ ജീവി​ത​ത്തിൽ ദൈവ​വ​ച​ന​ത്തി​ന്റെ ശക്തി അനുഭ​വി​ച്ച​റി​യാ​നാ​കും.—2 തിമൊ. 3:16, 17; എബ്രാ. 4:12.