ക്രിസ്ത്യാനികളായി ജീവിക്കാം
“സ്നേഹം . . . എല്ലാം പ്രത്യാശിക്കുന്നു”
നമുക്കു നിസ്വാർഥസ്നേഹം ഉണ്ടെങ്കിൽ, നമ്മുടെ സഹോദരങ്ങൾ നല്ല തീരുമാനങ്ങൾ എടുക്കുമെന്ന് നമ്മൾ പ്രത്യാശിക്കും. (1കൊ 13:4, 7) ഉദാഹരണത്തിന്, തെറ്റ് ചെയ്ത ഒരു സഹോദരനു ശിക്ഷണം കിട്ടുമ്പോൾ, ലഭിച്ച നിർദേശങ്ങൾ അനുസരിച്ച് അദ്ദേഹം മാറ്റങ്ങൾ വരുത്തുമെന്നു നമ്മൾ പ്രതീക്ഷിക്കും. ദുർബലമായ വിശ്വാസം ഉള്ളവരോടു നമ്മൾ ക്ഷമ കാണിക്കും, അവരെ സഹായിക്കും. (റോമ 15:1) ഇനി ഒരാൾ സഭ വിട്ടുപോയാലും, അദ്ദേഹം വീണ്ടും മടങ്ങിവരുമെന്ന പ്രതീക്ഷ നമ്മൾ വിട്ടുകളയില്ല.—ലൂക്ക 15:17, 18.
സ്നേഹം എങ്ങനെ പെരുമാറുന്നു—എല്ലാം പ്രത്യാശിക്കുന്നു എന്ന വീഡിയോ കാണുക. എന്നിട്ട് ഈ ചോദ്യങ്ങൾക്ക് ഉത്തരം കണ്ടെത്തുക:
മുമ്പത്തേതിൽനിന്നും അബ്നേരിന് ഇപ്പോൾ എന്തു മാറ്റമാണുണ്ടായത്?
അബ്നേരിന്റെ അപേക്ഷയോട് ദാവീദും യോവാബും ഏതു വ്യത്യസ്തവിധങ്ങളിലാണ് പ്രതികരിച്ചത്?
നമ്മുടെ സഹോദരങ്ങൾ ശരിയായതു ചെയ്യുമെന്ന് പ്രതീക്ഷിക്കേണ്ടത് എന്തുകൊണ്ട്?