മദ്യപാ​ന​വും ഡ്രൈ​വിം​ഗും—എന്തു ചെയ്യാൻ കഴിയും?

ന്യൂ​യോർക്കി​ലെ സമു​ദ്ര​തീ​ര​ത്തുള്ള ജനങ്ങൾ ഒത്തുകൂ​ടുന്ന സൗത്താം​പ്‌റ്റൺ പട്ടണം മദ്യപി​ച്ചു വാഹന​മോ​ടി​ക്കു​ന്ന​തി​നെ​തി​രെ യുദ്ധം പ്രഖ്യാ​പി​ച്ചു. ഈ പോരാട്ട പദ്ധതി​യു​ടെ പങ്ക്‌ എന്തായി​രു​ന്നു? നാമ നിർദ്ദേശം ചെയ്യപ്പെട്ട ഡ്രൈവർ പരിപാ​ടി. അതു എങ്ങനെ നിർവ്വ​ഹി​ക്കു​ന്നു? ഈ പരിപാ​ടി​യിൻ കീഴിൽ സാമൂ​ഹ്യ​മാ​യി പോകു​മ്പോൾ തങ്ങളുടെ ഗ്രൂപ്പിൽ ആ വൈകു​ന്നേ​ര​ത്തേക്ക്‌ ആരായി​രി​ക്കും ഡ്രൈവർ എന്നു വ്യക്തികൾ തീരു​മാ​നി​ക്കു​ന്നു. പല പട്ടണങ്ങ​ളി​ലെ​യും ബാറു​ക​ളും റസ്‌റ്റോ​റൻറു​ക​ളും അങ്ങനെ തെര​ഞ്ഞെ​ടു​ത്ത​വർക്ക്‌ “നാമനിർദ്ദേശം ചെയ്യപ്പെട്ട ഡ്രൈവർ” ബട്ടൺ നൽകുന്നു.

പിന്നീട്‌ എന്ത്‌? ഈ പരിപാ​ടി​യു​ടെ പ്രോ​ത്സാ​ഹ​ക​രിൽ ഒരുവ​ളായ സമിതി വനിത, പാട്രി​ഷ്യാ ന്യൂമാൻ ഉണരുക! യോട്‌ ഇപ്രകാ​രം വിശദീ​ക​രി​ച്ചു: “ബട്ടൺ ധരിക്കുന്ന ആൾക്ക്‌ മറ്റുള്ള​വരെ വീട്ടിൽ വാഹന​മോ​ടിച്ച്‌ എത്തിച്ചു​കൊ​ള്ളാ​മെന്ന വ്യവസ്ഥ​യിൽ ആ വൈകു​ന്നേരം ലഘുപാ​നീ​യങ്ങൾ സൗജന്യ​മാ​യി ലഭിക്കാൻ അവകാ​ശ​മു​ണ്ടാ​യി​രി​ക്കും.”

എന്നാൽ അതു എല്ലാ പട്ടണങ്ങ​ളി​ലു​മില്ല. സമിതി വനിത ന്യൂമാൻ ഇങ്ങനെ തുടർന്നു: “ഞങ്ങളുടെ പ്രാ​ദേ​ശീക പത്രങ്ങൾ അവയുടെ, പ്രായേണ മുഖ്യ​സ്ഥ​ലത്ത്‌, മത്തു പിടിച്ച്‌ വാഹന​മോ​ടി​ച്ച​തി​നു അറസ്‌റ്റി​ലായ ഏതു ആളു​ടെ​യും പേരും പ്രായ​വും മേൽവി​ലാ​സ​വും അച്ചടി​ക്കു​ന്നു.” ഫലമോ? അവർ ഇപ്രകാ​രം കൂട്ടി​ച്ചേർത്തു: “ഞങ്ങളുടെ റോഡി​ലെ പരി​ശോ​ധന മത്തു പിടിച്ചു ഡ്രൈവു ചെയ്യു​ന്ന​വ​രു​ടെ സംഖ്യ ചുരു​ങ്ങി​ചു​രു​ങ്ങി​വ​രാ​നി​ട​യാ​ക്കു​ന്നു. റോഡി​ലെ പരി​ശോ​ധ​ന​യും പത്രത്തിൽ പേര്‌ പരസ്യം ചെയ്യലും നാമനിർദ്ദേശം ചെയ്യപ്പെട്ട ഡ്രൈവർ പരിപാ​ടി​യും ഒരുമി​ച്ചു ചേർന്ന്‌ സഹായ​ക​മാ​യി​ട്ടു​ണ്ടെന്നു ഞാൻ വിചാ​രി​ക്കു​ന്നു.”

ഒരു പട്ടണം ചെയ്‌തി​രി​ക്കു​ന്നതു അതാണ്‌. തീർച്ച​യാ​യും അത്തരം യത്‌നങ്ങൾ ആപത്തു​ക​ളു​ടെ സംഖ്യ ചുരു​ക്കു​ന്ന​തിന്‌ ഫലപ്ര​ദ​മാ​യി​രു​ന്നേ​ക്കാ​മെ​ങ്കി​ലും അവ പ്രശ്‌നത്തെ ഒരുവി​ധ​ത്തി​ലും പരിപൂർണ്ണ​മാ​യി തുടച്ചു നീക്കു​ന്നില്ല. ഇതിനി​ട​യിൽ നിങ്ങ​ളെ​ത്ത​ന്നെ​യും നിങ്ങളു​ടെ കുടും​ബ​ത്തെ​യും സംരക്ഷി​ക്കാൻ നിങ്ങൾക്കെന്തു ചെയ്യാൻ കഴിയും? അനേകം കാര്യങ്ങൾ.

കുടിച്ചു ഡ്രൈവു ചെയ്യു​ന്ന​തി​ന്റെ ഉത്തരവാ​ദി​ത്തം ഏറ്റെടു​ക്കു​ക

ഒരു ബൈബിൾ സദൃശ​വാ​ക്യം പറയുന്നു: “വീഞ്ഞു പരിഹാ​സി​യും മദ്യം കലഹക്കാ​ര​നു​മാ​കു​ന്നു, അതിനാൽ വഴിപി​ഴച്ച ഒരുവ​നും ജ്ഞാനിയല്ല.” (സദൃശ​വാ​ക്യ​ങ്ങൾ 20:1) അത്‌ ലഹരി​പാ​നീ​യങ്ങൾ ഉപയോ​ഗി​ക്കു​ന്നതു സംബന്ധിച്ച്‌ ഉത്തരവാ​ദിത്ത മനോ​ഭാ​വ​മു​ണ്ടാ​യി​രി​ക്കു​ന്ന​തി​നെ ശുപാർശ ചെയ്യുന്നു, നിങ്ങൾ കുടി​ച്ചി​രു​ന്ന​പ്പോൾ സംഭവി​ച്ചതു സംബന്ധിച്ച്‌ ഖേദം തോന്നാൻ ഇടവരാ​തി​രി​ക്ക​ത്ത​ക്ക​വണ്ണം പെരു​മാ​റുക.

ബൈബിൾ നിരോ​ധം ഏർപ്പെ​ടു​ത്തി​യി​ട്ടു​ണ്ടെന്നു അതു പറയു​ന്നില്ല. അത്‌ ഒരു വിധത്തി​ലും മദ്യത്തി​ന്റെ മിതമായ ഉപയോ​ഗത്തെ കുറ്റം വിധി​ക്കു​ന്നില്ല. (സങ്കീർത്തനം 104:15; 1 തിമൊ​ഥെ​യോസ്‌ 3:2, 3, 8) എന്നാൽ മുൻ ലേഖനം ചൂണ്ടി​ക്കാ​ണി​ച്ച​തു​പോ​ലെ ഒരാൾ അവന്റെ അല്ലെങ്കിൽ അവളുടെ ഡ്രൈവു ചെയ്യു​ന്ന​തി​നുള്ള കഴിവു കുറയു​ന്നതു വരെ കുടിച്ചു പ്രാഞ്ചി​പ്പോ​ക​രുത്‌. അതു​കൊണ്ട്‌ ഒരു ക്രിസ്‌ത്യാ​നി ഡ്രൈ​വ​റു​ടെ സീറ്റിൽ ഇരിക്കു​ന്ന​തി​നു മുമ്പ്‌ കുടി​ക്കു​ന്നതു സംബന്ധിച്ച്‌ ജാഗ്ര​ത​യു​ള്ള​വ​നാ​യി​രി​ക്കും. തുറന്നു പറഞ്ഞാൽ, കുടി​യും ഡ്രൈ​വിം​ഗും കൂട്ടി​ക്കു​ഴ​ക്കുക തന്നെ ചെയ്‌തു പരീക്ഷി​ക്കു​ന്ന​ത്‌നെ​തിന്‌?

പണ്ടു ബൈബിൾ കാലങ്ങ​ളിൽ രാജാ​ക്കൻമാർക്ക്‌ നൽകിയ ബുദ്ധി​യു​പ​ദേ​ശ​ത്തിൽ നിന്നു ഒരു പാഠം പഠിക്കാൻ കഴി​ഞ്ഞേ​ക്കും. സദൃശ​വാ​ക്യ​ങ്ങൾ 31:4 ഇപ്രകാ​രം പ്രസ്‌താ​വി​ക്കു​ന്നു: “വീഞ്ഞു കുടി​ക്കു​ന്നതു രാജാ​ക്കൻമാർക്ക്‌ (ഔദ്യോ​ഗിക കൃത്യം നിർവ​ഹി​ക്കു​മ്പോൾ) അഥവാ ഉന്നത അധികാ​രി​കൾക്ക്‌ ‘മത്തുപി​ടി​ക്കുന്ന ലഹരി​പാ​നീ​യ​മെ​വി​ടെ?’ എന്നു ചോദി​ക്കു​ന്ന​തും പാടു​ള്ളതല്ല.” എന്നാൽ ഒഴിഞ്ഞി​രി​ക്കേ​ണ്ടതു എന്തു​കൊണ്ട്‌? അടുത്ത വാക്യം വിശദീ​ക​രി​ക്കു​ന്നു: “ആ ഒരുവൻ കുടി​ച്ചി​ട്ടു നിയമം മറന്നു​പോ​കു​ന്ന​തി​നും ക്ലേശപു​ത്രൻമാ​രു​ടെ ന്യായം മറിച്ചു​ക​ള​യാ​നും ഇടയാ​ക​രുത്‌.” അതു എന്താണ്‌ നിർദ്ദേ​ശി​ക്കു​ന്നത്‌? ഉചിത​മാ​യും മദ്യത്തിൽ നിന്നു ഒഴിഞ്ഞു നിൽക്കു​ന്നതു നന്നായി​രി​ക്കുന്ന സമയങ്ങൾ ഉണ്ട്‌, പ്രത്യേ​കിച്ച്‌ മറ്റുള്ള​വ​രു​ടെ ജീവൻമേൽ നേരിട്ടു ബാധി​ക്കുന്ന പ്രവർത്ത​ന​ങ്ങ​ളിൽ നാം ഏർപ്പെ​ടു​മ്പോൾ.—ലേവ്യർ 10:8, 9കൂടെ കാണുക.

റോമർ 14:21-ലെ ബൈബി​ളി​ന്റെ വാക്കു​ക​ളും പരിഗ​ണി​ക്കുക: “നിന്റെ സഹോ​ദ​രനു ഇടർച്ച വരുത്തു​ന്നു എങ്കിൽ മാംസം ഭക്ഷിക്കാ​തെ​യും വീഞ്ഞു കുടി​ക്കാ​തെ​യും യാതൊ​ന്നും ചെയ്യാ​തെ​യും ഇരിക്കു​ന്നതു നല്ലതു.” അതു​കൊണ്ട്‌ ഒരു ക്രിസ്‌ത്യാ​നി മറ്റുള്ള​വ​രു​ടെ ലോല​മായ വീക്ഷണത്തെ പരിഗ​ണി​ച്ചു​കൊ​ണ്ട്‌കു​ടി​യിൽ നിന്ന്‌ പൂർണ്ണ​മാ​യി വിട്ടു നിൽക്കുന്ന സന്ദർഭങ്ങൾ ഉണ്ടായി​രു​ന്നേ​ക്കാം. ക്രിസ്‌ത്യാ​നി കേവലം വീക്ഷണത്തെ പ്രതി മാത്രമല്ല എന്നാൽ മറ്റുള്ള​വ​രു​ടെ ജീവനു​വേ​ണ്ടി​ത്ത​ന്നെ​യും കുടി​യും ഡ്രൈ​വിം​ഗും കൂട്ടി​ക്ക​ലർത്തു​ന്ന​തി​നെ ഒഴിവാ​ക്കി​ക്കൊണ്ട്‌ പരിഗണന കാണി​ക്കു​ന്ന​തി​നെ അതു ശക്തമായി നിർദ്ദേ​ശി​ക്കു​ന്നി​ല്ലേ?

മറ്റുള്ള​വർക്കു, വിശേ​ഷിച്ച്‌ ചെറു​പ്പ​ക്കാർക്ക്‌ ഒരു നല്ല ദൃഷ്ടാന്തം വെക്കുന്ന സംഗതി​യു​മുണ്ട്‌. നിങ്ങൾ ഒരു മാതാ​വോ പിതാ​വോ ആണെങ്കിൽ ഒഴിവാ​ക്കു​ന്ന​തി​നു പ്രത്യേക കാരണ​മുണ്ട്‌. നിങ്ങളു​ടെ യുവ പ്രായ​ക്കാ​രനെ മദ്യപിച്ച്‌ വാഹന​മോ​ടി​ക്കു​ന്ന​തി​ന്റെ അപകട​ങ്ങ​ളെ​ക്കു​റിച്ച്‌ മുന്നറി​യി​ക്കു​ന്ന​തി​നു മുമ്പ്‌ നിങ്ങൾ പറയു​ന്ന​തി​നെ നിങ്ങളു​ടെ തന്നേ പ്രവർത്ത​നങ്ങൾ പിന്താ​ങ്ങു​ന്നു​വോ എന്ന്‌ നിശ്ചയ​പ്പെ​ടു​ത്തുക. ഞാൻ—പറയു​ന്ന​തു​പോ​ലെ—ചെയ്യുക—ഞാൻ—ചെയ്യു​ന്ന​തു​പോ​ലെ—അല്ല എന്ന തത്വജ്ഞാ​നം സാധാ​ര​ണ​യാ​യി കുട്ടി​ക​ളു​ടെ അടുത്തു വില​പ്പോ​വില്ല. അവർ മിക്ക​പ്പോ​ഴും നിങ്ങൾ പറയു​ന്ന​തി​നെ​ക്കാൾ അധികം നിങ്ങൾ ചെയ്യു​ന്ന​തി​നെ ശ്രദ്ധി​ക്കു​ന്നു.—സദൃശ​വാ​ക്യ​ങ്ങൾ 20:7 താരത​മ്യ​പ്പെ​ടു​ത്തുക.

നിങ്ങൾ ആതി​ഥേ​യ​നാ​യി​രി​ക്കു​മ്പോൾ

യഥാർത്ഥ ആതി​ഥേ​യ​ത്വ​ത്തിൽ നിങ്ങളു​ടെ അതിഥി​കൾക്ക്‌ ആഹാര​വും മദ്യവും നൽകു​ന്ന​തി​നെ​ക്കാൾ വളരെ​യ​ധി​കം ഉൾപ്പെ​ട്ടി​രി​ക്കു​ന്നു. നിങ്ങൾ മറ്റുള്ള​വരെ നിങ്ങളു​ടെ ഭവനത്തി​ലേക്ക്‌ ക്ഷണിക്കു​മ്പോൾ നിങ്ങൾക്ക്‌ ആ വൈകു​ന്നേ​ര​ത്തി​ന്റെ ചൈത​ന്യം നില നിർത്തേണ്ട ഉത്തരവാ​ദി​ത്വ​മുണ്ട്‌. അവരുടെ സുരക്ഷി​ത​ത്വ​ത്തി​നുള്ള ധാർമ്മിക ഉത്തരവാ​ദി​ത്വ​വും നിങ്ങൾക്കുണ്ട്‌.

ചില സ്ഥലങ്ങളിൽ മത്തരാ​ണെന്നു പ്രകട​മാ​ക്കുന്ന ആളുകൾക്ക്‌ അത്തരം ആളുകൾ ഉൾപ്പെട്ട അപകട​മു​ണ്ടാ​കു​ന്നെ​ങ്കിൽ, ലഹരി​പാ​നീ​യങ്ങൾ വിതരണം ചെയ്യു​ന്ന​വ​രും ഉത്തരവാ​ദി​ക​ളാ​യേ​ക്കാ​മെന്നു പ്രസ്‌താ​വി​ക്കുന്ന നിയമങ്ങൾ പോലു​മുണ്ട്‌. അത്തരം നിയമങ്ങൾ കൊണ്ടു​വ​രു​ന്ന​തി​നെ ശുപാർശ ചെയ്‌തു​കൊണ്ട്‌ മദ്യപി​ച്ചു ഡ്രൈവു ചെയ്യു​ന്നതു സംബന്ധിച്ച യു. എസ്‌. പ്രസി​ഡൻഷ്യൽ കമ്മീഷൻ ഇപ്രകാ​രം നിരീ​ക്ഷി​ച്ചു: “ഈ നിയമങ്ങൾ വ്യാപാ​രി​യോ സ്വകാര്യ ആതി​ഥേ​യ​രോ ആയാലും വില്‌പ​ന​ക്കാ​രന്റെ അഥവാ വിതര​ണ​ക്കാ​രന്റെ മേൽ ഉത്തരവാ​ദി​ത്വം വെക്കു​ന്ന​തി​ന്റെ ആവശ്യം അവിതർക്കി​ത​മാ​യി സ്ഥാപി​ക്കു​ന്നു. [അത്തരം] നിയമങ്ങൾ മത്തരായ ആളുകളെ വാഹന​മോ​ടി​ക്കു​ന്ന​തിൽ നിന്നു തടയു​ന്ന​തി​നുള്ള ഉത്തരവാ​ദി​ത്വം മറ്റുള്ള​വർക്കു​ണ്ടെ​ന്നുള്ള തത്വം സ്ഥാപി​ക്ക​യും ചെയ്യുന്നു.”

വ്യക്തമാ​യും, അതി​നെ​തി​രെ നിയമം ഉണ്ടെങ്കി​ലും ഇല്ലെങ്കി​ലും നിങ്ങളു​ടെ വീട്ടിൽ വരുന്ന അതിഥി​കൾക്കു ലഹരി​പാ​നീ​യങ്ങൾ വിതരണം ചെയ്യു​മ്പോൾ കാര്യങ്ങൾ നിയ​ന്ത്ര​ണാ​ധീ​ത​മാ​ണെന്നു ഉറപ്പു​വ​രു​ത്തു​ന്ന​തി​നുള്ള ഉത്തരവാ​ദി​ത്വം നിങ്ങൾക്കുണ്ട്‌.—ദയവായി ഇതിന്റെ കൂടെ ചേർത്തി​രി​ക്കുന്ന “ഒരു ഉത്തരവാ​ദി​ത്വ​മുള്ള ആതി​ഥേ​യ​നാ​യി​രിക്ക” എന്ന ബോക്‌സ്‌ കാണുക.

ഗവൺമെൻറു​കൾ ചെയ്യു​ന്നത്‌

മദ്യപി​ച്ചു വാഹന​മോ​ടി​ക്കു​ന്ന​തി​ലുള്ള അപകടങ്ങൾ സംബന്ധിച്ച പൊതു പരിഗണന വർദ്ധിച്ചു വരുന്ന സാഹച​ര്യ​ത്തിൽ ഗവൺമെൻറു​കൾ ഈ പ്രശ്‌നം കൈകാ​ര്യം ചെയ്യു​ന്ന​തി​നുള്ള യന്ത്രങ്ങ​ളു​മാ​യി മുന്നിട്ടു വന്നിരി​ക്കു​ന്നു. ചിലവ ചെയ്യു​ന്നത്‌ ഇതാണ്‌:

കുടി​ക്കു​ന്ന​തി​നുള്ള കുറഞ്ഞ പ്രായ​പ​രി​ധി ഉയർത്തു​ന്നു: ഇതു യഥാർത്ഥ​ത്തിൽ സഹായ​ക​ര​മാ​ണോ? കുറച്ചു വർഷങ്ങൾക്കു മുമ്പ്‌ ഐക്യ​നാ​ടു​ക​ളി​ലും കാനഡാ​യി​ലും കുടി​ക്കു​ന്ന​തി​നുള്ള പ്രായ​പ​രി​ധി താഴ്‌ത്തി​യ​പ്പോൾ എന്തു സംഭവി​ച്ചു എന്ന്‌ പരിഗ​ണി​ക്കുക. ഹൈവേ സേഫ്‌റ്റി​ക്കു​വേ​ണ്ടി​യുള്ള ഇൻഷൂ​റൻസ്‌ ഇൻസ്‌റ്റി​ട്യൂ​ട്ടി​ന്റെ ഒരു റിപ്പോർട്ട്‌ ഇപ്രകാ​രം വിശദീ​ക​രി​ക്കു​ന്നു:a ഒരു പഠനത്തിൽ കുടി​ക്കു​ന്ന​തി​നുള്ള പ്രായ​പ​രി​ധി ഇരുപ​ത്തൊ​ന്നിൽനി​ന്നു പതി​നെ​ട്ടാ​യി കുറച്ച വിവിധ സംസ്ഥാ​ന​ങ്ങ​ളി​ലും കാനഡാ​യി​ലെ പ്രോ​വിൻസു​ക​ളി​ലും മരണക​ര​മായ കൂട്ടി​യി​ടി​ക​ളിൽ ഗണനീ​യ​മായ വർദ്ധനവു ദൃശ്യ​മാ​യി.” എന്നാൽ കുടി​ക്കു​ന്ന​തി​നുള്ള പ്രായ​പ​രി​ധി കുറച്ച ചില സ്ഥലങ്ങളിൽ പിന്നീട്‌, 1976-ന്റെ ആരംഭ​ത്തിൽ അത്‌ ഉയർത്താൻ തുടങ്ങി. ഫലമോ? അതേ റിപ്പോർട്ട്‌ ഉത്തരം നൽകുന്നു: “സംസ്ഥാ​നങ്ങൾ കുടി​ക്കു​ന്ന​തി​നുള്ള പ്രായ​പ​രി​ധി ഉയർത്തി​യ​പ്പോൾ അതിന​നു​സ​ര​ണ​മാ​യി നിയമ—ബാധി​ത​രായ ഡ്രൈ​വർമാ​രു​ടെ​യി​ട​യിൽ മരണക​ര​മായ കൂട്ടി​യി​ടി​കൾ കുറഞ്ഞു.”

കാഠി​ന്യ​മേ​റി​യ നിയമങ്ങൾ കൊണ്ടു​വ​രു​ന്നു: ചില പ്രദേ​ശ​ങ്ങ​ളിൽ മദ്യപ​രായ ഡ്രൈ​വർമാർ ആവർത്തി​ച്ചുള്ള കുറ്റത്തിന്‌ കഠിന​മായ പിഴയും ലൈസൻസി​ന്റെ ദീർഘ​കാല സസ്‌പെൻഷൻ കാലങ്ങ​ളും ജയിൽ ശിക്ഷക​ളും അഭിമു​ഖീ​ക​രി​ക്കു​ന്നു. അത്തരം കാഠി​ന്യ​മേ​റിയ നിയമ​ങ്ങ​ളാ​ണോ പരിഹാ​രം? ആൽക്ക​ഹോൾ ഹെൽത്ത്‌ ആൻഡ്‌ റിസേർച്ച്‌ വേൾഡ്‌ ഇങ്ങനെ കുറി​ക്കൊ​ണ്ടു: ബ്രിട്ട​നിൽ ഡ്രൈ​വർമാർ ആൽക്ക​ഹോൾ ശ്വസന പരി​ശോ​ധന നടത്തു​ന്ന​തി​നു ആവശ്യ​പ്പെ​ടാൻ പോലീ​സി​നെ അനുവ​ദി​ക്കു​ന്ന​തും വിപു​ല​മാ​യി പ്രസി​ദ്ധീ​ക​രി​ച്ച​തു​മായ 1967-ലെ റോഡ്‌ സേഫ്‌റ്റി ആക്ടിന്റെ ഫലമായി ഗതാഗത അപകട​ങ്ങ​ളിൽ നിന്നുള്ള മരണങ്ങൾ ആരംഭ​ത്തിൽ 23 ശതമാനം കുറഞ്ഞു. കാനഡാ​യിൽ സമാന​മായ നിയമ നിർമ്മാ​ണം ഏകദേശം 8% കുറച്ചു.

എന്നാൽ അധികം ദീർഘി​ക്കു​ന്ന​തി​നു മുമ്പേ രണ്ടു രാജ്യ​ങ്ങ​ളി​ലെ​യും ഫലങ്ങൾ ഏറെക്കു​റെ അപ്രത്യ​ക്ഷ​മാ​യി. എന്തു​കൊണ്ട്‌? റിപ്പോർട്ട്‌ ഇങ്ങനെ തുടരു​ന്നു: “അറസ്‌റ്റു സംബന്ധിച്ച ഒരു പുതിയ ഉയർന്ന അപകട സാദ്ധ്യ​ത​യെ​ക്കു​റി​ച്ചു അറിവുള്ള കുപ്ര​സി​ദ്ധി​യുള്ള ഡ്രൈ​വർമാർ അനന്തര​ഫ​ല​മാ​യുള്ള അനുഭ​വ​ത്തിൽ നിന്നു അപകട​സാ​ദ്ധത യഥാർത്ഥ​ത്തിൽ അധികം വർദ്ധി​ച്ചി​ട്ടി​ല്ലെന്നു മനസ്സി​ലാ​ക്കി.” മറ്റുവാ​ക്കു​ക​ളിൽ, കാഠി​ന്യം കൂടിയ നിയമങ്ങൾ കർശന​മാ​യി നടപ്പി​ലാ​ക്കി​യാൽ മാത്രമേ ഫലകര​മാ​യി​രി​ക്ക​യു​ള്ളു. ബൈബിൾ നേരത്തെ ഇപ്രകാ​രം വിശദീ​ക​രി​ച്ച​തു​പോ​ലെ: “ഒരു കുറ്റകൃ​ത്യ​ത്തി​നെ​തി​രെ​യുള്ള ശിക്ഷാ​വി​ധി വേഗത്തിൽ നടപ്പി​ലാ​ക്കാ​ത്ത​തി​നാൽ മനുഷ്യർ തെറ്റു ചെയ്യാൻ പ്രോ​ത്സാ​ഹി​പ്പി​ക്ക​പ്പെ​ടു​ന്നു.—സഭാ​പ്ര​സം​ഗി 8:11, വില്യം എഫ്‌. ബെക്കി​നാ​ലുള്ള ഒരു അമേരി​ക്കൻ ഭാഷാ​ന്തരം.

വ്യക്തമാ​യും മദ്യപി​ച്ചു വാഹന​മോ​ടി​ക്കുന്ന മരണക​ര​മായ പ്രശ്‌നം സംബന്ധിച്ച്‌ ലളിത​മായ പരിഹാ​ര​മാർഗ്ഗ​മില്ല. ഗവൺമെൻറു​കൾ അതിനെ ചെറു​ത്തു​നിർത്തി പിടി​ക്കു​ന്ന​തി​നു ശ്രമി​ച്ചു​കൊ​ണ്ടി​രി​ക്കു​ന്നു. എന്നാൽ ഓരോ​രു​ത്ത​രും തങ്ങളും പങ്കു നിർവ​ഹി​ക്കണം. മദ്യപാ​ന​വും ഡ്രൈ​വിം​ഗും എപ്പോ​ഴെ​ങ്കി​ലും കൂട്ടി​ക്കു​ഴ​ക്കു​ന്ന​തി​നു മുമ്പ്‌ നിന്നു ചിന്തി​ക്കുക. നിങ്ങളു​ടെ സ്വന്തം ജീവൻ സംബന്ധി​ച്ചു ചിന്തി​ക്കുക. നിങ്ങ​ളോ​ടൊ​ത്തു യാത്ര​ചെ​യ്യുന്ന മറ്റുള്ള​വ​രു​ടെ ജീവൻ സംബന്ധി​ച്ചു ചിന്തി​ക്കുക. മദ്യപി​ക്കുന്ന ഡ്രൈ​വർമാർമൂ​ലം ജീവിതം വെട്ടി​ച്ചു​രു​ക്ക​പ്പെ​ട്ട​വ​രു​ടെ പ്രിയ​പ്പെ​ട്ട​വർക്ക​നു​ഭ​വ​പ്പെ​ടുന്ന വേദന സംബന്ധി​ച്ചും ചിന്തി​ക്കുക. ഷേർലി ഫെറാറാ തന്റെ മകൻ ജെഫിനെ സംബന്ധി​ച്ചു പറഞ്ഞതു​പോ​ലെ: “ഇരുപ​ത്തൊൻപതു വയസ്സ്‌ മരിക്കു​ന്ന​തി​നു ഘോര​മായ ചെറു​പ്പ​മാണ്‌. അതു യഥാർത്ഥ​ത്തിൽ ആണ്‌.” (g86 3/8)

[അടിക്കു​റി​പ്പു​കൾ]

[23-ാം പേജിലെ ചതുരം]

ഒരു ഉത്തരവാ​ദി​ത്വ​മുള്ള ആതി​ഥേ​യ​നാ​യി​രിക്ക

നിങ്ങൾ നിങ്ങളു​ടെ ഭവനത്തിൽ അതിഥി​കൾക്കു ലഹരി​പാ​നീ​യങ്ങൾ വിളമ്പു​ന്നു​വെ​ങ്കിൽ, കൈവി​ട്ടു​പോ​കാ​തി​രി​ക്കാൻ എന്തു ചെയ്യാൻ കഴിയും? ഏതാനും നിർദ്ദേ​ശങ്ങൾ താഴെ ചേർക്കു​ന്നു:

● വാഹന​മോ​ടി​ക്കാൻ പോകുന്ന ഒരു അതിഥി​യോട്‌ ഏത്‌ ലഹരി​പാ​നീ​യ​ങ്ങ​ളു​ടെ കുടി​യും സംബന്ധിച്ച്‌ ശ്രദ്ധയു​ള്ള​വ​നാ​യി​രി​ക്ക​ണ​മെന്ന്‌ നിർദ്ദേ​ശി​ക്കാൻ മടിക്ക​രുത്‌.

● വിളമ്പുന്ന മദ്യത്തി​ന്റെ അളവു പരിമി​ത​പ്പെ​ടു​ത്തുക

● ലഹരി​യി​ല്ലാത്ത പാനീ​യ​ങ്ങ​ളും കൂടെ നൽകുക

● സാദ്ധ്യ​മെ​ങ്കിൽ, കുറെ ആഹാര​മോ അഥവാ ലഘു ഭക്ഷണമോ ലഭ്യമാ​ക്കുക. ആഹാരം മദ്യത്തി​ന്റെ ആഗിര​ണത്തെ മന്ദഗതി​യി​ലാ​ക്കു​മെന്നു ഓർമ്മി​ക്കു​ക

● മറ്റുള്ള​വരെ കുടി​ക്കാൻ നിർബ്ബ​ന്ധി​ക്കാ​തി​രിക്ക

● ആരെങ്കി​ലും വളരെ​യ​ധി​കം കുടി​ച്ചെ​ങ്കിൽ യാതൊ​രു വിധത്തി​ലും അവനെ അല്ലെങ്കിൽ അവളെ വാഹന​മോ​ടി​ക്കാൻ അനുവ​ദി​ക്കാ​തി​രിക്ക. അയാൾ വീട്ടിൽ സുരക്ഷി​ത​മാ​യി എത്തി​ച്ചേ​രാൻ മറ്റെ​ന്തെ​ങ്കി​ലും ക്രമീ​ക​രണം ചെയ്‌ക

[25-ാം പേജിലെ ചതുരം]

മദ്യപിക്കുന്ന ഡ്രൈ​വ​റിൽ നിന്ന്‌ നിങ്ങളെ രക്ഷിക്കുന്ന വിധം

വളരെ​യ​ധി​കം കുടി​ച്ചി​രി​ക്കുന്ന ഡ്രൈ​വ​റിൽ നിന്ന്‌ നിങ്ങ​ളെ​യും നിങ്ങളു​ടെ കുടും​ബ​ത്തെ​യും എങ്ങനെ സംരക്ഷി​ക്കാൻ കഴിയു? നിങ്ങൾ ഒരു സീറ്റ്‌ ബൽറ്റ്‌ ധരിക്ക​യും നിങ്ങളും മറ്റു ഡ്രൈ​വർമാ​രും തമ്മിൽ ഒരു സുരക്ഷി​ത​മായ അകലം കാക്കു​ക​യും ചെയ്യു​ന്നതു സഹായ​ക​ര​മാ​യി​രി​ക്കും. കൂടാതെ മദ്യപി​ക്കുന്ന ഡ്രൈ​വറെ നിരീ​ക്ഷി​ക്കുക. താഴെ പറയുന്ന തരം ഡ്രൈ​വറെ സൂക്ഷി​ക്കുക:

● അതിർകടന്ന (വിസ്‌തൃ​ത​മായ) വ്യാസാർദ്ധ​ത്തിൽ തിരി​ക്കു​ക

● മദ്ധ്യം അഥവാ ലെയിൻ അടയാ​ളത്തെ കവച്ചു​വെ​ക്കു​ക

● മറ്റൊരു വസ്‌തു​വി​നെ​യോ വാഹന​ത്തെ​യോ ഏറെക്കു​റെ ഇടിക്കുക

● വക്രഗ​തി​യിൽ തിരിച്ചു മറിക്കു​ക​യോ വിഭ്രം​ശി​പ്പി​ക്ക​യോ ചെയ്‌ക

● രൂപക​ല്‌പന ചെയ്‌തി​രി​ക്കുന്ന റോഡിൽ കൂടെ​യ​ല്ലാ​തുള്ള ഡ്രൈ​വർമാർ

● വേഗത കുറച്ച്‌ ഓടി​ക്കുക (മണിക്കൂ​റിൽ 10 മൈലിൽ താഴെ)

● കാരണം കൂടാതെ യാത്രാ​മ​ദ്ധ്യേ നിർത്തുക

● വളരെ അടുത്തു പിന്തു​ട​രു​ക

● നിശ്ചിത ഉന്നമി​ല്ലാ​തെ ബ്രെയ്‌ക്ക്‌ ചെയ്യുക

● എതിർ ദിശയി​ലോ കുറുകെ കടന്നോ ഉള്ള വഴിയി​ലേക്ക്‌ ഓടി​ക്കു​ക

● ഡ്രൈ​വിംഗ്‌ പ്രവർത്ത​ന​ങ്ങ​ളി​ലെ അടയാ​ളങ്ങൾ പരസ്‌പ​ര​വി​രു​ദ്ധ​മാ​യി​രി​ക്കുക

● ട്രാഫിക്ക്‌ സിഗ്നലു​കൾക്ക്‌ പ്രതി​ക​രണം കാട്ടു​ന്ന​തിൽ മന്ദത കാണിക്ക

● രൂക്ഷമാ​യോ നിയമ​വി​രു​ദ്ധ​മാ​യോ തിരി​ക്കു​ക

● ധ്രുത​ഗ​തി​യിൽ ഹെഡ്‌​ലൈ​റ്റു​കൾ അണച്ചു​കൊണ്ട്‌ ഓടി​ക്കു​ക

യു. എസ്‌. നാഷനൽ ഹൈവേ ട്രാഫിക്ക്‌ സേഫ്‌റ്റി അഡ്‌മി​നി​സ്‌​ട്രേഷൻ, വാഷിം​ഗ്‌ടൺ ഡി. സി. ക്കുവേണ്ടി അനാകാ​പാ സൈൻസസ്‌, ഇൻക്‌. തയ്യാർ ചെയ്‌ത ദി വിഷ്വൽ ഡിറ്റെ​ക്‌ഷൻ ഓഫ്‌ ഡ്രൈ​വിംഗ്‌ വൈൽ ഇൻറോ​ക്‌സി​ക്കേ​റ്റഡ്‌-നെ അടിസ്ഥാ​ന​മാ​ക്കി.

[22-ാം പേജിലെ ചിത്രം]

പല പ്രദേ​ശ​ങ്ങ​ളി​ലും, മദ്യപ​രായ ഡ്രൈ​വർമാർ കഠിന പിഴയും ലൈസൻസ്‌ റദ്ദാക്ക​ലും ജയിൽ ശിക്ഷയും അഭിമു​ഖീ​ക​രി​ക്കു​ന്നു

[24-ാം പേജിലെ ചിത്രം]

കുടിയും ഡ്രൈ​വിം​ഗും കൂട്ടി​ക്കു​ഴ​ച്ചു​കൊണ്ട്‌ ഒരു പരീക്ഷണം നടത്തു​ന്ന​തെ​ന്തിന്‌?