ബൈബിൾത​ത്ത്വ​ങ്ങൾ—എന്തു​കൊണ്ട്‌ പ്രധാനം?

1-2. (എ) ബൈബിൾ ഒരു പഴയ പുസ്‌ത​ക​മാ​യി​രി​ക്കു​ന്നത്‌ എന്തു​കൊണ്ട്‌? (ബി) ബൈബിൾ ഇന്നും പ്രയോ​ജനം ചെയ്യു​ന്നത്‌ എന്തു​കൊണ്ട്‌?

ബൈബിൾ പണ്ടുകാ​ലത്ത്‌ എഴുതിയ ഒരു പുസ്‌ത​ക​മാണ്‌. ഏകദേശം 3,500 വർഷങ്ങൾക്ക്‌ മുമ്പാണ്‌ അതിന്റെ എഴുത്ത്‌ തുടങ്ങി​യത്‌; പൂർത്തി​യാ​യത്‌ ഏതാണ്ട്‌ 2,000 വർഷങ്ങൾക്കു മുമ്പും. എങ്കിലും ബൈബിൾത്താ​ളു​ക​ളി​ലെ “ദൈവ​ത്തി​ന്റെ വാക്കുകൾ” ഇന്നും ജീവനു​ള്ള​തും വളരെ ശക്തിയു​ള്ള​തും ആണ്‌. (എബ്രാ. 4:12; 2 തിമൊ. 3:16, 17) ഈ അത്യാ​ധു​നിക ലോക​ത്തും നല്ല തീരു​മാ​ന​ങ്ങ​ളെ​ടു​ക്കാ​നും സന്തോ​ഷ​ത്തോ​ടെ​യി​രി​ക്കാ​നും ബൈബിൾ സഹായി​ച്ചി​ട്ടു​ള്ള​താ​യി ലക്ഷക്കണ​ക്കിന്‌ ആളുകൾ സമ്മതി​ക്കു​ന്നു.

² ബൈബിൾ ഇത്ര​യൊ​രു പഴയ പുസ്‌ത​ക​മാ​യി​ട്ടും ഇന്നും അത്‌ പ്രയോ​ജനം ചെയ്യു​ന്നത്‌ എന്തു​കൊ​ണ്ടാണ്‌? പ്രധാ​ന​മാ​യും രണ്ടു കാരണ​ങ്ങ​ളാ​ണു​ള്ളത്‌. ഒന്ന്‌, ബൈബി​ളി​ലെ സന്ദേശം വന്നിരി​ക്കു​ന്നത്‌ സർവജ്ഞാ​നി​യായ, ‘ജീവനുള്ള ദൈവ​ത്തിൽനി​ന്നാണ്‌.’ (1 തിമൊ. 4:10; റോമ. 16:26, 27) രണ്ടാമ​താ​യി, ഒരിക്ക​ലും കാലഹ​ര​ണ​പ്പെ​ടാത്ത തത്ത്വങ്ങ​ളാണ്‌ ബൈബി​ളി​ലു​ള്ളത്‌. ഒരു വ്യക്തി ജീവി​ക്കുന്ന കാലഘട്ടം ഏതായാ​ലും, ആ വ്യക്തിക്ക്‌ എന്തെല്ലാം പ്രശ്‌നങ്ങൾ നേരി​ട്ടാ​ലും ബൈബിൾത​ത്ത്വ​ങ്ങൾക്ക്‌ ആ വ്യക്തിയെ സഹായി​ക്കാ​നാ​കും.

3. ഈ ലേഖന​ത്തിൽ ഏതെല്ലാം ചോദ്യ​ങ്ങൾക്കുള്ള ഉത്തരം കണ്ടെത്തും?

³ എന്താണ്‌ ബൈബിൾത​ത്ത്വ​ങ്ങൾ? അത്‌ ഇന്ന്‌ നമുക്ക്‌ പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? ബൈബിൾ വായി​ക്കു​മ്പോൾ അവ നമുക്ക്‌ എങ്ങനെ കണ്ടുപി​ടി​ക്കാം? ഈ ചോദ്യ​ങ്ങൾക്കുള്ള ഉത്തരം നമ്മൾ ഈ ലേഖന​ത്തിൽ പഠിക്കും. യേശു​വി​ന്റെ പഠിപ്പി​ക്കൽ രീതി എങ്ങനെ​യാണ്‌ തത്ത്വങ്ങ​ളു​ടെ മൂല്യം എടുത്തു​കാ​ണി​ച്ചത്‌ എന്നും നമ്മൾ നോക്കും.

എന്താണ്‌ ബൈബിൾത​ത്ത്വ​ങ്ങൾ?

4. ബൈബിൾത​ത്ത്വ​ങ്ങൾ എന്താണ്‌?

⁴ ദൈവ​നി​യ​മ​ങ്ങൾക്കു പിന്നി​ലുള്ള അടിസ്ഥാ​ന​സ​ത്യ​ങ്ങ​ളാണ്‌ ബൈബിൾത​ത്ത്വ​ങ്ങൾ. ചില സാഹച​ര്യ​ങ്ങ​ളിൽ ഒരു നിയമ​ത്തിൽത്തന്നെ തത്ത്വം വ്യക്തമാ​യി​രി​ക്കും. (മത്താ. 22:37) എന്നാൽ നിയമ​ങ്ങ​ളെ​ക്കാൾ ഉയർന്ന​താണ്‌ അതിനു പിന്നിലെ തത്ത്വങ്ങൾ. കാരണം നിയമങ്ങൾ മിക്ക​പ്പോ​ഴും ഒരു പ്രത്യേക സമയത്തോ സാഹച​ര്യ​ത്തി​ലോ മാത്രം ഉപകാ​ര​പ്പെ​ടു​ന്ന​താ​യി​രി​ക്കും. എന്നാൽ ബൈബിൾത​ത്ത്വ​ങ്ങൾ യഹോ​വ​യു​ടെ ചിന്ത കുറച്ചു​കൂ​ടി വിശാ​ല​മായ അർഥത്തിൽ മനസ്സി​ലാ​ക്കാൻ നമ്മളെ സഹായി​ക്കു​ന്നു. യഹോ​വ​യു​ടെ എല്ലാ നിയമ​ങ്ങൾക്കു പിന്നി​ലും വ്യക്തമായ ഒരു കാരണ​മുണ്ട്‌. ആ കാരണ​ങ്ങ​ളാണ്‌ ബൈബിൾത​ത്ത്വ​ങ്ങൾ. ആ തത്ത്വങ്ങൾ വ്യത്യസ്‌ത സാഹച​ര്യ​ങ്ങ​ളിൽ ഉപയോ​ഗി​ക്കാ​വു​ന്ന​താണ്‌. അതു​പോ​ലെ ഏത്‌ കാലഘ​ട്ട​ത്തി​ലും ഉപകാ​ര​പ്പെ​ടു​ന്ന​തു​മാണ്‌. (സങ്കീ. 119:111) നിയമ​ങ്ങൾക്കു മാറ്റം വന്നേക്കാം. പക്ഷേ തത്ത്വങ്ങൾ ഒരിക്ക​ലും കാലഹ​ര​ണ​പ്പെ​ടാ​ത്ത​തും മാറാ​ത്ത​തും ആണ്‌.—യശ. 40:8.

5. നിയമ​വും തത്ത്വവും തമ്മിലുള്ള വ്യത്യാ​സം ഒരു ദൃഷ്ടാന്തം ഉപയോ​ഗിച്ച്‌ വിശദീ​ക​രി​ക്കുക. (ചിത്ര​ങ്ങ​ളും കാണുക.)

⁵ നിയമ​ങ്ങ​ളും തത്ത്വങ്ങ​ളും തമ്മിലുള്ള വ്യത്യാ​സം മനസ്സി​ലാ​ക്കാൻ നമുക്ക്‌ ഒരു ദൃഷ്ടാന്തം നോക്കാം. അടുക്ക​ള​യിൽ തന്റെ അടുത്ത്‌ നിൽക്കുന്ന ചെറിയ കുട്ടി​യോട്‌ അമ്മ പറയും: ‘സ്റ്റൗവിൽ തൊട​രുത്‌!’ അത്‌ ഒരു നിയമം ആണ്‌. എന്നാൽ അതിനു പിന്നിലെ തത്ത്വം ചൂടുള്ള എന്തി​ലെ​ങ്കി​ലും തൊട്ടാൽ കൈ പൊള്ളും എന്നതാണ്‌. സ്റ്റൗവിന്റെ കാര്യ​ത്തിൽ മാത്രമല്ല, തേപ്പു​പെ​ട്ടി​യി​ലോ ചൂടുള്ള പാത്ര​ത്തി​ലോ ഒക്കെ തൊട്ടാ​ലും കൈ പൊള്ളും. ഈ തത്ത്വം വീടി​ന​കത്തു മാത്രമല്ല പുറത്താ​യി​രി​ക്കു​മ്പോ​ഴും സത്യമാണ്‌. കുട്ടി വലുതാ​കു​മ്പോൾ സ്റ്റൗവ്‌ ഉപയോ​ഗി​ക്കേ​ണ്ട​താ​യി വന്നേക്കാം. സ്റ്റൗവിൽ തൊട​രുത്‌ എന്നുള്ള നിയമം അപ്പോൾ മാറും. എന്നാൽ കൈ പൊള്ളാ​തെ സൂക്ഷി​ക്കണം എന്ന തത്ത്വത്തി​നു മാറ്റമില്ല.

ബൈബിൾത​ത്ത്വ​ങ്ങൾ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

6. (എ) യഹോവ തന്റെ വചനത്തി​ലൂ​ടെ എന്തു തന്നിരി​ക്കു​ന്നു? (ബി) യഹോവ നമ്മളെ ആദരി​ക്കു​ന്നെന്നു കാണി​ച്ചി​രി​ക്കു​ന്നത്‌ എങ്ങനെ?

⁶ യഹോവ നമ്മളെ സ്‌നേ​ഹി​ക്കു​ന്ന​തു​കൊ​ണ്ടാണ്‌ അപകട​ങ്ങ​ളിൽ ചെന്നു​ചാ​ടാ​തി​രി​ക്കാൻ സഹായി​ക്കുന്ന നേരി​ട്ടുള്ള ചില നിയമങ്ങൾ നമുക്കു തന്നിരി​ക്കു​ന്നത്‌. (യാക്കോ. 2:11) അതുകൂ​ടാ​തെ ആ നിയമ​ങ്ങൾക്കു പിന്നിലെ തത്ത്വങ്ങൾ, അതായത്‌ തന്റെ ചിന്ത എന്താ​ണെന്ന്‌ മനസ്സി​ലാ​ക്കാ​നും യഹോവ സഹായി​ക്കു​ന്നു. നേരി​ട്ടുള്ള നിയമ​ങ്ങ​ളി​ല്ലാത്ത സാഹച​ര്യ​ങ്ങ​ളി​ലും ശരിയായ തീരു​മാ​ന​ങ്ങ​ളെ​ടു​ക്കാൻ സഹായി​ക്കുന്ന തത്ത്വങ്ങൾ ദൈവം ബൈബി​ളി​ലൂ​ടെ തന്നിട്ടുണ്ട്‌. എല്ലാ സാഹച​ര്യ​ത്തി​ലും നിയമം വെക്കാതെ തത്ത്വങ്ങൾ തന്നു​കൊണ്ട്‌ യഹോവ നമ്മളെ ആദരി​ച്ചി​രി​ക്കു​ന്നു. മനുഷ്യർക്കു തന്നോ​ടും തന്റെ നിലവാ​ര​ങ്ങ​ളോ​ടും ഉള്ള സ്‌നേ​ഹം​കൊണ്ട്‌ തീരു​മാ​ന​മെ​ടു​ക്കാ​നുള്ള സ്വാത​ന്ത്ര്യം യഹോവ കൊടു​ത്തി​രി​ക്കു​ന്നു.—ഗലാ. 5:13.

7. ബൈബിൾത​ത്ത്വ​ങ്ങ​ളു​ടെ പ്രാധാ​ന്യം മനസ്സി​ലാ​ക്കാൻ സഹായി​ക്കുന്ന ഒരു ദൃഷ്ടാന്തം പറയുക. (ചിത്ര​വും കാണുക.)

⁷ ബൈബിൾത​ത്ത്വ​ങ്ങൾ എങ്ങനെ​യാണ്‌ സഹായി​ക്കു​ന്ന​തെന്ന്‌ മനസ്സി​ലാ​ക്കാൻ നമുക്ക്‌ ഒരു ദൃഷ്ടാന്തം നോക്കാം. വണ്ടി ഓടി​ക്കുന്ന ഒരു ഡ്രൈവർ റോഡി​ന​രി​കിൽ പല തരത്തി​ലുള്ള സൈൻ ബോർഡു​കൾ കാണും. അതിൽ ചിലതു കൃത്യ​മായ നിയമങ്ങൾ കാണി​ക്കുന്ന ബോർഡു​ക​ളാണ്‌. ഉദാഹ​ര​ണ​ത്തിന്‌, വേഗപ​രി​ധി എത്രയാണ്‌, വണ്ടി എപ്പോൾ നിറു​ത്തണം എന്നതു​പോ​ലു​ള്ളവ. ഡ്രൈവർ ആ നിയമങ്ങൾ അനുസ​രി​ച്ചി​ല്ലെ​ങ്കിൽ ശിക്ഷ കിട്ടും. എന്നാൽ മറ്റു ചില സൈൻ ബോർഡു​കൾ, ഉണ്ടാകാൻ സാധ്യ​ത​യുള്ള അപകട​ങ്ങ​ളെ​ക്കു​റിച്ച്‌ മുന്നറി​യിപ്പ്‌ തരുന്ന​വ​യാ​യി​രി​ക്കും. ഉദാഹ​ര​ണ​ത്തിന്‌, റോഡിൽ തെന്നലുണ്ട്‌, മൃഗങ്ങൾ റോഡ്‌ മുറി​ച്ചു​ക​ട​ക്കാൻ സാധ്യ​ത​യുണ്ട്‌ എന്നതു​പോ​ലു​ള്ളവ. ഇങ്ങനെ​യുള്ള മുന്നറി​യി​പ്പു​കൾ കാണു​മ്പോൾ ഒരു നല്ല ഡ്രൈവർ, എങ്ങനെ വണ്ടി ഓടി​ക്കണം എന്നു നന്നായി ചിന്തി​ക്കും. ഇനി, ശക്തമായ മഴയോ മഞ്ഞോ ഉണ്ടെങ്കിൽ അദ്ദേഹം സൂക്ഷിച്ചേ വണ്ടി ഓടിക്കൂ. ക്രിസ്‌ത്യാ​നി​ക​ളു​ടെ കാര്യ​ത്തി​ലും ഇതു സത്യമാണ്‌. ദൈവ​വ​ചനം നേരിട്ട്‌ കുറ്റം വിധി​ക്കുന്ന കാര്യങ്ങൾ അവർ ചെയ്യില്ല. എന്നാൽ അതോ​ടൊ​പ്പം ദൈവ​നി​യ​മങ്ങൾ ലംഘി​ക്കു​ന്ന​തി​ലേക്കു നയി​ച്ചേ​ക്കാ​വുന്ന ചിന്തക​ളും പ്രവൃ​ത്തി​ക​ളും അവർ ഒഴിവാ​ക്കും. അതിന്‌ ഒരു വ്യക്തി ദൈവ​ത്തി​ന്റെ ചിന്ത നന്നായി മനസ്സി​ലാ​ക്കേ​ണ്ട​തുണ്ട്‌.

8. റോമർ 12:1, 2 അനുസ​രിച്ച്‌ ബൈബിൾത​ത്ത്വ​ങ്ങൾ കണ്ടെത്താൻ ശ്രമി​ക്കു​ന്ന​തി​ന്റെ ഒരു പ്രയോ​ജനം എന്താണ്‌?

⁸ ബൈബിൾത​ത്ത്വ​ങ്ങൾ കണ്ടെത്തു​ക​യും അതിനു ചേർച്ച​യിൽ പ്രവർത്തി​ക്കു​ക​യും ചെയ്യു​ന്ന​തു​കൊണ്ട്‌ വേറെ​യും പ്രയോ​ജ​ന​ങ്ങ​ളുണ്ട്‌. ഉദാഹ​ര​ണ​ത്തിന്‌, കാര്യ​ങ്ങ​ളെ​ക്കു​റി​ച്ചുള്ള യഹോ​വ​യു​ടെ ചിന്ത മനസ്സി​ലാ​ക്കാൻ നമ്മൾ കൂടു​തൽക്കൂ​ടു​തൽ പഠിക്കും. ബൈബിൾവി​വ​ര​ണങ്ങൾ വായി​ക്കു​മ്പോൾ അതിൽനി​ന്നുള്ള പാഠങ്ങൾ മനസ്സി​ലാ​ക്കാൻ ശ്രമി​ക്കുക. യഹോവ എന്തു​കൊ​ണ്ടാണ്‌ ഈ പാഠങ്ങൾ തന്റെ വചനത്തിൽ ഉൾപ്പെ​ടു​ത്തി​യി​ട്ടു​ള്ള​തെ​ന്നും അതിൽനിന്ന്‌ നമുക്ക്‌ എങ്ങനെ പ്രയോ​ജനം നേടാ​മെ​ന്നും ചിന്തി​ക്കുക. അങ്ങനെ ചെയ്യു​മ്പോൾ “ചിന്താ​പ്രാ​പ്‌തി” ഉപയോ​ഗി​ച്ചു​കൊണ്ട്‌ യഹോ​വയെ സേവി​ക്കാൻ നമുക്കു പരിശീ​ലനം കിട്ടും. അപ്പോൾ “നല്ലതും സ്വീകാ​ര്യ​വും അത്യു​ത്ത​മ​വും ആയ ദൈ​വേഷ്ടം എന്താ​ണെന്നു പരി​ശോ​ധിച്ച്‌ ഉറപ്പു വരുത്താൻ” നമുക്കു കഴിയും.—റോമർ 12:1, 2 വായി​ക്കുക.a

9. ബൈബിൾത​ത്ത്വ​ങ്ങൾക്കു ചേർച്ച​യിൽ ജീവി​ക്കു​മ്പോൾ മറ്റെന്തു പ്രയോ​ജനം കൂടി​യുണ്ട്‌? (എബ്രായർ 5:13, 14)

⁹ ബൈബിൾത​ത്ത്വ​ങ്ങൾ അനുസ​രിച്ച്‌ ജീവി​ക്കാൻ പഠിക്കു​മ്പോൾ നമ്മൾ പക്വത​യുള്ള ക്രിസ്‌ത്യാ​നി​കൾ ആയിത്തീ​രും. യഹോവ ഇഷ്ടപ്പെ​ടു​ന്ന​തും ഇഷ്ടപ്പെ​ടാ​ത്ത​തും ആയ കാര്യങ്ങൾ എന്തൊ​ക്കെ​യാ​ണെന്ന്‌ മനസ്സി​ലാ​ക്കു​മ്പോൾ നമുക്ക്‌ യഹോ​വ​യോട്‌ കൂടുതൽ അടുക്കാ​നാ​കും. (എബ്രായർ 5:13, 14 വായി​ക്കുക.) കൊച്ചു​കു​ട്ടി​കൾക്ക്‌ ഓരോ സാഹച​ര്യ​ത്തി​ലും എന്തു ചെയ്യണം എന്നു മനസ്സി​ലാ​ക്കാൻ ഒരുപാട്‌ നിയമങ്ങൾ വേണ്ടി​വ​ന്നേ​ക്കാം. അവർ ആ നിയമങ്ങൾ അനുസ​രി​ക്കു​ന്നത്‌ ശിക്ഷ കിട്ടു​മെന്ന പേടി​കൊ​ണ്ടു​മാ​യി​രി​ക്കാം. പക്ഷേ, യഹോവ നമ്മളെ കാണു​ന്നതു കുട്ടി​ക​ളാ​യി​ട്ടല്ല, പക്വത​യുള്ള മുതിർന്ന​വ​രാ​യി​ട്ടാണ്‌. തന്റെ ഇഷ്ടത്തിനു ചേർച്ച​യിൽ നമ്മൾ ശരിയായ തീരു​മാ​ന​മെ​ടു​ക്കു​മെന്ന്‌ യഹോ​വ​യ്‌ക്ക്‌ ഉറപ്പുണ്ട്‌. നമ്മൾ അങ്ങനെ ചെയ്യു​മ്പോൾ അത്‌ യഹോ​വ​യു​ടെ ഹൃദയത്തെ ഒരുപാട്‌ സന്തോ​ഷി​പ്പി​ക്കും.—സങ്കീ. 147:11; സുഭാ. 23:15, 26; 27:11.

ബൈബിൾത​ത്ത്വ​ങ്ങൾ എങ്ങനെ കണ്ടെത്താം?

10. ബൈബിൾത​ത്ത്വ​ങ്ങൾ നമുക്ക്‌ എങ്ങനെ കണ്ടെത്താം?

¹⁰ ബൈബിൾ വിവര​ണ​ങ്ങ​ളിൽനിന്ന്‌ പാഠങ്ങൾ മനസ്സി​ലാ​ക്കി​യെ​ടു​ക്കു​മ്പോൾ, യഹോ​വ​യു​ടെ ചിന്ത തിരി​ച്ച​റി​യാൻ സഹായി​ക്കുന്ന തത്ത്വങ്ങൾ നമ്മൾ കണ്ടെത്തു​ക​യാണ്‌. ഇനി, നിയമ​ങ്ങൾക്കു പിന്നിലെ കാരണങ്ങൾ മനസ്സി​ലാ​ക്കു​മ്പോ​ഴും നമുക്കു തത്ത്വങ്ങൾ കണ്ടെത്താ​നാ​കും. ഈ കാരണങ്ങൾ എത്ര കൂടുതൽ മനസ്സി​ലാ​ക്കു​ന്നോ അത്രയ​ധി​കം നമുക്ക്‌ യഹോ​വയെ അടുത്ത​റി​യാ​നാ​കും. പക്ഷേ യഹോ​വ​യു​ടെ ചിന്തകൾ നമുക്കു മനസ്സി​ലാ​ക​ണ​മെ​ങ്കിൽ നമ്മൾ സഹായ​ത്തി​നാ​യി യഹോ​വ​യോ​ടു പ്രാർഥി​ക്കു​ക​യും ചിന്താ​ശേഷി വളർത്തി​യെ​ടു​ക്കു​ക​യും വേണം. (സുഭാ. 2:10-12) അതു​കൊണ്ട്‌ നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ദൈവം ഈ നിയമം തന്നത്‌ എന്തു​കൊ​ണ്ടാണ്‌? ഈ പ്രവൃത്തി യഹോ​വ​യ്‌ക്ക്‌ ഇഷ്ടമ​ല്ലെ​ങ്കിൽ ഇതി​നോട്‌ സമാന​മായ മറ്റൊരു പ്രവൃ​ത്തി​യെ​ക്കു​റിച്ച്‌ യഹോ​വ​യ്‌ക്ക്‌ എന്തായി​രി​ക്കും തോന്നു​ന്നത്‌? ഈ ബൈബിൾ വിവര​ണ​ത്തിൽനിന്ന്‌ എന്തു പാഠമാണ്‌ ഞാൻ പഠിച്ചത്‌? അത്‌ എനിക്ക്‌ എങ്ങനെ എന്റെ ജീവി​ത​ത്തിൽ പ്രാവർത്തി​ക​മാ​ക്കാം?’ ഇങ്ങനെ ബൈബിൾ വിവര​ണ​ങ്ങ​ളി​ലെ പാഠങ്ങ​ളും നിയമ​ങ്ങൾക്കു പിന്നിലെ കാരണ​ങ്ങ​ളും മനസ്സി​ലാ​ക്കി​യാൽ, ജീവി​ത​ത്തിൽ നല്ല തീരു​മാ​ന​ങ്ങ​ളെ​ടു​ക്കാൻ നമുക്കു കഴിയും; യഹോ​വ​യു​ടെ ഇഷ്ടത്തിനു ചേർച്ച​യി​ലുള്ള തീരു​മാ​നങ്ങൾ!

11. യേശു എങ്ങനെ​യാണ്‌ മലയിലെ പ്രസം​ഗ​ത്തിൽ ബൈബിൾത​ത്ത്വ​ങ്ങൾ കണ്ടെത്താൻ പഠിപ്പി​ച്ചത്‌? (ചിത്ര​വും കാണുക.)

¹¹ മലയിലെ പ്രസം​ഗ​ത്തിൽ ബൈബിൾത​ത്ത്വ​ങ്ങൾ എങ്ങനെ കണ്ടെത്താ​മെന്ന്‌ യേശു കാണി​ച്ചു​തന്നു. നമുക്ക്‌ ഇപ്പോൾ മൂന്ന്‌ ഉദാഹ​ര​ണങ്ങൾ നോക്കാം. ഓരോ പ്രാവ​ശ്യ​വും, യേശു ആദ്യം നിയമം എന്താ​ണെന്ന്‌ പറഞ്ഞു. അതിനു ശേഷം യഹോവ ആ നിയമം തന്നതിന്റെ പിന്നിലെ കാരണം, അതായത്‌ തത്ത്വം എന്താ​ണെന്നു വ്യക്തമാ​ക്കി. യേശു പഠിപ്പിച്ച ഈ കാര്യ​ങ്ങ​ളിൽനി​ന്നുള്ള പാഠങ്ങ​ളും, അത്‌ ഇക്കാലത്ത്‌ ശരിയായ തീരു​മാ​ന​ങ്ങ​ളെ​ടു​ക്കാൻ നമ്മളെ എങ്ങനെ സഹായി​ക്കു​മെ​ന്നും നോക്കും.

12. മത്തായി 5:21, 22-ൽ കാണുന്ന നിയമ​ത്തി​നു പിന്നിലെ ഒരു തത്ത്വം എന്താണ്‌? (ചിത്ര​വും കാണുക.)

¹² മത്തായി 5:21, 22 വായി​ക്കുക. “കൊല ചെയ്യരുത്‌.” ഈ നിയമ​ത്തി​നു പിന്നിലെ കാരണം അല്ലെങ്കിൽ തത്ത്വം എന്താണ്‌? നമ്മൾ മറ്റുള്ള​വരെ വാക്കു​ക​ളി​ലോ പ്രവൃ​ത്തി​ക​ളി​ലോ ചിന്തയി​ലോ​പോ​ലും വെറു​ക്കാൻ യഹോവ ആഗ്രഹി​ക്കു​ന്നില്ല. ഒരു വ്യക്തി കൊല ചെയ്യു​ന്നി​ല്ലെ​ങ്കി​ലും അദ്ദേഹം സഹോ​ദ​രനെ വെറു​ക്കു​ക​യാ​ണെ​ങ്കിൽ കൊല ചെയ്യരുത്‌ എന്ന നിയമ​ത്തി​നു പിന്നിലെ തത്ത്വം അദ്ദേഹം ലംഘി​ക്കു​ക​യാ​ണെന്ന്‌ യേശു സൂചി​പ്പി​ച്ചു. ഒരാൾ ‘സഹോ​ദ​ര​നോ​ടു ദേഷ്യം വെച്ചു​കൊ​ണ്ടി​രി​ക്കു​ക​യോ’ അദ്ദേഹ​ത്തോട്‌ ക്രൂര​മാ​യി സംസാ​രി​ക്കു​ക​യോ ചെയ്യു​ക​യാ​ണെ​ങ്കിൽ അപ്പോ​ഴും ആ വ്യക്തി “കണക്കു ബോധി​പ്പി​ക്കേ​ണ്ടി​വ​രും.” ശരിക്കും പറഞ്ഞാൽ ഇത്തരം മനോ​ഭാ​വ​ങ്ങ​ളും പ്രവൃ​ത്തി​ക​ളും ആണ്‌ കൊല ചെയ്യു​ന്ന​തി​ലേക്ക്‌ ഒരാളെ നയിക്കു​ന്നത്‌.—1 യോഹ. 3:15.

13. നമുക്ക്‌ എങ്ങനെ മത്തായി 5:21, 22-ലെ തത്ത്വം പ്രാവർത്തി​ക​മാ​ക്കാം? (ചിത്ര​വും കാണുക.)

¹³ മത്തായി 5:21, 22-ലെ തത്ത്വം ഇന്ന്‌ നമുക്ക്‌ എങ്ങനെ പ്രാവർത്തി​ക​മാ​ക്കാം? മറ്റുള്ള​വ​രോ​ടു പകയോ നീരസ​മോ നമ്മൾ വെച്ചു​കൊ​ണ്ടി​രി​ക്ക​രുത്‌. (ലേവ്യ 19:18; ഇയ്യോ. 36:13) കാരണം നമ്മുടെ ഉള്ളിൽ വെറുപ്പ്‌ വളരാ​നും അങ്ങനെ നമ്മൾ ക്രൂര​മായ രീതി​യിൽ സംസാ​രി​ക്കാ​നും പ്രവർത്തി​ക്കാ​നും അത്‌ ഇടയാ​ക്കി​യേ​ക്കാം. (സുഭാ. 10:12) അതു​പോ​ലെ മറ്റുള്ള​വ​രു​ടെ സത്‌പേര്‌ കളഞ്ഞു​കു​ളി​ക്കുന്ന രീതി​യിൽ അവരുടെ കുറ്റവും കുറവും പറഞ്ഞു​ന​ട​ക്കാ​നോ പരദൂ​ഷണം പറയാ​നോ ഒക്കെ സാധ്യ​ത​യുണ്ട്‌. (സുഭാ. 20:19; 25:23) സാങ്കേ​തി​ക​വി​ദ്യ ഇത്രയും പുരോ​ഗ​മി​ക്കു​ന്ന​തിന്‌ വളരെ​ക്കാ​ലം മുമ്പ്‌ യേശു പറഞ്ഞ ഈ തത്ത്വം ഇന്നും നമുക്കു പ്രയോ​ജനം ചെയ്യു​ന്ന​താണ്‌. അതു​കൊണ്ട്‌ സോഷ്യൽ മീഡി​യ​യോ ഇന്റർനെ​റ്റോ മെസ്സേ​ജിങ്‌ ആപ്പുക​ളോ ഒക്കെ ഉപയോ​ഗി​ക്കു​മ്പോൾ യേശു പറഞ്ഞ ഈ തത്ത്വം പക്വത​യുള്ള ക്രിസ്‌ത്യാ​നി​കൾ ഓർക്കും. മറ്റുള്ള​വ​രു​ടെ സത്‌പേര്‌ കളഞ്ഞു​കു​ളി​ക്കുന്ന, അവരെ വ്യക്തി​ഹത്യ ചെയ്യുന്ന രീതി​യി​ലുള്ള സംസാരം നമ്മൾ ഏതു സാഹച​ര്യ​ത്തി​ലും ഒഴിവാ​ക്കണം.

14. മത്തായി 5:27, 28-ൽ കാണുന്ന നിയമ​ത്തി​നു പിന്നിലെ തത്ത്വം എന്താണ്‌? (ചിത്ര​വും കാണുക.)

¹⁴ മത്തായി 5:27, 28 വായി​ക്കുക. “വ്യഭി​ചാ​രം ചെയ്യരുത്‌.” ഈ നിയമ​ത്തി​നു പിന്നിലെ തത്ത്വം എന്താണ്‌? അധാർമിക പ്രവൃ​ത്തി​കൾ മാത്രമല്ല, അതി​ലേക്കു നയി​ച്ചേ​ക്കാ​വുന്ന ചിന്തകൾപോ​ലും യഹോവ വെറു​ക്കു​ന്നു. വിവാ​ഹി​ത​നായ ഒരു വ്യക്തി മറ്റൊരു സ്‌ത്രീ​യെ മോശ​മായ ആഗ്രഹ​ത്തോ​ടെ നോക്കു​ക​യാ​ണെ​ങ്കിൽ അദ്ദേഹം പാപം ചെയ്‌തു എന്നാണ്‌ യേശു പറഞ്ഞത്‌. അതു​കൊണ്ട്‌ അധാർമിക ചിന്തകൾ നമ്മൾ പൂർണ​മാ​യും ഒഴിവാ​ക്കണം; അതിന്‌ നമ്മുടെ ഭാഗത്ത്‌ എത്ര ശ്രമം ആവശ്യ​മാ​ണെ​ങ്കി​ലും. (മത്താ. 5:29, 30) ഈ തത്ത്വം ഏകാകി​ക​ളായ ക്രിസ്‌ത്യാ​നി​ക​ളു​ടെ കാര്യ​ത്തി​ലും സത്യമാണ്‌.

15. നമുക്ക്‌ മത്തായി 5:27, 28-ലെ തത്ത്വം എങ്ങനെ പ്രാവർത്തി​ക​മാ​ക്കാം? (ചിത്ര​വും കാണുക.)

¹⁵ മത്തായി 5:27, 28-ലെ തത്ത്വം ഇന്ന്‌ നമുക്ക്‌ എങ്ങനെ പ്രാവർത്തി​ക​മാ​ക്കാം? നമ്മൾ ഒരിക്ക​ലും അധാർമിക ചിന്തക​ളിൽ മുഴു​കി​യി​രി​ക്ക​രുത്‌. (2 ശമു. 11:2-4; ഇയ്യോ. 31:1-3) അതു​പോ​ലെ പക്വത​യുള്ള ഒരു ക്രിസ്‌ത്യാ​നി എല്ലാ തരത്തി​ലുള്ള അശ്ലീല​വും ഒഴിവാ​ക്കണം. താൻ അധാർമിക പ്രവൃ​ത്തി​ക​ളിൽ ഉൾപ്പെ​ടു​ന്നൊ​ന്നും ഇല്ല, അത്‌ വെറുതെ കാണു​ന്നേ​യു​ള്ളൂ എന്ന്‌ അദ്ദേഹം ഒരിക്ക​ലും ന്യായീ​ക​രി​ക്കില്ല. ഇനി ലൈം​ഗി​കത പച്ചയായി ചിത്രീ​ക​രി​ക്കാ​ത്തി​ട​ത്തോ​ളം, അങ്ങനെ​യുള്ള ചില ചിത്ര​ങ്ങ​ളോ വീഡി​യോ​ക​ളോ കാണു​ന്ന​തിൽ തെറ്റില്ല എന്നും ആ വ്യക്തി ചിന്തി​ക്കില്ല. യേശു​വി​ന്റെ കാലത്ത്‌ ഇല​ക്ട്രോ​ണിക്‌ ഉപകര​ണ​ങ്ങ​ളോ സിനി​മ​ക​ളോ ഫോ​ട്ടോ​ക​ളോ ഒന്നും ഇല്ലായി​രു​ന്നു. എന്നിട്ടും യേശു പഠിപ്പിച്ച ആ തത്ത്വം, ഇന്ന്‌ ഇത്തരം ഉപകര​ണ​ങ്ങ​ളിൽ വന്നേക്കാ​വുന്ന മോശം കാര്യ​ങ്ങളെ യഹോവ എങ്ങനെ​യാണ്‌ വീക്ഷി​ക്കു​ന്ന​തെന്ന്‌ നമുക്കു വ്യക്തമാ​ക്കി തരുന്നു. ഫോണി​ലൂ​ടെ ലൈം​ഗി​ക​ച്ചു​വ​യുള്ള മെസ്സേ​ജു​ക​ളോ ചിത്ര​ങ്ങ​ളോ വീഡി​യോ​ക​ളോ അയയ്‌ക്കു​ന്ന​തും (സെക്‌സ്റ്റിങ്‌), നേരി​ട്ട​ല്ലാ​തെ ഇന്റർനെ​റ്റി​ലെ സാങ്കൽപ്പി​ക​ലോ​കത്ത്‌ ഇത്തരം അധാർമിക കാര്യ​ങ്ങ​ളിൽ ഉൾപ്പെ​ടു​ന്ന​തും യഹോവ വളരെ​യേറെ വെറു​ക്കു​ന്നെന്നു മനസ്സി​ലാ​ക്കാൻ ഈ തത്ത്വം നമ്മളെ സഹായി​ക്കു​ന്നു. യേശു പഠിപ്പിച്ച ഈ തത്ത്വം മനസ്സിൽപ്പി​ടി​ക്കു​ന്നത്‌ തന്റെ വിവാഹ ഇണയോട്‌ വഞ്ചന കാണി​ക്കാ​തി​രി​ക്കാൻ ഒരു വ്യക്തിയെ സഹായി​ക്കും. (മലാ. 2:15) അതു​പോ​ലെ വിവാ​ഹി​ത​രാ​ണെ​ങ്കി​ലും ഏകാകി​ക​ളാ​ണെ​ങ്കി​ലും ലൈം​ഗിക അധാർമി​ക​ത​യി​ലേക്കു നയി​ച്ചേ​ക്കാ​വുന്ന ഏതൊരു പ്രവൃ​ത്തി​യും ഒഴിവാ​ക്കാൻ അത്‌ എല്ലാ ക്രിസ്‌ത്യാ​നി​ക​ളെ​യും സഹായി​ക്കും.—സുഭാ. 5:3-14.

16. മത്തായി 5:43, 44-ലെ നിയമ​ത്തി​നു പിന്നിലെ തത്ത്വം എന്താണ്‌? (ചിത്ര​വും കാണുക.)

¹⁶ മത്തായി 5:43, 44 വായി​ക്കുക. “നീ അയൽക്കാ​രനെ സ്‌നേ​ഹി​ക്കുക.” ഈ നിയമ​ത്തി​നു പിന്നിലെ തത്ത്വം എന്താണ്‌? നമ്മൾ എല്ലാവ​രെ​യും അയൽക്കാ​രാ​യി കാണാ​നും അവരെ സ്‌നേ​ഹി​ക്കാ​നും യഹോവ ആഗ്രഹി​ക്കു​ന്നു. എന്നാൽ യേശു​വി​ന്റെ നാളിലെ ജൂതന്മാർ ഈ നിയമത്തെ തെറ്റാ​യാണ്‌ മനസ്സി​ലാ​ക്കി​യി​രു​ന്നത്‌. തങ്ങൾക്കി​ട​യി​ലെ ജൂതന്മാ​രെ സ്‌നേ​ഹി​ച്ചാൽ മതി, ശത്രു​ക്കളെ വെറു​ക്കാം എന്ന്‌ അവർ ചിന്തിച്ചു. പക്ഷേ, ഈ നിയമ​ത്തി​നു പിന്നിലെ ഉദ്ദേശ്യം അതല്ലെന്ന്‌ യേശു​വിന്‌ അറിയാ​മാ​യി​രു​ന്നു. തന്റെ സ്‌നേ​ഹ​വാ​നായ സ്വർഗീ​യ​പി​താവ്‌ പ്രതീ​ക്ഷി​ക്കു​ന്നത്‌, ആളുക​ളു​ടെ ദേശവും വംശവും ഒന്നും നോക്കാ​തെ എല്ലാവ​രെ​യും നമ്മൾ അയൽക്കാ​രാ​യി കാണാ​നാ​ണെന്ന്‌ യേശു മനസ്സി​ലാ​ക്കി​യി​രു​ന്നു.—മത്താ. 5:45-48.

17. മത്തായി 5:43, 44-ലെ തത്ത്വം അനുസ​രി​ക്കു​ന്ന​തു​കൊ​ണ്ടുള്ള പ്രയോ​ജനം എന്താണ്‌? (ചിത്ര​വും കാണുക.)

¹⁷ മത്തായി 5:43, 44-ലെ തത്ത്വം ഇന്ന്‌ നമുക്ക്‌ എങ്ങനെ പ്രാവർത്തി​ക​മാ​ക്കാം? അയൽക്കാ​രോ​ടുള്ള സ്‌നേഹം ഇന്ന്‌ ലോകത്ത്‌ നടക്കുന്ന യുദ്ധങ്ങ​ളി​ലും പോരാ​ട്ട​ങ്ങ​ളി​ലും ഉൾപ്പെ​ടാ​തി​രി​ക്കാൻ നമ്മളെ പ്രേരി​പ്പി​ക്കും. (യശ. 2:4; മീഖ 4:3) മറ്റൊരു രാജ്യ​ത്തു​നി​ന്നോ വംശത്തിൽനി​ന്നോ മത പശ്ചാത്ത​ല​ത്തിൽനി​ന്നോ ഉള്ള ഒരാളാ​ണെ​ങ്കി​ലും അവരോ​ടു നമ്മൾ ദയയോ​ടെ ഇടപെ​ടും. (പ്രവൃ. 10:34, 35) ഇനി, നമ്മളെ​യോ നമ്മൾ സ്‌നേ​ഹി​ക്കു​ന്ന​വ​രെ​യോ ആരെങ്കി​ലും വേദനി​പ്പി​ച്ചാൽ അവരോ​ടു ക്ഷമിക്കാ​നും ഈ സ്‌നേഹം നമ്മളെ പ്രേരി​പ്പി​ക്കും.—മത്താ. 18:21, 22; മർക്കോ. 11:25; ലൂക്കോ. 17:3, 4.

ബൈബിൾത​ത്ത്വ​ങ്ങൾക്കു ചേർച്ച​യിൽ ജീവി​ക്കാൻ തീരു​മാ​നി​ച്ചു​റ​യ്‌ക്കുക

18. (എ) നമ്മൾ തുടർന്നും എന്തു ചെയ്യണം? (ബി) അടുത്ത ലേഖന​ത്തിൽ നമ്മൾ എന്തു ചർച്ച ചെയ്യും?

¹⁸ യഹോവ നമ്മളെ കുട്ടി​ക​ളെ​പ്പോ​ലെ കാണാതെ മുതിർന്ന​വ​രെ​പ്പോ​ലെ കാണു​ന്ന​തിൽ നമ്മൾ എത്ര നന്ദിയു​ള്ള​വ​രാ​ണല്ലേ! നമ്മൾ ജീവി​ത​ത്തിൽ ഓരോ തീരു​മാ​ന​മെ​ടു​ക്കു​മ്പോ​ഴും ബൈബിൾത​ത്ത്വ​ങ്ങൾ പ്രയോ​ജ​ന​പ്പെ​ടു​ത്താൻ യഹോവ ആഗ്രഹി​ക്കു​ന്നു. (1 കൊരി. 14:20) അതു​കൊണ്ട്‌ ഓരോ കാര്യ​ത്തി​ലും “യഹോ​വ​യു​ടെ ഇഷ്ടം എന്താ​ണെന്നു മനസ്സി​ലാ​ക്കാൻ” നമുക്കു തുടർന്നും ശ്രമി​ക്കാം. (എഫെ. 5:17) യഹോ​വ​യു​ടെ ഇഷ്ടത്തിനു ചേർച്ച​യിൽ നമ്മൾ തീരു​മാ​ന​ങ്ങ​ളെ​ടു​ക്കു​ന്നത്‌ യഹോ​വ​യോ​ടുള്ള സ്‌നേ​ഹം​കൊ​ണ്ടാണ്‌, അല്ലാതെ ശിക്ഷ കിട്ടു​മെന്ന പേടി​കൊ​ണ്ടല്ല. ഇനി, തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കുന്ന മറ്റൊരു സമ്മാന​വും​കൂ​ടി​യുണ്ട്‌. അതാണ്‌ നമ്മുടെ മനസ്സാക്ഷി. അതെക്കു​റിച്ച്‌ നമ്മൾ അടുത്ത ലേഖന​ത്തിൽ ചർച്ച ചെയ്യും.