ഒരു സന്തുഷ്ട​ജനം—എന്തു​കൊണ്ട്‌?

സത്യ ക്രിസ്‌ത്യാ​നി​കൾ ഇന്ന്‌ ഒരു സന്തുഷ്ട ജനമാണ്‌. എന്തൊ​ക്കെ​യാ​യാ​ലും, “സന്തുഷ്ട​നായ ദൈവ”മായ യഹോ​വ​യെ​യാണ്‌ നാം സേവി​ക്കു​ന്നത്‌. (1 തിമൊ​ഥെ​യോസ്‌ 1:11) അവൻ നമുക്ക്‌ അവന്റെ ആത്മാവി​നെ നൽകുന്നു, ആ ആത്മാവി​ന്റെ ഒരു ഫലം സന്തോ​ഷ​മാണ്‌.—ഗലാത്യർ 5:22.

അത്തരം, ആഴത്തിൽ സ്ഥിതി​ചെ​യ്യുന്ന സന്തോഷം പെട്ടെന്നു വീണ്ടെ​ടു​ക്കാൻ കഴിയു​ന്ന​തും സമ്മർദ്ദത്തെ ചെറു​ത്തു​നിൽക്കു​ന്ന​തു​മാണ്‌. ദൃഷ്ടാ​ന്ത​ത്തിന്‌, യേശു​ക്രി​സ്‌തു തറയ്‌ക്ക​പ്പെ​ട്ട​തി​ന്റെ വേദന​യ്‌ക്കു വശംവ​ദ​നാ​യി​ത്തീ​രു​ക​യും ഒരു അപവാ​ദി​യെ​പ്പോ​ലെ ശിക്ഷി​ക്ക​പ്പെ​ട്ട​തി​ന്റെ നിന്ദ അനുഭ​വി​ക്ക​യും ചെയ്‌തു. എന്നിട്ടും, “അവൻ തന്റെ മുമ്പാകെ വെച്ചി​രുന്ന സന്തോഷം ഓർത്ത്‌ ഒരു ദണ്ഡന സ്‌തം​ഭത്തെ സഹിച്ചു.” (എബ്രായർ 12:2) യേശു തന്റെ യഹോവാ സേവന​ത്തോ​ടുള്ള ബന്ധത്തിൽ മഹത്തായ അവസര​ങ്ങ​ളും പദവി​ക​ളും തന്റെ മുമ്പാകെ സ്ഥിതി​ചെ​യ്‌തി​രു​ന്നു എന്ന്‌ അറിഞ്ഞി​രു​ന്നു. ഈ ഭാവി പദവി​ക​ളി​ലുള്ള ശ്രദ്ധാ​കേ​ന്ദ്രീ​ക​രണം പ്രയാ​സ​ത്തിൻ മദ്ധ്യേ തന്റെ സന്തോഷം കാത്തു​സൂ​ക്ഷി​ക്കാൻ അവനെ സഹായി​ച്ചു.

യേശു തന്റെ ശിഷ്യൻമാ​രും സന്തുഷ്ട​രാ​യി​രി​ക്കാൻ ആഗ്രഹി​ക്കു​ന്നു. അവൻ ഇങ്ങനെ പറഞ്ഞു: “എന്റെ സന്തോഷം നിങ്ങളിൽ ആകേണ്ട​തി​നും നിങ്ങളു​ടെ സന്തോഷം പൂർണ്ണ​മാ​കു​ന്ന​തി​നും ഈ കാര്യങ്ങൾ ഞാൻ നിങ്ങ​ളോ​ടു പറഞ്ഞി​രി​ക്കു​ന്നു.” (യോഹ​ന്നാൻ 15:11) ഇന്ന്‌ യഹോ​വ​യു​ടെ സാക്ഷി​കൾക്ക്‌ ഇതു സത്യ​മെന്നു തെളി​ഞ്ഞി​രി​ക്കു​ന്നു. നാം ഒരു സന്തുഷ്ട ജനമാ​യി​രി​ക്കു​ന്ന​തി​നുള്ള കാരണങ്ങൾ അനേക​മാണ്‌. അന്ധവി​ശ്വാ​സ​ത്തി​ന്റെ​യും വ്യാജമത വിശ്വാ​സ​ങ്ങ​ളു​ടെ​യും പിടി​യിൽനിന്ന്‌ നമ്മെ സ്വത​ന്ത്ര​മാ​ക്കിയ സത്യം നമുക്ക്‌ അറിയാം. (യോഹ​ന്നാൻ 8:32) കൂടാതെ, കാലത്തി​ന്റെ നീരൊ​ഴു​ക്കിൽ നാം എവി​ടെ​യാ​ണെന്ന്‌ അറിയു​ക​യും പെട്ടെ​ന്നു​തന്നെ സാക്ഷാ​ത്‌ക്ക​രി​ക്ക​പ്പെ​ടുന്ന രക്ഷയുടെ പ്രത്യാ​ശ​യിൽ സന്തോ​ഷി​ക്കു​ക​യും ചെയ്യുന്നു. (ലൂക്കോസ്‌ 21:28) നാം അനേകം പ്രശ്‌ന​ങ്ങ​ളിൽനി​ന്നും സംരക്ഷി​ക്ക​പ്പെ​ടു​ക​യും ചെയ്യുന്നു—അവയിൽ, ബൈബി​ള​ധി​ഷ്‌ഠിത ധാർമ്മി​കത പാലി​ക്കാ​ത്തവർ അഭിമു​ഖീ​ക​രി​ക്കുന്ന ലൈം​ഗി​ക​ത​യി​ലൂ​ടെ പകരുന്ന രോഗ​ങ്ങ​ളും ഉണ്ട്‌. നാം യഹോ​വ​യു​ടെ ഇഷ്ടം ചെയ്യു​ന്ന​തിൽ തല്‌പ​ര​രായ ആളുക​ളു​ടെ ഏററവും ഉത്തമമായ സഹവാസം ആസ്വദി​ക്കു​ന്നു. ഉവ്വ്‌, നമുക്ക്‌ രാജ്യ​ത്തി​ന്റെ സുവാർത്ത പ്രസം​ഗി​ക്കു​ക​യും ചെമ്മരി​യാ​ടു​തു​ല്യ​രെ ശിഷ്യ​രാ​ക്കു​ക​യും ചെയ്യു​ന്ന​തിൽ പങ്കുപ​റ​റു​ന്ന​തി​നുള്ള മഹത്തായ പദവി​യും ഉണ്ട്‌.—മത്തായി 24:14; 28:19, 20.

എന്നാൽ, യഹോ​വ​യു​ടെ സാക്ഷി​കളെ സംബന്ധിച്ച്‌ മൊത്ത​ത്തിൽ ഇതു സത്യമാ​യി​രി​ക്കെ, ഒരു വ്യക്തി എന്നനി​ല​യിൽ നിങ്ങളെ സംബന്ധി​ച്ചെന്ത്‌? യഹോ​വ​യു​ടെ സാക്ഷി​ക​ളിൽ ശേഷി​ച്ച​വ​രോ​ടൊത്ത്‌ നിങ്ങൾക്കും സന്തോ​ഷി​ക്കാൻ കാരണ​മു​ണ്ടെന്ന്‌ പറയാൻ കഴിയു​ന്ന​തെ​ന്തു​കൊണ്ട്‌?

സുവി​ശേ​ഷി​ക്കൽ വേലയിൽ സന്തോഷം കണ്ടെത്തൽ

ചിലർ വീടു​തോ​റു​മുള്ള പ്രസം​ഗ​പ്ര​വർത്ത​ന​ത്തിൽ പങ്കെടു​ക്കു​ന്നത്‌ പ്രയാ​സ​മെന്നു കണ്ടെത്തു​ന്നു. ഒരുപക്ഷേ അവർ അപരി​ചി​തരെ സമീപി​ക്കു​ന്ന​തും സംഭാ​ഷണം ആരംഭി​ക്കു​ന്ന​തും സംബന്ധിച്ച്‌ അസ്വസ്ഥ​രാ​യി​രി​ക്കാം. അല്ലെങ്കിൽ അവർ മററു​ള്ള​വരെ പഠിപ്പി​ക്കുന്ന കാര്യം വരു​മ്പോൾ തങ്ങൾ അപര്യാ​പ്‌ത​രാ​ണെന്നു കേവലം വിചാ​രി​ച്ചേ​ക്കാം. നിങ്ങൾ ചില​പ്പോൾ അങ്ങനെ വിചാ​രി​ക്കു​ന്നു​വോ? അങ്ങനെ​യെ​ങ്കിൽ, നിങ്ങൾക്ക്‌ സുവി​ശേ​ഷി​ക്കൽ വേലയിൽ എങ്ങനെ സന്തോഷം കണ്ടെത്താൻ കഴിയും?

ഒന്നാമ​താ​യി, ഒരു ക്രിയാ​ത്മക മനോ​ഭാ​വം വെച്ചു​പു​ലർത്തുക. അനേക​മാ​ളു​ക​ളും ഏതെങ്കി​ലും പ്രശസ്‌ത​രാ​ലോ കീർത്തി​കേട്ട രാഷ്‌ട്രീ​യ​നേ​താ​ക്കൻമാ​രാ​ലോ ജോലി​ക്കു നിയമി​ക്ക​പ്പെ​ടു​ന്ന​തിൽ പുളകി​ത​രാ​യി​രി​ക്കും. എന്നാൽ “നിത്യ​ത​യു​ടെ രാജാ​വായ” യഹോ​വ​യാം ദൈവ​ത്താൽ തന്നെ ഉപയോ​ഗി​ക്ക​പ്പെ​ടു​ന്ന​തിൽ നാം എത്രയ​ധി​കം സന്തോഷം കണ്ടെത്തും!—1 തിമൊ​ഥെ​യോസ്‌ 1:17.

ഇത്‌ ഒരിക്ക​ലും ആവർത്തി​ക്ക​പ്പെ​ടു​ക​യി​ല്ലാത്ത ഒരു വേലയാ​ണെ​ന്നും ഓർമ്മി​ക്കുക. കേവലം ചിന്തി​ക്കുക! ക്രിസ്‌ത്യാ​നി​കളെ ഇവിടെ ഭൂമി​യിൽ ചെമ്മരി​യാ​ടു​തു​ല്യ​രായ ആളുകളെ കണ്ടെത്തു​ന്ന​തി​നുള്ള തങ്ങളുടെ പ്രയത്‌ന​ത്തിൽ ദൂതൻമാർ തന്നെ നയിക്ക​യും വഴികാ​ട്ടു​ക​യും ചെയ്യുന്നു. (വെളി​പ്പാട്‌ 14:6) ഇതു നിങ്ങളു​ടെ ഹൃദയ​ത്തി​നു സന്തോഷം കൈവ​രു​ത്തു​ന്നി​ല്ലേ?

രാജ്യ​വർദ്ധ​ന​യിൽ സന്തോഷം കണ്ടെത്തൽ

പ്രസംഗ വേല​യെ​ക്കു​റിച്ച്‌ ഒരു ക്രിയാ​ത്മക വീക്ഷണം ഉണ്ടായി​രി​ക്കേ​ണ്ട​തി​ന്റെ മറെറാ​രു കാരണം അതിനു​ണ്ടാ​യി​രി​ക്കുന്ന ഉത്തമഫ​ല​മാണ്‌. ബൈബിൾ ഇങ്ങനെ മുൻകൂ​ട്ടി പറഞ്ഞു: “കുറഞ്ഞ​വൻതന്നെ ആയിര​വും ചെറി​യവൻ ഒരു മഹാജാ​തി​യും ആയിത്തീ​രും. യഹോ​വ​യായ ഞാൻ തന്നെ അതിന്റെ തക്ക സമയത്ത്‌ അതിനെ ത്വരി​ത​പ്പെ​ടു​ത്തും.” (യെശയ്യാവ്‌ 60:22) യഹോ​വ​യു​ടെ ഈ വാഗ്‌ദത്തം ഈ അടുത്ത കാലത്ത്‌ സത്യമാ​യി​ത്തീർന്നി​രി​ക്കു​ന്നു. ദൃഷ്ടാ​ന്ത​ത്തിന്‌, 1986 സേവന​വർഷ​ത്തിൽ 2,25,868 പേർ യഹോ​വ​യാം ദൈവ​ത്തിന്‌ തങ്ങളുടെ മുഴു​ദേ​ഹി​യോ​ടു​കൂ​ടിയ സമർപ്പ​ണത്തെ ലക്ഷ്യ​പ്പെ​ടു​ത്തി​ക്കൊണ്ട്‌ സ്‌നാ​ന​മേ​ററു. ബൈബിൾ സത്യങ്ങൾ മററു​ള്ള​വ​രു​ടെ ഇടയിൽ പരത്തു​ന്ന​തിൽ പങ്കുപ​റ​റു​ന്ന​വ​രു​ടെ ശരാശരി സംഖ്യ​യിൽ 6.9 ശതമാനം വർദ്ധന ഉണ്ടായി​രു​ന്നു.

നിങ്ങളു​ടെ സ്വന്തം സഭയിൽ അല്ലെങ്കിൽ സർക്കി​ട്ടിൽ ഈ വർദ്ധന​യ്‌ക്കു തെളി​വു​ണ്ടെ​ന്നു​ള്ള​തി​നു സംശയ​മില്ല. പുതി​യവർ ദൈവത്തെ സേവി​ക്കു​ന്ന​തി​നു പ്രാപ്‌ത​രാ​കേ​ണ്ട​തിന്‌ യോഗ​ങ്ങൾക്കു വരിക​യും തങ്ങളുടെ ജീവി​ത​ത്തിൽ ആവശ്യ​മായ മാററങ്ങൾ വരുത്തു​ക​യും ചെയ്‌തു​കൊ​ണ്ടി​രി​ക്കു​ന്നു. പ്രസം​ഗ​വേ​ല​യ്‌ക്കു യഹോ​വ​യു​ടെ അനു​ഗ്രഹം ഉണ്ടെന്ന വസ്‌തു​ത​യി​ലേക്ക്‌ ഇത്‌ വിരൽ ചൂണ്ടു​ന്നി​ല്ലേ? ഈ വർദ്ധന​യിൽ ഒരു പങ്കുണ്ടാ​യി​രി​ക്കു​ന്നത്‌ നിങ്ങൾക്കും അങ്ങനെ വലിയ സന്തോ​ഷ​ത്തി​ന്റെ ഒരു ഉറവി​ട​മാ​യി​രി​ക്കാൻ കഴിയും. ഒരു വ്യക്തി സ്‌നാ​ന​പ്പെ​ടുന്ന ഘട്ടം വരെ നിങ്ങൾ വ്യക്തി​പ​ര​മാ​യി അയാളു​മാ​യി അദ്ധ്യയനം നടത്തി​യി​ട്ടി​ല്ലെ​ന്നു​ള്ളത്‌ സത്യമാ​യി​രി​ക്കാം. ആരെ​യെ​ങ്കി​ലും സത്യത്തിൽ കൊണ്ടു​വ​ന്ന​തി​നുള്ള മഹത്വം എടുക്കാൻ ഒരു വിധത്തി​ലും നമുക്കു സാദ്ധ്യമല്ല. ‘ദൈവം അതു വളരു​മാ​റാ​ക്കു​ന്നു,’ എന്ന്‌ പൗലോസ്‌ പറഞ്ഞു. (1 കൊരി​ന്ത്യർ 3:6-9) പുതി​യ​വരെ സഹായി​ക്കു​ന്ന​തിൽ സഭയിലെ എല്ലാ അംഗങ്ങൾക്കും ഒരു പങ്കുണ്ട്‌. എങ്ങനെ? യോഗ​ങ്ങ​ളിൽ ഹാജരാ​കു​ന്ന​തി​നാ​ലും ഉത്തരം പറയു​ന്ന​തി​നാ​ലും പുതി​യ​വരെ സൗഹാർദ്ദ​പൂർവ്വം സ്വാഗതം ചെയ്യു​ന്ന​തി​നാ​ലും സത്യം ആകർഷ​ക​മാ​ക്കുന്ന ഒരു വിധത്തിൽ തങ്ങൾ തന്നേ നടക്കു​ന്ന​തി​നാ​ലും തന്നെ.

എന്നിരു​ന്നാ​ലും, വീടു​തോ​റു​മുള്ള പ്രസംഗ പ്രവർത്ത​ന​ത്തി​ലും ഭവന ബൈബിൾ അദ്ധ്യയന വേലയി​ലും നിങ്ങൾക്ക്‌ കൂടുതൽ നേരി​ട്ടുള്ള പങ്കു​ണ്ടെ​ങ്കിൽ അധികം സന്തോഷം ലഭ്യമാ​ക്കാൻ കഴിയും. കഴിഞ്ഞ​വർഷം ശരാശരി 27,26,252 പ്രതി​വാര ബൈബിൾ അദ്ധ്യയ​നങ്ങൾ നിർവ്വ​ഹി​ക്ക​പ്പെട്ടു. ഈ സന്തുഷ്ട​വേ​ല​യിൽ ഒരു പങ്കുണ്ടാ​യി​രി​ക്കാൻ എന്തു​കൊണ്ട്‌ അധിക​മായ ഒരു ശ്രമം ചെയ്‌തു​കൂ​ടാ? നിങ്ങൾ അറിയുന്ന ആർക്കെ​ങ്കി​ലും, ഒരുപക്ഷേ ഒരു അയൽവാ​സി​ക്കോ നിങ്ങൾ സാഹി​ത്യം സമർപ്പിച്ച ആർക്കെ​ങ്കി​ലു​മോ ഒരു ബൈബി​ള​ദ്ധ്യ​യനം വാഗ്‌ദാ​നം ചെയ്യുക. അത്തരം ചെമ്മരി​യാ​ടു​തു​ല്യ​നായ ഒരു ആളെ കണ്ടെത്തു​ന്ന​തിന്‌ യഹോ​വ​യു​ടെ സഹായ​ത്തി​നാ​യി അപേക്ഷി​ക്കുക.

സന്തുഷ്ടി​ക്കുള്ള തടസ്സങ്ങളെ തരണം ചെയ്യുക

ഒരുവൻ മററു​ള്ള​വരെ പഠിപ്പി​ക്കു​ന്ന​തിന്‌ അപ്രാ​പ്‌ത​നാ​ണെന്നു വിചാ​രി​ക്കു​ന്നെ​ങ്കിൽ നിശ്ചയ​മാ​യും വയൽശു​ശ്രൂ​ഷ​യിൽ സന്തോഷം കണ്ടെത്തു​ന്ന​തിൽ അതിന്‌ ഒരു യഥാർത്ഥ തടസ്സമാ​യി​രി​ക്കാൻ കഴിയും. എന്നിരു​ന്നാ​ലും “നാം വേണ്ടവി​ധം പ്രാപ്‌ത​രാ​യി​രിക്ക എന്നത്‌ ദൈവ​ത്തിൽനി​ന്നു ലഭിക്കു​ന്നു.” (2 കൊരി​ന്ത്യർ 3:5) നാം ഫലപ്ര​ദ​രായ ശുശ്രൂ​ഷകർ എന്നനി​ല​യിൽ യോഗ്യ​രാ​യി​ത്തീ​രു​ന്ന​തിന്‌ യഹോവ തന്റെ സ്ഥാപനം മുഖാ​ന്തരം അനേകം ഉത്തമ സഹായങ്ങൾ പ്രദാനം ചെയ്‌തി​ട്ടുണ്ട്‌.

ഒന്നാമ​താ​യി, നമ്മുടെ ഇടയിൽ അനേകർ യഹോ​വയെ ദീർഘ​കാ​ല​മാ​യി സേവി​ച്ചു​കൊ​ണ്ടി​രി​ക്കു​ന്ന​വ​രാണ്‌, വയൽശു​ശ്രൂ​ഷ​യിൽ വളരെ പരിച​യ​വും ഉണ്ട്‌. നമുക്ക്‌ ഈ പരിചയ സമ്പന്നരായ ശുശ്രൂ​ഷ​ക​രോ​ടൊത്ത്‌ അവരുടെ പ്രവർത്ത​ന​ത്തിൽ കൂടു​ക​യും അവരിൽ നിന്നു പഠിക്കു​ക​യും ചെയ്യാൻ കഴിയും. കൂടാതെ, നമ്മുടെ രാജ്യ ശുശ്രൂ​ഷ​യിൽ ഓരോ മാസവും പ്രത്യ​ക്ഷ​പ്പെ​ടുന്ന ഉത്തമ മാർഗ്ഗ​നിർദ്ദേ​ശങ്ങൾ ഉണ്ട്‌. നമ്മുടെ പ്രസംഗ വൈദ​ഗ്‌ദ്ധ്യ​ത്തി​നു മൂർച്ച​കൂ​ട്ടുന്ന വിവരങ്ങൾ സമൃദ്ധ​മാ​യി ഉൾക്കൊ​ള്ളുന്ന തിരു​വെ​ഴു​ത്തിൽ നിന്നു ന്യായ​വാ​ദം ചെയ്യുക എന്ന പ്രസി​ദ്ധീ​ക​ര​ണ​വും ഉണ്ട്‌. ഈ ഉപകര​ണങ്ങൾ ഉപയോ​ഗി​ച്ചു​കൊണ്ട്‌ വയൽശു​ശ്രൂ​ഷ​യ്‌ക്കു​വേണ്ടി കൂടുതൽ പൂർണ്ണ​മാ​യി ഒരുങ്ങുക. വാതുക്കൽ നിങ്ങളെ പരിച​യ​പ്പെ​ടു​ത്തു​ന്ന​തി​നുള്ള നൂതന​വും രസകര​വു​മായ വിധങ്ങൾ പരിഗ​ണി​ക്കുക. അല്ലെങ്കിൽ വീട്ടു​കാ​രെ സംഭാ​ഷ​ണ​ത്തിൽ ഉൾപ്പെ​ടു​ത്തു​ന്ന​തി​നുള്ള വിവിധ മാർഗ്ഗങ്ങൾ പരിഗ​ണി​ക്കുക. നിങ്ങൾ വയലിൽ കൂടുതൽ ഫലപ്ര​ദ​രാ​കു​ന്ന​തി​ന​നു​സ​രിച്ച്‌ പ്രസം​ഗ​വേ​ല​യി​ലുള്ള നിങ്ങളു​ടെ ഉത്സാഹ​വും സന്തോ​ഷ​വും നിസ്സം​ശ​യ​മാ​യും വർദ്ധി​ക്കും.

നമുക്കു ആളുക​ളോട്‌ സംസാ​രി​ക്കാൻ സാധി​ക്കു​മ്പോൾ ശുശ്രൂഷ കൂടുതൽ ആസ്വാ​ദ്യ​ക​ര​മാണ്‌. ചില പ്രദേ​ശ​ങ്ങ​ളിൽ ഇത്‌ ഒരു പ്രശ്‌ന​മാ​ണെ​ന്നത്‌ അംഗീ​ക​രി​ക്കണം. അപരാഹ്ന സമയ​ത്തെ​ന്ന​പ്പോ​ലെ അധികം​പേ​രും ഭവനത്തി​ലുള്ള ഒരു സമയത്ത്‌ വയൽസേ​വ​ന​ത്തിൽ പങ്കെടു​ക്കാൻ നിങ്ങൾക്കു ക്രമീ​ക​രി​ക്കാൻ കഴിയു​മോ? അനേകർ അങ്ങനെ ചെയ്യു​ന്നത്‌ തികച്ചും ഫലപ്ര​ദ​മാ​ണെന്നു കണ്ടെത്തു​ന്നു. നിങ്ങൾക്കും ആളുകളെ എവി​ടെ​യെ​ല്ലാം കണ്ടെത്താൻ കഴിയു​മോ—തെരു​വു​ക​ളി​ലോ പാർക്കി​ലെ ബഞ്ചിലോ തങ്ങളുടെ കാറുകൾ കഴുകി​കൊ​ണ്ടി​രി​ക്കു​ന്നി​ട​ത്തോ—അവി​ടെ​യെ​ല്ലാം മുൻ​കൈ​യെ​ടുത്ത്‌ അവരോട്‌ സംസാ​രി​ക്കാൻ കഴിയും. ആളുകൾക്ക്‌ സത്യം ആവശ്യ​മാ​ണെ​ന്നും ജീവൻ ഉൾപ്പെ​ട്ടി​രി​ക്കു​ന്നു എന്നും ഓർക്കുക. ഇതിന്‌ ലജ്ജയ്‌ക്കുള്ള ചായ്‌വു​കളെ തരണം ചെയ്യാൻ നിങ്ങളെ പ്രേരി​പ്പി​ക്കാൻ സഹായി​ക്കാൻ കഴിയും. ബഹുഭൂ​രി​പക്ഷം ആളുക​ളും അനുകൂല പ്രതി​ക​രണം കാണി​ക്ക​യി​ല്ലെ​ന്നു​ള്ളതു സത്യമാ​യി​രി​ക്കെ, അപ്രകാ​രം ചെയ്യു​ന്നവർ നമുക്കു വളരെ സന്തോഷം കൈവ​രു​ത്തു​ന്നു.

എന്നിരു​ന്നാ​ലും, നമ്മുടെ സന്തോഷം നിലനിർത്തു​ന്ന​തി​നുള്ള ഏററവും വലിയ സഹായ​ങ്ങ​ളി​ലൊന്ന്‌ പ്രാർത്ഥ​ന​യാണ്‌. നിങ്ങളെ ശക്തി​പ്പെ​ടു​ത്തു​ന്ന​തി​നും പ്രോ​ത്സാ​ഹി​പ്പി​ക്കു​ന്ന​തി​നും യഹോ​വ​യോട്‌ അവന്റെ ആത്മാവി​നു​വേണ്ടി അപേക്ഷി​ക്കുക. പൗലോസ്‌ ഇപ്രകാ​രം പറഞ്ഞു: “എനിക്കു ശക്തി നൽകു​ന്ന​വന്റെ പ്രഭാ​വ​ത്താൽ എനിക്കു എല്ലാത്തി​നും ശക്തിയുണ്ട്‌.” (ഫിലി​പ്യർ 4:13) നമുക്കും, യഹോ​വ​യിൽ അധികം പൂർണ്ണ​മാ​യി ആശ്രയി​ക്കാൻ പഠിക്കു​ന്ന​തി​നാൽ ആ വിധത്തിൽ വിചാ​രി​ക്കാൻ കഴിയും.

ഒരു സന്തുഷ്ട ജനമെ​ന്ന​നി​ല​യിൽ സഹിച്ചു നിൽക്കൽ

അനേക​മാ​ളു​ക​ളും നമ്മുടെ വേലയെ വിലമ​തി​ക്കു​ന്നില്ല. അവസ്ഥയി​താ​യി​രി​ക്കു​മെന്ന്‌ യേശു​വി​ന​റി​യാ​മാ​യി​രു​ന്നു. അതു​കൊണ്ട്‌ അവൻ തന്റെ അനുഗാ​മി​കളെ പ്രസം​ഗി​ക്കാൻ അയച്ച​പ്പോൾ അവൻ അവരെ ഇപ്രകാ​രം ബുദ്ധി​യു​പ​ദേ​ശി​ച്ചു: “ആരെങ്കി​ലും നിങ്ങളെ കൈ​ക്കൊ​ള്ളാ​തെ​യും നിങ്ങളു​ടെ വചനങ്ങളെ കേൾക്കാ​തെ​യു​മി​രു​ന്നാൽ ആ വീടോ നഗരമോ വിട്ടു​പോ​കു​മ്പോൾ നിങ്ങളു​ടെ പാദങ്ങ​ളി​ലെ പൊടി കൂടഞ്ഞു കളയു​വിൻ. . . . നോക്കൂ! ചെന്നാ​യ്‌ക്ക​ളു​ടെ നടുവിൽ ആടുക​ളെ​പ്പോ​ലെ ഞാൻ നിങ്ങളെ അയയ്‌ക്കു​ന്നു; അതു​കൊണ്ട്‌ പാമ്പി​നെ​പ്പോ​ലെ ജാഗ്ര​ത​യു​ള്ള​വ​രും എന്നാൽ പ്രാവി​നെ​പ്പോ​ലെ നിഷ്‌ക​ള​ങ്ക​രും എന്നു തെളി​യി​ക്കു​വിൻ.” യേശു ഇപ്രകാ​ര​വും പറഞ്ഞു: “നിങ്ങളു​ടെ തലയിലെ രോമം​പോ​ലും എല്ലാം എണ്ണപ്പെ​ട്ടി​രി​ക്കു​ന്നു. അതു​കൊണ്ട്‌ ഭയപ്പെ​ടേണ്ടാ.”—മത്തായി 10:11-16, 30, 31.

ഈ വാക്കുകൾ സന്തോ​ഷ​ത്തോ​ടെ സഹിക്കു​ന്ന​തി​നു നമ്മെ സഹായി​ക്കു​ന്നു. തങ്ങൾക്കു​വേ​ണ്ടി​യുള്ള നമ്മുടെ ശ്രമങ്ങളെ വിലമ​തി​ക്കു​ന്നി​ല്ലാത്ത ആളുകളെ നാം കണ്ടുമു​ട്ടു​മ്പോൾ, നാം അപ്പോ​ഴും യഹോ​വ​യു​ടെ നാമം പ്രസി​ദ്ധ​മാ​ക്കു​ക​യാണ്‌, നാം അപ്പോ​ഴും അവനെ പുകഴ്‌ത്തു​ക​യാണ്‌ എന്നു തിരി​ച്ച​റി​യാൻ അവ നമ്മെ സഹായി​ക്കു​ന്നു. (സങ്കീർത്തനം 100:4, 5) രസാവ​ഹ​മാ​യി, കതകു തുറക്കാൻ വിസമ്മ​തി​ക്കുന്ന വീട്ടു​കാർ ചില​പ്പോൾ മററു​ള്ള​വ​രോട്‌ ഇപ്രകാ​രം പറയു​ന്നതു കേൾക്കാൻ കഴിയും: “അത്‌ യഹോ​വ​യു​ടെ സാക്ഷികൾ ആയിരു​ന്നു.” ഉവ്വ്‌, നാം ഒററവാ​ക്കു പറയാതെ തന്നെ യഹോ​വ​യു​ടെ നാമം പ്രസി​ദ്ധ​മാ​ക​യും ആളുകൾക്ക്‌ സത്യം സ്വീക​രി​ക്ക​യോ തിരസ്‌ക​രി​ക്ക​യോ ചെയ്യു​ന്ന​തി​നുള്ള അവസരം ലഭിക്ക​യും ചെയ്‌തി​രി​ക്കു​ന്നു. (മത്തായി 25:31, 32) അതു​കൊണ്ട്‌ പ്രതി​ക​രി​ക്കാത്ത പ്രദേ​ശങ്ങൾ പോലും സന്തോ​ഷ​ത്തോ​ടെ സഹിക്കാൻ കഴിയും.

കൂടാതെ, അത്തരം വ്യക്തി​കൾക്ക്‌ മനോ​ഭാ​വ​ത്തിൽ ഒരു മാററം വന്നേക്കാ​വു​ന്ന​തെ​പ്പോ​ഴെ​ന്നും നമുക്ക്‌ ഒരിക്ക​ലും അറിഞ്ഞു​കൂ​ടാ. ഒരു ക്രിസ്‌തീയ സഹോ​ദ​രി​യെ തന്റെ വാതുക്കൽ നിന്ന്‌ അനേകം പ്രാവ​ശ്യം പറഞ്ഞയച്ച ഒരു സ്‌ത്രീ ഒരു ദിവസം, തന്റെ കൈയിൽ എന്തെങ്കി​ലും സാഹി​ത്യ​മു​ണ്ടോ എന്ന്‌ സഹോ​ദ​രി​യോട്‌ ചോദി​ച്ചു. ആ സഹോ​ദരി അതിശ​യി​ക്ക​യും ആ സ്‌ത്രീ മുമ്പ്‌ ഒരിക്ക​ലും ബൈബിൾ സാഹി​ത്യ​ങ്ങൾ സ്വീക​രി​ച്ചി​ട്ടി​ല്ലെന്ന്‌ പറയു​ക​യും ചെയ്‌തു. തന്റെ ഭർത്താവ്‌, യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിച്ചു​കൊ​ണ്ടി​രുന്ന ഒരാളു​ടെ കൂടെ ജോലി ചെയ്‌തു എന്ന്‌ ആ സ്‌ത്രീ വിശദീ​ക​രി​ച്ചു. അയാൾ തനിക്കും തന്റെ ഭർത്താ​വി​നും വാച്ച്‌ടവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളി​ലൊന്ന്‌ നൽകി. ആകാം​ക്ഷ​കൊണ്ട്‌, ആ സ്‌ത്രീ അതു വായി​ക്കു​ക​യും അതിലെ ദൂത്‌ സത്യമാ​ണെന്ന്‌ തിരി​ച്ച​റി​യു​ക​യും ചെയ്‌തു. അതു​കൊണ്ട്‌ അടുത്ത പ്രാവ​ശ്യം ഒരു സാക്ഷി സന്ദർശി​ക്കു​മ്പോൾ അയാളെ സ്വീക​രി​ക്കും എന്ന്‌ അപ്പോൾ അവിടെ വെച്ചു​തന്നെ തീരു​മാ​നി​ച്ചു. ഒരു ഭവന ബൈബിൾ അദ്ധ്യയനം ആരംഭി​ക്ക​യും ആ സ്‌ത്രീ പിന്നീട്‌ യഹോ​വ​യു​ടെ ഒരു സമർപ്പിത സാക്ഷി​യാ​യി​തീ​രു​ക​യും ചെയ്‌തു!

നമുക്ക്‌ അതു​കൊണ്ട്‌ ലോക​ത്തിൽ പ്രത്യാശ നൽകുന്ന ഏക ദൂതു ഘോഷി​ക്കു​ന്ന​തി​നുള്ള മഹത്തായ പദവി—ഒരു സന്തുഷ്ട പദവി ഉണ്ട്‌. പ്രസം​ഗ​വേല ഈ അന്ത്യനാ​ളു​ക​ളി​ലേക്ക്‌ ദൈവം നമുക്കു നൽകി​യി​രി​ക്കുന്ന നിയമ​ന​വു​മാണ്‌. അന്ത്യം വരുന്ന​തി​നു​മുമ്പ്‌ അതു പൂർത്തി​യാ​ക്ക​യും വേണം. (മത്തായി 24:14) സാത്താന്റെ ദുഷ്ടവ്യ​വ​സ്ഥി​തി അവസാ​നി​ക്കു​ന്ന​തി​നു മുമ്പ്‌ എത്രകാ​ലം കൂടി​യുണ്ട്‌? അന്ത്യം താമസി​ച്ചു വരിക​യില്ല എന്നു നമുക്ക​റി​യാം. (ഹബക്കൂക്ക്‌ 2:3 താരത​മ്യ​പ്പെ​ടു​ത്തുക.) അതിനി​ട​യിൽ മററു​ള്ള​വർക്ക്‌ സത്യം പഠിക്കു​ന്ന​തി​നുള്ള സമയം ഇപ്പോ​ഴും ഉണ്ട്‌. നമുക്കു ശേഷി​ച്ചി​രി​ക്കുന്ന ഈ സമയം പ്രയോ​ജ​ന​പ്പെ​ടു​ത്തു​ക​യും തീക്ഷ്‌ണ​ത​യോ​ടെ പ്രസം​ഗ​വേ​ല​യിൽ ഏർപ്പെ​ടു​ക​യും ചെയ്യാം. ‘നമ്മെത്ത​ന്നെ​യും നമ്മെ ശ്രദ്ധി​ക്കു​ന്ന​വ​രെ​യും രക്ഷിക്കു​വാൻ’ തക്കവണ്ണം കഠിന​വേല ചെയ്‌തു​കൊണ്ട്‌ നമുക്ക്‌ ഒരു ക്രിയാ​ത്മക മനോ​ഭാ​വം വെച്ചു​പു​ലർത്താം. (1 തിമൊ​ഥെ​യോസ്‌ 4:16) അപ്രകാ​രം ചെയ്‌തു​കൊണ്ട്‌ നാം രാജ്യ​വർദ്ധ​ന​യിൽ പങ്കു​ചേർന്നു​കൊണ്ട്‌ ഒരു സന്തുഷ്ട ജനമായി നിലനിൽക്കും. (w87 3/15)

[31-ാം പേജിലെ ചതുരം]

രാജ്യദൂതിനു ആളുകൾ പ്രതി​ക​രണം കാണി​ക്കാ​ത്ത​പ്പോൾപോ​ലും നമ്മുടെ സുവി​ശേ​ഷി​ക്കൽ പ്രവർത്തനം യഥാർത്ഥ സന്തുഷ്ടി​യു​ടെ ഉറവി​ട​മാണ്‌