ദൈവ​വ​ച​ന​ത്തിൽനി​ന്നുള്ള ഒരു സന്ദേശം—അഭയാർഥി​കൾക്ക്‌ പ്രതീ​ക്ഷ​യു​ടെ വെളിച്ചം!

എല്ലാ വർഷവും ലക്ഷക്കണ​ക്കിന്‌ ആളുകൾ സ്വന്തം ജീവനു​വേണ്ടി വീടു​വിട്ട്‌ പോ​കേ​ണ്ടി​വ​രു​ന്നു. നിങ്ങളു​ടെ സാഹച​ര്യം ഇതാണോ? എങ്കിൽ വിഷമി​ക്കേണ്ടാ. നിങ്ങൾ ഒറ്റയ്‌ക്കല്ല, സഹായ​ത്തി​നാ​യി ദൈവം കൂടെ​യുണ്ട്‌. നല്ല ഒരു ജീവിതം കിട്ടു​മെന്ന പ്രതീക്ഷ ദൈവം തരുന്നു. അതു വിശുദ്ധ തിരു​വെ​ഴു​ത്തു​ക​ളിൽ കാണാ​നാ​കും.

“അഭയാർഥി​കൾക്ക്‌ അടിയ​ന്തി​ര​സ​ഹാ​യം മാത്രം പോരാ, . . . ഭാവി​യി​ലേക്ക്‌ ഒരു പ്രത്യാ​ശ​യും​കൂ​ടെ വേണം”a എന്ന്‌ ഒരു യൂറോ​പ്യൻ യൂണിയൻ കമ്മീഷണറായb ക്രി​സ്റ്റോസ്‌ സ്റ്റിലി​യാ​നി​ഡെസ്‌ പറയുന്നു. പ്രതീ​ക്ഷ​യോ​ടെ ജീവി​ക്കുന്ന ആളുകൾക്കു മുന്നോ​ട്ടുള്ള ജീവി​തത്തെ പോസി​റ്റീ​വാ​യി കാണാൻ കഴിയും. അതോ​ടൊ​പ്പം അവരുടെ മനസ്സി​നേറ്റ മുറി​വു​കൾ ഉണങ്ങാൻവേണ്ട ആശ്വാ​സ​വും ആവശ്യ​മാണ്‌.

“കുടും​ബത്തെ വിട്ട്‌ മറ്റൊരു രാജ്യ​ത്തേക്കു പോ​കേ​ണ്ടി​വ​ന്ന​പ്പോൾ എനിക്കു വല്ലാത്ത ശൂന്യത തോന്നി. പേടി​യും സങ്കടവും ടെൻഷ​നും ഒക്കെയാ​യി​രു​ന്നു എപ്പോ​ഴും.”—ഇമ്മാനു​വേൽ, ഹെയ്‌റ്റി.

ഇമ്മാനു​വേ​ലി​നെ​പ്പോ​ലെ നിങ്ങൾക്കും തോന്നി​യി​ട്ടു​ണ്ടോ? നിങ്ങൾക്കും വീടു​വിട്ട്‌ പോ​കേ​ണ്ടി​വ​ന്നി​ട്ടു​ണ്ടെ​ങ്കിൽ ആശ്വാ​സ​ത്തി​നും പ്രത്യാ​ശ​യ്‌ക്കും ആയി എവി​ടേക്കു നോക്കാ​നാ​കും? ദൈവ​ത്തി​ന്റെ വചനമായ ബൈബി​ളി​നു നിങ്ങളെ എങ്ങനെ സഹായി​ക്കാ​നാ​കും?

ദൈവ​വ​ചനം ആശ്വാസം തരുന്നു

ബൈബിൾ പറയുന്നു: ‘യഹോവc വിദേ​ശി​യെ സ്‌നേ​ഹി​ക്കു​ന്നു.’—ആവർത്തനം 10:17, 18.

ബൈബിൾ പറയുന്നു: “തന്നെ വിളി​ച്ച​പേ​ക്ഷി​ക്കുന്ന സകലർക്കും, യഹോവ സമീപസ്ഥൻ.”—സങ്കീർത്തനം 145:18.

ബൈബിൾ പറയുന്നു: “തെറ്റു ചെയ്യു​ന്ന​തി​നെ​ക്കു​റിച്ച്‌ സർവശ​ക്തന്‌ ആലോ​ചി​ക്കാൻപോ​ലും പറ്റില്ല. . . . സർവശക്തൻ നീതി നിഷേ​ധി​ക്കി​ല്ലെന്നു തീർച്ച​യാണ്‌.”—ഇയ്യോബ്‌ 34:10, 12.

ഇതിന്റെ അർഥം നിങ്ങളു​ടെ കഷ്ടപ്പാ​ടു​കൾക്കു കാരണം ദൈവ​മ​ല്ലെ​ന്നാണ്‌. നിങ്ങളു​ടെ ജീവിതം ബുദ്ധി​മു​ട്ടി​ലാ​ക്കി​ക്കൊണ്ട്‌ ദൈവം നിങ്ങളെ ശിക്ഷി​ക്കു​ക​യോ പരീക്ഷി​ക്കു​ക​യോ ചെയ്യു​ന്നില്ല.

ദൈവ​വ​ചനം പ്രതീക്ഷ തരുന്നു

ഭാവി​യിൽ ദൈവം നമുക്കു​വേണ്ടി എന്താണു ചെയ്യാൻപോ​കു​ന്ന​തെന്നു ബൈബിൾ പറയുന്നു. വീടു​വിട്ട്‌ അഭയാർഥി​ക​ളാ​യി കഴിയു​ന്ന​വരെ ഈ പ്രത്യാശ എങ്ങനെ​യാ​ണു സഹായി​ക്കു​ന്ന​തെന്നു നോക്കാം.

ബൈബിൾ പറയുന്നു: “ദൈവം അവരുടെ കണ്ണുക​ളിൽനിന്ന്‌ കണ്ണീ​രെ​ല്ലാം തുടച്ചു​ക​ള​യും. മേലാൽ മരണം ഉണ്ടായി​രി​ക്കില്ല; ദുഃഖ​മോ നിലവി​ളി​യോ വേദന​യോ ഉണ്ടായി​രി​ക്കില്ല.”—വെളി​പാട്‌ 21:4.

ഇതിന്റെ അർഥം കഷ്ടപ്പാ​ടു​ക​ളിൽനിന്ന്‌ നമു​ക്കൊ​രു മോചനം കിട്ടു​മെ​ന്നാണ്‌. ജീവി​ത​ത്തിൽ ഇനി യാതൊ​രു പ്രത്യാ​ശ​യു​മി​ല്ലെന്നു തോന്നാ​നി​ട​യാ​ക്കുന്ന എല്ലാ പ്രശ്‌ന​ങ്ങ​ളും അവസാ​നി​പ്പി​ക്കു​മെന്നു ദൈവം ഉറപ്പു​ത​രു​ന്നു.

“നമുക്ക്‌ ചുറ്റും നടക്കുന്ന എല്ലാ അനീതി​യും തെറ്റായ കാര്യ​ങ്ങ​ളും ദൈവം പെട്ടെ​ന്നു​തന്നെ ഇല്ലാതാ​ക്കും. എല്ലാ കഷ്ടപ്പാ​ടു​ക​ളും അവസാ​നി​ക്കുന്ന ആ ദിവസ​ത്തെ​ക്കു​റിച്ച്‌ ചിന്തി​ക്കാൻ പ്രത്യാശ എന്നെ സഹായി​ക്കു​ന്നു.”—കർല, എൽ സാൽവ​ഡോർ.

ബൈബിൾ പറയുന്നു: “പഴയ കാര്യങ്ങൾ ആരു​ടെ​യും മനസ്സി​ലേക്കു വരില്ല; ആരു​ടെ​യും ഹൃദയ​ത്തിൽ അവയു​ണ്ടാ​യി​രി​ക്കില്ല.”—യശയ്യ 65:17.

ഇതിന്റെ അർഥം വേദനി​പ്പി​ക്കുന്ന എല്ലാ ഓർമ​ക​ളിൽനി​ന്നും നമു​ക്കൊ​രു മോചനം ഉണ്ടാകു​മെ​ന്നാണ്‌. നിങ്ങളെ വേദനി​പ്പിച്ച മോശ​മായ കാര്യ​ങ്ങ​ളു​ടെ ഓർമകൾ നിങ്ങളു​ടെ മനസ്സിനെ അലട്ടി​ല്ലെന്നു ദൈവം ഉറപ്പു​വ​രു​ത്തും.

“നമുക്കു​ണ്ടായ വേദന​യും നഷ്ടവും ഒന്നും നമ്മുടെ ഓർമ​യിൽപ്പോ​ലും വരി​ല്ലെന്ന്‌ ബൈബിൾ വാഗ്‌ദാ​നം ചെയ്യുന്നു. ബുദ്ധി​മു​ട്ടേ​റിയ സാഹച​ര്യ​ത്തിൽ പിടി​ച്ചു​നിൽക്കാൻ ആ പ്രത്യാശ ഞങ്ങളെ സഹായി​ക്കു​ന്നു. കാരണം എല്ലാത്തി​നും പെട്ടെ​ന്നു​തന്നെ ഒരു മാറ്റം വരുമ​ല്ലോ?”—നറ്റാലിയ, യു​ക്രെ​യിൻ.

ബൈബിൾ പറയുന്നു: ‘സ്വർഗ​സ്ഥ​നായ ദൈവം ഒരു രാജ്യം സ്ഥാപി​ക്കും. ആ രാജ്യം ഈ രാജ്യ​ങ്ങ​ളെ​യെ​ല്ലാം തകർത്ത്‌ ഇല്ലാതാ​ക്കും.’—ദാനി​യേൽ 2:44.

ഇതിന്റെ അർഥം പൂർണ​ത​യുള്ള ഒരു സ്വർഗീയ ഗവൺമെന്റ്‌ ഭൂമിയെ ഭരിക്കു​മെ​ന്നാണ്‌. ദൈവം പെട്ടെ​ന്നു​തന്നെ എല്ലാ മനുഷ്യ ഗവൺമെ​ന്റു​ക​ളെ​യും നീക്കം ചെയ്‌ത്‌ തന്റെ സ്വർഗീ​യ​ഗ​വൺമെന്റ്‌ കൊണ്ടു​വ​രും. ആ ഗവൺമെന്റ്‌ യഥാർഥ സമാധാ​ന​വും സുരക്ഷി​ത​ത്വ​വും നൽകും. എല്ലാവ​രോ​ടും നീതി​യോ​ടെ ഇടപെ​ടും, പാവ​പ്പെ​ട്ട​വ​രാ​യി ആരുമു​ണ്ടാ​കില്ല.—മീഖ 4:3, 4.

“അടിച്ച​മർത്തൽ, വേർതി​രിവ്‌, വർഗീയത, ആളുകളെ സംശയ​ദൃ​ഷ്ടി​യോ​ടെ കാണു​ന്നത്‌ ഇതെല്ലാം താത്‌കാ​ലി​ക​മാ​ണെന്ന്‌ എനിക്ക്‌ അറിയാം. യഹോ​വ​യു​ടെ രാജ്യം ഈ പ്രശ്‌ന​ങ്ങ​ളെ​ല്ലാം പെട്ടെ​ന്നു​തന്നെ ഇല്ലാതാ​ക്കും. അത്‌ എന്നെ വളരെ​യ​ധി​കം ആശ്വസി​പ്പി​ക്കു​ന്നു.”—മുസ്‌തഫ, മധ്യപൂർവ ദേശം.

ദൈവ​വ​ചനം ജ്ഞാനം തരുന്നു

നിങ്ങൾക്കു സംഭവിച്ച കാര്യ​ങ്ങ​ളു​മാ​യി മാനസി​ക​മാ​യി പൊരു​ത്ത​പ്പെ​ടാൻ, അത്‌ ഉൾക്കൊണ്ട്‌ മുന്നോ​ട്ടു​പോ​കാൻ ബൈബി​ളി​ലെ പ്രാ​യോ​ഗിക ജ്ഞാനം നിങ്ങളെ സഹായി​ക്കും. സാമ്പത്തി​ക​നഷ്ടം ഉൾപ്പെ​ടെ​യുള്ള നിങ്ങളു​ടെ മാറിയ സാഹച​ര്യ​ത്തെ നേരി​ടാ​നും അതിനു നിങ്ങളെ സഹായി​ക്കാ​നാ​കും. താഴെ പറയുന്ന തത്ത്വങ്ങൾ അഭയാർഥി​ക​ളാ​യ​വർക്ക്‌ എങ്ങനെ​യാ​ണു പ്രയോ​ജനം ചെയ്യു​ന്നത്‌?

ബൈബിൾ പറയുന്നു: “ഒരാൾക്ക്‌ എത്ര സമ്പത്തു​ണ്ടെ​ങ്കി​ലും അതൊ​ന്നു​മല്ല അയാൾക്കു ജീവൻ നേടി​ക്കൊ​ടു​ക്കു​ന്നത്‌.”—ലൂക്കോസ്‌ 12:15.

ഈ വാക്കുകൾ സഹിച്ചു​നിൽക്കാൻ എങ്ങനെ സഹായി​ക്കും? പലതും നഷ്ടപ്പെ​ട്ട​തി​ന്റെ ദുഃഖ​ത്തി​ലും ഞെട്ടലി​ലും ആയിരി​ക്കാം നിങ്ങൾ. എന്നാൽ ഏറ്റവും വില​പ്പെ​ട്ടത്‌ നിങ്ങളു​ടെ ജീവനാ​ണെന്നു ഓർക്കുക. നഷ്ടപ്പെ​ട്ട​തി​നെ​ക്കു​റിച്ച്‌ കൂടുതൽ വിഷമി​ക്കാ​തി​രി​ക്കാൻ അതു നിങ്ങളെ സഹായി​ക്കും.

“സ്വത്തു​ക്ക​ളെ​ക്കാൾ ജീവനാണ്‌ ഏറ്റവും പ്രധാനം. ചില സാഹച​ര്യ​ങ്ങ​ളിൽ പണത്തി​നോ സ്വത്തു​ക്കൾക്കോ നിങ്ങളെ സഹായി​ക്കാൻ കഴി​ഞ്ഞെ​ന്നു​വ​രില്ല.”—നറ്റാലിയ, യു​ക്രെ​യിൻ.

ബൈബിൾ പറയുന്നു: “‘കഴിഞ്ഞ കാലം ഇപ്പോ​ഴ​ത്തെ​ക്കാൾ നല്ലതാ​യി​രു​ന്ന​തി​ന്റെ കാരണം എന്ത്‌’ എന്നു നീ ചോദി​ക്ക​രുത്‌.”—സഭാ​പ്ര​സം​ഗകൻ 7:10.

ഈ വാക്കുകൾ സഹിച്ചു​നിൽക്കാൻ എങ്ങനെ സഹായി​ക്കും? നിങ്ങളു​ടെ ഇപ്പോ​ഴത്തെ സാഹച​ര്യം ബുദ്ധി​മു​ട്ടാ​യി​രി​ക്കാം. എന്നാൽ അതിനെ നിങ്ങളു​ടെ പഴയ സാഹച​ര്യ​ങ്ങ​ളു​മാ​യി താരത​മ്യം ചെയ്യരുത്‌. അങ്ങനെ ചെയ്‌താൽ നിരാശ തോന്നും.

“പുതിയ സാഹച​ര്യ​ത്തെ യാഥാർഥ്യ​ബോ​ധ​ത്തോ​ടെ കാണു​ന്ന​തു​കൊണ്ട്‌ എനിക്കു പോസി​റ്റീ​വാ​യി ചിന്തി​ക്കാൻ കഴിയു​ന്നു.”—ഏലി, റുവാണ്ട.

ബൈബിൾ പറയുന്നു: “ഉണ്ണാനും ഉടുക്കാ​നും ഉണ്ടെങ്കിൽ നമുക്കു തൃപ്‌ത​രാ​യി​രി​ക്കാം.”—1 തിമൊ​ഥെ​യൊസ്‌ 6:8.

ഈ വാക്കുകൾ സഹിച്ചു​നിൽക്കാൻ എങ്ങനെ സഹായി​ക്കും? ജീവി​ത​ത്തി​ലെ അടിസ്ഥാന ആവശ്യ​ങ്ങൾകൊണ്ട്‌ തൃപ്‌ത​രാ​കാൻ ശ്രമി​ക്കുക. ഉള്ളതിൽ തൃപ്‌ത​രാ​ണെ​ങ്കിൽ നിങ്ങളു​ടെ ടെൻഷൻ കുറ​ഞ്ഞേ​ക്കും. ശാന്തരാ​യി​രി​ക്കാൻ അതു നിങ്ങളെ സഹായി​ക്കും.

“നഷ്ടപ്പെ​ട്ട​തി​നെ​ക്കു​റിച്ച്‌ ചിന്തി​ച്ചു​കൊ​ണ്ടി​രി​ക്കു​ന്ന​തി​നു പകരം കാര്യ​ങ്ങളെ വ്യത്യ​സ്‌ത​മായ കാഴ്‌ച​പ്പാ​ടിൽ കാണാൻ ബൈബിൾ എന്നെ സഹായി​ക്കു​ന്നു. ഞാനും ഭാര്യ​യും സുരക്ഷി​ത​മായ സ്ഥലത്ത്‌ ജീവ​നോ​ടി​രി​ക്കു​ന്നു. അതിലും സന്തോഷം വേറൊ​ന്നി​ല്ല​ല്ലോ?”—ഇവാൻ, യു​ക്രെ​യിൻ.

ബൈബിൾ പറയുന്നു: “അതു​കൊണ്ട്‌ മറ്റുള്ളവർ നിങ്ങൾക്കു ചെയ്‌തു​ത​ര​ണ​മെന്നു നിങ്ങൾ ആഗ്രഹി​ക്കു​ന്ന​തെ​ല്ലാം അവർക്കും ചെയ്‌തു​കൊ​ടു​ക്കണം.”—മത്തായി 7:12.

ഈ വാക്കുകൾ സഹിച്ചു​നിൽക്കാൻ എങ്ങനെ സഹായി​ക്കും? ക്ഷമയും ദയയും ഉള്ളവരാ​യി​രി​ക്കാൻ പരമാ​വധി ശ്രമി​ക്കു​ന്നെ​ങ്കിൽ മറ്റുള്ള​വ​രു​മാ​യി ഒത്തു​പോ​കാൻ നിങ്ങൾക്ക്‌ എളുപ്പ​മാ​യി​രി​ക്കും. പുതിയ ഒരു സ്ഥലത്താ​യി​രി​ക്കുന്ന നിങ്ങളെ സ്വീക​രി​ക്കാ​നും മുൻവി​ധി​യോ​ടെ കാണാ​തി​രി​ക്കാ​നും അപ്പോൾ മറ്റുള്ള​വർക്കു കഴി​ഞ്ഞേ​ക്കും.

“ബഹുമാ​ന​ത്തോ​ടെ​യും ദയയോ​ടെ​യും സ്‌നേ​ഹ​ത്തോ​ടെ​യും ഇടപെ​ടു​മ്പോൾ ആളുകൾക്കു നിങ്ങ​ളോട്‌ ഇഷ്ടം തോന്നും. പുതിയ സ്ഥലത്തെ ആളുക​ളു​മാ​യി നല്ലൊരു ബന്ധമു​ണ്ടാ​യി​രി​ക്കാൻ അതു സഹായി​ക്കും.”—ആഞ്ചലോ, ശ്രീലങ്ക.

ബൈബിൾ പറയുന്നു: ‘നിങ്ങളു​ടെ അപേക്ഷകൾ നന്ദിവാ​ക്കു​ക​ളോ​ടെ ദൈവത്തെ അറിയി​ക്കുക. ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും ക്രിസ്‌തു​യേശു മുഖാ​ന്തരം കാക്കും.’—ഫിലി​പ്പി​യർ 4:6, 7.

ഈ വാക്കുകൾ സഹിച്ചു​നിൽക്കാൻ എങ്ങനെ സഹായി​ക്കും? നിങ്ങളു​ടെ വികാ​ര​ങ്ങ​ളും ആവശ്യ​ങ്ങ​ളും ആകുല​ത​ക​ളും ഭയവും എല്ലാം പ്രാർഥ​ന​യി​ലൂ​ടെ ദൈവത്തെ അറിയി​ക്കുക. പുതിയ സാഹച​ര്യ​ങ്ങ​ളു​മാ​യി പൊരു​ത്ത​പ്പെ​ട്ടു​പോ​കാ​നും ഉത്‌കണ്‌ഠ കുറയ്‌ക്കാ​നും അതു സഹായി​ക്കും.

“പ്രശ്‌നങ്ങൾ ഉണ്ടാകു​മ്പോ​ഴൊ​ക്കെ ഞാൻ ദൈവ​ത്തോ​ടു പ്രാർഥി​ക്കും. ദൈവം എനിക്ക്‌ ഉത്തരം തരും. ബൈബി​ളിൽനിന്ന്‌ പഠിച്ച കാര്യങ്ങൾ എനിക്ക്‌ യഥാർഥ മനസ്സമാ​ധാ​നം തരുന്നു.”—യോൾ, സൗത്ത്‌ സുഡാൻ.

“ബുദ്ധി​മു​ട്ടുള്ള ഈ സാഹച​ര്യ​ത്തിൽ മനസ്സമാ​ധാ​ന​ത്തോ​ടെ അതുമാ​യി പൊരു​ത്ത​പ്പെ​ട്ടു​പോ​കാൻ ബൈബി​ളി​ലെ നല്ല നിർദേ​ശങ്ങൾ എന്നെ സഹായി​ക്കു​ന്നു.”—വാലെ​ന്റീന, യു​ക്രെ​യിൻ.

“ദൈവ​മായ യഹോവ നല്ലൊരു ജീവിതം വാഗ്‌ദാ​നം ചെയ്‌തി​ട്ടു​ണ്ടെന്ന്‌ ഓർക്കു​ന്നത്‌ എനിക്കു ശക്തി തരുന്നു.”—ഇമ്മാനു​വേൽ, ഹെയ്‌റ്റി

ആശ്വാ​സ​വും പ്രത്യാ​ശ​യും തരുന്ന ബൈബിൾവാ​ഗ്‌ദാ​ന​ങ്ങ​ളെ​ക്കു​റി​ച്ചും അതു നമുക്കു വിശ്വ​സി​ക്കാ​നാ​കു​മോ എന്നതി​നെ​ക്കു​റി​ച്ചും കൂടു​ത​ലാ​യി അറിയാൻ നിങ്ങൾ ആഗ്രഹി​ക്കു​ന്നു​ണ്ടോ? നിങ്ങളെ സന്ദർശി​ക്കാ​നാ​യി യഹോ​വ​യു​ടെ സാക്ഷി​ക​ളോട്‌ ആവശ്യ​പ്പെ​ടാം. നിങ്ങളെ സൗജന്യ​മാ​യി സഹായി​ക്കാൻ അവർക്കു സന്തോ​ഷമേ ഉള്ളൂ.