നുണപ​റ​യു​ന്നതു സംബന്ധിച്ച യാഥാർഥ്യ​ങ്ങൾ

“നുണയൻ!” അത്യന്തം വേദന​പ്പെ​ടു​ത്തുന്ന ആ വാക്ക്‌ നിങ്ങളു​ടെ നേർക്ക്‌ ആരെങ്കി​ലും എന്നെങ്കി​ലും തൊടു​ത്തു​വി​ട്ടി​ട്ടു​ണ്ടോ? ഉണ്ടെങ്കിൽ, അതുള​വാ​ക്കുന്ന വൈകാ​രിക ആഘാതം നിങ്ങൾ തിരി​ച്ച​റി​യു​ന്നു​വെ​ന്ന​തിൽ ഒരു സംശയ​വു​മില്ല.

പ്രിയ​ങ്ക​ര​മാ​യി കരുതുന്ന ഒരു അലങ്കാ​ര​പാ​ത്രം തട്ടിയി​ട്ടാൽ പൊട്ടി​ച്ചി​ത​റി​യേ​ക്കാ​മെ​ന്ന​തു​പോ​ലെ​തന്നെ, നുണപ​റ​യു​ന്ന​തി​നാൽ ഒരു അമൂല്യ ബന്ധം തകർന്നേ​ക്കാ​വു​ന്ന​താണ്‌. ഉണ്ടായ നഷ്ടം കുറെ​ക്കാ​ലം​കൊ​ണ്ടു നിങ്ങൾക്കു പരിഹ​രി​ക്കാൻ കഴി​ഞ്ഞേ​ക്കു​മെ​ന്നതു സത്യമാ​ണെ​ങ്കി​ലും ആ ബന്ധം വീണ്ടു​മൊ​രി​ക്ക​ലും മുമ്പി​ല​ത്തേ​തു​പോ​ലെ​തന്നെ ആയിത്തീ​രു​ക​യില്ല.

“തങ്ങളോ​ടു നുണപ​റ​ഞ്ഞെന്നു കണ്ടെത്തി​യവർ, സൗഹൃദം പുനഃ​സ്ഥാ​പി​ക്കാ​നുള്ള നുണയന്റെ ശ്രമങ്ങൾ സംബന്ധി​ച്ചു ജാഗ്രത പുലർത്തു​ന്നു. കണ്ടെത്തിയ നുണക​ളു​ടെ വെളി​ച്ച​ത്തിൽ അവർ കഴിഞ്ഞ​കാല വിശ്വാ​സ​ങ്ങ​ളെ​യും പ്രവർത്ത​ന​ങ്ങ​ളെ​യും വിലയി​രു​ത്തു​ന്നു” എന്ന്‌ നുണപ​റയൽ—പൊതു ജീവി​ത​ത്തി​ലെ​യും സ്വകാര്യ ജീവി​ത​ത്തി​ലെ​യും ധാർമിക തിര​ഞ്ഞെ​ടുപ്പ്‌ (ഇംഗ്ലീഷ്‌) എന്ന പുസ്‌തകം പറയുന്നു. വഞ്ചന വെളി​ച്ച​ത്താ​യി​ക്ക​ഴി​യു​മ്പോൾ, തുറന്ന ആശയവി​നി​മ​യ​ത്താ​ലും വിശ്വാ​സ​ത്താ​ലും ഒരിക്കൽ സമ്പുഷ്ട​മാ​യി​രുന്ന ബന്ധം സംശയ​ത്താ​ലും സന്ദേഹ​ത്താ​ലും ഉലയ്‌ക്ക​പ്പെ​ട്ടേ​ക്കാം.

നുണപ​റ​യ​ലി​നോ​ടു ബന്ധപ്പെട്ട സകല നിഷേ​ധാ​ത്മക വികാ​ര​ങ്ങ​ളു​ടെ​യും വീക്ഷണ​ത്തിൽ, ‘ഈ വഞ്ചകമായ നടപടി എങ്ങനെ ആരംഭി​ച്ചു?’ എന്നു നാം ചോദി​ക്കണം.

ആദ്യ നുണ

യഹോ​വ​യാം ദൈവം ആദ്യ മാനുഷ ജോടി​യായ ആദാമി​നെ​യും ഹവ്വാ​യെ​യും സൃഷ്ടി​ച്ച​പ്പോൾ, അവരെ മനോ​ഹ​ര​മായ ഒരു ഉദ്യാ​ന​ഭ​വ​ന​ത്തിൽ ആക്കി​വെച്ചു. അവരുടെ ഭവനം ഏതൊരു തരത്തി​ലു​മുള്ള വഞ്ചനയിൽനിന്ന്‌ അല്ലെങ്കിൽ കാപട്യ​ത്തിൽനി​ന്നു വിമു​ക്ത​മാ​യി​രു​ന്നു. അത്‌ യഥാർഥ​മാ​യും ഒരു പറുദീ​സ​യാ​യി​രു​ന്നു!

ഹവ്വാ സൃഷ്ടി​ക്ക​പ്പെട്ടു കുറെ​ക്കാ​ലം കഴിഞ്ഞ്‌ പിശാ​ചായ സാത്താൻ പ്രലോ​ഭ​നാ​ത്മ​ക​മായ ഒരു വാഗ്‌ദാ​ന​വു​മാ​യി അവളെ സമീപി​ച്ചു. ദൈവം വിലക്കിയ “വൃക്ഷത്തി​ന്റെ ഫലം” തിന്നാൽ ദൈവം പറഞ്ഞതു​പോ​ലെ അവൾ മരിക്കു​ക​യി​ല്ലെന്ന്‌ അവൻ ഹവ്വാ​യോ​ടു പറഞ്ഞു. പകരം അവൾ ‘നന്മതി​ന്മ​കളെ അറിയു​ന്ന​വ​ളാ​യി ദൈവ​ത്തെ​പ്പോ​ലെ ആകു’മായി​രു​ന്നു. (ഉല്‌പത്തി 2:17; 3:1-5) ഹവ്വാ സാത്താനെ വിശ്വ​സി​ച്ചു. അവൾ പഴം പറിച്ചു​തി​ന്നിട്ട്‌ കുറെ ഭർത്താ​വി​നും നൽകി. സാത്താൻ വാഗ്‌ദാ​നം ചെയ്‌ത​വണ്ണം ദൈവ​ത്തെ​പ്പോ​ലെ ആയിത്തീ​രു​ന്ന​തി​നു പകരം ആദാമും ഹവ്വായും അനുസ​ര​ണം​കെട്ട പാപികൾ, ദ്രവത്വ​ത്തി​ന്റെ അടിമകൾ, ആയിത്തീർന്നു. (2 പത്രൊസ്‌ 2:19) ആ ആദ്യ നുണ പറയു​ക​വഴി സാത്താൻ “സകല നുണക​ളു​ടെ​യും പിതാവ്‌” ആയിത്തീർന്നു. (യോഹ​ന്നാൻ 8:44, റ്റുഡേ​യ്‌സ്‌ ഇംഗ്ലീഷ്‌ വേർഷൻ) നുണപ​റ​യു​ന്ന​വ​നോ അതിൽ വിശ്വ​സി​ക്കു​ന്ന​വ​നോ പ്രയോ​ജനം അനുഭ​വി​ക്കു​ക​യി​ല്ലെന്നു കാല​ക്ര​മ​ത്തിൽ പാപി​ക​ളായ ഈ മൂവർസം​ഘം തിരി​ച്ച​റി​ഞ്ഞു.

മരണക​ര​മായ ഫലങ്ങൾ

മനഃപൂർവ​മായ അനുസ​ര​ണ​ക്കേ​ടി​നു ശിക്ഷ ലഭിക്കാ​തെ പോകി​ല്ലെന്നു സ്വർഗ​ത്തി​ലും ഭൂമി​യി​ലു​മുള്ള തന്റെ സമസ്‌ത സൃഷ്ടി​ക​ളും അറിയാൻ യഹോവ ആഗ്രഹി​ച്ചു. മത്സരി​യായ ആത്മജീ​വി​യെ അവന്റെ ശിഷ്ട ജീവി​ത​കാ​ലം ദൈവ​ത്തി​ന്റെ വിശുദ്ധ സ്ഥാപന​ത്തി​നു വെളി​യിൽ ജീവി​ക്കാൻ ശിക്ഷവി​ധി​ച്ചു​കൊണ്ട്‌ യഹോവ സത്വരം പ്രവർത്തി​ച്ചു. അതിനു​പു​റമേ, ഒടുവിൽ സാത്താൻ പൂർണ​മാ​യി നശിപ്പി​ക്ക​പ്പെ​ടു​ന്നു​വെന്ന്‌ യഹോ​വ​യാം ദൈവം ഉറപ്പു​വ​രു​ത്തും. നൽകാ​മെന്നു ദൈവം വാഗ്‌ദാ​നം ചെയ്‌ത “സന്തതി” തലയ്‌ക്കു മരണക​ര​മായ പരി​ക്കേൽപ്പി​ക്കു​മ്പോ​ഴാ​യി​രി​ക്കും ഇതു സംഭവി​ക്കു​ന്നത്‌.—ഉല്‌പത്തി 3:14, 15; ഗലാത്യർ 3:16.

ആദാമി​ന്റെ​യും ഹവ്വായു​ടെ​യും സംഗതി​യിൽ, അവർ ഏദെൻ തോട്ട​ത്തിൽനി​ന്നു പുറത്താ​ക്ക​പ്പെട്ടു. “നിലത്തു​നി​ന്നു നിന്നെ എടുത്തി​രി​ക്കു​ന്നു; അതിൽ തിരികെ ചേരു​വോ​ളം മുഖത്തെ വിയർപ്പോ​ടെ നീ ഉപജീ​വനം കഴിക്കും; നീ പൊടി​യാ​കു​ന്നു, പൊടി​യിൽ തിരികെ ചേരും” എന്നു പറഞ്ഞു​കൊണ്ട്‌ ദൈവം ആദാമി​നു ശിക്ഷവി​ധി​ച്ചു. കാല​ക്ര​മ​ത്തിൽ, ദൈവം മുൻകൂ​ട്ടി പറഞ്ഞതു​പോ​ലെ അവനും ഹവ്വായും മരിച്ചു.—ഉല്‌പത്തി 3:19.

ആദാമി​ന്റെ സന്തതികൾ എന്നനി​ല​യിൽ മുഴു മാനുഷ കുടും​ബ​വും ‘പാപത്തി​ന്നു ദാസന്മാ​രാ​യി വില്‌ക്കപ്പെ’ട്ടിരി​ക്കു​ന്നു. മരണത്തി​ലേക്കു നയിക്കുന്ന അപൂർണത സകല മനുഷ്യ​രും അവകാ​ശ​പ്പെ​ടു​ത്തി​യി​രി​ക്കു​ന്നു. (റോമർ 5:12; 6:23; 7:14) ആദ്യ നുണയു​ടെ പരിണ​ത​ഫ​ലങ്ങൾ എത്ര ഭയാന​ക​മാ​യി​രി​ക്കു​ന്നു!—റോമർ 8:22.

ആഴത്തിൽ വേരൂ​ന്നിയ ഒരു നടപടി

സാത്താ​നും ദൈവ​ത്തി​നെ​തി​രായ മത്സരത്തിൽ അവനോ​ടു ചേർന്ന ദൂതൻമാ​രും ഇപ്പോൾവ​രെ​യും വധിക്ക​പ്പെ​ട്ടി​ട്ടി​ല്ലാ​ത്ത​തി​നാൽ ആളുകളെ “ഭോഷ്‌കു പറ”യാൻ അവർ പ്രേരി​പ്പി​ക്കു​ന്ന​തിൽ നാം അതിശ​യി​ക്ക​രുത്‌. (1 തിമൊ​ഥെ​യൊസ്‌ 4:1-3) തത്‌ഫ​ല​മാ​യി, നുണപ​റയൽ മാനുഷ സമുദാ​യ​ത്തിൽ ആഴത്തിൽ വേരൂ​ന്നി​യി​രി​ക്കു​ന്നു. “നുണ​യോ​ടുള്ള ബന്ധത്തിൽ സമൂഹം ഇപ്പോൾ വളരെ​യേറെ തഴമ്പി​ച്ചു​പോ​ക​ത്ത​ക്ക​വി​ധം, നുണപ​റയൽ സമൂഹ​ത്തിൽ അത്രയ​ധി​കം ലയിച്ചു​ചേർന്നി​രി​ക്കു​ന്നു”വെന്ന്‌ ലോസാ​ഞ്ച​ലസ്‌ ടൈംസ്‌ അഭി​പ്രാ​യ​പ്പെട്ടു. അനേകർ ഇന്ന്‌ രാഷ്‌ട്രീ​യ​ത്തെ​യും രാഷ്‌ട്രീ​യ​ക്കാ​രെ​യും നുണപ​റ​യ​ലു​മാ​യി അടുത്തു ബന്ധപ്പെ​ടു​ത്തു​ന്നു. എന്നാൽ മതനേ​താ​ക്കൻമാർ ഏറ്റവും കുപ്ര​സി​ദ്ധ​രായ നുണയൻമാ​രിൽ പെടു​ന്നു​വെന്ന കാര്യം നിങ്ങൾ അറിഞ്ഞി​രു​ന്നോ?

യേശു​വി​ന്റെ മതവി​രോ​ധി​കൾ അവന്റെ ഭൗമിക ശുശ്രൂ​ഷ​ക്കാ​ലത്ത്‌ അവനെ​ക്കു​റി​ച്ചു നുണകൾ പരത്തി. (യോഹ​ന്നാൻ 8:48, 54, 55) “നിങ്ങൾ പിശാ​ചെന്ന പിതാ​വി​ന്റെ മക്കൾ; നിങ്ങളു​ടെ പിതാ​വി​ന്റെ മോഹ​ങ്ങളെ ചെയ്‌വാ​നും ഇച്ഛിക്കു​ന്നു. . . . അവൻ ഭോഷ്‌കു പറയു​മ്പോൾ സ്വന്തത്തിൽനി​ന്നു എടുത്തു പറയുന്നു; അവൻ ഭോഷ്‌കു പറയു​ന്ന​വ​നും അതിന്റെ അപ്പനും ആകുന്നു” എന്ന്‌ പറഞ്ഞു​കൊണ്ട്‌ അവൻ അവരെ പരസ്യ​മാ​യി കുറ്റം​വി​ധി​ച്ചു.—യോഹ​ന്നാൻ 8:44.

യേശു​വി​ന്റെ പുനരു​ത്ഥാന ശേഷം അവന്റെ കല്ലറ ശൂന്യ​മാ​ണെന്നു കണ്ടെത്തി​യ​പ്പോൾ പ്രചരി​പ്പിച്ച നുണ നിങ്ങൾ ഓർക്കു​ന്നു​വോ? മഹാപു​രോ​ഹി​തൻമാർ “പടയാ​ളി​കൾക്കു വേണ്ടു​വോ​ളം പണം കൊടു​ത്തു: അവന്റെ ശിഷ്യൻമാർ രാത്രി​യിൽ വന്നു ഞങ്ങൾ ഉറങ്ങു​മ്പോൾ അവനെ കട്ടു​കൊ​ണ്ടു പോയി എന്നു പറവിൻ” എന്നു പറഞ്ഞെന്നു ബൈബിൾ പ്രസ്‌താ​വി​ക്കു​ന്നു. ഈ നുണ വ്യാപ​ക​മാ​യി പ്രചരി​ച്ചു. അനേകർ അതിനാൽ വഞ്ചിക്ക​പ്പെ​ടു​ക​യും ചെയ്‌തു. ആ മതനേ​താ​ക്കൻമാർ എത്ര ദുഷ്ടൻമാ​രാ​യി​രു​ന്നു!—മത്തായി 28:11-15.

മതപര​മായ നുണകൾ ഇന്ന്‌

മതനേ​താ​ക്കൻമാർ ഈ കാലത്തു പറഞ്ഞ മുഖ്യ നുണ എന്താണ്‌? “നിങ്ങൾ മരിക്ക​യില്ല നിശ്ചയം” എന്നു സാത്താൻ ഹവ്വാ​യോ​ടു പറഞ്ഞ നുണയ്‌ക്കു സമാന​മാ​ണത്‌. (ചെരി​ച്ചെ​ഴു​ത്തു ഞങ്ങളു​ടേത്‌.) (ഉല്‌പത്തി 3:4) എന്നാൽ ഹവ്വാ മരിക്കു​ക​തന്നെ ചെയ്‌തു. അവൾ മണ്ണി​ലേക്ക്‌, താൻ നിർമി​ക്ക​പ്പെട്ട പൊടി​യി​ലേക്കു തിരി​കെ​പ്പോ​യി.

എന്നാൽ, അവൾ മരിച്ച​താ​യി തോന്നു​ക​മാ​ത്രം ചെയ്യു​ക​യും മറ്റേ​തെ​ങ്കി​ലും രൂപത്തിൽ ജീവി​ക്കു​ക​യു​മാ​യി​രു​ന്നോ? മരണം മറ്റൊരു ജീവി​ത​ത്തി​ലേ​ക്കുള്ള പ്രവേ​ശ​ന​ക​വാ​ടം മാത്ര​മാ​ണോ? ഹവ്വായു​ടെ ഏതെങ്കി​ലും ബോധ​പൂർവ​ക​മായ ഭാഗം തുടർന്നും ജീവി​ച്ചി​രു​ന്നു​വെ​ന്ന​തി​നു ബൈബിൾ യാതൊ​രു സൂചന​യും നൽകു​ന്നില്ല. അവളുടെ ദേഹി അതിജീ​വി​ച്ചില്ല. ദൈവ​ത്തോട്‌ അനുസ​ര​ണ​ക്കേടു കാണി​ച്ചു​കൊണ്ട്‌ അവൾ പാപം ചെയ്‌തു, ബൈബിൾ പറയുന്നു: “പാപം ചെയ്യുന്ന ദേഹി മരിക്കും.” (യെഹെ​സ്‌കേൽ 18:4) തന്റെ ഭർത്താ​വി​നെ​പ്പോ​ലെ​തന്നെ ഹവ്വായും ജീവനുള്ള ദേഹി​യാ​യി സൃഷ്ടി​ക്ക​പ്പെട്ടു, ജീവനുള്ള ദേഹി​യെ​ന്ന​നി​ല​യി​ലുള്ള അവളുടെ ജീവിതം അവസാ​നി​ച്ചു. (ഉല്‌പത്തി 2:7) മരിച്ച​വ​രു​ടെ അവസ്ഥ​യെ​ക്കു​റി​ച്ചു ബൈബിൾ പറയുന്നു: “മരിച്ച​വ​രോ ഒന്നും അറിയു​ന്നില്ല.” (സഭാ​പ്ര​സം​ഗി 9:5) പക്ഷേ, സഭകൾ പൊതു​വേ പഠിപ്പി​ക്കു​ന്ന​തെ​ന്താണ്‌?

മനുഷ്യർക്ക്‌ ഒരു അമർത്ത്യ ദേഹി​യു​ണ്ടെ​ന്നും സന്തുഷ്ടി​യു​ടേ​തോ ദണ്ഡനത്തി​ന്റേ​തോ ആയ മറ്റൊരു ജീവിതം അനുഭ​വി​ക്കാ​നാ​യി മരണം അതിനെ സ്വത​ന്ത്ര​മാ​ക്കു​ന്നു​വെ​ന്നും സഭകൾ മിക്ക​പ്പോ​ഴും പഠിപ്പി​ക്കു​ന്നു. ദൃഷ്ടാ​ന്ത​ത്തിന്‌ കത്തോ​ലി​ക്കാ വിശ്വ​വി​ജ്ഞാ​ന​കോ​ശം (ഇംഗ്ലീഷ്‌) പറയുന്നു: “നരകത്തി​ലെ വേദന​ക​ളു​ടെ നിത്യ​തയെ, പ്രകട​മായ മതനി​ന്ദ​യാ​ല​ല്ലാ​തെ ആർക്കും നിഷേ​ധി​ക്കാ​നോ ചോദ്യം​ചെ​യ്യാ​നോ ആകാത്ത വിശ്വാസ സത്യ​മെ​ന്ന​നി​ല​യിൽ സഭ സ്‌പഷ്ട​മാ​യി പഠിപ്പി​ക്കു​ന്നു.”—വാല്യം 7, പേജ്‌ 209, 1913 പതിപ്പ്‌.

ബൈബിൾ വ്യക്തമാ​യി പറയു​ന്ന​തിൽനിന്ന്‌ എത്ര വ്യത്യ​സ്‌ത​മാണ്‌ ആ പഠിപ്പി​ക്കൽ! ഒരു വ്യക്തി മരിക്കു​മ്പോൾ “അവൻ മണ്ണി​ലേക്കു തിരി​യു​ന്നു; അന്നു തന്നേ അവന്റെ നിരൂ​പ​ണങ്ങൾ നശിക്കു​ന്നു”വെന്നു ബൈബിൾ പഠിപ്പി​ക്കു​ന്നു. (സങ്കീർത്തനം 146:4) അതു​കൊണ്ട്‌, ബൈബിൾ പറയു​ന്ന​ത​നു​സ​രിച്ച്‌, മരിച്ച​വർക്കു വേദന അനുഭ​വി​ക്കാൻ കഴിയു​ക​യില്ല, എന്തെന്നാൽ അവർക്കു യാതൊ​ന്നി​നെ​ക്കു​റി​ച്ചും ബോധ​മില്ല. തന്മൂലം ബൈബിൾ ഉദ്‌ബോ​ധി​പ്പി​ക്കു​ന്നു: “ചെയ്‌വാൻ നിനക്കു സംഗതി​വ​രു​ന്ന​തൊ​ക്കെ​യും ശക്തി​യോ​ടെ ചെയ്‌ക; നീ ചെല്ലുന്ന പാതാ​ള​ത്തിൽ [“ഷീയോ​ളിൽ,” NW—മനുഷ്യ​വർഗ​ത്തി​ന്റെ പൊതു ശവക്കുഴി] പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.”—സഭാ​പ്ര​സം​ഗി 9:10.

ജാഗ്രത പുലർത്തേ​ണ്ട​തുണ്ട്‌

യേശു​വി​ന്റെ നാളിലെ പുരോ​ഹി​തൻമാ​രു​ടെ നുണക​ളാൽ അനേകർ വഴി​തെ​റ്റി​ക്ക​പ്പെ​ട്ട​തു​പോ​ലെ, ഇന്നത്തെ മതനേ​താ​ക്കൻമാ​രു​ടെ വ്യാജ പഠിപ്പി​ക്ക​ലു​ക​ളാൽ വഞ്ചിക്ക​പ്പെ​ടു​ന്ന​തി​ന്റെ അപകട​മുണ്ട്‌. “ദൈവ​ത്തി​ന്റെ സത്യം അവർ വ്യാജ​മാ​ക്കി മാററി​ക്കള”യുകയും മാനു​ഷ​ദേഹി അമർത്ത്യ​മാണ്‌, അതു നരകാ​ഗ്നി​യിൽ ദണ്ഡിപ്പി​ക്ക​പ്പെ​ടും എന്നിങ്ങ​നെ​യുള്ള വ്യാജ പഠിപ്പി​ക്ക​ലു​കളെ പ്രോ​ത്സാ​ഹി​പ്പി​ക്കു​ക​യും ചെയ്യുന്നു.—റോമർ 1:25.

അതിനു​പു​റ​മേ, ഇന്നത്തെ മതങ്ങൾ പൊതു​വേ, മാനുഷ പാരമ്പ​ര്യ​ത്തെ​യും തത്ത്വശാ​സ്‌ത്ര​ത്തെ​യും ബൈബിൾ സത്യത്തി​ന്റെ അതേ സ്ഥാനത്തു പ്രതി​ഷ്‌ഠി​ച്ചി​രി​ക്കു​ന്നു. (കൊ​ലൊ​സ്സ്യർ 2:8) അങ്ങനെ, സത്യസ​ന്ധ​ത​യും ലൈം​ഗിക നടത്തയും സംബന്ധിച്ച നിയമങ്ങൾ ഉൾപ്പെടെ, ധാർമി​ക​തയെ പറ്റിയുള്ള ദൈവ​ത്തി​ന്റെ നിയമങ്ങൾ അന്തിമ​മാ​യ​വ​യാ​യി​ട്ടല്ല മറിച്ച്‌ ആപേക്ഷി​ക​മാ​യ​വ​യാ​യി​ട്ടാ​ണു വീക്ഷി​ക്ക​പ്പെ​ടു​ന്നത്‌. പരിണ​ത​ഫലം ടൈം മാഗസി​നിൽ വിവരി​ച്ചി​രി​ക്കു​ന്ന​തു​പോ​ലെ​യാണ്‌: “പരസ്‌പ​ര​മുള്ള പെരു​മാ​റ്റത്തെ ഭരിക്കുന്ന നിയമങ്ങൾ ആളുകൾ മേലാൽ മനസ്സി​ലാ​ക്കാ​ത്ത​പ്പോൾ അല്ലെങ്കിൽ അവയോ​ടു യോജി​ക്കാ​ത്ത​പ്പോൾ, സാമൂ​ഹിക അനിശ്ചി​ത​ത്വ​ത്തിൽ നുണകൾ തഴച്ചു​വ​ള​രു​ന്നു.”—യെശയ്യാ​വു 59:14, 15; യിരെ​മ്യാ​വു 9:5 ഇവ താരത​മ്യം ചെയ്യുക.

സത്യം ഒട്ടും​തന്നെ ആദരി​ക്ക​പ്പെ​ടാത്ത ഒരു ചുറ്റു​പാ​ടിൽ ജീവി​ക്കു​ന്നത്‌, നുണ പറയരു​തെ​ന്നുള്ള ദൈവ​ത്തി​ന്റെ ഉദ്‌ബോ​ധനം പിൻപ​റ്റു​ന്നതു ക്ലേശക​ര​മാ​ക്കു​ന്നു. എല്ലായ്‌പോ​ഴും സത്യസ​ന്ധ​രാ​യി​രി​ക്കാൻ എന്തിനു നമ്മെ സഹായി​ക്കാ​നാ​കും?

സത്യത്തി​നു​വേണ്ടി നില​കൊ​ള്ളൽ

സ്രഷ്ടാ​വി​നെ മഹത്ത്വ​പ്പെ​ടു​ത്താ​നുള്ള നമ്മുടെ ആഗ്രഹം സത്യസ​ന്ധ​മായ സംസാരം നട്ടുവ​ളർത്താ​നുള്ള അത്യുത്തമ പ്രചോ​ദ​ന​മേ​കു​ന്നു. ബൈബിൾ അവനെ ‘വിശ്വ​സ്‌ത​ദൈവം’ എന്നു വിളി​ക്കു​ന്നു. (സങ്കീർത്തനം 31:5) അതു​കൊണ്ട്‌, ‘വ്യാജ​മുള്ള നാവിനെ’ വെറു​ക്കുന്ന നമ്മുടെ സ്രഷ്ടാ​വി​നെ പ്രസാ​ദി​പ്പി​ക്കുക എന്നതു നമ്മുടെ ആഗ്രഹ​മാ​ണെ​ങ്കിൽ, നാം അവനെ അനുക​രി​ക്കാൻ പ്രേരി​ത​രാ​കും. (സദൃശ​വാ​ക്യ​ങ്ങൾ 6:17) നമുക്കിത്‌ എങ്ങനെ ചെയ്യാ​വു​ന്ന​താണ്‌?

ദൈവ​വ​ച​ന​ത്തി​ന്റെ ഉത്സാഹ​പൂർവ​മായ പഠനത്തിന്‌, ‘താന്താന്റെ കൂട്ടു​കാ​ര​നോ​ടു സത്യം സംസാരി’ക്കുന്നതി​നുള്ള ധാർമിക ശക്തി നമുക്കു നൽകാ​നാ​കും. (എഫെസ്യർ 4:25) എന്നാൽ, ദൈവം നമ്മിൽനിന്ന്‌ എന്താവ​ശ്യ​പ്പെ​ടു​ന്നു​വെന്നു കേവലം അറിയു​ന്നതു മതിയാ​കു​ന്നില്ല. ലോക​ത്തിൽ ഇന്നുള്ള അനേക​രെ​യും​പോ​ലെ​തന്നെ, സത്യം സംസാ​രി​ക്കാൻ നാം എല്ലായ്‌പോ​ഴും ചായ്‌വു​ള്ള​വ​രാ​യി​രു​ന്നി​ട്ടി​ല്ലെ​ങ്കിൽ അങ്ങനെ ചെയ്യാൻ നാം ഒരു യഥാർഥ ശ്രമം നടത്തേ​ണ്ട​യാ​വ​ശ്യ​മുണ്ട്‌. അപ്പോ​സ്‌ത​ല​നായ പൗലൊ​സി​ന്റെ ദൃഷ്ടാന്തം പിൻപ​റ്റി​ക്കൊണ്ട്‌ നാം നമ്മോ​ടു​തന്നെ കർക്കശ​രാ​യി​രി​ക്കേ​ണ്ട​തു​ണ്ടാ​യി​രി​ക്കാം. ഞാൻ “എന്റെ ശരീരത്തെ ദണ്ഡിപ്പി​ച്ചു അടിമ​യാ​ക്കു​ക​യ​ത്രേ ചെയ്യു​ന്നതു” എന്നു പൗലൊസ്‌ എഴുതി.—1 കൊരി​ന്ത്യർ 9:27.

എല്ലാ സമയത്തും സത്യം സംസാ​രി​ക്കു​ന്ന​തി​നുള്ള പോരാ​ട്ട​ത്തി​ലെ മറ്റൊരു സഹായ​മാ​ണു പ്രാർഥന. സഹായ​ത്തി​നാ​യി യഹോ​വ​യോ​ടു യാചി​ക്കു​ന്ന​തി​നാൽ നമുക്കു “സാധാ​ര​ണ​യിൽ കവിഞ്ഞ ശക്തി” നേടാ​വു​ന്ന​താണ്‌. (2 കൊരി​ന്ത്യർ 4:7, NW) “സത്യം പറയുന്ന അധരം” നിലനിർത്തു​ന്ന​തും ‘വ്യാജം പറയുന്ന നാവ്‌’ ഒഴിവാ​ക്കു​ന്ന​തും നിശ്ചയ​മാ​യും ഒരു യഥാർഥ പോരാ​ട്ട​മാ​യി​രി​ക്കാം. (സദൃശ​വാ​ക്യ​ങ്ങൾ 12:19) എന്നാൽ യഹോ​വ​യു​ടെ സഹായ​ത്താൽ അതു നിർവ​ഹി​ക്കാ​നാ​കും.—ഫിലി​പ്പി​യർ 4:13.

നുണപ​റ​യൽ സാധാരണ സംഗതി​യാ​ണെന്നു തോന്നാൻ ഇടയാ​ക്കു​ന്നതു പിശാ​ചായ സാത്താ​നാ​ണെന്ന്‌ എല്ലായ്‌പോ​ഴും ഓർമി​ക്കുക. ദുരു​ദ്ദേ​ശ്യ​ത്തോ​ടെ നുണപ​റ​ഞ്ഞു​കൊണ്ട്‌ അവൻ ആദ്യ സ്‌ത്രീ​യായ ഹവ്വായെ വഞ്ചിച്ചു. എന്നാൽ, നുണയി​ല​ധി​ഷ്‌ഠി​ത​മായ സാത്താന്യ വഴിക​ളു​ടെ വിപത്‌ക​ര​മായ പരിണ​ത​ഫ​ല​ങ്ങ​ളെ​ക്കു​റി​ച്ചു നമുക്കു പൂർണ​മായ അറിവുണ്ട്‌. ഒരു സ്വാർഥ നുണയും മൂന്നു സ്വാർഥ​രും—ആദാമും ഹവ്വായും സാത്താ​നും—നിമിത്തം മാനുഷ കുടും​ബം അസംഖ്യം ദുരി​തങ്ങൾ അനുഭ​വി​ച്ചി​രി​ക്കു​ന്നു.

അതേ, നുണപ​റ​യ​ലി​നെ മരണക​ര​മായ വിഷ​ത്തോട്‌ ഉപമി​ക്കാ​മെ​ന്നു​ള്ള​താ​ണു സത്യം. എന്നാൽ സന്തോ​ഷ​ക​ര​മെന്നു പറയട്ടെ, അതി​നോ​ടുള്ള ബന്ധത്തിൽ നമുക്കു ചിലതു ചെയ്യാ​നാ​കും. നുണപ​റ​യൽശീ​ലം നിർത്താ​നും “മഹാദ​യ​യും വിശ്വ​സ്‌ത​ത​യു​മുള്ള” ദൈവ​മായ യഹോ​വ​യു​ടെ അംഗീ​കാ​രം നിത്യ​മാ​യി ആസ്വദി​ക്കാ​നും നമുക്കു കഴിയും.—പുറപ്പാ​ടു 34:6.

[19-ാം പേജിലെ ആകർഷ​ക​വാ​ക്യം]

നുണപറയലിനെ മരണക​ര​മായ വിഷ​ത്തോട്‌ ഉപമി​ക്കാ​വു​ന്ന​താണ്‌

[17-ാം പേജിലെ ചിത്രം]

നുണപറയലിന്റെ പരിണ​ത​ഫ​ലങ്ങൾ ഒരു അലങ്കാ​ര​പാ​ത്രം പൊട്ടി​ച്ചി​ത​റു​ന്ന​തു​പോ​ലെ​യാണ്‌