‘സകല സത്‌പ്ര​വൃ​ത്തി​ക്കും ഒരുങ്ങി​യി​രി​പ്പിൻ’

¹ ഒരു പുതിയ പ്രസംഗ പര്യട​ന​ത്തി​നു തുടക്കം​കു​റി​ച്ച​പ്പോൾ അതിനാ​യി തന്റെ ശിഷ്യ​ന്മാ​രെ സജ്ജരാ​ക്കാൻ യേശു സമയം ചെലവ​ഴി​ച്ചു. (മത്താ. 10:5–14) നാമെ​ല്ലാം വളരെ തിരക്കു​ള്ള​വ​രാ​ണെ​ങ്കി​ലും വീടു​തോ​റു​മുള്ള ശുശ്രൂ​ഷ​യ്‌ക്കു​മുമ്പ്‌ തയ്യാറാ​കാൻ ഏതാനും മിനി​ട്ടു​കൾ ചെലവ​ഴി​ക്കു​ന്ന​തു​പോ​ലും സത്‌ഫ​ലങ്ങൾ കൊയ്യാൻ നമ്മെ സഹായി​ക്കും.—2 കൊരി. 9:6.

² തയ്യാറാ​കേണ്ട വിധം: സമർപ്പി​ക്കാൻ ഉദ്ദേശി​ക്കുന്ന പ്രസി​ദ്ധീ​ക​ര​ണ​ത്തി​ന്റെ ഉള്ളടക്കം മനസ്സി​ലാ​ക്കു​ന്ന​താണ്‌ നല്ല തയ്യാറാ​ക​ലി​ന്റെ ആദ്യപടി. പ്രദേ​ശ​ത്തുള്ള ആളുകൾ എങ്ങനെ​യു​ള്ള​വ​രാ​ണെന്ന കാര്യ​വും നാം മനസ്സിൽപ്പി​ടി​ക്കണം. അവരെ വ്യാകു​ല​പ്പെ​ടു​ത്തുന്ന പ്രശ്‌നങ്ങൾ എന്തൊ​ക്കെ​യാണ്‌? അവർ ഏതു മതപശ്ചാ​ത്ത​ല​ങ്ങ​ളിൽപ്പെ​ട്ട​വ​രാണ്‌? എന്തു സമീപനം സ്വീക​രി​ക്ക​ണ​മെന്നു തീരു​മാ​നി​ക്കാൻ നമ്മുടെ രാജ്യ ശുശ്രൂ​ഷ​യി​ലും ന്യായ​വാ​ദം പുസ്‌ത​ക​ത്തി​ലു​മുള്ള മാതൃ​കാ​വ​ത​ര​ണങ്ങൾ പരി​ശോ​ധി​ക്കാ​വു​ന്ന​താണ്‌.

³ സേവന​യോ​ഗ​ത്തി​ലെ അവതര​ണങ്ങൾ ശ്രദ്ധാ​പൂർവം നിരീ​ക്ഷി​ക്കു​ന്ന​തും നമ്മെ സഹായി​ക്കും. അനുഭ​വ​പ​രി​ചയം വർധി​ക്കു​മ്പോൾ തയ്യാറാ​കാൻ നമുക്ക്‌ അധികം സമയം വേണ്ടി​വ​രില്ല. എന്നാൽ ഓരോ പ്രാവ​ശ്യ​വും ശുശ്രൂ​ഷ​യ്‌ക്കു പുറ​പ്പെ​ടു​ന്ന​തി​നു​മുമ്പ്‌, പറയാ​നു​ദ്ദേ​ശി​ക്കുന്ന കാര്യ​ങ്ങ​ളെ​ക്കു​റിച്ച്‌ അൽപ്പ​മൊ​ന്നു ചിന്തി​ച്ചു​കൊണ്ട്‌ അവതരണം മികവു​റ്റ​താ​ക്കു​ന്നെ​ങ്കിൽ നമ്മുടെ പ്രവർത്തനം കൂടുതൽ ഫലപ്ര​ദ​മാ​യി​ത്തീ​രും. സാക്ഷീ​ക​ര​ണ​ത്തിന്‌ ആവശ്യ​മു​ള്ള​തെ​ല്ലാം നമ്മുടെ ബാഗി​ലു​ണ്ടെ​ന്നും നാം ഉറപ്പു​വ​രു​ത്തണം.

⁴ അവതര​ണങ്ങൾ ഓർത്തി​രി​ക്കാൻ നമ്മെ എന്തു സഹായി​ക്കും? ഉച്ചത്തിൽ പറഞ്ഞു​പ​രി​ശീ​ലി​ക്കു​ന്ന​താണ്‌ ഒരു മാർഗം. ചിലർ കുടും​ബാ​ധ്യ​യ​ന​വേ​ള​യിൽ പരിശീ​ലന സെഷനു​കൾ നടത്തുന്നു. അവതര​ണ​ത്തി​ന്റെ ഒരു ചെറിയ കുറി​പ്പു​ണ്ടാ​ക്കു​ന്ന​തും വീട്ടു​കാ​രനെ സമീപി​ക്കു​ന്ന​തി​നു തൊട്ടു​മുമ്പ്‌ അതിലൂ​ടെ ഒന്നു കണ്ണോ​ടി​ക്കു​ന്ന​തും സഹായ​ക​മാ​ണെന്ന്‌ മറ്റു ചിലർ കണ്ടെത്തി​യി​രി​ക്കു​ന്നു.

⁵ പ്രയോ​ജ​ന​ക​ര​മാ​യി​രി​ക്കു​ന്ന​തി​ന്റെ കാരണം: നല്ല തയ്യാറാ​കൽ ശുശ്രൂ​ഷ​യി​ലുള്ള നമ്മുടെ ഫലപ്ര​ദ​ത്വ​വും സന്തോ​ഷ​വും വർധി​പ്പി​ക്കും. അങ്ങനെ​യാ​കു​മ്പോൾ പിരി​മു​റു​ക്കം കൂടാതെ വീട്ടു​കാ​രനെ സമീപി​ക്കാ​നാ​കും. ചോദ്യ​ങ്ങ​ളോ ആരോ​പ​ണ​ങ്ങ​ളോ ഉണ്ടാകു​മ്പോൾ ഉചിത​മായ വാക്കുകൾ ഉപയോ​ഗിച്ച്‌ സൗമ്യ​ത​യോ​ടെ ഉത്തരം നൽകാൻ നമുക്കാ​കും. എന്തു പറയണ​മെന്നു ചിന്തി​ച്ചു​കൊ​ണ്ടി​രി​ക്കു​ന്ന​തി​നു പകരം വീട്ടു​കാ​രനു നല്ല ശ്രദ്ധ കൊടു​ക്കാൻ അതിലൂ​ടെ നമുക്കു കഴിയും. കൂടാതെ, പ്രസി​ദ്ധീ​ക​ര​ണ​ങ്ങ​ളു​ടെ ഉള്ളടക്കം നന്നായി മനസ്സി​ലാ​ക്കു​ന്നത്‌ കൂടുതൽ ബോധ്യ​ത്തോ​ടും ഉത്സാഹ​ത്തോ​ടും കൂടെ അവ നൽകാൻ നമ്മെ സഹായി​ക്കും.

⁶ “സകലസൽപ്ര​വൃ​ത്തി​ക്കും ഒരുങ്ങി”യിരി​ക്കാൻ തിരു​വെ​ഴു​ത്തു​കൾ നമ്മെ ഉദ്‌ബോ​ധി​പ്പി​ക്കു​ന്നു. (തീത്തൊ. 3:1) സുവാർത്താ​ഘോ​ഷ​ണ​ത്തെ​ക്കാൾ മികച്ച എന്തു വേലയാ​ണു​ള്ളത്‌? നന്നായി തയ്യാറാ​കു​ന്ന​തി​ലൂ​ടെ, ശ്രദ്ധി​ക്കാൻ മനസ്സു കാണി​ക്കുന്ന വീട്ടു​കാ​രോ​ടും നാം പ്രതി​നി​ധാ​നം ചെയ്യുന്ന യഹോ​വ​യോ​ടും ആദരവ്‌ പ്രകട​മാ​ക്കു​ക​യാ​ണു നാം.—യെശ. 43:10.