നിങ്ങൾ ഓർക്കു​ന്നു​ണ്ടോ?

വീക്ഷാഗോപുരത്തിന്റെ ഈ വർഷത്തെ ലക്കങ്ങൾ നിങ്ങൾ ശ്രദ്ധ​യോ​ടെ വായി​ച്ചു​കാ​ണു​മ​ല്ലോ. പിൻവ​രുന്ന ചോദ്യ​ങ്ങൾക്ക്‌ ഉത്തരം പറയാൻ കഴിയു​മോ?

യഹോ​വ​യ്‌ക്കു മഹത്ത്വം കൊടു​ക്കാൻ നമ്മളെ പ്രേരി​പ്പി​ക്കു​ന്നത്‌ എന്താണ്‌?

യഹോ​വയെ ആഴമായി ബഹുമാ​നി​ക്കു​ന്ന​തു​കൊ​ണ്ടും ഒരുപാ​ടു സ്‌നേ​ഹി​ക്കു​ന്ന​തു​കൊ​ണ്ടും മറ്റുള്ളവർ യഹോ​വ​യെ​ക്കു​റിച്ച്‌ അറിയാൻ നമ്മൾ ആഗ്രഹി​ക്കു​ന്ന​തു​കൊ​ണ്ടും ആണ്‌ നമ്മൾ യഹോ​വ​യ്‌ക്കു മഹത്ത്വം കൊടു​ക്കു​ന്നത്‌.—w25.01, പേ. 3.

ആരെങ്കി​ലും നമ്മളെ വേദനി​പ്പി​ക്കു​മ്പോൾ അവരോ​ടു ക്ഷമിക്കാൻ നമ്മളെ എന്തു സഹായി​ക്കും?

നമ്മൾ വികാ​രങ്ങൾ വെറുതേ അവഗണി​ക്കില്ല. എങ്കിലും ഉള്ളിലുള്ള ദേഷ്യ​വും വെറു​പ്പും വിട്ടു​ക​ള​യാൻ തീരു​മാ​നി​ക്കു​ന്നെ​ങ്കിൽ വിദ്വേ​ഷം ഉള്ളിൽവെ​ക്കു​ന്ന​തി​ന്റെ പ്രശ്‌നങ്ങൾ ഒഴിവാ​ക്കാൻ നമുക്കു കഴിയും.—w25.02, പേ. 15-16.

ശിഷ്യ​നായ മർക്കോസ്‌ യുവസ​ഹോ​ദ​ര​ന്മാർക്കു നല്ലൊരു മാതൃ​ക​യാ​യി​രി​ക്കു​ന്നത്‌ എന്തു​കൊണ്ട്‌?

മറ്റുള്ള​വരെ സേവി​ക്കാൻ നിയമനം കിട്ടി​യ​പ്പോൾ മർക്കോസ്‌ അതു മനസ്സോ​ടെ സ്വീക​രി​ച്ചു. മർക്കോ​സിന്‌ സങ്കടവും നിരാ​ശ​യും തോന്നി​യി​രി​ക്കാ​വുന്ന ഒരു സാഹച​ര്യം ഉണ്ടായ​പ്പോ​ഴും അദ്ദേഹം മടുത്ത്‌ പിന്മാ​റി​യില്ല. പൗലോസ്‌ ഉൾപ്പെ​ടെ​യുള്ള വിശ്വ​സ്‌ത​രായ പല സഹോ​ദ​ര​ങ്ങ​ളു​മാ​യി അദ്ദേഹം നല്ലൊരു ബന്ധം വളർത്തി​യെ​ടു​ത്തു.—w25.04, പേ. 27.

“ഞാൻ അങ്ങയുടെ പേര്‌ ഇവരെ അറിയി​ച്ചി​രി​ക്കു​ന്നു” എന്നു പ്രാർഥി​ച്ച​പ്പോൾ യേശു എന്താണ്‌ അർഥമാ​ക്കി​യത്‌? (യോഹ. 17:26)

യേശു​വി​ന്റെ ശിഷ്യ​ന്മാർക്കു ദൈവ​ത്തി​ന്റെ പേര്‌ അപ്പോൾത്തന്നെ അറിയാ​മാ​യി​രു​ന്നു. അതു​കൊണ്ട്‌ ആ പേരിനു പിന്നിലെ വ്യക്തി​യെ​ക്കു​റിച്ച്‌ താൻ പഠിപ്പി​ച്ചെ​ന്നാ​ണു യേശു ഉദ്ദേശി​ച്ചത്‌. അതായത്‌ യഹോ​വ​യു​ടെ ഉദ്ദേശ്യ​ങ്ങ​ളെ​ക്കു​റി​ച്ചും ഗുണങ്ങ​ളെ​ക്കു​റി​ച്ചും യഹോവ കാര്യങ്ങൾ ചെയ്യുന്ന രീതി​യെ​ക്കു​റി​ച്ചും യേശു അവരെ പഠിപ്പി​ച്ചു.—w25.05, പേ. 20-21.

എളിമ​യു​ണ്ടെ​ങ്കിൽ നമ്മൾ എന്തു മനസ്സി​ലാ​ക്കും?

അറിയി​ല്ലാത്ത ചില കാര്യ​ങ്ങ​ളു​മു​ണ്ടെന്ന്‌ നമ്മൾ മനസ്സി​ലാ​ക്കും. ഉദാഹ​ര​ണ​ത്തിന്‌, അവസാനം എപ്പോൾ വരു​മെ​ന്നോ ആ സമയത്ത്‌ യഹോവ ഏതു വിധത്തിൽ പ്രവർത്തി​ക്കു​മെ​ന്നോ നാളെ എന്തു സംഭവി​ക്കു​മെ​ന്നോ നമുക്ക്‌ അറിയില്ല. അതു​പോ​ലെ യഹോ​വ​യ്‌ക്കു നമ്മളെ എത്ര നന്നായി അറിയാ​മെ​ന്നും നമുക്കു മനസ്സി​ലാ​ക്കാ​നാ​കില്ല.—w25.06, പേ. 14-18.

ഒരു ലേഖന​ത്തിൽനി​ന്നോ പൊതു​പ്ര​സം​ഗ​ത്തിൽനി​ന്നോ പ്രയോ​ജനം നേടാൻ എന്തു സഹായി​ക്കും?

നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഈ ബൈബിൾസ​ത്യം ബോധ്യ​പ്പെ​ടു​ത്താൻ എന്തൊക്കെ തെളി​വു​ക​ളാണ്‌ ഇവിടെ ഉപയോ​ഗി​ച്ചി​രി​ക്കു​ന്നത്‌? പഠിപ്പി​ക്കു​മ്പോൾ എനിക്കു പറയാ​നാ​കുന്ന നല്ലൊരു ദൃഷ്ടാന്തം ഇതിലു​ണ്ടോ? ഈ വിഷയം ഇഷ്ടപ്പെ​ടു​ന്നത്‌ ആർക്കാ​യി​രി​ക്കും?’—w25.07, പേ. 19.

യഹോവ ദാവീ​ദി​നോട്‌ ഇടപെ​ട്ട​തിൽനിന്ന്‌ യഹോവ ക്ഷമിക്കു​ന്ന​തി​നെ​ക്കു​റിച്ച്‌ നമുക്ക്‌ എന്തു മനസ്സി​ലാ​ക്കാം?

ദാവീദ്‌ ഗുരു​ത​ര​മായ പാപങ്ങൾ ചെയ്‌തെ​ങ്കി​ലും ആത്മാർഥ​മാ​യി പശ്ചാത്ത​പി​ച്ച​തു​കൊണ്ട്‌ യഹോവ അദ്ദേഹ​ത്തോട്‌ ക്ഷമിച്ചു. (1 രാജാ. 9:4, 5) ദൈവം ഒരു തെറ്റ്‌ ക്ഷമിച്ചാൽപ്പി​ന്നെ അതു മനസ്സിൽ വെച്ചു​കൊ​ണ്ടി​രി​ക്കു​ക​യോ ഭാവി​യിൽ വീണ്ടും അതിന്റെ പേരിൽ കുറ്റ​പ്പെ​ടു​ത്തു​ക​യോ ചെയ്യില്ല.—w25.08, പേ. 17.

ഒരു കാര്യം ബൈബിൾവി​ദ്യാർഥിക്ക്‌ ഉൾക്കൊ​ള്ളാൻ ബുദ്ധി​മു​ട്ടാ​ണെ​ങ്കിൽ നിങ്ങൾക്ക്‌ എന്തു ചെയ്യാം?

നിങ്ങൾ ബൈബി​ളിൽനിന്ന്‌ ഒരു കാര്യം നന്നായി പഠിപ്പി​ച്ച​ശേ​ഷ​വും വിദ്യാർഥിക്ക്‌ അത്‌ ഉൾക്കൊ​ള്ളാൻ ബുദ്ധി​മുട്ട്‌ തോന്നു​ന്നെ​ങ്കിൽ പഠനം മുന്നോ​ട്ടു കൊണ്ടു​പോ​കുക. പിന്നീട്‌ പതിയെ അതി​ലേക്ക്‌ തിരി​ച്ചു​വ​രാൻ പ്ലാൻ ചെയ്യുക.—w25.09, പേ. 24.

പാപത്തി​നു നമ്മളെ ‘വഞ്ചിക്കാ​നുള്ള’ ശക്തിയുണ്ട്‌. (എബ്രാ. 3:13) അതിന്റെ അർഥം എന്താണ്‌?

നമ്മുടെ ഉള്ളിലെ പാപത്തി​നു തെറ്റായ പ്രവൃ​ത്തി​കൾ ചെയ്യാൻ നമ്മളെ പ്രേരി​പ്പി​ക്കാ​നാ​കും. യഹോവ നമ്മളെ ശരിക്കും സ്‌നേ​ഹി​ക്കു​ന്നു​ണ്ടോ എന്നതു​പോ​ലുള്ള സംശയങ്ങൾ എപ്പോ​ഴും തോന്നാ​നും അത്‌ ഇടയാ​ക്കി​യേ​ക്കാം.—w25.10, പേ. 16.

ഉള്ളുതു​റന്ന്‌ പ്രാർഥി​ക്കാൻ നമ്മളെ സഹായി​ക്കുന്ന മൂന്നു കാര്യങ്ങൾ ഏതൊ​ക്കെ​യാണ്‌?

(1) യഹോ​വ​യു​ടെ ഗുണങ്ങ​ളെ​ക്കു​റിച്ച്‌ ചിന്തി​ക്കുക. (2) ഇപ്പോൾ നമ്മൾ നേരി​ടുന്ന പ്രശ്‌ന​ത്തെ​ക്കു​റിച്ച്‌ ചിന്തി​ച്ചിട്ട്‌ അതു പ്രാർഥ​ന​യിൽ പറയുക. ഉദാഹ​ര​ണ​ത്തിന്‌ നമ്മൾ ആരോ​ടെ​ങ്കി​ലും ക്ഷമി​ക്കേ​ണ്ട​തു​ണ്ടെ​ങ്കിൽ അതു പറയാം. (3) സമയ​മെ​ടുത്ത്‌ പ്രാർഥി​ക്കുക. അപ്പോൾ ഉള്ളിലെ ചിന്തക​ളും വികാ​ര​ങ്ങ​ളും നമ്മൾ തുറന്നു​പ​റ​യാ​നുള്ള സാധ്യത കൂടു​ത​ലാണ്‌.—w25.10, പേ. 19-20.

പ്രായ​മാ​യ​വരെ നമുക്ക്‌ എങ്ങനെ സഹായി​ക്കാം?

നമുക്കു പ്രായ​മായ സഹോ​ദ​ര​ങ്ങളെ പതിവാ​യി ചെന്നു​കാ​ണു​ക​യും വിളി​ക്കു​ക​യും ചെയ്യാം. ഡോക്ടറെ കാണാൻ അവരുടെ കൂടെ പോകാ​നും നമുക്കു കഴി​ഞ്ഞേ​ക്കും. അല്ലെങ്കിൽ ശുശ്രൂ​ഷ​യു​ടെ വിവിധ വശങ്ങളിൽ അവരോ​ടൊ​പ്പം പ്രവർത്തി​ക്കാൻ നമുക്കാ​കും.—w25.11, പേ. 6-7.

യഹോ​വ​യ്‌ക്കു മഹത്ത്വം കൊടു​ക്കുന്ന, മാന്യ​മായ ഒരു വിവാഹം എങ്ങനെ നടത്താം?

ഗവൺമെന്റ്‌ നിയമങ്ങൾ അനുസ​രി​ക്കുക. വിവാ​ഹ​പ​രി​പാ​ടി​ക​ളു​ടെ​യും വിരു​ന്നി​ന്റെ​യും സമയത്ത്‌ ദൈവാ​ത്മാ​വി​ന്റെ ഗുണങ്ങൾ പ്രതി​ഫ​ലി​ക്കുന്ന ഒരു അന്തരീ​ക്ഷ​മാണ്‌ ഉള്ളതെന്ന്‌ ഉറപ്പു​വ​രു​ത്തുക. വസ്‌ത്രം മാന്യ​മാ​യി​രി​ക്കണം; തിരു​വെ​ഴുത്ത്‌ വിരു​ദ്ധ​മായ ആചാരങ്ങൾ ഒഴിവാ​ക്കണം. വിവാ​ഹ​ദി​ന​ത്തോട്‌ ബന്ധപ്പെട്ട്‌ പ്ലാൻ ചെയ്യു​മ്പോൾ നല്ല ആശയവി​നി​മയം ഉണ്ടായി​രി​ക്കു​ക​യും വേണം.—w25.12, പേ. 21-24