യേശു “ഭൂമി​യിൽ നീതി സ്ഥാപി​ക്കും”

1, 2. ഏത്‌ അവസര​ത്തിൽ യേശു കുപി​ത​നാ​യി, എന്തു​കൊണ്ട്‌?

യേശു കുപി​ത​നാ​യി കാണ​പ്പെട്ടു—അതിനു തക്കതായ കാരണം ഉണ്ടായി​രു​ന്നു. യേശു​വി​നെ ആ വിധത്തിൽ സങ്കൽപ്പി​ക്കാൻ നിങ്ങൾക്കു പ്രയാ​സ​മാ​യി​രി​ക്കാം, കാരണം യേശു അത്രയ്‌ക്ക്‌ സൗമ്യ​നായ ഒരു വ്യക്തി​യാ​യി​രു​ന്നു. (മത്തായി 21:4) ഈ പ്രത്യേക സാഹച​ര്യ​ത്തി​ലും യേശു തികഞ്ഞ സമചിത്തത പാലിച്ചു, യേശു​വി​ന്റേത്‌ നീതി​യു​ക്ത​മായ കോപ​മാ​യി​രു​ന്നു.a എന്നാൽ സമാധാ​ന​പ്രി​യ​നായ ഈ മനുഷ്യ​നെ പ്രകോ​പി​പ്പി​ച്ചത്‌ എന്തായി​രു​ന്നു? കടുത്ത അനീതി​തന്നെ.

² യരുശ​ലേ​മി​ലെ ആലയം യേശു​വി​നു വളരെ പ്രിയ​ങ്ക​ര​മാ​യി​രു​ന്നു. ഭൂമി​യിൽ യേശു​വി​ന്റെ സ്വർഗീയ പിതാ​വി​ന്റെ ആരാധ​ന​യ്‌ക്കു സമർപ്പി​ത​മാ​യി​രുന്ന ഏക പാവന​സ്ഥലം അതായി​രു​ന്നു. അനേകം ദേശങ്ങ​ളിൽനി​ന്നുള്ള ജൂതന്മാർ ദീർഘ​ദൂ​രം യാത്ര ചെയ്‌ത്‌ അവിടെ ആരാധ​ന​യ്‌ക്ക്‌ എത്തിയി​രു​ന്നു. ദൈവ​ഭ​യ​മുള്ള, ജനതക​ളിൽപ്പെട്ട ആളുകൾപ്പോ​ലും, തങ്ങളുടെ ഉപയോ​ഗ​ത്തി​നാ​യി വേർതി​രി​ച്ചി​രുന്ന ആലയമു​റ്റത്ത്‌ പ്രവേ​ശിച്ച്‌ ദൈവത്തെ ആരാധി​ക്കാ​നാ​യി വന്നിരു​ന്നു. എന്നാൽ തന്റെ ശുശ്രൂ​ഷ​യു​ടെ പ്രാരം​ഭ​ത്തിൽ യേശു ആലയത്തിൽ ചെന്ന​പ്പോൾ ഞെട്ടി​ക്കുന്ന കാഴ്‌ച​യാ​ണു കണ്ടത്‌. ഒരു ആരാധ​നാ​ലയം എന്നതി​ലു​പരി അത്‌ ഒരു ചന്തപോ​ലെ കാണ​പ്പെട്ടു! അവിടെ വ്യാപാ​രി​ക​ളു​ടെ​യും നാണയം മാറ്റി​ക്കൊ​ടു​ക്കു​ന്ന​വ​രു​ടെ​യും തിരക്കാ​യി​രു​ന്നു. എന്നാൽ അനീതി എന്തായി​രു​ന്നു? ഈ ആളുകൾക്ക്‌ ദൈവ​ത്തി​ന്റെ ആലയം ആളുകളെ ചൂഷണം ചെയ്യാ​നുള്ള—അവരെ കൊള്ള​യ​ടി​ക്കാൻ പോലു​മുള്ള—ഒരു സ്ഥലം മാത്ര​മാ​യി​രു​ന്നു. എങ്ങനെ?—യോഹ​ന്നാൻ 2:14.

3, 4. യഹോ​വ​യു​ടെ ആലയത്തിൽ അത്യാ​ഗ്ര​ഹ​ത്തോ​ടെ​യുള്ള ഏതു ചൂഷണം നടക്കു​ക​യാ​യി​രു​ന്നു, കാര്യങ്ങൾ നേരെ​യാ​ക്കാൻ യേശു എന്തു നടപടി സ്വീക​രി​ച്ചു?

³ ആലയനി​കു​തി കൊടു​ക്കാൻ ഒരു പ്രത്യേ​ക​തരം നാണയം മാത്രമേ ഉപയോ​ഗി​ക്കാ​വൂ എന്നു മതനേ​താ​ക്ക​ന്മാർ നിഷ്‌കർഷി​ച്ചി​രു​ന്നു. അത്തരം നാണയങ്ങൾ വാങ്ങാൻ സന്ദർശകർ തങ്ങളുടെ പണം കൈമാ​റ്റം ചെയ്യണ​മാ​യി​രു​ന്നു. നാണയം മാറ്റി​ക്കൊ​ടു​ക്കുന്ന ചിലർ ആലയത്തി​നു​ള്ളിൽത്തന്നെ മേശകൾ വെക്കു​ക​യും ഓരോ കൈമാ​റ്റ​ത്തി​നും കൂലി ഈടാ​ക്കു​ക​യും ചെയ്‌തി​രു​ന്നു. മൃഗങ്ങളെ വിൽക്കുന്ന തൊഴി​ലും വളരെ ആദായ​ക​ര​മാ​യി​രു​ന്നു. യാഗങ്ങ​ളർപ്പി​ക്കാൻ ആഗ്രഹി​ക്കുന്ന സന്ദർശ​കർക്ക്‌ നഗരത്തി​ലെ ഏതു വ്യാപാ​രി​യിൽനി​ന്നും മൃഗങ്ങളെ വാങ്ങാ​മാ​യി​രു​ന്നു, പക്ഷേ ആലയ ഉദ്യോ​ഗസ്ഥർ അവരുടെ വഴിപാ​ടു​കൾ മോശ​മാ​യി പരിഗ​ണിച്ച്‌ തള്ളിക്ക​ള​യു​മെന്നു തീർച്ച​യാ​യി​രു​ന്നു. എന്നിരു​ന്നാ​ലും, ആലയ​പ്ര​ദേ​ശ​ത്തു​നിന്ന്‌ വാങ്ങുന്ന വഴിപാ​ടു​കൾ തീർച്ച​യാ​യും സ്വീക​രി​ക്കു​മാ​യി​രു​ന്നു. ആളുകൾ അവരുടെ ദയയെ ആശ്രയി​ക്കേ​ണ്ടി​യി​രു​ന്ന​തി​നാൽ, വ്യാപാ​രി​കൾ ചില സമയങ്ങ​ളിൽ ഭീമമായ വിലകൾ ചുമത്തി​യി​രു​ന്നു.b അത്‌ വെറും കൊള്ള​ലാ​ഭം ഉണ്ടാക്ക​ല​ല്ലാ​യി​രു​ന്നു, കൊള്ള​തന്നെ ആയിരു​ന്നു!

⁴ യേശു​വിന്‌ അത്തരം അനീതി വെച്ചു​പൊ​റു​പ്പി​ക്കാൻ കഴിയു​മാ​യി​രു​ന്നില്ല. അത്‌ യേശു​വി​ന്റെ പിതാ​വി​ന്റെ ഭവനമാ​യി​രു​ന്നു! യേശു കയറു​കൊണ്ട്‌ ഒരു ചാട്ട ഉണ്ടാക്കി ആലയത്തിൽനിന്ന്‌ ആടുമാ​ടു​ക​ളു​ടെ കൂട്ടങ്ങളെ ഓടി​ച്ചി​റക്കി. പിന്നീട്‌ നാണയം മാറ്റി​ക്കൊ​ടു​ക്കു​ന്ന​വ​രു​ടെ അടുക്ക​ലേക്കു ചെന്ന്‌ അവരുടെ മേശകളെ മറിച്ചി​ട്ടു. നാണയ​ങ്ങ​ളെ​ല്ലാം മാർബിൾ തറയിൽ വീണു​ചി​ത​റു​ന്നത്‌ ഒന്നു സങ്കൽപ്പി​ക്കുക! പ്രാവു​കളെ വിൽക്കു​ന്ന​വ​രോട്‌ യേശു കർക്കശ​മാ​യി പറഞ്ഞു: “എല്ലാം ഇവി​ടെ​നിന്ന്‌ കൊണ്ടു​പോ​കൂ!” (യോഹ​ന്നാൻ 2:15, 16) ധീരനായ ഈ മനുഷ്യ​നെ എതിർക്കാൻ ആരും മുതിർന്നില്ല എന്നു തോന്നു​ന്നു.

“പിതാ​വി​നെ​പ്പോ​ലെ​തന്നെ പുത്ര​നും”

5-7. (എ) യേശു​വി​ന്റെ മനുഷ്യ-പൂർവ അസ്‌തി​ത്വം യേശു​വി​ന്റെ നീതി​ബോ​ധത്തെ എങ്ങനെ സ്വാധീ​നി​ച്ചു, യേശു​വി​ന്റെ മാതൃക വിചി​ന്തനം ചെയ്യു​ന്ന​തി​നാൽ നമുക്ക്‌ എന്തു മനസ്സി​ലാ​ക്കാ​നാ​കും? (ബി) സാത്താൻ ഉണ്ടാക്കിയ അനീതി​കൾക്കെ​തി​രെ പോരാ​ടാൻ യേശു എന്തു ചെയ്‌തി​രി​ക്കു​ന്നു, ഭാവി​യിൽ യേശു എന്തു ചെയ്യും?

⁵ വ്യാപാ​രി​കൾ വീണ്ടും മടങ്ങി​വന്നു. ഏതാണ്ട്‌ മൂന്നു വർഷം കഴിഞ്ഞ്‌, യേശു ഇതേ അനീതി കൈകാ​ര്യം ചെയ്‌തു. ഈ പ്രാവ​ശ്യം തന്റെ ഭവനത്തെ “കവർച്ച​ക്കാ​രു​ടെ ഗുഹ” ആക്കിയ​വരെ കുറ്റം​വി​ധി​ക്കുന്ന യഹോ​വ​യു​ടെ സ്വന്തം വാക്കുകൾ ഉദ്ധരി​ച്ചു​കൊണ്ട്‌. (മത്തായി 21:13; യിരെമ്യ 7:11) അതെ, അത്യാ​ഗ്ര​ഹ​ത്തോ​ടെ ജനത്തെ ചൂഷണം ചെയ്യു​ന്ന​തും ദേവാ​ലയം അശുദ്ധ​മാ​ക്കു​ന്ന​തും കണ്ടപ്പോൾ, യേശു​വിന്‌ തന്റെ പിതാ​വി​നു​ണ്ടായ അതേ വികാ​ര​മു​ണ്ടാ​യി. അതിൽ അതിശ​യി​ക്കാ​നില്ല! കോടാ​നു​കോ​ടി വർഷങ്ങ​ളിൽ യേശു സ്വർഗീയ പിതാ​വി​നാൽ പഠിപ്പി​ക്ക​പ്പെ​ട്ടി​രു​ന്നു. തത്‌ഫ​ല​മാ​യി, യേശു​വിന്‌ യഹോ​വ​യു​ടെ നീതി​ബോ​ധം ലഭിച്ചു. “പിതാ​വി​നെ​പ്പോ​ലെ​തന്നെ പുത്ര​നും” എന്ന ചൊല്ലി​ന്റെ ജീവി​ക്കുന്ന ദൃഷ്ടാ​ന്ത​മാ​യി​ത്തീർന്നു യേശു. യഹോ​വ​യു​ടെ നീതി എന്ന ഗുണത്തി​ന്റെ ഒരു വ്യക്തമായ ചിത്രം കിട്ടാൻ നാം ആഗ്രഹി​ക്കു​ന്നു എങ്കിൽ, അതിനുള്ള ഏറ്റവും നല്ല മാർഗം യേശു​ക്രി​സ്‌തു​വി​ന്റെ മാതൃക വിചി​ന്തനം ചെയ്യു​ന്ന​താണ്‌.—യോഹ​ന്നാൻ 14:9, 10.

⁶ ദൈവ​മായ യഹോ​വയെ, സാത്താൻ അന്യാ​യ​മാ​യി ഭോഷ്‌കാ​ളി എന്നു വിളി​ക്കു​ക​യും ദൈവ​ത്തി​ന്റെ ഭരണത്തി​ന്റെ നീതിയെ വെല്ലു​വി​ളി​ക്കു​ക​യും ചെയ്‌തു. എത്ര വലിയ ദൂഷണം! ആ അവസര​ത്തിൽ യഹോ​വ​യു​ടെ ഏകജാ​ത​നായ പുത്രൻ സന്നിഹി​ത​നാ​യി​രു​ന്നു. നിസ്സ്വാർഥ സ്‌നേ​ഹ​ത്താൽ പ്രേരി​ത​രാ​യി ആരും യഹോ​വയെ സേവി​ക്കു​ക​യില്ല എന്ന സാത്താന്റെ പിൽക്കാല വെല്ലു​വി​ളി​യും പുത്രൻ കേട്ടു. ഈ വ്യാജാ​രോ​പ​ണങ്ങൾ തീർച്ച​യാ​യും പുത്രന്റെ നീതി​നി​ഷ്‌ഠ​മായ ഹൃദയത്തെ വേദനി​പ്പി​ച്ചു. ഈ ആരോ​പ​ണങ്ങൾ തെറ്റാ​ണെന്നു തെളി​യി​ക്കു​ന്ന​തിൽ മുഖ്യ പങ്കുവ​ഹി​ക്കു​ന്നതു താനാ​യി​രി​ക്കും എന്നു മനസ്സി​ലാ​ക്കി​യ​പ്പോൾ പുത്രന്‌ എത്ര ആഹ്ലാദം തോന്നി​യി​രി​ക്കണം! (2 കൊരി​ന്ത്യർ 1:20) യേശു ഇത്‌ എങ്ങനെ ചെയ്യും?

⁷ നാം 14-ാം അധ്യാ​യ​ത്തിൽ മനസ്സി​ലാ​ക്കി​യ​തു​പോ​ലെ, യഹോ​വ​യു​ടെ സൃഷ്ടി​ക​ളു​ടെ നിർമ​ല​ത​യോ​ടുള്ള ബന്ധത്തിൽ സാത്താൻ നടത്തിയ വെല്ലു​വി​ളിക്ക്‌ യേശു​ക്രി​സ്‌തു ആത്യന്തി​ക​വും നിർണാ​യ​ക​വു​മായ ഉത്തരം കൊടു​ത്തു. അതുവഴി യേശു, യഹോ​വ​യു​ടെ പിഴവറ്റ ഭരണവി​ധ​ത്തിൽ പോരാ​യ്‌മ​ക​ളുണ്ട്‌ എന്നത്‌ ഉൾപ്പെടെ യഹോവ എന്ന വിശു​ദ്ധ​നാ​മ​ത്തി​നു മേൽ വന്ന എല്ലാ നിന്ദയും നീക്കു​ന്ന​തി​നുള്ള അടിസ്ഥാ​ന​മി​ട്ടു. യഹോവ നിയമി​ച്ചി​രി​ക്കുന്ന മുഖ്യ​നാ​യകൻ എന്ന നിലയിൽ യേശു അഖിലാ​ണ്ഡ​ത്തി​ലെ​ങ്ങും ദിവ്യ​നീ​തി സ്ഥാപി​ക്കും. (പ്രവൃ​ത്തി​കൾ 5:31) ഭൂമി​യി​ലെ യേശു​വി​ന്റെ ജീവി​ത​ഗ​തി​യും ദിവ്യ​നീ​തി​യെ പ്രതി​ഫ​ലി​പ്പി​ക്കു​ന്ന​താ​യി​രു​ന്നു. യഹോവ യേശു​വി​നെ​ക്കു​റിച്ച്‌ ഇപ്രകാ​രം പറഞ്ഞു: “അവന്റെ മേൽ ഞാൻ എന്റെ ആത്മാവി​നെ പകരും. നീതി എന്താ​ണെന്ന്‌ അവൻ ജനതകളെ അറിയി​ക്കും.” (മത്തായി 12:18) യേശു ആ വാക്കുകൾ എങ്ങനെ നിവർത്തി​ച്ചു?

“നീതി എന്താ​ണെന്ന്‌” യേശു​ക്രി​സ്‌തു വ്യക്തമാ​ക്കു​ന്നു

8-10. (എ) ജൂത മതനേ​താ​ക്ക​ളു​ടെ അലിഖിത പാരമ്പ​ര്യ​ങ്ങൾ ജൂതന്മാ​ര​ല്ലാ​ത്ത​വ​രോ​ടും സ്‌ത്രീ​ക​ളോ​ടു​മുള്ള പുച്ഛത്തെ പ്രോ​ത്സാ​ഹി​പ്പി​ച്ചത്‌ എങ്ങനെ? (ബി) അലിഖിത നിയമങ്ങൾ യഹോ​വ​യു​ടെ ശബത്തു​നി​യ​മത്തെ ഏതു വിധത്തിൽ ഒരു ഭാരമാ​ക്കി​ത്തീർത്തു?

⁸ യഹോവ മോശ​യി​ലൂ​ടെ കൊടുത്ത നിയമത്തെ യേശു സ്‌നേ​ഹി​ക്കു​ക​യും അതനു​സ​രിച്ച്‌ ജീവി​ക്കു​ക​യും ചെയ്‌തു. എന്നാൽ യേശു​വി​ന്റെ നാളിലെ മതനേ​താ​ക്ക​ന്മാർ ആ നിയമത്തെ വളച്ചൊ​ടി​ക്കു​ക​യും തെറ്റായി വ്യാഖ്യാ​നി​ക്കു​ക​യും ചെയ്‌തു. ‘കപടഭ​ക്ത​രായ ശാസ്‌ത്രി​മാ​രേ, പരീശ​ന്മാ​രേ, നിങ്ങളു​ടെ കാര്യം കഷ്ടം! ന്യായം, കരുണ, വിശ്വ​സ്‌തത എന്നിങ്ങനെ നിയമ​ത്തി​ലെ പ്രാധാ​ന്യ​മേ​റിയ കാര്യങ്ങൾ നിങ്ങൾ അവഗണി​ച്ചി​രി​ക്കു​ന്നു’ എന്ന്‌ യേശു അവരോ​ടു പറഞ്ഞു. (മത്തായി 23:23) ‘നീതി എന്താ​ണെന്ന്‌’ ദൈവിക നിയമ​ത്തി​ന്റെ ആ ഉപദേ​ഷ്ടാ​ക്കൾ വ്യക്തമാ​ക്കു​ന്നി​ല്ലാ​യി​രു​ന്നു എന്നു സ്‌പഷ്ട​മാണ്‌. പകരം അവർ ദിവ്യ​നീ​തി​യെ അവ്യക്ത​മാ​ക്കു​ക​യാ​യി​രു​ന്നു. എങ്ങനെ? ഏതാനും ദൃഷ്ടാ​ന്തങ്ങൾ പരിചി​ന്തി​ക്കുക.

⁹ തങ്ങൾക്കു ചുറ്റു​മു​ണ്ടാ​യി​രുന്ന ജനതക​ളിൽനിന്ന്‌ വേർപെ​ട്ടി​രി​ക്കാൻ യഹോവ തന്റെ ജനത്തോ​ടു നിർദേ​ശി​ച്ചു. (1 രാജാ​ക്ക​ന്മാർ 11:1, 2) എന്നിരു​ന്നാ​ലും, ജൂതന്മാ​ര​ല്ലാ​ത്ത​വരെ എല്ലാം പുച്ഛ​ത്തോ​ടെ വീക്ഷി​ക്കാൻ മതഭ്രാ​ന്ത​രായ ചില മതനേ​താ​ക്ക​ന്മാർ ജനത്തെ പ്രോ​ത്സാ​ഹി​പ്പി​ച്ചു. മിഷ്‌നാ​യിൽ ഇങ്ങനെ​യൊ​രു ചട്ടം​പോ​ലും ഉണ്ടായി​രു​ന്നു: “ജനതക​ളിൽപ്പെ​ട്ടവർ മൃഗസം​ഭോ​ഗം നടത്തു​ന്ന​താ​യി സംശയി​ക്ക​പ്പെ​ടു​ന്ന​തി​നാൽ കന്നുകാ​ലി​കളെ അവരുടെ വഴിയ​മ്പ​ല​ങ്ങ​ളിൽ വിടാ​വു​ന്നതല്ല.” ജൂതന്മാ​ര​ല്ലാത്ത എല്ലാവ​രോ​ടു​മുള്ള ഈ മുൻവി​ധി, അനീതി നിറഞ്ഞ​തും മോശ​യു​ടെ നിയമ​ത്തി​ന്റെ അന്തസ്സത്ത​യ്‌ക്കു തികച്ചും വിരു​ദ്ധ​വു​മാ​യി​രു​ന്നു. (ലേവ്യ 19:34) മനുഷ്യ നിർമി​ത​മായ മറ്റുചില ചട്ടങ്ങൾ സ്‌ത്രീ​കളെ വിലകു​റച്ച്‌ കാണി​ക്കു​ന്ന​വ​യാ​യി​രു​ന്നു. ഭാര്യ ഭർത്താ​വി​നോ​ടൊ​പ്പമല്ല, അയാളു​ടെ പുറകിൽ നടക്കണം എന്ന്‌ അലിഖി​ത​നി​യമം പ്രസ്‌താ​വി​ച്ചു. പൊതു​സ്ഥ​ല​ത്തു​വെച്ച്‌ സ്‌ത്രീ​യോട്‌, സ്വന്തം ഭാര്യ​യോ​ടു​പോ​ലും, സംസാ​രി​ക്കു​ന്ന​തി​നെ​തി​രെ പുരു​ഷ​ന്മാർക്കു മുന്നറി​യി​പ്പു കൊടു​ക്ക​പ്പെട്ടു. അടിമ​ക​ളെ​പ്പോ​ലെ, സ്‌ത്രീ​ക​ളെ​യും കോട​തി​യിൽ സാക്ഷ്യം പറയാൻ അനുവ​ദി​ച്ചി​രു​ന്നില്ല. തങ്ങൾ സ്‌ത്രീ​കൾ അല്ലാത്ത​തിൽ പുരു​ഷ​ന്മാർ ദൈവ​ത്തി​നു നന്ദി​കൊ​ടു​ക്കുന്ന ഒരു ഔപചാ​രിക പ്രാർഥ​ന​പോ​ലും ഉണ്ടായി​രു​ന്നു.

¹⁰ മതനേ​താ​ക്ക​ന്മാർ മനുഷ്യ നിർമിത നിയമ​ങ്ങൾക്കും ചട്ടങ്ങൾക്കും കീഴിൽ ദൈവ​ത്തി​ന്റെ നിയമത്തെ കുഴി​ച്ചു​മൂ​ടി. ഉദാഹ​ര​ണ​ത്തിന്‌, ശബത്തു​നി​യമം ശബത്തിൽ ജോലി ചെയ്യു​ന്നതു വിലക്കി​യി​രു​ന്നു, ആ ദിവസം ആരാധ​ന​യ്‌ക്കും ആത്മീയ നവോ​ന്മേ​ഷ​ത്തി​നും വിശ്ര​മ​ത്തി​നു​മാ​യി മാറ്റി​വെ​ക്കുക എന്നതാ​യി​രു​ന്നു ഉദ്ദേശ്യം. എന്നാൽ പരീശ​ന്മാർ ആ നിയമത്തെ ഒരു ഭാരമാ​ക്കി. ‘ജോലി​യിൽ’ എന്തെല്ലാം ഉൾപ്പെ​ടു​മെന്ന്‌ അവർ സ്വയം തീരു​മാ​നി​ച്ചു. കൊയ്‌ത്തും വേട്ടയും പോലെ 39 പ്രവർത്ത​ന​ങ്ങളെ അവർ ‘ജോലി​യാ​യി’ കണക്കാക്കി. അതാകട്ടെ അസംഖ്യം ചോദ്യ​ങ്ങൾ ഉയർത്തി. ഒരു മനുഷ്യൻ ശബത്തിൽ ഒരു ഈച്ചയെ കൊന്നാൽ അത്‌ വേട്ടയാ​കു​മോ? നടന്നു​പോ​കു​മ്പോൾ അയാൾ ഭക്ഷിക്കാൻ ഒരുപി​ടി ധാന്യം പറി​ച്ചെ​ടു​ത്താൽ, അയാൾ കൊയ്‌ത്തു നടത്തി​യ​താ​ണെന്നു പറയാ​മോ? സുഖമി​ല്ലാത്ത ഒരാളെ അയാൾ സുഖ​പ്പെ​ടു​ത്തി​യാൽ അയാൾ ജോലി ചെയ്‌ത​താ​യി കണക്കാ​ക്കു​മോ? ഇങ്ങനെ​യുള്ള കാര്യ​ങ്ങൾക്കെ​ല്ലാം നൂറു​നൂ​റു വിശദാം​ശ​ങ്ങ​ളോ​ടു കൂടിയ, കർക്കശ​മായ നിയമങ്ങൾ അവർ സ്ഥാപിച്ചു.

11, 12. പരീശ​ന്മാ​രു​ടെ തിരു​വെ​ഴു​ത്തു​വി​രുദ്ധ പാരമ്പ​ര്യ​ങ്ങ​ളോട്‌ യേശു എതിർപ്പു പ്രകട​മാ​ക്കി​യത്‌ എങ്ങനെ?

¹¹ അത്തര​മൊ​രു സാഹച​ര്യ​ത്തിൽ, നീതി എന്താ​ണെന്നു മനസ്സി​ലാ​ക്കാൻ യേശു ആളുകളെ എങ്ങനെ സഹായി​ക്കേ​ണ്ടി​യി​രു​ന്നു? തന്റെ ഉപദേ​ശ​ങ്ങ​ളാ​ലും ജീവി​ത​രീ​തി​യാ​ലും യേശു ആ മതനേ​താ​ക്ക​ന്മാർക്കെ​തി​രെ ധീരമായ നിലപാ​ടു കൈ​ക്കൊ​ണ്ടു. യേശു​വി​ന്റെ ഉപദേ​ശ​ങ്ങ​ളിൽ ചിലത്‌ ആദ്യം പരിചി​ന്തി​ക്കുക. “പാരമ്പ​ര്യ​ത്തി​ന്റെ പേര്‌ പറഞ്ഞ്‌ നിങ്ങൾ ദൈവ​വ​ച​ന​ത്തി​നു വില കല്പിക്കാതിരിക്കുന്നു” എന്നു പറഞ്ഞു​കൊണ്ട്‌ യേശു ആ മനുഷ്യ​നിർമിത നിയമ​ങ്ങളെ ശക്തമായ ഭാഷയിൽ കുറ്റം​വി​ധി​ച്ചു.—മർക്കോസ്‌ 7:13.

¹² ശബത്തു​നി​യ​മ​ത്തി​ന്റെ കാര്യ​ത്തിൽ പരീശ​ന്മാർക്കു തെറ്റു​പ​റ്റി​യെന്ന്‌, യഥാർഥ​ത്തിൽ ആ നിയമ​ത്തി​ന്റെ മുഴു ഉദ്ദേശ്യ​വും അവർ തെറ്റാ​യി​ട്ടാ​ണു മനസ്സി​ലാ​ക്കി​യത്‌ എന്ന്‌ യേശു ശക്തമായി പഠിപ്പി​ച്ചു. മിശിഹ “ശബത്തിനു കർത്താ​വാണ്‌” എന്നും തന്നിമി​ത്തം ശബത്തിൽ ആളുകളെ സുഖ​പ്പെ​ടു​ത്താ​നുള്ള സകല അവകാ​ശ​വും തനിക്കു​ണ്ടെ​ന്നും യേശു വിശദീ​ക​രി​ച്ചു. (മത്തായി 12:8) ഈ ആശയത്തിന്‌ അടിവ​ര​യി​ടാൻ യേശു ശബത്തിൽ പരസ്യ​മാ​യി അത്ഭുത​ക​ര​മായ സൗഖ്യ​മാ​ക്ക​ലു​കൾ നടത്തി. (ലൂക്കോസ്‌ 6:7-10) അത്തരം സൗഖ്യ​മാ​ക്ക​ലു​കൾ ആയിര​വർഷ വാഴ്‌ച​യിൽ യേശു ഭൂവ്യാ​പ​ക​മാ​യി നടത്താ​നി​രി​ക്കുന്ന സൗഖ്യ​മാ​ക്ക​ലി​ന്റെ ഒരു പൂർവ​ദർശനം ആയിരു​ന്നു. ആ സഹസ്രാ​ബ്ദം ആത്യന്തിക ശബത്ത്‌ ആയിരി​ക്കും. അന്ന്‌ സകല വിശ്വസ്‌ത മനുഷ്യ​വർഗ​വും നൂറ്റാ​ണ്ടു​ക​ളാ​യി തങ്ങൾ വഹിച്ചു​കൊ​ണ്ടി​രുന്ന പാപത്തി​ന്റെ​യും മരണത്തി​ന്റെ​യും ഭാരത്തിൽനിന്ന്‌ വിമു​ക്ത​രാ​കും.

13. ക്രിസ്‌തു​വി​ന്റെ ഭൗമി​ക​ശു​ശ്രൂ​ഷ​യു​ടെ ഫലമായി ഏതു നിയമം ഉളവായി, അത്‌ അതിന്റെ മുൻനി​ഴ​ലാ​യി​രുന്ന മോശ​യു​ടെ നിയമ​ത്തിൽനിന്ന്‌ വ്യത്യ​സ്‌ത​മാ​യി​രു​ന്നത്‌ എങ്ങനെ?

¹³ തന്റെ ഭൗമി​ക​ശു​ശ്രൂഷ പൂർത്തി​യാ​ക്കി​യ​ശേഷം “ക്രിസ്‌തു​വി​ന്റെ നിയമം” എന്ന ഒരു പുതിയ നിയമം സ്ഥാപി​ച്ചു​കൊ​ണ്ടും നീതി എന്തെന്നു യേശു വ്യക്തമാ​ക്കി. (ഗലാത്യർ 6:2) അതിന്റെ മുൻനി​ഴ​ലാ​യി​രുന്ന മോശ​യു​ടെ നിയമ​ത്തിൽനിന്ന്‌ വ്യത്യ​സ്‌ത​മാ​യി, ഈ പുതിയ നിയമ​ത്തിൽ മുഖ്യ​മാ​യും തത്ത്വങ്ങ​ളാണ്‌ ഉൾപ്പെ​ട്ടി​രു​ന്നത്‌, ലിഖിത കല്പനകളുടെ ഒരു പരമ്പര​യ​ല്ലാ​യി​രു​ന്നു. എന്നിരു​ന്നാ​ലും അതിൽ നേരി​ട്ടുള്ള കുറെ കല്പനകളും ഉൾപ്പെ​ട്ടി​രു​ന്നു. ഇവയി​ലൊ​ന്നി​നെ യേശു ‘ഒരു പുതിയ കല്പന’ എന്നു വിളിച്ചു. താൻ തന്റെ അനുഗാ​മി​കളെ സ്‌നേ​ഹി​ച്ച​തു​പോ​ലെ, അവരും അന്യോ​ന്യം സ്‌നേ​ഹി​ക്ക​ണ​മെന്ന്‌ ആ കല്പനയിലൂടെ യേശു അവരെ പഠിപ്പി​ച്ചു. (യോഹ​ന്നാൻ 13:34, 35) അതെ, ആത്മത്യാ​ഗ​പ​ര​മായ സ്‌നേഹം “ക്രിസ്‌തു​വി​ന്റെ നിയമം” അനുസ​രിച്ച്‌ ജീവി​ക്കുന്ന എല്ലാവ​രു​ടെ​യും മുഖമു​ദ്ര ആയിരി​ക്ക​ണ​മാ​യി​രു​ന്നു.

നീതി​യു​ടെ ഒരു ജീവി​ക്കുന്ന മാതൃക

14, 15. യേശു സ്വന്തം അധികാര പരിധി​കൾ തിരി​ച്ച​റി​ഞ്ഞു​വെന്ന്‌ എങ്ങനെ പ്രകട​മാ​ക്കി, ഇത്‌ ആശ്വാ​സ​പ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

¹⁴ യേശു സ്‌നേ​ഹ​ത്തെ​ക്കു​റിച്ച്‌ പഠിപ്പി​ക്കുക മാത്രമല്ല ചെയ്‌തത്‌. യേശു “ക്രിസ്‌തു​വി​ന്റെ നിയമം” അനുസ​രിച്ച്‌ ജീവിച്ചു. അത്‌ യേശു​വി​ന്റെ മുഴു​ജീ​വി​ത​ഗ​തി​യി​ലും പൂർണ​മാ​യും പ്രകട​മാ​യി​രു​ന്നു. നീതി എന്താ​ണെന്ന്‌ യേശു​വി​ന്റെ മാതൃക വ്യക്തമാ​ക്കിയ മൂന്നു വിധങ്ങൾ പരിചി​ന്തി​ക്കുക.

¹⁵ ഒന്നാമ​താ​യി, യാതൊ​രു​വിധ അനീതി​യും പ്രവർത്തി​ക്കാ​തി​രി​ക്കാൻ യേശു അതീവ ജാഗ്ര​ത​യു​ള്ളവൻ ആയിരു​ന്നു. അപൂർണ മനുഷ്യർ അഹങ്കാ​രി​ക​ളാ​യി മാറി തങ്ങളുടെ അധികാര പരിധി​കൾ ലംഘി​ക്കു​മ്പോ​ഴാണ്‌ പല അനീതി​ക​ളും അരങ്ങേ​റു​ന്നത്‌ എന്ന കാര്യം ഒരുപക്ഷേ നിങ്ങൾ ശ്രദ്ധി​ച്ചി​ട്ടു​ണ്ടാ​യി​രി​ക്കും. യേശു അങ്ങനെ ചെയ്‌തില്ല. ഒരു അവസര​ത്തിൽ, ഒരു മനുഷ്യൻ യേശു​വി​നെ സമീപിച്ച്‌ “ഗുരുവേ, പിതൃ​സ്വ​ത്തു വീതിച്ച്‌ എന്റെ പങ്കു തരാൻ അങ്ങ്‌ എന്റെ സഹോ​ദ​ര​നോ​ടു പറയണം” എന്നു പറഞ്ഞു. യേശു​വി​ന്റെ പ്രതി​ക​രണം എന്തായി​രു​ന്നു? “മനുഷ്യാ, നിങ്ങൾ രണ്ടു പേരും ഉൾപ്പെട്ട പ്രശ്‌ന​ത്തിൽ എന്നെ ആരെങ്കി​ലും ന്യായാ​ധി​പ​നോ മധ്യസ്ഥ​നോ ആയി നിയമി​ച്ചി​ട്ടു​ണ്ടോ” എന്ന്‌ യേശു ചോദി​ച്ചു. (ലൂക്കോസ്‌ 12:13, 14) അതു ശ്രദ്ധേ​യ​മല്ലേ? യേശു​വി​ന്റെ ബുദ്ധി​യും വിവേ​ച​നാ​പ്രാ​പ്‌തി​യും ദൈവദത്ത അധികാ​ര​നി​ല​യും, ഭൂമി​യി​ലെ മറ്റാരു​ടേ​തി​നെ​ക്കാ​ളും ശ്രേഷ്‌ഠ​മാ​യി​രു​ന്നു; എന്നിരു​ന്നാ​ലും, യേശു​വിന്‌ ഇതു ചെയ്യാ​നുള്ള പ്രത്യേക അധികാ​രം ലഭിച്ചി​ട്ടി​ല്ലാ​യി​രു​ന്ന​തി​നാൽ ഈ കാര്യ​ത്തിൽ ഇടപെ​ടാൻ യേശു വിസമ്മ​തി​ച്ചു. യേശു​വി​ന്റെ മനുഷ്യ-പൂർവ അസ്‌തി​ത്വ​ത്തി​ന്റെ സഹസ്രാ​ബ്ദ​ങ്ങ​ളിൽപ്പോ​ലും യേശു എല്ലായ്‌പോ​ഴും ഈ വിധത്തിൽ എളിമ​യു​ള്ള​വ​നാ​യി​രു​ന്നു. (യൂദ 9) നീതി എന്തെന്നു നിർണ​യി​ക്കാൻ അധികാ​ര​മു​ള്ളത്‌ യഹോ​വ​യ്‌ക്കു മാത്ര​മാ​ണെന്ന്‌ യേശു വിനയ​പൂർവം അംഗീ​ക​രി​ക്കു​ന്നു. എത്ര ആദരണീ​യ​വും അഭികാ​മ്യ​വു​മായ സ്വഭാ​വ​വി​ശേഷത!

16, 17. (എ) യേശു ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കു​ന്ന​തിൽ നീതി പ്രകട​മാ​ക്കി​യത്‌ എങ്ങനെ? (ബി) തന്റെ നീതി​ബോ​ധം കരുണാ​പൂർണ​മാ​ണെന്ന്‌ യേശു തെളി​യി​ച്ചത്‌ എങ്ങനെ?

¹⁶ രണ്ടാമ​താ​യി, ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗിച്ച വിധത്തി​ലും യേശു നീതി പ്രകട​മാ​ക്കി. യേശു പക്ഷപാതം കാണി​ച്ചില്ല. പകരം, ധനിക​രാ​യാ​ലും ദരി​ദ്ര​രാ​യാ​ലും, എല്ലാത്തരം ആളുക​ളെ​യും സമീപി​ക്കാൻ യേശു ആത്മാർഥ​മാ​യി ശ്രമിച്ചു. എന്നാൽ ഇതിനു വിരു​ദ്ധ​മാ​യി, പരീശ​ന്മാർ ദരി​ദ്ര​രെ​യും സാധാ​ര​ണ​ക്കാ​രെ​യും അംഹാ​രെ​റ്റ്‌സ്‌ അഥവാ “ദേശത്തെ ആളുകൾ” എന്നു പരാമർശി​ച്ചു​കൊണ്ട്‌ പുച്ഛി​ച്ചു​തള്ളി. യേശു സധൈ​ര്യം ആ അനീതി​ക്കെ​തി​രാ​യി പ്രവർത്തി​ച്ചു. ആളുകളെ സന്തോ​ഷ​വാർത്ത പഠിപ്പി​ച്ച​പ്പോൾ, അല്ലെങ്കിൽ ആളുക​ളോ​ടൊത്ത്‌ ആഹാരം കഴിക്കു​ക​യും അവരെ പോറ്റു​ക​യും സുഖ​പ്പെ​ടു​ത്തു​ക​യും അവരെ മരണത്തിൽനിന്ന്‌ ഉയർപ്പി​ക്കു​ക​പോ​ലും ചെയ്‌ത​പ്പോൾ, ‘എല്ലാ തരം ആളുക​ളെ​യും’ സമീപി​ക്കാ​നാ​ഗ്ര​ഹിച്ച ദൈവ​ത്തി​ന്റെ നീതിയെ ഉയർത്തി​പ്പി​ടി​ക്കു​ക​യാ​യി​രു​ന്നു യേശു.c—1 തിമൊ​ഥെ​യൊസ്‌ 2:4.

¹⁷ മൂന്നാ​മ​താ​യി, യേശു​വി​ന്റെ നീതി​ബോ​ധ​ത്തോ​ടൊ​പ്പം ആഴമായ കരുണ​യും പ്രകട​മാ​യി​രു​ന്നു. പാപി​കളെ സഹായി​ക്കാൻ യേശു വളരെ​യ​ധി​കം ശ്രമം ചെയ്‌തു. (മത്തായി 9:11-13) നിസ്സഹാ​യ​രായ ആളുക​ളു​ടെ സഹായ​ത്തിന്‌ യേശു ഓടി​യെത്തി. ഉദാഹ​ര​ണ​ത്തിന്‌, മതനേ​താ​ക്ക​ന്മാർ ചെയ്‌ത​തു​പോ​ലെ ജനതക​ളിൽപ്പെട്ട സകല​രെ​യും അവിശ്വ​സി​ക്കുന്ന രീതിയെ യേശു പ്രോ​ത്സാ​ഹി​പ്പി​ച്ചില്ല. യേശു​വി​ന്റെ ദൗത്യം മുഖ്യ​മാ​യും ജൂതന്മാ​രോ​ടുള്ള ബന്ധത്തിൽ ആയിരു​ന്നെ​ങ്കി​ലും, ജനതക​ളിൽപ്പെട്ട ചിലരെ യേശു കരുണാ​പൂർവം സഹായി​ക്കു​ക​യും പഠിപ്പി​ക്കു​ക​യും ചെയ്‌തു. ഒരിക്കൽ, ഒരു റോമൻ സൈനിക ഉദ്യോ​ഗ​സ്ഥ​നു​വേണ്ടി അത്ഭുത​ക​ര​മായ ഒരു സൗഖ്യ​മാ​ക്കൽ നടത്താൻ യേശു സമ്മതിച്ചു. “ഇസ്രാ​യേ​ല്യ​രിൽപ്പോ​ലും ഇത്ര വലിയ വിശ്വാ​സം കണ്ടിട്ടില്ല” എന്ന്‌ ആ വ്യക്തി​യെ​ക്കു​റിച്ച്‌ യേശു അപ്പോൾ പറയു​ക​യു​ണ്ടാ​യി.—മത്തായി 8:5-13.

18, 19. (എ) യേശു ഏതു വിധങ്ങ​ളിൽ സ്‌ത്രീ​ക​ളു​ടെ മാന്യ​തയെ ഉന്നമി​പ്പി​ച്ചു? (ബി) യേശു​വി​ന്റെ മാതൃക ധൈര്യ​വും നീതി​യും തമ്മിലുള്ള ബന്ധം മനസ്സി​ലാ​ക്കാൻ നമ്മെ സഹായി​ക്കു​ന്നത്‌ എങ്ങനെ?

¹⁸ സമാന​മാ​യി, യേശു സ്‌ത്രീ​കളെ സംബന്ധിച്ച്‌ പ്രാബ​ല്യ​ത്തി​ലി​രുന്ന വീക്ഷണ​ങ്ങളെ പിന്താ​ങ്ങി​യില്ല. പകരം യേശു സധൈ​ര്യം നീതി​യാ​യതു ചെയ്‌തു. ജനതക​ളിൽപ്പെ​ട്ട​വരെ പോ​ലെ​തന്നെ ശമര്യ​സ്‌ത്രീ​ക​ളെ​യും അശുദ്ധ​രാ​യി കണക്കാ​ക്കി​യി​രു​ന്നു. എന്നിരു​ന്നാ​ലും, യേശു സുഖാ​റി​ലെ കിണറ്റി​ങ്കൽ കണ്ട ശമര്യ​സ്‌ത്രീ​യോ​ടു പ്രസം​ഗി​ക്കാൻ മടിച്ചില്ല. യഥാർഥ​ത്തിൽ, ഈ സ്‌ത്രീ​യോ​ടാ​യി​രു​ന്നു യേശു ആദ്യമാ​യി താൻ വാഗ്‌ദത്ത മിശിഹ ആണെന്നു വ്യക്തമാ​യി വെളി​പ്പെ​ടു​ത്തി​യത്‌. (യോഹ​ന്നാൻ 4:6, 25, 26) സ്‌ത്രീ​കളെ ദൈവ​ത്തി​ന്റെ നിയമം പഠിപ്പി​ക്ക​രു​തെന്നു പരീശ​ന്മാർ നിഷ്‌കർഷി​ച്ചി​രു​ന്നു. എന്നാൽ യേശു സ്‌ത്രീ​കളെ പഠിപ്പി​ക്കാൻ വളരെ​യ​ധി​കം സമയവും ഊർജ​വും ചെലവ​ഴി​ച്ചു. (ലൂക്കോസ്‌ 10:38-42) സ്‌ത്രീ​ക​ളു​ടെ സാക്ഷ്യം വിശ്വാ​സ​യോ​ഗ്യ​മ​ല്ലെന്നു പാരമ്പ​ര്യം വാദി​ച്ച​പ്പോൾ, തന്റെ പുനരു​ത്ഥാ​ന​ശേഷം തന്നെ ആദ്യം കാണാ​നുള്ള പദവി കൊടു​ത്തു​കൊണ്ട്‌ യേശു നിരവധി സ്‌ത്രീ​കളെ ബഹുമാ​നി​ച്ചു. ഈ അതി​പ്ര​ധാന സംഭവ​ത്തെ​ക്കു​റിച്ച്‌ തന്റെ ശിഷ്യ​ന്മാ​രെ അറിയി​ക്കാൻ യേശു അവരെ ചുമത​ല​പ്പെ​ടു​ത്തു​ക​പോ​ലും ചെയ്‌തു.—മത്തായി 28:1-10.

¹⁹ അതെ, നീതി എന്താ​ണെന്ന്‌ യേശു ജനതകൾക്കു വ്യക്തമാ​ക്കി​ക്കൊ​ടു​ത്തു. അതിനാ​യി പലപ്പോ​ഴും യേശു​വി​നു കഠിന​മായ ബുദ്ധി​മു​ട്ടു​കൾ സഹി​ക്കേ​ണ്ടി​വന്നു. യഥാർഥ നീതിയെ ഉയർത്തി​പ്പി​ടി​ക്കു​ന്ന​തി​നു ധൈര്യം ആവശ്യ​മാ​ണെന്നു കാണാൻ യേശു​വി​ന്റെ ദൃഷ്ടാന്തം നമ്മെ സഹായി​ക്കു​ന്നു. ഉചിത​മാ​യി​ത്തന്നെ യേശു ‘യഹൂദാ​ഗോ​ത്ര​ത്തി​ലെ സിംഹം’ എന്നു വിളി​ക്ക​പ്പെട്ടു. (വെളി​പാട്‌ 5:5) സിംഹം ധീരമായ നീതി​യു​ടെ പ്രതീ​ക​മാ​ണെന്ന്‌ ഓർക്കുക. എന്നിരു​ന്നാ​ലും, സമീപ​ഭാ​വി​യിൽ യേശു ഇതിലും വലിയ നീതി കൈവ​രു​ത്തും. ഏറ്റവും പൂർണ​മായ അർഥത്തിൽ യേശു “ഭൂമി​യിൽ നീതി സ്ഥാപി​ക്കും.”—യശയ്യ 42:4.

മിശി​ഹൈക രാജാവ്‌ “ഭൂമി​യിൽ നീതി സ്ഥാപി​ക്കും”

20, 21. നമ്മുടെ ഈ കാലത്ത്‌, മിശി​ഹൈക രാജാവ്‌ ഭൂമി​യി​ലു​ട​നീ​ള​വും ക്രിസ്‌തീയ സഭയ്‌ക്കു​ള്ളി​ലും നീതിയെ പ്രോ​ത്സാ​ഹി​പ്പി​ച്ചി​രി​ക്കു​ന്നത്‌ എങ്ങനെ?

²⁰ യേശു 1914-ൽ മിശി​ഹൈക രാജാ​വാ​യി​ത്തീർന്ന​ശേഷം ഭൂമി​യിൽ നീതിയെ ഉന്നമി​പ്പി​ച്ചി​രി​ക്കു​ന്നു. എങ്ങനെ? മത്തായി 24:14-ൽ കാണുന്ന, യേശു പറഞ്ഞ പ്രവച​ന​ത്തി​ന്റെ നിവൃ​ത്തി​യു​ടെ ഉത്തരവാ​ദി​ത്വം യേശു​തന്നെ ഏറ്റെടു​ത്തി​രി​ക്കു​ന്നു. യേശു​വി​ന്റെ ഭൂമി​യി​ലെ അനുഗാ​മി​കൾ യഹോ​വ​യു​ടെ രാജ്യ​ത്തെ​ക്കു​റി​ച്ചുള്ള സത്യം സകല ദേശങ്ങ​ളി​ലെ​യും ആളുകളെ പഠിപ്പി​ച്ചി​രി​ക്കു​ന്നു. ചെറു​പ്പ​ക്കാ​രോ പ്രായ​മു​ള്ള​വ​രോ ധനിക​രോ ദരി​ദ്ര​രോ പുരു​ഷ​ന്മാ​രോ സ്‌ത്രീ​ക​ളോ ആരുമാ​യി​ക്കൊ​ള്ളട്ടെ, സകലർക്കും നീതി​യു​ടെ ദൈവ​മായ യഹോ​വയെ അറിയാ​നുള്ള ഒരു അവസരം കൊടു​ക്കാൻ ശ്രമി​ച്ചു​കൊണ്ട്‌ യേശു​വി​നെ​പ്പോ​ലെ, നിഷ്‌പ​ക്ഷ​വും നീതി​യു​ക്ത​വു​മായ രീതി​യിൽ അവർ പ്രസം​ഗി​ച്ചി​രി​ക്കു​ന്നു.

²¹ ക്രിസ്‌തീയ സഭയ്‌ക്കു​ള്ളി​ലും യേശു നീതിയെ ഉന്നമി​പ്പി​ക്കു​ന്നു, അതിന്റെ ശിരസ്സ്‌ യേശു ആണ്‌. പ്രവചി​ക്ക​പ്പെ​ട്ട​പ്ര​കാ​രം, യേശു “മനുഷ്യ​രെ സമ്മാന​ങ്ങ​ളാ​യി”—സഭയിൽ നേതൃ​ത്വ​മെ​ടു​ക്കുന്ന വിശ്വസ്‌ത ക്രിസ്‌തീയ മൂപ്പന്മാ​രെ—പ്രദാനം ചെയ്യുന്നു. (എഫെസ്യർ 4:8-12) ദൈവ​ത്തി​ന്റെ വില​യേ​റിയ ആട്ടിൻകൂ​ട്ടത്തെ മേയ്‌ക്കവേ, നീതിയെ പ്രോ​ത്സാ​ഹി​പ്പി​ച്ചു​കൊണ്ട്‌ അവർ യേശു​വി​ന്റെ മാതൃക പിന്തു​ട​രു​ന്നു. സ്ഥാനമോ, പ്രാമു​ഖ്യ​ത​യോ, സാമ്പത്തിക സാഹച​ര്യ​ങ്ങ​ളോ ഗണ്യമാ​ക്കാ​തെ തന്റെ ആടുക​ളോ​ടു നിഷ്‌പ​ക്ഷ​മാ​യി പെരു​മാ​റാൻ യേശു ആഗ്രഹി​ക്കു​ന്നു​വെന്ന്‌ അവർ എല്ലായ്‌പോ​ഴും മനസ്സിൽ പിടി​ക്കു​ന്നു.

22. ഇന്നത്തെ ലോക​ത്തിൽ പ്രബല​മാ​യി​രി​ക്കുന്ന അനീതി​യെ യഹോവ എങ്ങനെ വീക്ഷി​ക്കു​ന്നു? അതു സംബന്ധിച്ച്‌ എന്തു ചെയ്യാൻ യഹോവ തന്റെ പുത്രനെ നിയമി​ച്ചി​രി​ക്കു​ന്നു?

²² എന്നാൽ സമീപ​ഭാ​വി​യിൽ യേശു അഭൂത​പൂർവ​മായ വിധത്തിൽ ഭൂമി​യിൽ നീതി സ്ഥാപി​ക്കും. അഴിമതി നിറഞ്ഞ ഈ ലോക​ത്തിൽ അനീതി പ്രബല​പ്പെ​ട്ടി​രി​ക്കു​ക​യാണ്‌. പട്ടിണി​യാൽ മരിക്കുന്ന ഓരോ കുട്ടി​യും പൊറു​ക്കാ​നാ​വാത്ത അനീതി​യു​ടെ ഇരയാണ്‌, വിശേ​ഷിച്ച്‌ യുദ്ധാ​യു​ധങ്ങൾ നിർമി​ക്കാ​നും ഉല്ലാസ​പ്രി​യ​രു​ടെ സ്വാർഥ മോഹങ്ങൾ തൃപ്‌തി​പ്പെ​ടു​ത്താ​നു​മാ​യി എത്രമാ​ത്രം പണവും സമയവും ചെലവി​ടു​ന്നു എന്ന വസ്‌തുത കണക്കി​ലെ​ടു​ക്കു​മ്പോൾ. ഓരോ വർഷവും നടക്കുന്ന ദശലക്ഷ​ക്ക​ണ​ക്കിന്‌ അനാവശ്യ മരണങ്ങൾ അനീതി​യു​ടെ വിവിധ രൂപങ്ങ​ളിൽ ഒന്നു മാത്ര​മാണ്‌. ഇവയെ​ല്ലാം യഹോ​വ​യു​ടെ നീതി​യു​ക്ത​മായ രോഷത്തെ ഉണർത്തു​ന്നു. സകല അനീതി​യും സ്ഥിരമാ​യി അവസാ​നി​പ്പി​ക്കേ​ണ്ട​തിന്‌ ഈ മുഴു ദുഷ്ടവ്യ​വ​സ്ഥി​തി​ക്കു​മെ​തി​രെ ഒരു നീതി​നി​ഷ്‌ഠ​മായ യുദ്ധം നടത്താൻ യഹോവ തന്റെ പുത്രനെ നിയമി​ച്ചി​രി​ക്കു​ക​യാണ്‌.— വെളി​പാട്‌ 16:14, 16; 19:11-15.

23. അർമ​ഗെ​ദോ​നെ തുടർന്ന്‌, ക്രിസ്‌തു സകല നിത്യ​ത​യി​ലും എങ്ങനെ നീതിയെ ഉന്നമി​പ്പി​ക്കും?

²³ എന്നിരു​ന്നാ​ലും, യഹോ​വ​യു​ടെ നീതി ദുഷ്ടന്മാ​രു​ടെ നാശം മാത്രമല്ല ആവശ്യ​മാ​ക്കി​ത്തീർക്കു​ന്നത്‌. യഹോവ തന്റെ പുത്രനെ “സമാധാ​ന​പ്രഭു” എന്ന നിലയിൽ ഭരണം നടത്താൻ നിയമി​ച്ചി​രി​ക്കു​ക​യാണ്‌. അർമ​ഗെ​ദോൻ യുദ്ധത്തി​നു ശേഷം യേശു​വി​ന്റെ വാഴ്‌ച ഭൂമി​യി​ലെ​മ്പാ​ടും സമാധാ​നം സ്ഥാപി​ക്കും, യേശു ‘നീതി​യോ​ടെ’ ഭരണം നടത്തും. (യശയ്യ 9:6, 7) അന്ന്‌, ലോക​ത്തിൽ ഇത്രയ​ധി​കം ദുരി​ത​വും കഷ്ടപ്പാ​ടും വരുത്തി​ക്കൂ​ട്ടി​യി​രി​ക്കുന്ന അനീതി​ക​ളെ​യെ​ല്ലാം ഇല്ലായ്‌മ ചെയ്യു​ന്ന​തിൽ യേശു ഉല്ലസി​ക്കും. നിത്യ​ത​യി​ലു​ട​നീ​ളം യഹോ​വ​യു​ടെ പൂർണ​നീ​തി വിശ്വ​സ്‌ത​മാ​യി ഉയർത്തി​പ്പി​ടി​ക്കും. അതു​കൊണ്ട്‌, നാം ഇപ്പോൾ യഹോ​വ​യു​ടെ നീതി ഉയർത്തി​പ്പി​ടി​ക്കാൻ ശ്രമി​ക്കേ​ണ്ടത്‌ ജീവത്‌പ്ര​ധാ​ന​മാണ്‌. നമുക്ക്‌ അത്‌ എങ്ങനെ ചെയ്യാൻ കഴിയു​മെന്നു നോക്കാം.