ശുശ്രൂ​ഷ​യിൽ ക്രിയാ​ത്മക പങ്കാളി​യാ​യി​രി​ക്കുക

1. മറ്റുള്ള​വ​രു​മാ​യി ശുശ്രൂ​ഷ​യി​ലാ​യി​രി​ക്കു​മ്പോൾ അപ്പൊ​സ്‌ത​ല​നായ പൗലോ​സി​ന്റെ മനോ​ഭാ​വം എങ്ങനെ അനുക​രി​ക്കാം?

¹ അപ്പൊ​സ്‌ത​ല​നായ പൗലോസ്‌ സഹവി​ശ്വാ​സി​ക​ളു​മാ​യി ചെലവ​ഴിച്ച സമയം “പരസ്‌പരം പ്രോ​ത്സാ​ഹന”ത്തിനുള്ള അവസര​മാ​യി കണ്ടു. (റോമ. 1:12) നിങ്ങൾ ഒരു പ്രസാ​ധ​ക​നു​മാ​യി ശുശ്രൂ​ഷ​യി​ലാ​യി​രി​ക്കു​മ്പോൾ, ആ സമയം അദ്ദേഹത്തെ പ്രോ​ത്സാ​ഹി​പ്പി​ക്കാ​നും സഹായി​ക്കാ​നു​മാ​യി പ്രയോ​ജ​ന​പ്പെ​ടു​ത്തു​മോ? നിശബ്ദ​നായ കൂട്ടാ​ളി​യാ​യി​രി​ക്കു​ന്ന​തി​നു പകരം നിങ്ങൾ എങ്ങനെ ഫലപ്ര​ദ​നായ ഒരു പ്രസാ​ധ​ക​നാ​യി എന്ന വിവരം പങ്കു​വെ​ച്ചു​കൂ​ടേ?

2. ശുശ്രൂ​ഷ​യി​ലെ പങ്കാളി​യു​ടെ ധൈര്യം വർധി​പ്പി​ക്കാൻ നമുക്ക്‌ എന്തു ചെയ്യാ​നാ​കും, അത്‌ എന്തു​കൊണ്ട്‌ പ്രധാ​ന​മാണ്‌?

² ധൈര്യം ഉൾനടുക: ചില പ്രസാ​ധ​കർക്ക്‌ ധൈര്യ​ക്കു​റ​വുണ്ട്‌, അത്‌ അവരുടെ മുഖഭാ​വ​ത്തി​ലും ശബ്ദത്തി​ലും പ്രകട​മാ​യേ​ക്കാം. ആത്മാർഥ​മായ അനു​മോ​ദ​ന​ത്താൽ അവരെ ധൈര്യ​പ്പെ​ടു​ത്താൻ കഴിയും. ധൈര്യം ഉൾനടാ​നുള്ള മറ്റു വഴികൾ ഏതൊ​ക്കെ​യാണ്‌? ഒരു സഞ്ചാര​മേൽവി​ചാ​രകൻ പങ്കാളി​യോ​ടു തനിക്കു​ണ്ടാ​യി​രുന്ന ഭയത്തെ​ക്കു​റി​ച്ചും അത്തരം വികാ​ര​ങ്ങളെ മറിക​ട​ക്കാ​നുള്ള സഹായ​ത്തി​നാ​യി നിരന്ത​ര​പ്രാർഥന തന്നെ എങ്ങനെ സഹായി​ച്ചു എന്നും മടികൂ​ടാ​തെ പറയു​മാ​യി​രു​ന്നു. മറ്റൊരു സഹോ​ദരൻ ധൈര്യം പ്രകട​മാ​ക്കുന്ന വിധ​ത്തെ​ക്കു​റിച്ച്‌ ഇങ്ങനെ പറഞ്ഞു: “പുഞ്ചി​രി​യോ​ടെ തുടങ്ങുക. ഇതിനു​വേണ്ടി ചില സമയങ്ങ​ളിൽ നമുക്കു പ്രാർഥി​ക്കാ​നു​മാ​കും.” ശുശ്രൂ​ഷ​യിൽ കൂടുതൽ ധൈര്യ​മു​ള്ള​വ​രാ​യി​രി​ക്കാൻ നിങ്ങളെ സഹായിച്ച എന്തെങ്കി​ലു​മു​ണ്ടോ? അത്‌ നിങ്ങളു​ടെ വയൽസേ​വ​ന​പ​ങ്കാ​ളി​യു​മാ​യി സംസാ​രി​ക്കുക.

3. ശുശ്രൂ​ഷ​യിൽ നിങ്ങളു​ടെ പങ്കാളി കൂടുതൽ ഫലപ്ര​ദ​നാ​കാൻ എന്തെല്ലാം കാര്യങ്ങൾ ചർച്ച ചെയ്യാ​നാ​കും?

³ വിധങ്ങൾ പങ്കു​വെ​ക്കുക: ഫലപ്ര​ദ​മാ​യി സംഭാ​ഷണം ആരംഭി​ക്കു​ന്ന​തിന്‌ ഒരു ലളിത​മായ പ്രാരം​ഭ​പ്ര​സ്‌താ​വ​ന​യോ ചോദ്യ​മോ ഏതെങ്കി​ലും പ്രാ​ദേ​ശി​ക​സം​ഭ​വ​മോ നിങ്ങൾ കണ്ടെത്തി​യി​ട്ടു​ണ്ടോ? മാതൃ​കാ​വ​ത​ര​ണ​ത്തിൽ പൊരു​ത്ത​പ്പെ​ടു​ത്ത​ലു​കൾ വരുത്തി​യ​തു​മൂ​ലം നല്ല ഫലം ലഭിച്ചി​ട്ടു​ണ്ടോ? വീട്ടു​കാ​രന്റെ സാഹച​ര്യ​ങ്ങൾക്ക്‌ ഇണങ്ങും​വി​ധം അവതര​ണ​ത്തിൽ എന്തു മാറ്റമാ​ണു വരുത്തി​യി​രി​ക്കു​ന്നത്‌? അത്‌ പങ്കാളി​യോട്‌ പറയുക. (സദൃ. 27:17) മടക്കസ​ന്ദർശ​ന​ത്തി​നാ​യി പോകു​മ്പോൾ സന്ദർശ​ന​ത്തി​ന്റെ ലക്ഷ്യവും അത്‌ എങ്ങനെ കൈവ​രി​ക്കാം എന്നതി​നെ​ക്കു​റി​ച്ചും സംസാ​രി​ക്കുക. വിദ്യാർഥി​യു​ടെ ആവശ്യം മനസ്സി​ലാ​ക്കി നിങ്ങൾ എങ്ങനെ​യാണ്‌ ഒരു പ്രത്യേക ആശയമോ തിരു​വെ​ഴു​ത്തോ പഠിപ്പി​ക്കൽരീ​തി​യോ ഉപയോ​ഗി​ച്ച​തെന്ന്‌ ഒരു ബൈബി​ള​ധ്യ​യ​ന​ത്തി​നു ശേഷം പങ്കാളി​യോ​ടു വിശദീ​ക​രി​ക്കുക.

4. സഹസു​വി​ശേ​ഷ​കരെ സഹായി​ക്കു​ന്ന​തിൽ നാം തത്‌പ​ര​രാ​യി​രി​ക്കേ​ണ്ടത്‌ എന്തു​കൊണ്ട്‌?

⁴ ഒന്നാം നൂറ്റാ​ണ്ടി​ലെ സുവി​ശേ​ഷകർ അവിശ്വാ​സി​കളെ സഹായി​ക്കാൻ മാത്രമല്ല താൽപ​ര്യം കാണി​ച്ചത്‌. പരസ്‌പരം പ്രോ​ത്സാ​ഹി​പ്പി​ക്കേ​ണ്ട​തി​ന്റെ​യും ബലപ്പെ​ടു​ത്തേ​ണ്ട​തി​ന്റെ​യും മൂല്യം അവർ തിരി​ച്ച​റി​ഞ്ഞു. (പ്രവൃ. 11:23; 15:32) അപ്പൊ​സ്‌ത​ല​നായ പൗലോസ്‌ തിമൊ​ഥെ​യൊ​സി​നെ പരിശീ​ലി​പ്പി​ക്കു​ക​യും പഠിച്ച കാര്യങ്ങൾ മറ്റുള്ള​വ​രു​മാ​യി പങ്കു​വെ​ക്കാൻ പ്രോ​ത്സാ​ഹി​പ്പി​ക്കു​ക​യും ചെയ്‌തു. (2 തിമൊ. 2:2) ശുശ്രൂ​ഷ​യി​ലാ​യി​രി​ക്കു​മ്പോൾ സഹക്രി​സ്‌ത്യാ​നി​കൾക്കു നന്മ ചെയ്യാൻ മറക്കാ​തി​രി​ക്കു​ന്നത്‌ അവരുടെ സന്തോ​ഷ​വും ഫലപ്ര​ദ​ത്വ​വും വർധി​പ്പി​ക്കുക മാത്രമല്ല നമ്മുടെ സ്വർഗീയ പിതാ​വി​നെ സന്തോ​ഷി​പ്പി​ക്കു​ക​യും ചെയ്യും.—എബ്രാ. 13:15, 16.