യശയ്യയു​ടെ പുസ്‌തകം നിങ്ങളെ ആശ്വസി​പ്പി​ക്കും

1-2. നമ്മൾ വിഷമി​ച്ചി​രി​ക്കു​മ്പോൾ യഹോവ നമ്മളെ എങ്ങനെ സഹായി​ക്കും?

സങ്കട​പ്പെട്ട്‌ ഏങ്ങലടിച്ച്‌ കരയുന്ന ഒരു കുട്ടിയെ ഒന്നു മനസ്സിൽ കാണുക. ഒരുപക്ഷേ അവൻ കരയു​ന്നത്‌ അവർ കുടും​ബ​ത്തോ​ടെ വേറൊ​രു സ്ഥലത്തേക്കു മാറി​ത്താ​മ​സി​ക്കാൻ പോകു​ന്ന​തു​കൊണ്ട്‌ അവന്റെ കൂട്ടു​കാ​രെ​യൊ​ക്കെ വിട്ടു​പി​രി​യ​ണ​ല്ലോ എന്ന്‌ ഓർത്തി​ട്ടാ​യി​രി​ക്കാം. അതല്ലെ​ങ്കിൽ അവൻ ചെയ്‌തു​പോയ ഒരു തെറ്റി​നെ​ക്കു​റിച്ച്‌ ഓർത്തി​ട്ടുള്ള വിഷമം കൊണ്ടാ​യി​രി​ക്കാം. ഇതു​പോ​ലെ​യുള്ള സാഹച​ര്യ​ങ്ങ​ളിൽ സ്‌നേ​ഹ​മുള്ള ഒരമ്മ എന്തായി​രി​ക്കും ചെയ്യുക? സ്‌നേ​ഹ​ത്തോ​ടെ അടുത്ത്‌ വന്ന്‌ തന്റെ മകനെ കെട്ടി​പ്പി​ടി​ക്കും. അവന്റെ വിഷമ​ങ്ങ​ളൊ​ക്കെ ശ്രദ്ധി​ച്ചു​കേൾക്കും. എന്നിട്ട്‌ താൻ അവന്റെ കൂടെ​യു​ണ്ടെന്ന്‌ ഉറപ്പു​കൊ​ടു​ക്കും.

² തന്റെ കുഞ്ഞിനെ ആശ്വസി​പ്പി​ക്കുന്ന സ്‌നേ​ഹ​വും കരുത​ലും ഉള്ള ഒരു അമ്മയോ​ടാ​ണു ബൈബി​ളിൽ യഹോവ തന്നെത്തന്നെ താരത​മ്യ​പ്പെ​ടു​ത്തി​യി​രി​ക്കു​ന്നത്‌. യഹോവ പറയുന്നു: “ഒരു അമ്മ കുഞ്ഞിനെ ആശ്വസി​പ്പി​ക്കു​ന്ന​തു​പോ​ലെ, ഞാൻ നിങ്ങളെ ആശ്വസി​പ്പി​ക്കും.” (യശ. 66:13) ശരിക്കും പറഞ്ഞാൽ യഹോ​വ​യു​ടെ സ്‌നേഹം ഏതൊരു അപ്പനും അമ്മയ്‌ക്കും മക്കളോ​ടുള്ള സ്‌നേ​ഹ​ത്തെ​ക്കാൾ വളരെ​വ​ളരെ കൂടു​ത​ലാണ്‌. (യശ. 49:15) നമ്മൾ നിരാ​ശ​യി​ലോ വിഷമ​ത്തി​ലോ ആയിരി​ക്കു​മ്പോൾ നമുക്ക്‌ ആവശ്യ​മായ ആശ്വാ​സ​വും ശക്തിയും യഹോവ തന്റെ വചനമായ ബൈബി​ളി​ലൂ​ടെ തരും.—റോമ. 15:4.

3. ഈ ലേഖന​ത്തിൽ നമ്മൾ എന്തു ചിന്തി​ക്കും?

³ യശയ്യയു​ടെ പുസ്‌തകം യഹോ​വ​യിൽനി​ന്നുള്ള ആശ്വാ​സ​വാ​ക്കു​കൾകൊണ്ട്‌ നിറഞ്ഞ​താണ്‌. (യശ. 40:1) നമ്മുടെ സ്‌നേ​ഹ​നി​ധി​യായ പിതാവ്‌ ഈ പുസ്‌തകം എഴുതാൻ യശയ്യയെ പ്രചോ​ദി​പ്പി​ച്ചത്‌, യഹൂദ​യു​ടെ ചരി​ത്ര​ത്തി​ലെ കഷ്ടത നിറഞ്ഞ സമയത്ത്‌ തന്റെ ജനത്തെ ആശ്വസി​പ്പി​ക്കാ​നാ​യി​രു​ന്നു. ഇന്നു നമ്മളും ‘ബുദ്ധി​മു​ട്ടു നിറഞ്ഞ സമയത്താ​ണു’ ജീവി​ക്കു​ന്നത്‌. അതു​കൊ​ണ്ടു​തന്നെ നമുക്കും ആശ്വാസം ആവശ്യ​മാണ്‌. (2 തിമൊ. 3:1) പിൻവ​രുന്ന സാഹച​ര്യ​ങ്ങ​ളിൽ നമ്മളെ ആശ്വസി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്യുന്ന യശയ്യയു​ടെ പുസ്‌ത​ക​ത്തി​ലെ ചില തിരു​വെ​ഴു​ത്തു​കൾ ഈ ലേഖന​ത്തിൽ നമ്മൾ നോക്കും. (1) നമ്മുടെ സാഹച​ര്യം അപ്രതീ​ക്ഷി​ത​മാ​യി മാറു​മ്പോൾ (2) അമിത​മായ കുറ്റ​ബോ​ധ​ത്താൽ നീറു​മ്പോൾ (3) പ്രിയ​പ്പെട്ട ഒരാളു​ടെ മരണം നമ്മളെ തളർത്തി​ക്ക​ള​യു​മ്പോൾ.

അപ്രതീ​ക്ഷി​ത​മാ​യി സാഹച​ര്യ​ങ്ങൾ മാറു​മ്പോൾ

4. അപ്രതീ​ക്ഷി​ത​മായ ഒരു മാറ്റം നമ്മളെ എങ്ങനെ ബാധി​ച്ചേ​ക്കാം?

⁴ നമ്മുടെ ജീവിതം എപ്പോൾ വേണ​മെ​ങ്കി​ലും മാറി​മ​റി​ഞ്ഞേ​ക്കാം. (സഭാ. 9:11; 1 കൊരി. 7:31) ഒരുപക്ഷേ ആരോ​ഗ്യ​പ്ര​ശ്‌ന​മോ സാമ്പത്തി​ക​ബു​ദ്ധി​മു​ട്ടോ നിയമ​ന​ത്തി​ലെ മാറ്റമോ യുദ്ധമോ ഒക്കെയാ​യി​രി​ക്കാം അതിനു കാരണം. ഇത്തരം മാറ്റങ്ങ​ളു​ണ്ടാ​കു​മ്പോൾ പേടി​യും ഉത്‌ക​ണ്‌ഠ​യും തോന്നി​യേ​ക്കാം. ‘ഇനി എന്തു ചെയ്യും?’ എന്നു നമ്മൾ ചിന്തി​ച്ചു​പോ​യേ​ക്കാം. അതു സ്വാഭാ​വി​ക​മാണ്‌. ഏകദേശം 17 വർഷമാ​യി ബഥേലിൽ സേവി​ച്ചി​രുന്ന ജോസഫ്‌ സഹോ​ദ​രനു വയലി​ലേക്കു ഒരു മുൻനി​ര​സേ​വ​ക​നാ​യി നിയമ​ന​മാ​റ്റം ലഭിച്ചു. സഹോ​ദരൻ പറയുന്നു: “ഇത്രയും നാൾ ബഥേലിൽ നിന്ന​ശേഷം ഒരു പുതിയ ജീവി​ത​ത്തി​ലേക്കു മാറുക എന്നത്‌ എളുപ്പ​മ​ല്ലാ​യി​രു​ന്നു. ഞാനാകെ പകച്ചു​പോ​യി. എവിടെ തുടങ്ങ​ണ​മെന്ന്‌ എനിക്ക്‌ അറിയി​ല്ലാ​യി​രു​ന്നു.” ഇങ്ങനെ​യുള്ള അപ്രതീ​ക്ഷി​ത​മാ​റ്റ​ങ്ങളെ നേരി​ടാൻ സഹായി​ക്കുന്ന എന്ത്‌ ഉറപ്പാണ്‌ യശയ്യയി​ലൂ​ടെ യഹോവ നമുക്കു തരുന്നത്‌?

5. യശയ്യ 42:16-ൽ യഹോവ നമുക്ക്‌ എന്ത്‌ ഉറപ്പാണു തരുന്നത്‌? (ചിത്ര​വും കാണുക.)

⁵ യശയ്യ 42:16 വായി​ക്കുക. ആലങ്കാ​രി​ക​മാ​യി അന്ധരാ​യ​വരെ പരിച​യ​മി​ല്ലാത്ത വഴിക​ളി​ലൂ​ടെ നടത്തു​മെ​ന്നും ഇരുട്ടി​നെ വെളി​ച്ച​മാ​ക്കി മാറ്റു​മെ​ന്നും യഹോവ വാക്കു​ത​ന്നി​ട്ടുണ്ട്‌. ‘അന്ധന്മാർ,’ ‘പരിചി​ത​മ​ല്ലാത്ത വഴി,’ ‘ഇരുട്ട്‌,’ “കുന്നും കുഴി​യും നിറഞ്ഞ പ്രദേശം” എന്നീ പ്രയോ​ഗങ്ങൾ അപ്രതീ​ക്ഷി​ത​മാ​യി സാഹച​ര്യ​ങ്ങൾ മാറു​മ്പോൾ ഭാവി​യെ​ക്കു​റിച്ച്‌ നമുക്കു തോന്നുന്ന വികാ​ര​ങ്ങ​ളെ​യാ​ണു കുറി​ക്കു​ന്നത്‌. മുന്നി​ലുള്ള വഴി അറിയാ​തെ കൊടും​കാ​ട്ടി​ലൂ​ടെ നടക്കു​ന്ന​തു​പോ​ലെ നമുക്കു തോന്നി​യേ​ക്കാം. എന്നാൽ നമ്മൾ നേരി​ടുന്ന സാഹച​ര്യം എന്താ​ണെ​ങ്കി​ലും നമുക്കു​വേണ്ട നിർദേ​ശങ്ങൾ തരു​മെ​ന്നും നമ്മളെ ഒരിക്ക​ലും ഉപേക്ഷി​ക്കി​ല്ലെ​ന്നും യഹോവ ഉറപ്പു​ത​ന്നി​ട്ടുണ്ട്‌. നമ്മൾ ഇരുട്ടി​ലൂ​ടെ നടക്കു​മ്പോൾ യഹോവ നമ്മുടെ വഴികൾക്കു പ്രകാശം നൽകു​ക​യും നമ്മളെ കൈ പിടിച്ച്‌ നടത്തു​ക​യും കുന്നും കുഴി​യും ഉള്ള പ്രദേശം നിരപ്പാ​ക്കി​ത്ത​രു​ക​യും ചെയ്യും. യഹോവ ഇത്‌ എങ്ങനെ​യാ​ണു ചെയ്യു​ന്നത്‌? തന്റെ വചനമായ ബൈബി​ളി​ലൂ​ടെ​യും സംഘട​ന​യി​ലൂ​ടെ​യും നമുക്കു​വേണ്ട നല്ല ഉപദേ​ശങ്ങൾ തന്നു​കൊ​ണ്ടാണ്‌ യഹോവ അത്‌ ചെയ്യു​ന്നത്‌. (സങ്കീ. 119:105; യശ. 30:21) അതു​പോ​ലെ നമ്മുടെ സഹോ​ദ​ര​ങ്ങളെ ഉപയോ​ഗി​ച്ചു​കൊണ്ട്‌ പ്രാ​യോ​ഗി​ക​മായ വിധത്തി​ലും യഹോവ നമുക്കു​വേണ്ട സഹായം തരും. ഇനി എന്തു സംഭവി​ക്കും എന്ന്‌ അറിയി​ല്ലാത്ത സാഹച​ര്യ​ങ്ങ​ളിൽപ്പോ​ലും യഹോവ നമ്മളെ സഹായി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാ​നാ​കും. കാരണം യഹോവ നമ്മളെ സ്‌നേ​ഹി​ക്കു​ക​യും നമ്മുടെ മനസ്സി​ലൂ​ടെ കടന്നു​പോ​കുന്ന കാര്യങ്ങൾ നന്നായി മനസ്സി​ലാ​ക്കു​ക​യും ചെയ്യുന്നു.—യശ. 41:10; 1 പത്രോ. 5:6, 7.

6. അപ്രതീ​ക്ഷി​ത​മാ​യി സാഹച​ര്യ​ങ്ങൾ മാറി​മ​റി​ഞ്ഞാൽ നമുക്ക്‌ ഏതു കാര്യ​ത്തിൽ ഉറപ്പു​ണ്ടാ​യി​രി​ക്കാ​നാ​കും?

⁶ നേരത്തെ കണ്ട ജോസഫ്‌ സഹോ​ദ​ര​നും ഭാര്യ​യും ബഥേലിൽനിന്ന്‌ പോന്ന​പ്പോൾ യഹോവ അവരെ സ്‌നേ​ഹ​ത്തോ​ടെ എങ്ങനെ​യാ​ണു കരുതി​യ​തെന്നു പറയുന്നു: “ആ സമയ​ത്തെ​ല്ലാം യഹോ​വ​യു​ടെ കൈ ഞങ്ങൾക്കു കാണാ​നാ​യി. സഹോ​ദ​ര​ങ്ങളെ ഉപയോ​ഗിച്ച്‌ യഹോവ ഞങ്ങളെ സഹായി​ച്ചു. യഹോവ തക്കസമ​യത്ത്‌ ഭൗതി​ക​മാ​യി ഞങ്ങൾക്കു വേണ്ട​തെ​ല്ലാം തരുക​യും ഞങ്ങളെ ആശ്വസി​പ്പി​ക്കു​ക​യും ചെയ്‌തു. യഹോവ ഇപ്പോ​ഴും അങ്ങനെ​തന്നെ ചെയ്യുന്നു.” നിങ്ങളു​ടെ സാഹച​ര്യ​ങ്ങൾ അപ്രതീ​ക്ഷി​ത​മാ​യി മാറി​മ​റി​ഞ്ഞാൽ യഹോവ നിങ്ങൾക്കു​വേണ്ട ശക്തിയും മാർഗ​നിർദേ​ശ​വും തരു​മെന്ന്‌ ഉറപ്പു​ണ്ടാ​യി​രി​ക്കാം. അത്‌ എത്ര വിഷമ​ക​ര​മായ സാഹച​ര്യ​മാ​ണെന്നു തോന്നി​യാൽപ്പോ​ലും. (യശ. 54:10; 58:11) ജോസഫ്‌ സഹോ​ദരൻ തുടർന്ന്‌ പറയുന്നു: “ഒരു ചിത്ര​ഗീ​ത​ത്തി​ലെ വരികൾ യഹോ​വ​യു​ടെ കരുത​ലി​നെ​ക്കു​റിച്ച്‌ ഇങ്ങനെ​യാ​ണു പറയു​ന്നത്‌: ‘ലോകം മാറു​ന്നെ​ന്നും കാണു​മ്പോ​ഴും എൻ ദൈവ​മെ​ന്നും കൂടെ​യുണ്ട്‌.’a അതെ, നമ്മൾ വിചാ​രി​ച്ച​തു​പോ​ലെ കാര്യങ്ങൾ നടക്കാ​ത്ത​പ്പോ​ഴും നമുക്ക്‌ ഒരു കാര്യ​ത്തിൽ ഉറപ്പു​ണ്ടാ​യി​രി​ക്കാ​നാ​കും. നമ്മുടെ കാൽച്ചു​വ​ടു​കളെ നയിക്കാൻ എപ്പോ​ഴും യഹോവ ഉണ്ടായി​രി​ക്കും.”

അമിത​മായ കുറ്റ​ബോ​ധ​ത്താൽ നീറു​മ്പോൾ

7. മുമ്പ്‌ ഗുരു​ത​ര​മാ​യി തെറ്റു ചെയ്‌തവർ എന്തു പ്രശ്‌നം നേരി​ട്ടേ​ക്കാം?

⁷ നമ്മൾ ഗുരു​ത​ര​മായ ഒരു പാപം ചെയ്‌തെന്നു വിചാ​രി​ക്കുക. അതിനു ശേഷം മൂപ്പന്മാ​രു​ടെ സഹായം നമുക്കു ലഭിച്ചു. വീണ്ടും ആ തെറ്റ്‌ ആവർത്തി​ക്കാ​തി​രി​ക്കാൻ വേണ്ട​തെ​ല്ലാം നമ്മൾ ചെയ്‌തു. (സുഭാ. 28:13; യാക്കോ. 5:14-16; 1 യോഹ. 1:9) ഇങ്ങനെ യഹോ​വ​യു​ടെ കരുണ നമുക്കു ലഭിച്ചാ​ലും വീണ്ടും കുറ്റ​ബോ​ധം നമ്മളെ വേട്ടയാ​ടി​യേ​ക്കാം. നമ്മൾ ഇങ്ങനെ ചിന്തി​ച്ചേ​ക്കാം: ‘എന്റെ ആ തെറ്റ്‌ യഹോവ എങ്ങനെ ക്ഷമിക്കാ​നാണ്‌?’ (2 കൊരി. 2:7) ആ ചിന്ത മനസ്സി​ലാ​ക്കാ​വു​ന്നതേ ഉള്ളൂ. കാരണം പാപത്തി​ന്റെ ഭാരം വലുതാ​യി​രി​ക്കാം, അല്ലെങ്കിൽ അതിന്റെ ഓർമകൾ നമ്മുടെ മനസ്സിൽ മായാ​തെ​നി​ന്നേ​ക്കാം. പാപഭാ​ര​ത്തെ​ക്കു​റിച്ച്‌ ദാവീദ്‌ രാജാവ്‌ ഇങ്ങനെ എഴുതി: “എന്റെ പാപം നിമിത്തം എന്റെ അസ്ഥികൾക്കു​ള്ളിൽ ഒരു സ്വസ്ഥത​യു​മില്ല. . . . ഞാൻ ആകെ മരവി​ച്ചി​രി​ക്കു​ന്നു; ഞാൻ പാടേ തകർന്നു​പോ​യി.” (സങ്കീ. 38:3, 8) മുമ്പ്‌ ചെയ്‌ത തെറ്റു​ക​ളെ​ക്കു​റിച്ച്‌ നിങ്ങൾക്കും ഇങ്ങനെ​യാ​ണു തോന്നു​ന്ന​തെ​ങ്കിൽ യശയ്യയു​ടെ പുസ്‌തകം വേണ്ട ആശ്വാസം തരും.

8-9. യശയ്യ 1:18 അനുസ​രിച്ച്‌ യഹോവ എത്ര പൂർണ​മാ​യാ​ണു നമ്മളോ​ടു ക്ഷമിക്കു​ന്നത്‌?

⁸ യശയ്യ 1:18 വായി​ക്കുക. നമ്മുടെ പാപങ്ങൾ എത്ര പൂർണ​മാ​യാ​ണു ക്ഷമിക്കു​ന്ന​തെന്നു കാണി​ക്കാൻ യഹോവ ഒരു വാഗ്മയ​ചി​ത്രം ഉപയോ​ഗി​ച്ചി​ട്ടുണ്ട്‌. യഹോവ പറഞ്ഞത്‌, നമ്മുടെ പാപങ്ങൾ “കടുഞ്ചു​വ​പ്പാ​ണെ​ങ്കി​ലും” യഹോവ അതു ‘മഞ്ഞു​പോ​ലെ വെളു​പ്പി​ക്കും’ എന്നാണ്‌. കടുഞ്ചു​വപ്പു നിറം അത്ര പെട്ടെന്നു മാഞ്ഞു​പോ​കില്ല. എന്നാൽ യഹോവ നമ്മളോ​ടു ക്ഷമിച്ച്‌ കഴിഞ്ഞാൽ പിന്നീട്‌ അങ്ങോട്ട്‌ ആ പാപത്തി​ന്റെ കറയു​മാ​യി നമുക്കു ജീവി​ക്കേ​ണ്ടി​വ​രില്ല എന്ന്‌ യഹോവ ഉറപ്പു​ത​രു​ന്നു.

⁹ ദാവീദ്‌ രാജാ​വി​ന്റെ ഉദാഹ​രണം നോക്കുക. വ്യഭി​ചാ​ര​വും കൊല​പാ​ത​ക​വും ചെയ്‌ത്‌ കുറ്റ​ബോ​ധ​മു​ണ്ടാ​യി​രുന്ന ദാവീദ്‌ രാജാ​വി​നോട്‌ യഹോവ ക്ഷമിച്ചു. പിന്നീട്‌ യഹോവ അദ്ദേഹ​ത്തെ​ക്കു​റിച്ച്‌ പറഞ്ഞത്‌, അദ്ദേഹം നിഷ്‌ക​ളങ്കൻ ആണെന്നാണ്‌. (2 ശമു. 11:3, 4, 14, 15; 12:13; 1 രാജാ. 9:4, 5) ദാവീ​ദി​നെ​ക്കു​റിച്ച്‌ ചിന്തി​ച്ച​പ്പോൾ യഹോ​വ​യു​ടെ ഓർമ​യിൽ വന്നത്‌, ദാവീദ്‌ ചെയ്‌ത തെറ്റു​കളല്ല, അദ്ദേഹം എത്ര വിശ്വ​സ്‌ത​നാ​യി​രു​ന്നു എന്നതാണ്‌. അതു​പോ​ലെ നമ്മൾ പശ്ചാത്താ​പം കാണി​ച്ചാൽ യഹോവ നമ്മളോ​ടു ക്ഷമിക്കും. ശുദ്ധമായ മനസ്സാ​ക്ഷി​യോ​ടെ മുന്നോ​ട്ടു​പോ​കാൻ സഹായി​ക്കു​ക​യും ചെയ്യും. അമിത​മായ കുറ്റ​ബോ​ധ​ത്താൽ നീറു​ന്ന​വർക്ക്‌ യശയ്യയു​ടെ പുസ്‌തകം ഇനിയും എന്ത്‌ ഉറപ്പാണു നൽകു​ന്നത്‌?

10. യശയ്യ 38:17-ൽ നമ്മളെ ആശ്വസി​പ്പി​ക്കുന്ന എന്ത്‌ ഉറപ്പു കാണാം?

¹⁰ യശയ്യ 38:17-ഉം അടിക്കു​റി​പ്പും വായി​ക്കുക. ഈ വാക്യ​ത്തി​ലെ “അങ്ങ്‌ എന്റെ പാപങ്ങ​ളെ​ല്ലാം അങ്ങയുടെ പിന്നി​ലേക്ക്‌ എറിഞ്ഞു​ക​ളഞ്ഞു” എന്നതിനെ പാപങ്ങൾ “മുന്നിൽനിന്ന്‌ നീക്കി​ക്ക​ളഞ്ഞു” എന്നും പറയാം. പശ്ചാത്ത​പി​ക്കുന്ന ഒരു തെറ്റു​കാ​രന്റെ പാപം യഹോവ തന്റെ പിന്നി​ലേക്ക്‌ എറിഞ്ഞു​ക​ള​യു​ന്നതു പോ​ലെ​യാണ്‌ അത്‌. യഹോവ അതു പിന്നീടു കാണു​ന്നില്ല, ആ പാപങ്ങ​ളെ​ക്കു​റിച്ച്‌ ഒരിക്ക​ലും ഓർക്കു​ന്നു​മില്ല. ഒരു പരാമർശ​ഗ്രന്ഥം ഈ ആശയ​ത്തെ​ക്കു​റിച്ച്‌ ഇങ്ങനെ​യാ​ണു പറയു​ന്നത്‌: “അങ്ങ്‌ എന്റെ (പാപങ്ങളെ) അതു സംഭവി​ച്ചി​ട്ടി​ല്ലാ​ത്ത​തു​പോ​ലെ ആക്കിയി​രി​ക്കു​ന്നു.” അപ്പോൾ യഹോവ നമ്മുടെ പാപങ്ങൾ ക്ഷമിച്ചാൽ നമ്മൾ മുമ്പ്‌ പാപം ചെയ്‌തി​ട്ടേ ഇല്ല എന്ന രീതി​യി​ലാ​യി​രി​ക്കും നമ്മളോട്‌ ഇടപെ​ടു​ന്നത്‌. പിന്നെ ഒരിക്ക​ലും ആ തെറ്റിന്റെ പേരിൽ യഹോവ നമ്മളെ കുറ്റ​പ്പെ​ടു​ത്തു​ക​യോ ശിക്ഷി​ക്കു​ക​യോ ഇല്ല. പാപങ്ങ​ളു​ടെ കണക്ക്‌ യഹോവ പൂർണ​മാ​യും മായ്‌ച്ചു​ക​ള​യു​ന്നു. യഹോവ ഈ ഉറപ്പു​ത​രു​ന്നു: “നിങ്ങളു​ടെ പാപങ്ങൾ ഞാൻ ഓർക്കില്ല.” (യശ. 43:25) നമുക്ക്‌ എത്ര ആശ്വാസം തോന്നു​ന്നു അല്ലേ! പരമോ​ന്നത ന്യായാ​ധി​പ​നായ യഹോവ നമ്മുടെ പാപങ്ങ​ളു​ടെ കണക്ക്‌ സൂക്ഷി​ക്കു​ന്നി​ല്ലെ​ങ്കിൽപ്പി​ന്നെ അതെക്കു​റിച്ച്‌ ഓർക്കാൻ നമ്മൾ ആരാണ്‌?

11. മുമ്പ്‌ നമ്മൾ തെറ്റു​ക​ളൊ​ക്കെ ചെയ്‌തി​ട്ടു​ണ്ടെ​ങ്കി​ലും യഹോവ പ്രധാ​ന​മാ​യി കാണു​ന്നത്‌ എന്താണ്‌? (ചിത്ര​വും കാണുക.)

¹¹ കഴിഞ്ഞ​കാല തെറ്റു​ക​ളെ​ക്കു​റിച്ച്‌ ഓർത്ത്‌ കുറ്റ​ബോ​ധം തോന്നു​മ്പോൾ യഹോ​വ​യു​ടെ സ്‌നേ​ഹ​ത്തോ​ടെ​യുള്ള ഈ ഉറപ്പു​ക​ളെ​ക്കു​റിച്ച്‌ നമുക്ക്‌ ഓർക്കാം. യഹോവ നമ്മുടെ പാപം ക്ഷമിക്കു​ന്നതു പൂർണ​മാ​യാണ്‌. നമ്മുടെ കഴിഞ്ഞ​കാല പാപ​ത്തെ​ക്കു​റിച്ച്‌ ഓർത്ത്‌ യഹോവ ഒരിക്ക​ലും ലജ്ജിക്കു​ന്നില്ല. അപൂർണ മനുഷ്യ​രെ​പ്പോ​ലെ നമ്മുടെ പാപങ്ങൾ ഓർത്തു​വെ​ക്കു​ന്നു​മില്ല. (യശ. 57:16) നമ്മൾ മുമ്പ്‌ എങ്ങനെ​യുള്ള വ്യക്തി​യാ​യി​രു​ന്നു എന്നതല്ല, നമ്മൾ ഇപ്പോൾ എങ്ങനെ​യാണ്‌, ഭാവി​യിൽ എന്തെല്ലാം ചെയ്യും ഇതൊ​ക്കെ​യാണ്‌ യഹോ​വ​യ്‌ക്കു പ്രധാനം. (യശ. 55:7) എത്ര സ്‌നേ​ഹ​വും ക്ഷമയും ഉള്ള ദൈവ​ത്തെ​യാ​ണു നമ്മൾ സേവി​ക്കു​ന്നത്‌. അതു​കൊണ്ട്‌ നമ്മുടെ കഴിഞ്ഞ​കാല പാപങ്ങൾ നമ്മുടെ ഇപ്പോ​ഴത്തെ സന്തോ​ഷത്തെ കെടു​ത്തി​ക്ക​ള​യ​രുത്‌. ഭാവി​യി​ലെ അനു​ഗ്ര​ഹങ്ങൾ നഷ്ടപ്പെ​ടാൻ ഇടയാ​ക്കു​ക​യും അരുത്‌.

പ്രിയ​പ്പെ​ട്ട​വ​രു​ടെ മരണം തളർത്തി​ക്ക​ള​യു​മ്പോൾ

12. പ്രിയ​പ്പെട്ട ഒരാളെ നഷ്ടപ്പെ​ടു​മ്പോൾ നമ്മൾ എന്തൊക്കെ ചിന്തി​ച്ചേ​ക്കാം?

¹² നമ്മൾ സ്‌നേ​ഹി​ക്കുന്ന ഒരാൾ മരിക്കു​മ്പോൾ അതുണ്ടാ​ക്കുന്ന വേദന നമുക്കു താങ്ങാ​വു​ന്ന​തി​ലും അധിക​മാ​യി​രി​ക്കും. ആ വേദന പെട്ടെ​ന്നൊ​ന്നും മാറില്ല. യഹോവ എന്തു​കൊ​ണ്ടാണ്‌ ഇത്‌ അനുവ​ദി​ച്ചത്‌ എന്നു നമ്മൾ ചില​പ്പോൾ ചിന്തി​ച്ചേ​ക്കാം. ഒരു തീപി​ടു​ത്ത​ത്തിൽ മാതാ​പി​താ​ക്കളെ നഷ്ടപ്പെട്ട മൈക്കിൾ സഹോ​ദരൻ പറയുന്നു: “എന്റെ ഹൃദയം തകർന്നു​പോ​യി. എനിക്ക്‌ യഹോ​വ​യോ​ടു ദേഷ്യം തോന്നി. യഹോ​വയല്ല അവരുടെ മരണത്തി​നു കാരണ​മെന്ന്‌ എനിക്ക്‌ അറിയാ​മാ​യി​രു​ന്നു. പക്ഷേ, യഹോവ അതു തടഞ്ഞി​ല്ല​ല്ലോ.” ഒരുപക്ഷേ നിങ്ങൾക്കും ഇതു​പോ​ലെ തോന്നി​യേ​ക്കാം. പ്രിയ​പ്പെട്ട ഒരാളെ നഷ്ടപ്പെ​ടു​മ്പോ​ഴു​ണ്ടാ​കുന്ന വേദന നമ്മളെ വരിഞ്ഞു​മു​റു​ക്കു​മ്പോൾ യഹോവ എന്ത്‌ ആശ്വാ​സ​വും പ്രത്യാ​ശ​യും ആണ്‌ തരുന്നത്‌?

13. യശയ്യ 25:8-ൽ യഹോവ നമുക്ക്‌ എന്ത്‌ ഉറപ്പാണ്‌ തരുന്നത്‌?

¹³ യശയ്യ 25:8 വായി​ക്കുക. “ദൈവം മരണത്തെ എന്നേക്കു​മാ​യി ഇല്ലാതാ​ക്കും” എന്ന്‌ ഉറപ്പ്‌ തന്നിരി​ക്കു​ന്നു. മരണമി​ല്ലാത്ത ആ സമയ​ത്തെ​ക്കു​റിച്ച്‌ ഒന്നു ചിന്തി​ച്ചു​നോ​ക്കൂ! നിങ്ങൾക്ക്‌ ഇനി ഒരിക്ക​ലും പ്രിയ​പ്പെ​ട്ട​വരെ നഷ്ടപ്പെ​ടു​ക​യോ അത്‌ ഓർത്ത്‌ കണ്ണീ​രൊ​ഴു​ക്കു​ക​യോ ചെയ്യേ​ണ്ടി​വ​രില്ല. (യശ. 35:10) പ്രിയ​പ്പെ​ട്ട​വരെ അടക്കി​യി​രി​ക്കുന്ന സ്ഥലം കണ്ട്‌ വിതു​മ്പേ​ണ്ടി​വ​രില്ല. ഇതി​നെ​ല്ലാം പകരം നിങ്ങളു​ടെ പ്രിയ​പ്പെ​ട്ടവർ എന്നും നിങ്ങളു​ടെ കൂടെ​യു​ണ്ടാ​യി​രി​ക്കും, അതും പൂർണ ആരോ​ഗ്യ​ത്തോ​ടെ. ഇതു വെറു​മൊ​രു സ്വപ്‌നമല്ല. ഈ വാഗ്‌ദാ​നങ്ങൾ നിറ​വേ​റ്റാൻ കഴിവുള്ള ഒരേ ഒരു വ്യക്തി​യായ യഹോ​വ​യാണ്‌ ഈ ഉറപ്പ്‌ തന്നിരി​ക്കു​ന്നത്‌.—വെളി. 21:4, 5.

14. പുനരു​ത്ഥാ​ന​പ്ര​ത്യാ​ശ​യെ​ക്കു​റിച്ച്‌ ചിന്തി​ക്കു​മ്പോൾ നിങ്ങൾക്ക്‌ എന്തു തോന്നു​ന്നു? (യശയ്യ 26:19) (ചിത്ര​വും കാണുക.)

¹⁴ യശയ്യ 26:19 വായി​ക്കുക. യഹോവ മരണത്തിന്‌ അവസാനം കൊണ്ടു​വ​രു​മെന്നു മാത്രമല്ല, മരിച്ചു​പോ​യ​വരെ പുനരു​ത്ഥാ​ന​പ്പെ​ടു​ത്തു​മെ​ന്നും ഉറപ്പ്‌ തന്നിരി​ക്കു​ന്നു. മരിച്ച​വ​രെ​ക്കു​റിച്ച്‌ യഹോവ ഇങ്ങനെ​യാ​ണു പറയു​ന്നത്‌: “എന്റെ ശവങ്ങൾ എഴു​ന്നേൽക്കും.” അതിനർഥം യഹോവ അവരെ തന്റേതാ​യി കാണുന്നു എന്നാണ്‌. മരിച്ചു​പോയ പ്രിയ​പ്പെ​ട്ട​വ​രെ​ക്കു​റി​ച്ചുള്ള ഓർമകൾ യഹോ​വ​യു​ടെ മനസ്സി​ലുണ്ട്‌. താൻ നിശ്ചയി​ച്ചി​രി​ക്കുന്ന സമയത്ത്‌ യഹോവ അവരെ ഉയിർപ്പി​ക്കും. ഉണങ്ങി​പ്പോയ ചെടി​കൾക്കു പ്രഭാ​ത​ത്തി​ലെ മഞ്ഞുതു​ള്ളി​കൾ ജീവൻ പകരു​ന്ന​തു​പോ​ലെ ജീവന്റെ ഉറവായ യഹോവ മരണത്തിൽ ഉറങ്ങി​ക്കി​ട​ക്കുന്ന പ്രിയ​പ്പെ​ട്ട​വരെ ഉണർത്തും. അവരെ​യെ​ല്ലാം സന്തോ​ഷ​ത്തോ​ടെ സ്വാഗതം ചെയ്യു​ന്ന​തി​നെ​ക്കു​റിച്ച്‌ ഒന്നു ചിന്തി​ച്ചു​നോ​ക്കൂ.—മർക്കോസ്‌ 5:42 താരത​മ്യം ചെയ്യുക.

15. പുനരു​ത്ഥാ​ന​ത്തെ​ക്കു​റി​ച്ചുള്ള വാഗ്‌ദാ​നം വേർപാ​ടി​ന്റെ വേദന കുറയ്‌ക്കാൻ നമ്മളെ സഹായി​ക്കു​ന്നത്‌ എങ്ങനെ?

¹⁵ പുനരു​ത്ഥാ​ന​ത്തെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​നം നമ്മുടെ ദുഃഖം പൂർണ​മാ​യി ഇല്ലാതാ​ക്കു​ന്നില്ല എന്നതു ശരിയാണ്‌. എങ്കിലും മരിച്ചു​പോയ നമ്മുടെ പ്രിയ​പ്പെ​ട്ട​വരെ യഹോവ മറന്നി​ട്ടി​ല്ലെന്ന്‌ അറിയു​മ്പോൾ നമുക്ക്‌ ആശ്വാസം തോന്നും. നേരത്തെ കണ്ട മൈക്കിൾ സഹോ​ദ​രനെ ആശ്വസി​പ്പി​ച്ചത്‌ അതാണ്‌. അദ്ദേഹം പറയുന്നു: “എന്റെ മാതാ​പി​താ​ക്കളെ യഹോവ ഇപ്പോ​ഴും വില​യേ​റി​യ​വ​രാ​യി കാണുന്നു എന്ന്‌ യശയ്യ 26:19 വായി​ച്ച​പ്പോൾ എനിക്കു മനസ്സി​ലാ​യി. യഹോവ നിശ്ചയി​ച്ചി​രി​ക്കുന്ന സമയത്ത്‌ അവരെ മരണത്തിൽനിന്ന്‌ ഉയിർപ്പി​ക്കു​ന്ന​തു​വരെ അവർ യഹോ​വ​യു​ടെ ഓർമ​യിൽ ഉണ്ടായി​രി​ക്കും. അതെല്ലാം അറിഞ്ഞ​പ്പോൾ എനിക്ക്‌ ആശ്വാ​സ​വും ശക്തിയും കിട്ടി.” മരിച്ചു​പോയ നമ്മുടെ പ്രിയ​പ്പെ​ട്ട​വരെ വീണ്ടും കാണാ​നാ​കുന്ന ആ സമയം നമുക്കും ഭാവന​യിൽ കാണാം. വേർപാ​ടി​ന്റെ വേദന കുറയ്‌ക്കാൻ അതു നമ്മളെ സഹായി​ക്കും.

16. ബുദ്ധി​മുട്ട്‌ നിറഞ്ഞ ഒരു സാഹച​ര്യ​ത്തിൽ നിങ്ങളെ ആശ്വസി​പ്പിച്ച തിരു​വെ​ഴുത്ത്‌ ഏതാണ്‌?

¹⁶ നമ്മുടെ സാഹച​ര്യ​ങ്ങൾ അപ്രതീ​ക്ഷി​ത​മാ​യി മാറു​മ്പോ​ഴും അമിത​മായ കുറ്റ​ബോ​ധ​ത്താൽ നീറു​മ്പോ​ഴും പ്രിയ​പ്പെട്ട ഒരാളു​ടെ മരണം തളർത്തു​മ്പോ​ഴും നമ്മളെ ആശ്വസി​പ്പി​ക്കുന്ന ചില തിരു​വെ​ഴു​ത്തു​കൾ യശയ്യയു​ടെ പുസ്‌ത​ക​ത്തിൽനിന്ന്‌ നമ്മൾ കണ്ടു. തന്റെ വചനമായ ബൈബി​ളി​ലൂ​ടെ യഹോവ നമ്മളെ ആശ്വസി​പ്പി​ക്കു​ന്ന​തിൽ നമ്മൾ എത്ര നന്ദിയു​ള്ള​വ​രാണ്‌. (സങ്കീ. 94:19) ബുദ്ധി​മുട്ട്‌ നിറഞ്ഞ സാഹച​ര്യ​ങ്ങ​ളിൽ നിങ്ങളെ ആശ്വസി​പ്പിച്ച ഏതെങ്കി​ലും തിരു​വെ​ഴു​ത്തു​ണ്ടോ? ഉണ്ടെങ്കിൽ അതു മനഃപാ​ഠ​മാ​ക്കാൻ ശ്രമി​ക്കുക. അല്ലെങ്കിൽ ഒരു പേപ്പറിൽ എഴുതി നിങ്ങൾക്കു കാണാ​വുന്ന സ്ഥലത്ത്‌ വെക്കുക. അങ്ങനെ നമ്മുടെ സ്വർഗീ​യ​പി​താ​വായ യഹോ​വ​യു​ടെ വാക്കു​ക​ളിൽനിന്ന്‌ ആശ്വാസം കണ്ടെത്താൻ നിങ്ങൾക്ക്‌ കഴിയട്ടെ!