ശുശ്രൂഷയിലെ നമ്മുടെ വൈദഗ്ധ്യം വർധിപ്പിക്കുക—നല്ല പഠനശീലങ്ങൾ വളർത്തിയെടുക്കാൻ ബൈബിൾ വിദ്യാർഥികളെ പരിശീലിപ്പിച്ചുകൊണ്ട്
എന്തുകൊണ്ട് പ്രധാനം: ആത്മീയ പക്വതയിലേക്കു വളരണമെങ്കിൽ ബൈബിൾ വിദ്യാർഥികൾ അവരുടെ മനസ്സിനെയും ഹൃദയത്തെയും ദൈവവചനത്തിന്റെ അടിസ്ഥാന ഉപദേശങ്ങൾക്കുപുറമെ കൂടുതലായി പോഷണം ആവശമാണ്. (എബ്രാ. 5:12–6:1) പഠനത്തിന് ശ്രമം ആവശ്യമാണ്. അതിൽ ഉൾപ്പെട്ടിരിക്കുന്നത്, നമുക്ക് ഇപ്പോൾത്തന്നെ അറിയാവുന്നതിനോടു പുതിയ വിവരങ്ങൾ ബന്ധിപ്പിച്ച് അതിന്റെ പ്രായോഗിക മൂല്യം വിവേചിക്കുന്നതാണ്. (സദൃ. 2:1-6) വ്യക്തിപരമായി ഗവേഷണം നടത്താൻ പഠിക്കുന്നത് നമ്മുടെ ക്രിസ്തീയ പ്രസിദ്ധീകരണങ്ങൾ ഉപയോഗിച്ച് ബൈബിൾ ചോദ്യങ്ങൾക്ക് ഉത്തരം നൽകാൻ വിദ്യാർഥികളെ പ്രാപ്തരാക്കും. അവർ പഠിക്കുന്നത് ബാധകമാക്കാൻ ആത്മാർഥ ശ്രമം നടത്തുന്നത് ക്രിസ്ത്യാനി എന്ന നിലയിൽ അഭിമുഖീകരിക്കുന്ന പരിശോധനകൾ സഹിച്ചുനിൽക്കാൻ അവരെ പ്രാപ്തരാക്കും. (ലൂക്കോ. 6:47, 48)
മാസത്തിലുടനീളം ഇതു പരീക്ഷിക്കുക:
ഓരോ ഉപതലക്കെട്ടിന്റെയും അധ്യായത്തിന്റെയും അവസാനം, പഠിച്ച കാര്യങ്ങൾ ചുരുങ്ങിയ വാക്കുകളിൽ പറയാൻ വിദ്യാർഥിയെ പ്രോത്സാഹിപ്പിക്കുക. എന്നാൽ നിങ്ങൾക്ക് ഒരു ബൈബിൾ വിദ്യാർഥി ഇല്ലെങ്കിൽ, ബൈബിളിൽനിന്നോ വീക്ഷാഗോപുരത്തിൽനിന്നോ ഒരു ഖണ്ഡിക വായിച്ച് ചുരുങ്ങിയ വാക്കുകളിൽ പറഞ്ഞു പരിശീലിക്കുക. അങ്ങനെ ചെയ്യുമ്പോൾ വായിക്കുന്നത് ഗ്രഹിക്കാനുള്ള നിങ്ങളുടെ പ്രാപ്തി വർധിക്കും.