ചോദ്യ​പ്പെ​ട്ടി

◼ ആത്മീയ പക്വത​യി​ലേക്കു വളരാൻ കുട്ടികൾ എന്തു പഠിച്ചി​രി​ക്കണം?

“യഹോ​വ​യു​ടെ ശിക്ഷണ​ത്തി​ലും അവന്റെ ചിന്തകൾക്ക്‌ അനുസൃ​ത​മാ​യും” കുട്ടി​കളെ വളർത്തി​ക്കൊ​ണ്ടു​വ​രാൻ ക്രിസ്‌തീയ മാതാ​പി​താ​ക്കൾ കഠിന​ശ്രമം ചെയ്യുന്നു. (എഫെ. 6:4) ഉദാഹ​ര​ണ​ത്തിന്‌, ഓരോ പ്രഭാ​ത​ത്തി​ലും തങ്ങളുടെ കുട്ടി​ക​ളോ​ടൊ​പ്പം ദിനവാ​ക്യം പരിചി​ന്തി​ക്കു​ന്നത്‌ പ്രയോ​ജ​ന​ക​ര​മാ​ണെന്ന്‌ മാതാ​പി​താ​ക്കൾ കണ്ടെത്തി​യി​രി​ക്കു​ന്നു. കുടും​ബാ​രാ​ധ​ന​യി​ലും മറ്റവസ​ര​ങ്ങ​ളി​ലും ഒരു വീഡി​യോ ഒരുമി​ച്ചി​രു​ന്നു കണ്ട്‌ ചർച്ച ചെയ്യാ​നോ, യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ലെ ചില പ്രത്യേക വിവരങ്ങൾ സംബന്ധിച്ച്‌ സംസാ​രി​ക്കാ​നോ, ഒരു ബൈബിൾ വിവരണം അഭിന​യി​ച്ചു കാണി​ക്കാ​നോ അല്ലെങ്കിൽ പരിശീ​ലന സെഷനു​കൾ നടത്താ​നോ കുടും​ബ​ങ്ങൾക്കാ​കും. എന്നിരു​ന്നാ​ലും, കുട്ടികൾ “പക്വത​യി​ലേക്കു വളരാൻ” ആഴമായ ബൈബിൾ സത്യങ്ങ​ളും അവരെ പഠിപ്പി​ക്കണം.—എബ്രാ. 6:2

പ്രദേ​ശ​ത്തു കണ്ടുമു​ട്ടു​ന്ന​വരെ പഠിപ്പി​ക്കു​ന്നതു സംബന്ധിച്ച്‌ ചിന്തി​ക്കുക. പ്രഥമ​സ​ന്ദർശ​ന​ത്തി​ലോ തുടർന്നുള്ള സന്ദർശ​ന​ത്തി​ലോ ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌തകം ഉപയോ​ഗിച്ച്‌ ഒരു ബൈബി​ള​ധ്യ​യനം ആരംഭി​ക്കാൻ നാം പൊതു​വെ ശ്രമി​ക്കു​ന്നു. ആ പുസ്‌തകം പഠിച്ച​തി​നു​ശേഷം “ദൈവ​സ്‌നേ​ഹ​ത്തിൽ നിങ്ങ​ളെ​ത്തന്നെ കാത്തു​കൊ​ള്ളു​വിൻ” എന്ന പുസ്‌തകം ഉപയോ​ഗി​ക്കു​ന്നു. എന്തു​കൊണ്ട്‌? ബൈബിൾ പഠിപ്പി​ക്കു​ന്നു പുസ്‌തകം തിരു​വെ​ഴു​ത്തു​കളെ സംബന്ധിച്ച്‌ അടിസ്ഥാന ഗ്രാഹ്യം തരുന്നു. ‘ദൈവ​സ്‌നേഹം’ പുസ്‌തകം ബൈബിൾ തത്ത്വങ്ങൾ അനുദി​ന​ജീ​വി​ത​ത്തിൽ എങ്ങനെ ബാധക​മാ​ക്കാം എന്നു പഠിപ്പി​ക്കു​ന്നു. രണ്ടു പ്രസി​ദ്ധീ​ക​ര​ണ​ങ്ങ​ളും ക്രിസ്‌തു​വിൽ “വേരൂന്നി”യവരും “വിശ്വാ​സ​ത്തിൽ സ്ഥിരചിത്ത”രും ആയിരി​ക്കാൻ പുതി​യ​വരെ സഹായി​ക്കു​ന്നു. (കൊലോ. 2:6, 7) ഈ പ്രസി​ദ്ധീ​ക​ര​ണങ്ങൾ നമ്മുടെ കുട്ടി​കൾക്കും പ്രയോ​ജ​ന​പ്പെ​ടി​ല്ലേ? മറുവില, രാജ്യം, മരിച്ച​വ​രു​ടെ അവസ്ഥ എന്നിവ​യെ​ക്കു​റിച്ച്‌ അവരെ​യും പഠിപ്പി​ക്കേ​ണ്ട​തുണ്ട്‌. ദൈവം കഷ്ടപ്പാട്‌ അനുവ​ദി​ക്കു​ന്നത്‌ എന്തു​കൊണ്ട്‌, ഈ വ്യവസ്ഥി​തി​യു​ടെ സമാപ​ന​നാ​ളു​കൾ തിരി​ച്ച​റി​യു​ന്നത്‌ എങ്ങനെ, എന്നിവ കുട്ടി​ക​ളും അറി​യേ​ണ്ട​തുണ്ട്‌. യഹോ​വ​യു​ടെ സാക്ഷി​ക​ളു​ടെ പക്കലാണ്‌ സത്യമു​ള്ള​തെ​ന്നും അവർക്കു ബോധ്യ​മാ​കണം. കുട്ടികൾ ബൈബിൾ തത്ത്വങ്ങൾ മനസ്സി​ലാ​ക്കണം, “തങ്ങളുടെ വിവേ​ച​നാ​പ്രാ​പ്‌തി​യെ” പരിശീ​ലി​പ്പി​ക്കേ​ണ്ടത്‌ എങ്ങനെ​യെ​ന്നും അറിഞ്ഞി​രി​ക്കണം. (എബ്രാ. 5:14) മാതാ​പി​താ​ക്കൾ തങ്ങളുടെ കുട്ടി​ക​ളു​ടെ പ്രായ​വും ഗ്രഹണ​പ്രാ​പ്‌തി​യു​ടെ അളവും പരിഗ​ണി​ക്കണം. എന്നിരു​ന്നാ​ലും, പല കുട്ടി​കൾക്കും ആഴമേ​റിയ ബൈബിൾ സത്യങ്ങൾ നന്നേ ചെറു​പ്പ​ത്തിൽതന്നെ പഠിച്ചു തുടങ്ങാ​നുള്ള കഴിവുണ്ട്‌.—ലൂക്കോ. 2:42, 46, 47.

മാതാ​പി​താ​ക്ക​ളെ സഹായി​ക്കാ​നാ​യി നമ്മുടെ വെബ്‌​സൈ​റ്റിൽ (jw.org) ബൈബിൾ പഠിപ്പി​ക്കു​ന്നു പുസ്‌തകം അടിസ്ഥാ​ന​മാ​ക്കി​യുള്ള പഠനസ​ഹാ​യി​കൾ ഉൾപ്പെ​ടു​ത്തു​ന്ന​താ​യി​രി​ക്കും. കുടും​ബ​ങ്ങൾക്ക്‌ നമ്മുടെ വെബ്‌​സൈ​റ്റിൽ ബൈബിൾ പഠിപ്പി​ക്ക​ലു​കൾ > കൗമാ​ര​ക്കാർ (BIBLE TEACHINGS > TEENAGERS) എന്നതിന്റെ കീഴിൽ ഇവ കണ്ടെത്താ​നാ​കും. ഭാവി​യിൽ ‘ദൈവ​സ്‌നേഹം’ പുസ്‌തകം അടിസ്ഥാ​ന​മാ​ക്കി കൂടു​ത​ലായ പഠനസ​ഹാ​യി​കൾ തയ്യാറാ​ക്കു​ന്ന​താ​യി​രി​ക്കും. ഈ പുസ്‌ത​ക​ങ്ങ​ളു​ടെ അച്ചടിച്ച പ്രതി​ക​ളും ഉപയോ​ഗി​ക്കാ​നാ​കും. കുടും​ബാ​രാ​ധ​ന​യ്‌ക്കാ​യുള്ള സായാ​ഹ്ന​ത്തി​ന്റെ ഒരു ഭാഗത്തോ കുട്ടി​ക​ളിൽ ഒരാളു​മാ​യി പ്രത്യേ​കം അധ്യയനം നടത്തു​മ്പോ​ഴോ അല്ലെങ്കിൽ ഒരു കുട്ടിയെ വ്യക്തി​പ​ര​മായ പഠനത്തി​നു പരിശീ​ലി​പ്പി​ക്കു​മ്പോ​ഴോ മാതാ​പി​താ​ക്കൾക്ക്‌ ഇവ ഉപയോ​ഗി​ക്കാ​വു​ന്ന​താണ്‌.