സുസ്ഥി​ര​മായ ഒരു ഗവൺമെന്റ്‌ വരുമോ?—ബൈബി​ളി​നു പറയാ​നു​ള്ളത്‌

കുഴഞ്ഞു​മ​റിഞ്ഞ അവസ്ഥയി​ലാണ്‌ ഇന്നത്തെ ലോക​ഗ​വൺമെ​ന്റു​കൾ. സുസ്ഥി​ര​മെന്നു തോന്നുന്ന രാജ്യ​ങ്ങ​ളിൽപ്പോ​ലും രാഷ്ട്രീ​യ​ക്കാ​രെ​ക്കു​റി​ച്ചുള്ള മോശ​മായ വാർത്ത​ക​ളും തെര​ഞ്ഞെ​ടു​പ്പി​ലെ വ്യക്തമായ ഭൂരി​പ​ക്ഷ​മി​ല്ലാ​യ്‌മ​യും രാഷ്ട്രീ​യ​ഭി​ന്ന​ത​ക​ളും ആളുകൾ നടത്തുന്ന അക്രമാ​സ​ക്ത​മായ പ്രതി​ഷേ​ധ​ങ്ങ​ളും കാരണം ഗവൺമെ​ന്റു​കൾ മാറി​മ​റി​ഞ്ഞു​കൊ​ണ്ടി​രി​ക്കു​ന്നു.

എന്നാൽ സുസ്ഥി​ര​മായ, എന്നും നിലനിൽക്കുന്ന, ഒരു ഗവൺമെ​ന്റി​നെ​ക്കു​റിച്ച്‌ ബൈബിൾ പറയു​ന്നുണ്ട്‌. ആ ഗവൺമെ​ന്റി​നെ​ക്കു​റിച്ച്‌ നിങ്ങൾ ഇപ്പോൾത്തന്നെ കേട്ടി​ട്ടു​ണ്ടാ​കും. അതെക്കു​റി​ച്ചാണ്‌ മാതൃ​കാ​പ്രാർഥ​ന​യിൽ യേശു പറഞ്ഞത്‌.

• “എന്നാൽ നിങ്ങൾ ഈ രീതി​യിൽ പ്രാർഥി​ക്കുക: ‘സ്വർഗ​സ്ഥ​നായ ഞങ്ങളുടെ പിതാവേ, അങ്ങയുടെ പേര്‌ പരിശു​ദ്ധ​മാ​യി​രി​ക്കേ​ണമേ. അങ്ങയുടെ രാജ്യം വരേണമേ. അങ്ങയുടെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ.’”—മത്തായി 6:9, 10.

ആ രാജ്യ​ത്തെ​ക്കു​റിച്ച്‌ ബൈബിൾ എന്താണു പറയു​ന്നത്‌?

ആ രാജ്യം സുസ്ഥി​ര​മായ ഒരു ഗവൺമെന്റ്‌ ആണ്‌

ആ ഗവൺമെന്റ്‌ സ്വർഗ​ത്തിൽനി​ന്നാണ്‌ ഭരിക്കു​ന്നത്‌.

• യേശു ആ ഗവൺമെ​ന്റി​നെ “സ്വർഗ​രാ​ജ്യം” എന്നാണു വിളി​ച്ചത്‌. (മത്തായി 4:17; 5:3, 10, 19, 20) അതു​കൊ​ണ്ടു​തന്നെ യേശു പറഞ്ഞു: “എന്റെ രാജ്യം ഈ ലോക​ത്തി​ന്റെ ഭാഗമല്ല.”—യോഹ​ന്നാൻ 18:36.

ആ ഗവൺമെന്റ്‌, മനുഷ്യ​ഗ​വൺമെ​ന്റു​കളെ ഇല്ലാതാ​ക്കും. എന്നിട്ട്‌ അതിനു പകരം വരും.

• ബൈബിൾ പറയുന്നു: “ആ രാജ്യം . . . (മനുഷ്യ​രു​ടെ) രാജ്യ​ങ്ങ​ളെ​യെ​ല്ലാം തകർത്ത്‌ ഇല്ലാതാ​ക്കി​യിട്ട്‌ . . . എന്നും നിലനിൽക്കും.”—ദാനി​യേൽ 2:44.

ആ ഗവൺമെ​ന്റി​ന്റെ രാജാവ്‌ യേശു​ക്രി​സ്‌തു​വാ​യി​രി​ക്കും. ആ രാജ്യം ഒരിക്ക​ലും നശിപ്പി​ക്ക​പ്പെ​ടില്ല.

• ബൈബിൾ പറയുന്നു: “അവന്റെ ആധിപ​ത്യം ഒരിക്ക​ലും നീങ്ങി​പ്പോ​കാത്ത നിത്യാ​ധി​പ​ത്യ​വും അവന്റെ രാജ്യം നശിപ്പി​ക്ക​പ്പെ​ടാ​ത്ത​തും ആയിരി​ക്കും.”—ദാനി​യേൽ 7:13, 14.

ആ ഗവൺമെന്റ്‌ ഭൂമി​യിൽ സമാധാ​ന​വും സുരക്ഷി​ത​ത്വ​വും കൊണ്ടു​വ​രും.

• ബൈബിൾ പറയുന്നു: “എന്റെ ജനം സമാധാ​നം കളിയാ​ടുന്ന വാസസ്ഥ​ല​ങ്ങ​ളിൽ പാർക്കും, സുരക്ഷി​ത​മായ ഭവനങ്ങ​ളി​ലും പ്രശാ​ന്ത​മായ ഗൃഹങ്ങ​ളി​ലും വസിക്കും.”—യശയ്യ 32:18.

ആ രാജ്യ​ത്തെ​ക്കു​റിച്ച്‌ കൂടുതൽ അറിയാൻ

ഭൂമി​യി​ലാ​യി​രു​ന്ന​പ്പോൾ യേശു ‘ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കാൻ’ കുറെ സമയം മാറ്റി​വെച്ചു. (മത്തായി 9:35) യേശു ഇങ്ങനെ മുൻകൂ​ട്ടി​പ്പ​റ​യു​ക​യും ചെയ്‌തു:

• “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും. അപ്പോൾ അവസാനം വരും.”—മത്തായി 24:14.

ഇന്ന്‌, രാജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത 240-ലധികം ദേശങ്ങ​ളിൽ അറിയി​ക്കു​ന്നു. ഈ ഗവൺമെ​ന്റി​നെ​ക്കു​റി​ച്ചും അതിന്റെ ഭരണത്തിൽനിന്ന്‌ എങ്ങനെ പ്രയോ​ജനം നേടാ​മെ​ന്നും കൂടു​ത​ലാ​യി അറിയുക.

എന്താണ്‌ ദൈവ​രാ​ജ്യം? എന്ന വീഡി​യോ കാണുക