ഇരുളടഞ്ഞ നാളു​ക​ളി​ലും ധൈര്യം കാണിച്ചു

അപ്പോ​സ്‌ത​ല​നായ യോഹ​ന്നാൻ “ഇത്‌ അവസാ​ന​നാ​ഴി​ക​യാണ്‌” എന്ന്‌ എഴുതി. അദ്ദേഹ​ത്തിന്‌ അപ്പോൾ നല്ല പ്രായ​മാ​യി​രു​ന്നു. അപ്പോ​സ്‌ത​ല​ന്മാ​രു​ടെ കാലം ഏതാണ്ട്‌ കഴിയാ​റാ​യെന്ന്‌ അദ്ദേഹ​ത്തിന്‌ അറിയാം. പതിറ്റാ​ണ്ടു​കൾക്കു മുമ്പ്‌ യേശു​വും അപ്പോ​സ്‌ത​ല​നായ പൗലോ​സും വിശ്വാ​സ​ത്യാ​ഗം പടർന്നു​പി​ടി​ക്കു​ന്ന​തി​നെ​ക്കു​റിച്ച്‌ മുന്നറി​യി​പ്പു നൽകി​യി​രു​ന്നു. അതു സംഭവി​ച്ചു​തു​ട​ങ്ങി​യ​പ്പോൾ അപ്പോ​സ്‌ത​ല​ന്മാർ ജീവി​ച്ചി​രു​ന്ന​തു​കൊണ്ട്‌ ദുഷിച്ച സ്വാധീ​ന​ത്തിൽനിന്ന്‌ സഭകളെ സംരക്ഷി​ക്കാൻ അവർക്കു കഴിഞ്ഞു. എന്നാൽ അവരുടെ മരണ​ത്തോ​ടെ വ്യാ​ജോ​പ​ദേശം പഠിപ്പി​ക്കു​ന്നവർ സഭകളെ ദുഷി​പ്പി​ക്കു​മാ​യി​രു​ന്നു. (മത്താ. 7:15; പ്രവൃ. 20:29, 30; 2 തെസ്സ. 2:6, 7) വിശ്വാ​സ​ത്യാ​ഗ​ത്തിന്‌ എതിരെ നില​കൊണ്ട അവസാ​നത്തെ അപ്പോ​സ്‌തലൻ സാധ്യ​ത​യ​നു​സ​രിച്ച്‌ യോഹ​ന്നാ​നാണ്‌. വിശ്വാ​സ​ത്യാ​ഗം സഭകളി​ലേക്കു പടർന്നു​പി​ടി​ച്ചു​കൊ​ണ്ടി​രുന്ന ആ ഇരുളടഞ്ഞ നാളു​ക​ളിൽ യോഹ​ന്നാന്‌ എത്ര വിഷമം തോന്നി​യി​രി​ക്കണം! എങ്കിലും അദ്ദേഹം പേടി​ക്കു​ക​യോ നിരാ​ശ​പ്പെ​ട്ടു​പോ​കു​ക​യോ ചെയ്‌തില്ല.

പ്രായം 90 കഴിഞ്ഞ​പ്പോ​ഴും യോഹ​ന്നാൻ ഉത്സാഹ​ത്തോ​ടെ “ദൈവ​ത്തെ​ക്കു​റിച്ച്‌ പ്രസം​ഗി​ക്കു​ക​യും യേശു​വി​നു​വേണ്ടി സാക്ഷി പറയു​ക​യും” ചെയ്‌തു​കൊ​ണ്ടി​രു​ന്നു. അതിന്റെ പേരിൽ അദ്ദേഹത്തെ പത്മൊസ്‌ ദ്വീപി​ലേക്കു നാടു​ക​ടത്തി. ഈജിയൻ കടലി​ലുള്ള, പാറ​ക്കെ​ട്ടു​കൾ നിറഞ്ഞ ഒരു തരിശു​പ്ര​ദേ​ശ​മാ​യി​രു​ന്നു അത്‌. ആ ശിക്ഷ കിട്ടി​യ​പ്പോ​ഴും ധൈര്യ​ത്തോ​ടെ നിൽക്കാൻ യോഹ​ന്നാ​നു കഴിഞ്ഞത്‌ എങ്ങനെ​യാണ്‌? യേശു കൊടുത്ത ഈ ഉറപ്പ്‌ അദ്ദേഹ​ത്തി​ന്റെ മനസ്സി​ലു​ണ്ടാ​യി​രു​ന്നു: “വ്യവസ്ഥി​തി​യു​ടെ അവസാ​ന​കാ​ലം​വരെ എന്നും ഞാൻ നിങ്ങളു​ടെ​കൂ​ടെ​യുണ്ട്‌.”—മത്താ. 28:20.

യേശു ആ വാഗ്‌ദാ​നം നൽകി​യിട്ട്‌ 60-ലേറെ വർഷം കഴിഞ്ഞി​രു​ന്നു. ഇപ്പോൾ അസാധാ​ര​ണ​മായ ഒരു വിധത്തിൽ യേശു​വി​നെ കാണാ​നും യേശു​വി​ന്റെ ശബ്ദം കേൾക്കാ​നും യോഹ​ന്നാ​നു സാധിച്ചു. ഭാവി​യെ​ക്കു​റി​ച്ചുള്ള ആവേശം​കൊ​ള്ളി​ക്കുന്ന ഒരു ദർശന​ത്തി​ലൂ​ടെ​യാ​യി​രു​ന്നു അത്‌. ‘കർത്താ​വി​ന്റെ ദിവസ​ത്തിൽ’ ലോക​മെ​ങ്ങു​മുള്ള ദൈവ​ജനം ശരിയായ രീതി​യിൽ യഹോ​വയെ ആരാധി​ക്കു​മെന്ന്‌ അതു കാണി​ച്ചു​കൊ​ടു​ത്തു. കൂടാതെ സാത്താ​നിൽനി​ന്നുള്ള ആക്രമ​ണ​മു​ണ്ടാ​യാ​ലും വിശ്വ​സ്‌ത​രാ​യി തുടരാൻ താൻ അവരെ സഹായി​ക്കു​മെ​ന്നും യേശു ഉറപ്പു നൽകി.

യേശു ‘അടയാ​ള​ങ്ങ​ളി​ലൂ​ടെ​യാണ്‌’ ആ ദർശനം കാണി​ച്ചു​കൊ​ടു​ത്തത്‌. കണ്ട മിക്ക കാര്യ​ങ്ങ​ളും യോഹ​ന്നാ​നു മനസ്സി​ലാ​യില്ല. എന്നാൽ ഒരു കാര്യം അദ്ദേഹ​ത്തി​നു വ്യക്തമാ​യി: വ്യാ​ജോ​പ​ദേ​ശങ്ങൾ പ്രചരി​പ്പി​ക്കു​ന്നവർ വിജയി​ക്കാൻ യഹോ​വ​യും യേശു​വും ഒരിക്ക​ലും അനുവ​ദി​ക്കില്ല. കർത്താ​വി​ന്റെ ദിവസ​ത്തിൽ ദൈവ​ജനം എണ്ണത്തിൽ വർധി​ക്കു​മെ​ന്നും യഹോവ അവർക്കു​വേണ്ടി അത്ഭുത​ക​ര​മായ കാര്യങ്ങൾ ചെയ്യു​മെ​ന്നും അദ്ദേഹ​ത്തിന്‌ ഉറപ്പാ​യി​രു​ന്നു. കൂടാതെ സ്വർഗ​ത്തിൽ ഒരു യുദ്ധം ഉണ്ടാകു​മെ​ന്നും അതിൽ പരാജ​യ​പ്പെ​ടുന്ന സാത്താനെ ഭൂമി​യി​ലേക്കു വലി​ച്ചെ​റി​യു​മെ​ന്നും യോഹ​ന്നാൻ ആ ദർശന​ത്തിൽ കണ്ടു. ഒടുവിൽ സാത്താനെ എന്നേക്കു​മാ​യി നശിപ്പി​ക്കു​ക​യും ചെയ്യു​മാ​യി​രു​ന്നു. ആ ദർശനം യോഹ​ന്നാ​ന്റെ ധൈര്യം എത്രമാ​ത്രം ശക്തമാ​ക്കി​യി​രി​ക്കണം! ‘താൻ കണ്ടതൊ​ക്കെ’ യോഹ​ന്നാൻ വിശ്വ​സ്‌ത​മാ​യി എഴുതി​വെച്ചു.

പത്മൊസ്‌ ദ്വീപി​ലെ ജീവിതം ഒട്ടും എളുപ്പ​മാ​യി​രു​ന്നി​രി​ക്കില്ല. എങ്കിലും അതൊ​ന്നും യോഹ​ന്നാ​ന്റെ സന്തോ​ഷ​മോ ഉത്സാഹ​മോ കെടു​ത്തി​ക്ക​ള​ഞ്ഞില്ല. പിന്നീട്‌ യോഹ​ന്നാൻ മോചി​ത​നായി. സാധ്യ​തയ​നു​സരിച്ച്‌, റോമൻ ചക്ര​വർത്തി​യും ക്രിസ്‌ത്യാ​നി​ക​ളു​ടെ കടുത്ത ശത്രു​വും ആയിരുന്ന ഡൊമി​ഷ്യ​ന്റെ മരണ​ത്തോ​ടെയായിരുന്നു അത്‌. തുടർന്ന്‌ ദ്വീ​പിൽ​നിന്ന്‌ പോന്ന അദ്ദേഹം ഒരുപക്ഷേ എഫെ​സൊ​സിൽ താമസ​മാ​ക്കി. ഏതാണ്ട്‌ 100-നടുത്ത്‌ പ്രായ​മു​ള്ള​പ്പോൾ യോഹ​ന്നാ​നു ബുദ്ധി​മു​ട്ടുള്ള മറ്റൊരു നിയമനം കിട്ടി.

യേശു​വി​ന്റെ ജീവി​ത​ത്തെ​ക്കു​റി​ച്ചുള്ള നാലാ​മ​ത്തേ​തും അവസാ​ന​ത്തേ​തും ആയ സുവി​ശേ​ഷ​വി​വ​രണം എഴുതാൻ യഹോവ ഇപ്പോൾ യോഹ​ന്നാ​നെ ഉപയോ​ഗി​ച്ചു. അതു സഭകളിൽ പെട്ടെ​ന്നു​തന്നെ വിതരണം ചെയ്യു​മെ​ന്നും അവരുടെ ധൈര്യ​വും വിശ്വാ​സ​വും വർധി​പ്പി​ക്കു​മെ​ന്നും യോഹ​ന്നാന്‌ അറിയാ​മാ​യി​രു​ന്നു. എന്നാൽ അങ്ങനെ ചെയ്യു​ന്നതു ശത്രു​ക്കളെ ഒന്നുകൂ​ടെ ദേഷ്യം പിടി​പ്പി​ക്കു​മാ​യി​രു​ന്നു. പക്ഷേ അതൊ​ന്നും അദ്ദേഹ​ത്തി​ന്റെ ധൈര്യം ചോർത്തി​ക്ക​ള​ഞ്ഞില്ല.

യേശു മരിച്ചിട്ട്‌ ഇപ്പോൾ ഏതാണ്ട്‌ 70 വർഷം കഴിഞ്ഞി​രു​ന്നു. എങ്കിലും യേശു പറഞ്ഞതും ചെയ്‌ത​തും ആയ കാര്യങ്ങൾ പരിശു​ദ്ധാ​ത്മാ​വി​ന്റെ സഹായ​ത്തോ​ടെ കൃത്യ​മാ​യി ഓർത്തെ​ടു​ക്കാൻ യോഹ​ന്നാ​നു കഴിഞ്ഞു. യോഹ​ന്നാൻ തന്റെ സുവി​ശേ​ഷ​ത്തിൽ എഴുതി​യി​രി​ക്കുന്ന ഏതാണ്ട്‌ 90 ശതമാനം വിവര​ങ്ങ​ളും അതിനു മുമ്പ്‌ എഴുതിയ മൂന്നു സുവി​ശേ​ഷ​ങ്ങ​ളി​ലും കാണാ​ത്ത​വ​യാണ്‌. ഉദാഹ​ര​ണ​ത്തിന്‌, യേശു ലാസറി​നെ ഉയർപ്പി​ച്ച​തി​നെ​ക്കു​റി​ച്ചും തുടർന്ന്‌ മതനേ​താ​ക്ക​ന്മാർ ലാസറി​നെ കൊല്ലാൻ ഗൂഢാ​ലോ​ചന നടത്തി​യ​തി​നെ​ക്കു​റി​ച്ചും യോഹ​ന്നാ​ന്റെ സുവി​ശേ​ഷ​ത്തിൽ മാത്രമേ ഉള്ളൂ. (യോഹ. 11:1-46; 12:10) കൂടാതെ തന്റെ മരണത്തി​ന്റെ തലേരാ​ത്രി​യിൽ യേശു ശിഷ്യ​ന്മാ​രോ​ടു പറഞ്ഞ കാര്യ​ങ്ങ​ളും അവർക്കു​വേണ്ടി നടത്തിയ പ്രാർഥ​ന​യും വിശദ​മാ​യി രേഖ​പ്പെ​ടു​ത്തി​യ​തും യോഹ​ന്നാൻ മാത്ര​മാണ്‌. എത്ര നല്ലൊരു സമ്മാന​മാ​ണു യോഹ​ന്നാ​ന്റെ സുവി​ശേഷം!

ഏതാണ്ട്‌ ആ സമയത്തു​ത​ന്നെ​യാ​ണു ക്രിസ്‌ത്യാ​നി​കൾക്കു മൂന്നു കത്തുകൾ എഴുതാ​നും യഹോവ യോഹ​ന്നാ​നെ പ്രചോ​ദി​പ്പി​ച്ചത്‌. സഭകളിൽ സ്വാധീ​നം ചെലു​ത്തി​ക്കൊ​ണ്ടി​രുന്ന വിശ്വാ​സ​ത്യാ​ഗി​കളെ സൂക്ഷി​ക്ക​ണ​മെന്ന്‌ ആ കത്തുക​ളിൽ അദ്ദേഹം ധൈര്യ​ത്തോ​ടെ എഴുതി. അവരു​മാ​യി കൂട്ടു​ചേ​രാ​നോ അവരെ അഭിവാ​ദനം ചെയ്യാൻപോ​ലു​മോ പാടി​ല്ലാ​യി​രു​ന്നു. യോഹ​ന്നാ​ന്റെ ആ കത്തുക​ളിൽ സ്‌നേ​ഹ​വും പ്രത്യാ​ശ​യും നിറഞ്ഞു​നി​ന്നു. “ദൈവം സ്‌നേ​ഹ​മാണ്‌” എന്നു യോഹ​ന്നാൻ പഠിപ്പി​ച്ചു. മാത്രമല്ല സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കു​ക​യും അവർക്കു വേണ്ട ഉപദേ​ശങ്ങൾ നൽകു​ക​യും ചെയ്‌തു​കൊണ്ട്‌ അദ്ദേഹം ദൈവ​സ്‌നേഹം പ്രതി​ഫ​ലി​പ്പി​ക്കു​ക​യും ചെയ്‌തു. കൂടാതെ സത്യം പഠിക്കാൻ താൻ സഹായി​ച്ചവർ തുടർന്നും ‘സത്യത്തിൽ നടക്കു​ന്നതു കാണു​ന്നത്‌’ തന്നെ എത്രമാ​ത്രം സന്തോ​ഷി​പ്പി​ക്കു​ന്നെ​ന്നും അദ്ദേഹം എഴുതി. അദ്ദേഹ​ത്തി​ന്റെ കത്തുകൾ അങ്ങനെ ചെയ്യു​ന്ന​തിൽ തുടരാൻ ഉറപ്പാ​യും അവരെ പ്രോ​ത്സാ​ഹി​പ്പി​ച്ചി​ട്ടുണ്ട്‌.

യോഹ​ന്നാന്‌ ഉണ്ടായ​തു​പോ​ലുള്ള ഒരു അനുഭവം ക്രിസ്‌ത്യാ​നി​ക​ളായ നമുക്ക്‌ ഉണ്ടാകില്ല. യോഹ​ന്നാൻ മരിച്ചു​ക​ഴി​ഞ്ഞുള്ള നൂറ്റാ​ണ്ടു​ക​ളിൽ വിശ്വാ​സ​ത്യാ​ഗം സഭകളെ ദുഷി​പ്പി​ച്ചെ​ങ്കി​ലും വീണ്ടും അങ്ങനെ സംഭവി​ക്കാൻ അനുവ​ദി​ക്കി​ല്ലെന്ന്‌ യഹോവ നമുക്കു വാക്കു തന്നിട്ടുണ്ട്‌. (യശ. 54:17; പ്രവൃ. 3:21) എന്നാൽ യോഹ​ന്നാ​നെ​പ്പോ​ലെ നമുക്കും ഉപദ്ര​വ​മോ ജയിൽവാ​സം​പോ​ലു​മോ നേരി​ടേ​ണ്ടി​വ​ന്നേ​ക്കാം. അപ്പോൾ യോഹ​ന്നാ​നെ നമുക്ക്‌ അനുക​രി​ക്കാം. ജീവി​ത​ത്തിൽ എന്തുതന്നെ സംഭവി​ച്ചാ​ലും നമുക്കു തുടർന്നും ധൈര്യ​ത്തോ​ടെ ദൈവ​ത്തി​ന്റെ​കൂ​ടെ നടക്കാം!

ബൈബിൾവി​വ​രണം വായി​ക്കുക:

• യോഹ​ന്നാൻ 16:1–17:26

• 1 യോഹ​ന്നാൻ 2:18; 4:8

• 2 യോഹ​ന്നാൻ 9-11

• 3 യോഹ​ന്നാൻ 4

• വെളി​പാട്‌ 1:1, 2, 9-11; 12:9; 20:1-6; 21:1-5

ചർച്ച ചെയ്യാൻ:

യോഹ​ന്നാൻ എങ്ങനെ​യെ​ല്ലാ​മാ​ണു ധൈര്യം കാണി​ച്ചത്‌?

ആഴത്തിൽ പഠിക്കാൻ

1. 1. യോഹ​ന്നാൻ നല്ല ഉത്സാഹ​മുള്ള വ്യക്തി​യാ​യി​രു​ന്നെന്നു നമുക്ക്‌ എങ്ങനെ അറിയാം? (bt പേ. 33, ചതുരം ഖ. 3-4)

   നിങ്ങളുടെ ഉത്തരം

2. 2. യോഹ​ന്നാ​നെ ‘സാധാ​ര​ണ​ക്കാ​ര​നും വലിയ പഠിപ്പി​ല്ലാ​ത്ത​വ​നും’ ആയി കണക്കാ​ക്കി​യത്‌ എന്തു​കൊ​ണ്ടാണ്‌? (പ്രവൃ. 4:13; w08 5/15 പേ. 30 ഖ. 6)

   നിങ്ങളുടെ ഉത്തരം

3. 3. യോഹ​ന്നാൻ 21:22-ൽ യോഹ​ന്നാ​നെ​ക്കു​റിച്ച്‌ “ഞാൻ വരുന്ന​തു​വരെ ഇവനു​ണ്ടാ​യി​രി​ക്കണം” എന്ന്‌ യേശു പറഞ്ഞതി​ന്റെ അർഥം എന്താണ്‌? (യോഹ​ന്നാൻ 21:22-ന്റെ പഠനക്കു​റിപ്പ്‌, nwtsty)

   നിങ്ങളുടെ ഉത്തരം

4. 4. യോഹ​ന്നാ​ന്റെ പേരി​ലുള്ള സുവി​ശേഷം അദ്ദേഹം​തന്നെ എഴുതി​യ​താ​ണെന്നു നമുക്ക്‌ എങ്ങനെ അറിയാം? (si പേ. 193-194 ഖ. 3-4) A

   നിങ്ങളുടെ ഉത്തരം

   

   Fondation Martin Bodmer, Cologny (Genève)

നമുക്കുള്ള പാഠങ്ങൾ

• യോഹ​ന്നാൻ എഴുതിയ ബൈബിൾപു​സ്‌ത​ക​ങ്ങ​ളിൽ 100-ലേറെ പ്രാവ​ശ്യം യേശു​വി​ന്റെ ബലിമ​ര​ണ​ത്തെ​ക്കു​റി​ച്ചോ അതു​കൊ​ണ്ടുള്ള പ്രയോ​ജ​ന​ങ്ങ​ളെ​ക്കു​റി​ച്ചോ എഴുതി​യി​ട്ടുണ്ട്‌. യോഹ​ന്നാ​നെ​പ്പോ​ലെ നമുക്ക്‌ എങ്ങനെ യേശു നമുക്കു​വേണ്ടി മരിച്ച​തിൽ നന്ദിയു​ള്ള​വ​രാ​ണെന്നു കാണി​ക്കാം?

  നിങ്ങളുടെ ഉത്തരം

• 100-ന്‌ അടുത്ത്‌ പ്രായ​മു​ള്ള​പ്പോ​ഴാ​ണു യോഹ​ന്നാൻ ബൈബി​ളി​ലെ അഞ്ചു പുസ്‌തകം എഴുതി​യത്‌. പ്രായ​മാ​യ​വരെ യഹോവ കാണുന്ന വിധ​ത്തെ​ക്കു​റിച്ച്‌ ഇതിൽനിന്ന്‌ നമുക്ക്‌ എന്തു മനസ്സി​ലാ​ക്കാം? B

  നിങ്ങളുടെ ഉത്തരം

  

• ഏതെല്ലാം വിധങ്ങ​ളിൽ നിങ്ങൾക്കു യോഹ​ന്നാ​ന്റെ ധൈര്യം അനുക​രി​ക്കാം?

  നിങ്ങളുടെ ഉത്തരം

വിശാ​ല​മാ​യി ചിന്തി​ക്കാൻ

• ഈ വിവരണം യഹോ​വ​യെ​ക്കു​റിച്ച്‌ എന്നെ എന്താണു പഠിപ്പി​ക്കു​ന്നത്‌?

  നിങ്ങളുടെ ഉത്തരം

• ഈ വിവരണം ഭൂമി​യെ​യും മനുഷ്യ​രെ​യും കുറി​ച്ചുള്ള യഹോ​വ​യു​ടെ ഉദ്ദേശ്യ​ങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു?

  നിങ്ങളുടെ ഉത്തരം

• ക്രിസ്‌തു​വി​നോ​ടൊ​പ്പം ഭരിക്കാൻ യോഹ​ന്നാ​നെ തിര​ഞ്ഞെ​ടു​ത്ത​തിൽ നിങ്ങൾ നന്ദിയു​ള്ള​വ​രാ​യി​രി​ക്കു​ന്നത്‌ എന്തു​കൊണ്ട്‌?

  നിങ്ങളുടെ ഉത്തരം

കൂടുതൽ അറിയാൻ

പ്രായമായ സഹോ​ദ​രീ​സ​ഹോ​ദ​ര​ന്മാർക്കു യോഹ​ന്നാൻ കാണി​ച്ച​തു​പോ​ലുള്ള ധൈര്യം ഇന്നു കാണി​ക്കാ​നാ​കു​മോ?

ധൈര്യ​മു​ള്ള . . . പ്രായ​മേ​റി​യവർ (2:04)

സ്‌നേഹത്തെക്കുറിച്ച്‌ യോഹ​ന്നാൻ ഒരുപാ​ടു കാര്യങ്ങൾ എഴുതി. ദൈവ​പ്ര​ചോ​ദി​ത​മാ​യി അദ്ദേഹം എഴുതിയ കാര്യ​ങ്ങ​ളിൽനി​ന്നും അദ്ദേഹ​ത്തി​ന്റെ മാതൃ​ക​യിൽനി​ന്നും നമുക്ക്‌ എന്തെല്ലാം പഠിക്കാ​നാ​കു​മെന്നു കാണുക.

“‘യേശു സ്‌നേ​ഹിച്ച ശിഷ്യ​നിൽനി​ന്നുള്ള’ പാഠങ്ങൾ” (w21.01 പേ. 8-13)