സത്യം ഹൃദ്യ​മാ​യി സംസാ​രി​ക്കു​ക

1. യഹോ​വ​യു​ടെ കുടും​ബ​ത്തി​ന്റെ ഭാഗമാ​യി​രി​ക്കാൻ നമ്മൾ എന്തു ചെയ്യേ​ണ്ട​തുണ്ട്‌?

ആദ്യമാ​യി ഒരു സഹോ​ദ​ര​നെ​യോ സഹോ​ദ​രി​യെ​യോ കാണു​മ്പോൾ നമ്മൾ ചോദി​ക്കുന്ന ഒരു ചോദ്യം ഇതായി​രി​ക്കും: “നിങ്ങൾ എങ്ങനെ​യാണ്‌ സത്യത്തിൽ വന്നത്‌?” ചിലർ പറയും “ഞാൻ സത്യത്തി​ലാണ്‌ വളർന്നു​വ​ന്നത്‌.” മറ്റു ചിലർ “ഞാൻ അടുത്തി​ടെ​യാണ്‌ സത്യത്തി​ലേക്ക്‌ വന്നത്‌” എന്നും പറഞ്ഞേ​ക്കാം. നമ്മൾ എന്തു​കൊ​ണ്ടാണ്‌ അങ്ങനെ​യൊ​ക്കെ ഉത്തരം പറയു​ന്നത്‌? കാരണം ദൈവ​വ​ച​ന​ത്തി​ലെ സത്യം നമ്മു​ടെ​യെ​ല്ലാം ജീവി​ത​ത്തെ​തന്നെ വളരെ​യ​ധി​കം സ്വാധീ​നി​ച്ചി​ട്ടുണ്ട്‌. നമ്മൾ ആ സത്യത്തെ സ്‌നേ​ഹി​ക്കു​ക​യും അതിന​നു​സ​രിച്ച്‌ ജീവി​ക്കു​ക​യും ചെയ്‌താൽ മാത്രമേ യഹോ​വ​യു​ടെ കുടും​ബ​ത്തി​ന്റെ ഭാഗമാ​യി​രി​ക്കാൻ പറ്റൂ എന്ന്‌ നമുക്ക്‌ അറിയാം. അതിൽ, സംസാ​ര​ത്തി​ലും പ്രവൃ​ത്തി​യി​ലും നമ്മൾ സത്യസ​ന്ധ​രാ​യി​രി​ക്കു​ന്നത്‌ ഉൾപ്പെ​ടു​ന്നു.—സങ്കീ. 15:1-3.

2. (എ) യേശു​വി​നെ​ക്കു​റിച്ച്‌ ആളുകൾക്ക്‌ എന്ത്‌ അറിയാ​മാ​യി​രു​ന്നു? (ബി) യേശു പഠിപ്പിച്ച സത്യങ്ങൾ ആളുകളെ എങ്ങനെ സ്വാധീ​നി​ക്കു​മാ​യി​രു​ന്നു?

² യേശു എപ്പോ​ഴും സത്യം സംസാ​രി​ച്ചു. മറ്റുള്ള​വർക്ക്‌ ഇഷ്ടമി​ല്ലാത്ത കാര്യ​ങ്ങ​ളാ​ണെ​ങ്കി​ലും യേശു അത്‌ സത്യസ​ന്ധ​മാ​യി പറയു​മെന്ന്‌ ശത്രു​ക്കൾപ്പോ​ലും സമ്മതിച്ചു. (മത്താ. 22:16) താൻ പഠിപ്പിച്ച സത്യങ്ങൾ ആളുകളെ എങ്ങനെ സ്വാധീ​നി​ക്കു​മെന്ന്‌ കാണി​ക്കാൻ യേശു പറഞ്ഞു: “മകനെ അപ്പനോ​ടും മകളെ അമ്മയോ​ടും മരുമ​കളെ അമ്മായി​യ​മ്മ​യോ​ടും ഭിന്നി​പ്പി​ക്കാ​നാ​ണു ഞാൻ വന്നത്‌.” (മത്താ. 10:35) താനും അനുഗാ​മി​ക​ളും പ്രസം​ഗി​ക്കുന്ന സന്ദേശ​ത്തോട്‌ ആളുകൾ മോശ​മാ​യി പ്രതി​ക​രി​ക്കാൻ യേശു ആഗ്രഹി​ച്ചു എന്നല്ല അതിന്റെ അർഥം; പകരം യേശു ഒരു വസ്‌തുത പറയു​ക​യാ​യി​രു​ന്നു. (മത്താ. 23:37) തന്റെ സന്ദേശം ലോക​ത്തി​ലുള്ള ആളുകളെ രണ്ടു കൂട്ടങ്ങ​ളാ​യി തിരി​ക്കു​മെന്ന്‌ യേശു​വിന്‌ അറിയാ​മാ​യി​രു​ന്നു: ബൈബിൾസ​ത്യ​ത്തെ സ്‌നേ​ഹി​ക്കു​ന്ന​വ​രും സ്‌നേ​ഹി​ക്കാ​ത്ത​വ​രും.—2 തെസ്സ. 2:9-11.

3. നമ്മൾ ഈ ലേഖന​ത്തിൽ എന്തു ചർച്ച ചെയ്യും?

³ യേശു​വി​നെ​പ്പോ​ലെ നമ്മളും എപ്പോ​ഴും സത്യസ​ന്ധ​രാ​യി​രി​ക്കണം. ആളുകൾക്ക്‌ ഇഷ്ടമി​ല്ലാത്ത കാര്യ​ങ്ങ​ളാ​ണെ​ങ്കിൽപ്പോ​ലും നമ്മൾ എപ്പോ​ഴും സത്യം സംസാ​രി​ക്കും. അതു​പോ​ലെ ചിലർക്ക്‌ ഇഷ്ടപ്പെ​ടില്ല എന്ന്‌ അറിയാ​മെ​ങ്കി​ലും നമ്മൾ ബൈബിൾസ​ത്യം പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യുന്നു. അതിന്റെ അർഥം നമ്മൾ സത്യം എപ്പോൾ, എങ്ങനെ പറയുന്നു എന്നതിന്‌ ഒരു ശ്രദ്ധയും കൊടു​ക്കേണ്ടാ എന്നാണോ? ഒരിക്ക​ലു​മല്ല. ഈ ലേഖന​ത്തിൽ നമ്മൾ ആദ്യം ഈ ചോദ്യ​ത്തെ​ക്കു​റിച്ച്‌ ചിന്തി​ക്കും: സത്യം എവിടെ കണ്ടെത്താ​നാ​കും? അതിനു ശേഷം സത്യം എന്തു​കൊണ്ട്‌, എങ്ങനെ, എപ്പോൾ പറയണം എന്ന ചോദ്യ​ങ്ങൾ ചർച്ച ചെയ്യും. ഈ ചോദ്യ​ങ്ങൾക്കുള്ള ഉത്തരം കണ്ടെത്തു​ന്നത്‌ സത്യം ഹൃദ്യ​മാ​യി, അതായത്‌ നയത്തോ​ടെ, ഉചിത​മായ സമയത്ത്‌ സംസാ​രി​ക്കാ​നുള്ള നിങ്ങളു​ടെ കഴിവ്‌ മെച്ച​പ്പെ​ടു​ത്തും.

സത്യം എവിടെ കണ്ടെത്താ​നാ​കും?

4. യഹോവ സത്യത്തി​ന്റെ ഉറവാണ്‌ എന്നു പറയാ​നാ​കു​ന്നത്‌ എന്തു​കൊണ്ട്‌?

⁴ യഹോവ സത്യത്തി​ന്റെ ഉറവാണ്‌. യഹോവ പറയു​ന്ന​തെ​ല്ലാം സത്യമാണ്‌. ഉദാഹ​ര​ണ​ത്തിന്‌, ശരി​യേത്‌ തെറ്റേത്‌ എന്നതി​നെ​ക്കു​റിച്ച്‌ യഹോവ പറഞ്ഞി​രി​ക്കുന്ന കാര്യ​ങ്ങ​ളെ​ല്ലാം സത്യമാണ്‌. (സങ്കീ. 19:9; 119:142, 151) ഭാവി​യെ​ക്കു​റിച്ച്‌ യഹോവ പറയുന്ന കാര്യ​ങ്ങ​ളെ​ല്ലാം സത്യമാ​യി​ത്തീ​രു​ന്നു. (യശ. 55:10, 11) യഹോവ ഒരിക്ക​ലും വാക്കു മാറ്റില്ല. (സംഖ്യ 23:19) വാസ്‌ത​വ​ത്തിൽ, നുണ പറയുക എന്നത്‌ ദൈവ​ത്തിന്‌ പറ്റാത്ത ഒരു കാര്യ​മാണ്‌. (എബ്രാ. 6:18) യഹോ​വയെ ‘സത്യത്തി​ന്റെ ദൈവം’ എന്ന്‌ വിളി​ക്കു​ന്നത്‌ എന്തു​കൊ​ണ്ടും ഉചിത​മല്ലേ?—സങ്കീ. 31:5.

5. ദൈവ​ത്തെ​ക്കു​റിച്ച്‌ അറിയാൻ ബുദ്ധി​മു​ട്ടില്ല എന്നു പറയു​ന്നത്‌ എന്തു​കൊണ്ട്‌? വിശദീ​ക​രി​ക്കുക. (പ്രവൃ​ത്തി​കൾ 17:27)

⁵ പല ആളുക​ളും പറയു​ന്നത്‌ യഹോവ ഇല്ലെന്നും, ഇനി ഉണ്ടെങ്കിൽത്തന്നെ യഹോ​വ​യെ​ക്കു​റിച്ച്‌ അറിയാൻ ബുദ്ധി​മു​ട്ടാ​ണെ​ന്നും ആണ്‌. എന്നാൽ അതു സത്യമല്ല. ദൈവ​മുണ്ട്‌ എന്നതിന്റെ തെളി​വു​കൾ നമുക്ക്‌ ചുറ്റു​മുണ്ട്‌. (റോമ. 1:20) ഇനി, ആതൻസി​ലെ വിദ്യാ​സ​മ്പ​ന്ന​രായ ഒരു കൂട്ടം ഗ്രീക്കു​കാ​രോട്‌ സംസാ​രി​ച്ച​പ്പോൾ ‘മനുഷ്യർ തന്നെ കണ്ടെത്താൻ ദൈവം ആഗ്രഹി​ക്കു​ന്നു’ എന്നും “ദൈവം നമ്മിൽ ആരിൽനി​ന്നും അകന്നി​രി​ക്കു​ന്നില്ല” എന്നും പൗലോസ്‌ പറഞ്ഞു. (പ്രവൃ​ത്തി​കൾ 17:27 വായി​ക്കുക.) ശരിക്കും​പ​റ​ഞ്ഞാൽ, സത്യം അന്വേ​ഷി​ക്കുന്ന താഴ്‌മ​യുള്ള ആളുകളെ യഹോവ തന്നി​ലേക്ക്‌ ആകർഷി​ക്കു​ക​യാണ്‌ ചെയ്യു​ന്നത്‌.—യോഹ. 6:44.

6. ബൈബി​ളി​ലുള്ള ചില സത്യങ്ങൾ എന്തൊ​ക്കെ​യാണ്‌, ആ സത്യങ്ങൾ അറിയാൻ കഴിഞ്ഞത്‌ നിങ്ങൾ വിലമ​തി​ക്കു​ന്നത്‌ എന്തു​കൊണ്ട്‌?

⁶ യഹോ​വയെ കണ്ടെത്താൻ കഴിയുന്ന ഒരു വിധം ബൈബിൾ പഠിക്കു​ന്ന​താണ്‌. ബൈബി​ളെ​ഴു​ത്തു​കാർ ദൈവാ​ത്മാ​വി​നാൽ പ്രചോ​ദി​ത​മാ​യി​ട്ടാണ്‌ അത്‌ എഴുതി​യത്‌. (2 പത്രോ. 1:20, 21) അതു​കൊ​ണ്ടു​തന്നെ ബൈബിൾ പറയു​ന്ന​തെ​ല്ലാം സത്യമാണ്‌; അത്‌ ആശ്രയ​യോ​ഗ്യ​വു​മാണ്‌. ബൈബി​ളിൽ കാണുന്ന അത്തരം ചില സത്യങ്ങ​ളെ​ക്കു​റിച്ച്‌ നോക്കാം. ഉദാഹ​ര​ണ​ത്തിന്‌, പ്രപഞ്ച​ത്തി​ന്റെ തുടക്ക​ത്തെ​ക്കു​റി​ച്ചും ഭൂമി​യിൽ ജീവൻ വന്നതി​നെ​ക്കു​റി​ച്ചും അത്‌ പറയുന്നു. (ഉൽപ. 1:1, 26) നമ്മൾ പാപം ചെയ്യു​ന്ന​തും, ഭൂമി​യിൽ ഇത്രയ​ധി​കം കഷ്ടപ്പാ​ടും മരണവും ഉള്ളതും എന്തു​കൊ​ണ്ടാ​ണെന്ന്‌ ബൈബിൾ വിശദീ​ക​രി​ക്കു​ന്നു. (റോമ. 5:12; 6:23) യഹോവ തന്റെ മകനി​ലൂ​ടെ, ‘നുണയു​ടെ അപ്പനായ’ സാത്താൻ വരുത്തി​വെച്ച എല്ലാ പ്രശ്‌ന​ങ്ങ​ളും ഇല്ലാതാ​ക്കു​മെന്ന്‌ അത്‌ ഉറപ്പു തരുന്നു. (യോഹ. 8:44; റോമ. 16:20) യേശു ദുഷ്ടന്മാ​രെ നശിപ്പി​ക്കു​ക​യും മരിച്ച​വരെ ഉയിർപ്പി​ക്കു​ക​യും ഭൂമി വീണ്ടും പറുദീ​സ​യാ​ക്കു​ക​യും പൂർണ​രാ​കാൻ നമ്മളെ സഹായി​ക്കു​ക​യും ചെയ്യും എന്ന്‌ ബൈബിൾ വാഗ്‌ദാ​നം ചെയ്യുന്നു. (യോഹ. 11:25, 26; 1 യോഹ. 3:8) ഇതെല്ലാം നമുക്ക്‌ പൂർണ​മാ​യും വിശ്വ​സി​ക്കാ​നാ​കുന്ന സത്യങ്ങ​ളാണ്‌. യഹോവ ഈ സത്യങ്ങൾ നമ്മളെ പഠിപ്പി​ച്ചി​രി​ക്കു​ന്ന​തും മറ്റുള്ള​വരെ പഠിപ്പി​ക്കാ​നാ​യി നമുക്ക്‌ അവസരം തന്നിരി​ക്കു​ന്ന​തും എത്ര വലി​യൊ​രു കാര്യ​മാണ്‌!—മത്താ. 28:19, 20.

നമ്മൾ സത്യം സംസാ​രി​ക്കു​ന്നത്‌ എന്തു​കൊണ്ട്‌?

7-8. എന്തു​കൊണ്ട്‌ നമ്മൾ സത്യം സംസാ​രി​ക്കു​ന്നു എന്നത്‌ പ്രധാ​ന​മാ​ണോ? ഒരു ഉദാഹ​രണം പറയുക. (മർക്കോസ്‌ 3:11, 12) (ചിത്ര​ങ്ങ​ളും കാണുക.)

⁷ മുമ്പ്‌ കണ്ടതു​പോ​ലെ യഹോ​വ​യു​ടെ കുടും​ബ​ത്തി​ന്റെ ഭാഗമാ​യി​രി​ക്കാൻ നമ്മൾ സത്യം സംസാ​രി​ക്കണം. എന്നാൽ യഹോ​വയെ സന്തോ​ഷി​പ്പി​ക്കാൻ അതുമാ​ത്രം പോരാ. നമ്മൾ സത്യം സംസാ​രി​ക്കു​ന്നത്‌ എന്തു​കൊ​ണ്ടാണ്‌ എന്നതും യഹോ​വ​യ്‌ക്ക്‌ പ്രധാ​ന​മാണ്‌. ഭൂമി​യിൽ യേശു​വി​ന്റെ ശുശ്രൂ​ഷ​യു​ടെ സമയത്ത്‌ നടന്ന ഒരു സംഭവം നോക്കാം. (മർക്കോസ്‌ 3:11, 12 വായി​ക്കുക.) ഗലീല​ക്ക​ട​ലിന്‌ അടുത്ത്‌ യേശു പ്രസം​ഗി​ച്ചി​രുന്ന ഒരു സമയത്ത്‌, ഒരു വലിയ ജനക്കൂട്ടം യേശു​വി​ന്റെ ചുറ്റും ഉണ്ടായി​രു​ന്നു. ആ കൂട്ടത്തിൽ ഭൂതബാ​ധി​ത​രായ ചില ആളുക​ളു​മു​ണ്ടാ​യി​രു​ന്നു. അവർ യേശു​വി​ന്റെ മുന്നിൽ വീണ്‌ ഇങ്ങനെ വിളി​ച്ചു​പ​റഞ്ഞു: “നീ ദൈവ​പു​ത്ര​നാണ്‌.” എന്തു​കൊ​ണ്ടാണ്‌ യേശു​വി​നെ​ക്കു​റി​ച്ചുള്ള ഈ സത്യം ഭൂതങ്ങൾ പറഞ്ഞത്‌? അവി​ടെ​യു​ണ്ടാ​യി​രു​ന്ന​വ​രു​ടെ വിശ്വാ​സം നേടി​യെ​ടു​ത്തിട്ട്‌ അവരെ യഹോ​വ​യിൽനിന്ന്‌ അകറ്റുക എന്നതാ​യി​രു​ന്നി​രി​ക്കാം ആ ഭൂതങ്ങ​ളു​ടെ ലക്ഷ്യം. അവർ പറഞ്ഞ കാര്യം സത്യമാ​യി​രു​ന്നെ​ങ്കി​ലും അവരുടെ ഉദ്ദേശ്യം സ്വാർഥ​മാ​യി​രു​ന്നു. അതു​കൊ​ണ്ടു​തന്നെ അവർ പറഞ്ഞത്‌ യേശു​വി​നെ സന്തോ​ഷി​പ്പി​ച്ചില്ല. തന്നെക്കു​റിച്ച്‌ പ്രസം​ഗി​ക്ക​രു​തെന്ന്‌ യേശു അവരോട്‌ കർശന​മാ​യി പറഞ്ഞു.

⁸ ഈ വിവര​ണ​ത്തിൽനിന്ന്‌ നമ്മൾ പഠിക്കുന്ന പാഠം എന്താണ്‌? നമ്മൾ സത്യം സംസാ​രി​ക്കു​ന്ന​തിന്‌ പിന്നിലെ ഉദ്ദേശ്യം യഹോവ ശ്രദ്ധി​ക്കു​ന്നുണ്ട്‌. നമ്മൾ മറ്റുള്ള​വരെ ബൈബിൾസ​ത്യം പഠിപ്പി​ക്കു​ന്നത്‌ യഹോ​വ​യോ​ടുള്ള സ്‌നേ​ഹം​കൊ​ണ്ടാ​യി​രി​ക്കണം. മഹത്ത്വം നമ്മളി​ലേക്കു വരാതെ യഹോ​വ​യി​ലേക്കു തിരി​ച്ചു​വി​ടാൻ പ്രത്യേ​കം ശ്രദ്ധി​ക്കണം.—മത്താ. 5:16; പ്രവൃ​ത്തി​കൾ 14:12-15 താരത​മ്യം ചെയ്യുക.

9. നമ്മൾ എന്തു ചെയ്യു​ന്നത്‌ ഒഴിവാ​ക്കണം, എന്തു​കൊണ്ട്‌?

⁹ നമ്മളി​ലേക്ക്‌ അനാവ​ശ്യ​ശ്രദ്ധ വരുത്തുന്ന മറ്റൊരു സാഹച​ര്യം നോക്കാം. ഉത്തരവാ​ദി​ത്വ​പ്പെട്ട ഒരു സഹോ​ദരൻ രഹസ്യ​മാ​ക്കി​വെ​ക്കേണ്ട ഒരു കാര്യം ചില കാരണ​ങ്ങൾകൊണ്ട്‌ നമ്മളെ അറിയി​ക്കു​ന്നു എന്നിരി​ക്കട്ടെ. അത്‌ നമ്മൾ മറ്റുള്ള​വ​രോട്‌ പറയു​ന്നെ​ങ്കി​ലോ? നമ്മൾ പറഞ്ഞതു​പോ​ലെ തന്നെയാ​യി​രു​ന്നു കാര്യങ്ങൾ എന്ന്‌ അവർ പിന്നീട്‌ മനസ്സി​ലാ​ക്കു​മ്പോൾ അവർക്ക്‌ നമ്മളോ​ടുള്ള മതിപ്പ്‌ കൂടി​യേ​ക്കാം. നമുക്ക്‌ രഹസ്യ​സ്വ​ഭാ​വ​മുള്ള പല വിവര​ങ്ങ​ളും അറിയാം എന്ന്‌ അവർ ചിന്തി​ക്കും. അത്‌ നമ്മളെ അവരുടെ മുമ്പിൽ ഉയർത്തു​മെ​ങ്കി​ലും യഹോ​വ​യു​ടെ മുമ്പാകെ ഉയർത്തില്ല. (സുഭാ. 11:13) കാരണം, നമ്മൾ സത്യമാണ്‌ പറഞ്ഞ​തെ​ങ്കി​ലും അത്‌ മറ്റുള്ള​വ​രോട്‌ പറയാ​നുള്ള അധികാ​രം നമുക്കി​ല്ലാ​യി​രു​ന്നു. മാത്രമല്ല, നമ്മൾ അത്‌ പറഞ്ഞതി​ന്റെ പിന്നിലെ ഉദ്ദേശ്യ​വും ശരിയാ​യി​രു​ന്നില്ല.

സത്യം സംസാ​രി​ക്കേ​ണ്ടത്‌ എങ്ങനെ?

10. ‘ഹൃദ്യ​മായ’ സംസാരം എന്നാൽ എന്താണ്‌? (കൊ​ലോ​സ്യർ 4:6)

¹⁰ കൊ​ലോ​സ്യർ 4:6 വായി​ക്കുക. അപ്പോ​സ്‌ത​ല​നായ പൗലോസ്‌ കൊ​ലോ​സ്യ​യി​ലുള്ള ക്രിസ്‌ത്യാ​നി​ക​ളോട്‌ അവരുടെ സംസാരം ‘എപ്പോ​ഴും ഹൃദ്യ​മാ​യി​രി​ക്കണം’ എന്നു പറഞ്ഞു. എന്താണ്‌ അതിന്റെ അർഥം? ഹൃദ്യ​മാ​യി​രി​ക്കട്ടെ എന്നതിന്റെ ഗ്രീക്കു പദപ്ര​യോ​ഗം സൂചി​പ്പി​ക്കു​ന്നത്‌ നമ്മുടെ സംസാരം മറ്റുള്ള​വർക്ക്‌ പ്രയോ​ജനം ചെയ്യു​ന്നത്‌ മാത്രമല്ല അത്‌ ദയയു​ള്ള​തും ആകർഷ​ക​വും ആയിരി​ക്കണം എന്നാണ്‌.

11-12. നമ്മൾ സത്യം ശ്രദ്ധ​യോ​ടെ പഠിപ്പി​ക്കേ​ണ്ടത്‌ എന്തു​കൊണ്ട്‌? ഒരു ദൃഷ്ടാന്തം പറയുക. (ചിത്ര​ങ്ങ​ളും കാണുക.)

¹¹ മറ്റുള്ള​വരെ ബൈബിൾസ​ത്യം പഠിപ്പി​ക്കു​മ്പോൾ ഹൃദ്യ​മാ​യി സംസാ​രി​ക്കാ​നുള്ള പൗലോ​സി​ന്റെ ഉപദേശം നമ്മൾ അനുസ​രി​ക്കണം. ഒരാളു​ടെ ദേഹി​യെ​യും ആത്മാവി​നെ​യും വേർതി​രി​ക്കാൻ കഴിയുന്ന, മൂർച്ച​യുള്ള വാളു​പോ​ലെ​യാണ്‌ ബൈബിൾസ​ത്യ​ങ്ങൾ എന്ന്‌ ബൈബിൾതന്നെ സമ്മതി​ക്കു​ന്നു. അതിന്റെ അർഥം ഒരാളു​ടെ ഉള്ളിൽ മറഞ്ഞി​രി​ക്കുന്ന വികാ​ര​ങ്ങ​ളെ​യും ശരിക്കുള്ള ഉദ്ദേശ്യ​ങ്ങ​ളെ​യും പുറത്തു​കൊ​ണ്ടു​വ​രാൻ അതിന്‌ കഴിയു​മെ​ന്നാണ്‌. (എബ്രാ. 4:12) എന്നാൽ നമ്മൾ ബൈബിൾ വിദഗ്‌ധ​മാ​യി ഉപയോ​ഗി​ച്ചി​ല്ലെ​ങ്കിൽ അത്‌ അനാവ​ശ്യ​മാ​യി ആളുകളെ വിഷമി​പ്പി​ക്കു​ക​യും വേണ്ടാത്ത തർക്കങ്ങ​ളി​ലേക്ക്‌ നയിക്കു​ക​യും ചെയ്‌തേ​ക്കാം. അത്‌ എങ്ങനെ​യാ​യി​രി​ക്കും സംഭവി​ക്കു​ന്ന​തെന്ന്‌ നോക്കാം.

¹² ഈ സാഹച​ര്യം ഒന്നു ഭാവന​യിൽ കാണുക. നിങ്ങൾ ശുശ്രൂ​ഷ​യിൽ ആയിരി​ക്കു​മ്പോൾ വിഗ്ര​ഹ​ങ്ങ​ളോട്‌ പതിവാ​യി പ്രാർഥി​ക്കുന്ന, കുടും​ബാം​ഗ​ങ്ങ​ളോ​ടൊ​പ്പം ക്രിസ്‌തു​മ​സ്സും ഈസ്റ്ററും ഒക്കെ ആഘോ​ഷി​ക്കാൻ ഇഷ്ടപ്പെ​ടുന്ന ആത്മാർഥ​ത​യുള്ള ഒരു മനുഷ്യ​നെ കാണുന്നു. ജീവനി​ല്ലാത്ത വിഗ്ര​ഹ​ങ്ങ​ളോട്‌ പ്രാർഥി​ക്കു​ന്നത്‌ മണ്ടത്തര​മാ​ണെ​ന്നും ക്രിസ്‌തു​മ​സ്സും ഈസ്റ്ററും ഒക്കെ വ്യാജ​മ​ത​ങ്ങ​ളിൽനിന്ന്‌ വന്ന ആഘോ​ഷ​ങ്ങ​ളാ​ണെ​ന്നും നിങ്ങൾക്ക്‌ ബൈബിൾ ഉപയോ​ഗിച്ച്‌ തെളി​യി​ക്കാൻ കഴിയും. (യശ. 44:14-20; 2 കൊരി. 6:14-17) എന്നാൽ ആദ്യസ​ന്ദർശ​ന​ത്തിൽത്തന്നെ അങ്ങനെ ചെയ്യു​ന്നെ​ങ്കിൽ, നിങ്ങൾ സത്യം പറയു​ക​യാ​യി​രി​ക്കും; പക്ഷേ നിങ്ങൾ ദൈവ​വ​ചനം വിദഗ്‌ധ​മാ​യി ഉപയോ​ഗി​ച്ചെന്ന്‌ പറയാൻ കഴിയില്ല.

13. നമ്മുടെ വാക്കുകൾ ഉപ്പു ചേർത്ത്‌ രുചി​വ​രു​ത്തി​യ​തു​പോ​ലെ ആകാൻ എന്തു ചെയ്യാം?

¹³ ഉപ്പു ചേർത്ത്‌ രുചി​വ​രു​ത്തി​യ​തു​പോ​ലെ സംസാ​രി​ക്ക​ണ​മെ​ന്നും പൗലോസ്‌ പറഞ്ഞു. നമ്മൾ സത്യം വളച്ചൊ​ടി​ക്ക​ണ​മെ​ന്നോ മറച്ചു​വ​യ്‌ക്ക​ണ​മെ​ന്നോ അല്ല പൗലോസ്‌ അർഥമാ​ക്കി​യത്‌. പകരം കേൾവി​ക്കാ​രു​ടെ “രുചി” അനുസ​രിച്ച്‌ അതായത്‌, അവർക്ക്‌ ആകർഷ​ക​മായ രീതി​യിൽ സത്യം സംസാ​രി​ക്കണം എന്നാണ്‌ പൗലോസ്‌ ഉദ്ദേശി​ച്ചത്‌. (ഇയ്യോ. 12:11) അങ്ങനെ ചെയ്യു​ന്നത്‌ അത്ര എളുപ്പ​മാ​യി​രി​ക്ക​ണ​മെ​ന്നില്ല. ഭക്ഷണത്തി​ന്റെ കാര്യം എടുത്താൽ, നമുക്ക്‌ രുചി​യാ​യി തോന്നുന്ന ഭക്ഷണം മറ്റുള്ള​വർക്കും ഇഷ്ടപ്പെ​ടും എന്ന്‌ നമ്മൾ ചിന്തി​ച്ചേ​ക്കാം. സംസാ​ര​ത്തി​ന്റെ കാര്യ​ത്തി​ലും അങ്ങനെ തോന്നാൻ സാധ്യ​ത​യുണ്ട്‌. നമുക്ക്‌ നല്ലതെന്ന്‌ തോന്നുന്ന ഒരു സംസാ​ര​രീ​തി മറ്റുള്ള​വർക്ക്‌ ആകർഷ​ക​മാ​യി​രി​ക്കു​മെന്ന്‌ നമ്മൾ ചിന്തി​ക്കും. പക്ഷേ അത്‌ അങ്ങനെ ആയിരി​ക്ക​ണ​മെ​ന്നില്ല. ഉദാഹ​ര​ണ​ത്തിന്‌, ചില സംസ്‌കാ​ര​ങ്ങ​ളി​ലു​ള്ളവർ തങ്ങളുടെ അഭി​പ്രാ​യം, ഉള്ളത്‌ ഉള്ളതു​പോ​ലെ നേരിട്ട്‌ പറയും; അതി​പ്പോൾ അവരെ​ക്കാൾ മുതിർന്ന​വ​രോട്‌ ആണെങ്കിൽപ്പോ​ലും. എന്നാൽ വേറെ സംസ്‌കാ​ര​ങ്ങ​ളി​ലു​ള്ള​വർക്ക്‌ അത്‌ കേൾക്കു​മ്പോൾ ഇഷ്ടപ്പെ​ട​ണ​മെ​ന്നില്ല. അത്‌ മര്യാ​ദ​കേ​ടാ​യി​പ്പോ​ലും അവർക്ക്‌ തോന്നി​യേ​ക്കാം. പൗലോസ്‌ പറഞ്ഞത്‌ ‘ഓരോ​രു​ത്തർക്കും എങ്ങനെ മറുപടി കൊടു​ക്ക​ണ​മെന്നു അറിഞ്ഞി​രി​ക്കണം’ എന്നാണ്‌. അതിന്റെ അർഥം നമ്മുടെ ഇഷ്ടമോ സംസ്‌കാ​ര​മോ അനുസ​രി​ച്ചല്ല, കേൾവി​ക്കാ​രന്റെ ഇഷ്ടമനു​സ​രിച്ച്‌ വാക്കു​കൾക്ക്‌ രുചി വരുത്ത​ണ​മെ​ന്നാണ്‌.

സത്യം സംസാ​രി​ക്കേ​ണ്ടത്‌ എപ്പോൾ?

14. ഭൂമി​യി​ലാ​യി​രു​ന്ന​പ്പോൾ തനിക്ക്‌ അറിയാ​വുന്ന എല്ലാ കാര്യ​ങ്ങ​ളും യേശു ശിഷ്യ​ന്മാ​രെ പഠിപ്പി​ച്ചോ? വിശദീ​ക​രി​ക്കുക.

¹⁴ യേശു എപ്പോ​ഴും തന്റെ അനുഗാ​മി​ക​ളോട്‌ ഹൃദ്യ​മാ​യി സംസാ​രി​ച്ചു. അവരെ ദയയോ​ടെ പല കാര്യ​ങ്ങ​ളും പഠിപ്പി​ച്ചു. (മർക്കോ. 6:34) എന്നാൽ അവർക്ക്‌ ഇനിയും കുറെ പഠിക്കാ​നു​ണ്ടാ​യി​രു​ന്നു. തനിക്ക്‌ അറിയാ​വുന്ന എല്ലാ കാര്യ​ങ്ങ​ളും അവരെ അപ്പോൾത്തന്നെ പഠിപ്പി​ക്കാൻ യേശു ശ്രമി​ച്ചില്ല. അവരുടെ പരിമി​തി​ക​ളെ​ക്കു​റിച്ച്‌ യേശു ചിന്തിച്ചു. ചില സത്യങ്ങൾ അവരെ അറിയി​ക്കാ​നുള്ള സമയമാ​യി​ട്ടില്ല എന്ന്‌ യേശു​വിന്‌ അറിയാ​മാ​യി​രു​ന്നു. ആ സത്യങ്ങൾ അവർക്ക്‌ ഉൾക്കൊ​ള്ളാൻ പറ്റി​ല്ലെന്ന്‌ യേശു ഒരിക്കൽ പറയു​ക​പോ​ലും ചെയ്‌തു. (യോഹ. 16:12) ഇത്‌ നമ്മളെ എന്താണ്‌ പഠിപ്പി​ക്കു​ന്നത്‌?

15. നമുക്ക്‌ അറിയാ​വു​ന്ന​തെ​ല്ലാം ഒറ്റയടിക്ക്‌ ബൈബിൾവി​ദ്യാർഥി​കളെ പഠിപ്പി​ക്ക​ണോ? വിശദീ​ക​രി​ക്കുക. (സുഭാ​ഷി​തങ്ങൾ 25:11) (ചിത്ര​വും കാണുക.)

¹⁵ യേശു​വി​ന്റെ മാതൃക നമുക്ക്‌ എങ്ങനെ അനുക​രി​ക്കാം? സത്യം അറിയാം എന്നതു​കൊണ്ട്‌, നമുക്ക്‌ അറിയാ​വുന്ന എല്ലാ കാര്യ​ങ്ങ​ളും ഒറ്റയടിക്ക്‌ മറ്റുള്ള​വരെ പഠിപ്പി​ക്കണം എന്നില്ല. നമ്മൾ ആളുക​ളു​ടെ സാഹച​ര്യം കണക്കി​ലെ​ടു​ക്കണം. കുടും​ബ​ത്തോ​ടൊ​പ്പം ക്രിസ്‌തു​മ​സ്സും ഈസ്റ്ററും ആഘോ​ഷി​ക്കാൻ ഇഷ്ടപ്പെ​ടുന്ന ആ വ്യക്തി​യെ​ക്കു​റിച്ച്‌ നമുക്ക്‌ ഒന്നുകൂ​ടി ചിന്തി​ക്കാം. ക്രിസ്‌തു​മ​സ്സിന്‌ ഒന്നോ രണ്ടോ ആഴ്‌ച മുമ്പ്‌ ആ വ്യക്തി​യോ​ടൊ​പ്പം നിങ്ങൾ ബൈബിൾപ​ഠനം തുടങ്ങി​യി​രി​ക്കു​ക​യാണ്‌. അത്തരം ആചാരങ്ങൾ വ്യാജ​മ​ത​ങ്ങ​ളിൽനിന്ന്‌ ഉത്ഭവി​ച്ച​വ​യാ​ണെ​ന്നും ദൈവം അത്‌ അംഗീ​ക​രി​ക്കു​ന്നി​ല്ലെ​ന്നും നമുക്ക്‌ അറിയാം. എന്നാൽ ആ വ്യക്തി ക്രിസ്‌തു​മസ്സ്‌ ആഘോ​ഷി​ക്കു​ന്നത്‌ പെട്ടെ​ന്നു​തന്നെ നിറു​ത്തു​മെന്ന്‌ പ്രതീ​ക്ഷി​ച്ചു​കൊണ്ട്‌ അവ തിരു​വെ​ഴു​ത്തു​വി​രു​ദ്ധ​മാ​ണെന്ന്‌ അപ്പോൾത്തന്നെ കാണി​ച്ചു​കൊ​ടു​ത്താൽ അവരോട്‌ നമ്മൾ ഹൃദ്യ​മാ​യി സംസാ​രി​ക്കു​ക​യാ​യി​രി​ക്കു​മോ? ചില വിദ്യാർഥി​കൾ ബൈബി​ളിൽനിന്ന്‌ പഠിച്ച കാര്യങ്ങൾ പെട്ടെ​ന്നു​തന്നെ അനുസ​രി​ക്കു​മെ​ന്നത്‌ ശരിയാണ്‌. എന്നാൽ മറ്റു ചിലർക്ക്‌ അവരുടെ ചിന്തകൾക്കും പ്രവൃ​ത്തി​കൾക്കും മാറ്റം വരുത്താൻ സമയം വേണ്ടി​വ​രും. അതു​കൊണ്ട്‌ വിദ്യാർഥി​കൾ അറിയേണ്ട കാര്യങ്ങൾ ഉചിത​മായ സമയത്ത്‌ അതായത്‌, അവർക്ക്‌ ഉൾക്കൊ​ള്ളാൻ പറ്റുന്ന സമയത്ത്‌ അവരോട്‌ പറയു​ന്നെ​ങ്കിൽ നമ്മൾ അവരെ പുരോ​ഗ​മി​ക്കാൻ സഹായി​ക്കു​ക​യാ​യി​രി​ക്കും.—സുഭാ​ഷി​തങ്ങൾ 25:11 വായി​ക്കുക.

16. ‘സത്യത്തിൽ നടക്കാൻ’ ബൈബിൾവി​ദ്യാർഥി​കളെ എങ്ങനെ സഹായി​ക്കാം?

¹⁶ യഹോ​വ​യെ​ക്കു​റി​ച്ചുള്ള സത്യം മറ്റുള്ള​വരെ പഠിപ്പി​ക്കു​ന്നത്‌ എത്രയ​ധി​കം സന്തോഷം തരുന്ന ഒരു കാര്യ​മാണ്‌! ‘സത്യത്തിൽ നടക്കു​ന്ന​തിന്‌’ അവരെ സഹായി​ക്കാൻ ഇക്കാര്യ​ങ്ങൾ നമുക്ക്‌ ചെയ്യാം: എപ്പോ​ഴും അവർക്ക്‌ നല്ല ഒരു മാതൃ​ക​യാ​യി​രി​ക്കുക. (3 യോഹ. 3, 4) ദൈവ​വ​ച​ന​ത്തി​ലെ വാഗ്‌ദാ​നങ്ങൾ നിങ്ങൾ വിശ്വ​സി​ക്കു​ന്നു എന്ന്‌ നിങ്ങളു​ടെ ജീവി​ത​ത്തി​ലൂ​ടെ അവർ കാണട്ടേ. ഇനി, ശരിയായ ഉദ്ദേശ്യ​ത്തോ​ടെ​യാ​യി​രി​ക്കണം നിങ്ങൾ സത്യം സംസാ​രി​ക്കു​ന്നത്‌. മറ്റുള്ള​വരെ സത്യം പഠിപ്പി​ക്കു​മ്പോൾ ഉചിത​മായ സമയത്ത്‌, ദയയോ​ടെ​യുള്ള വാക്കുകൾ ഉപയോ​ഗി​ച്ചു​കൊണ്ട്‌ ഹൃദ്യ​മാ​യി സംസാ​രി​ക്കുക. അതു​പോ​ലെ മഹത്ത്വം യഹോ​വ​യ്‌ക്കാണ്‌ കിട്ടു​ന്ന​തെന്ന്‌ ഉറപ്പു​വ​രു​ത്തുക. ഇങ്ങനെ​യൊ​ക്കെ ചെയ്യു​മ്പോൾ സത്യത്തി​ന്റെ ദൈവ​മായ യഹോ​വ​യെ​യാണ്‌ നിങ്ങൾ ആരാധി​ക്കു​ന്ന​തെന്നു തെളി​യി​ക്കു​ക​യാ​യി​രി​ക്കും.