മാതൃ​കാ​വ​ത​ര​ണങ്ങൾ എങ്ങനെ ഉപയോ​ഗി​ക്കണം?

1. മാതൃ​കാ​വ​ത​ര​ണ​ങ്ങ​ളു​ടെ ഉദ്ദേശ്യം എന്താണ്‌?

¹ മാസി​ക​ക​ളും പ്രസി​ദ്ധീ​ക​ര​ണ​ങ്ങ​ളും സമർപ്പി​ക്കു​ന്ന​തി​നുള്ള മാതൃ​കാ​വ​ത​ര​ണങ്ങൾ കൂടെ​ക്കൂ​ടെ നമ്മുടെ രാജ്യ ശുശ്രൂ​ഷ​യിൽ വരാറുണ്ട്‌. അത്തരം അവതര​ണങ്ങൾ നാം ശുശ്രൂ​ഷ​യിൽ അതേപടി ഉപയോ​ഗി​ക്കേ​ണ്ട​തില്ല. എന്തുപ​റ​യണം എന്നതിന്റെ ഒരു രൂപ​രേ​ഖ​യാണ്‌ അത്‌. സ്വന്തം വാക്കു​ക​ളിൽ പറയു​ക​യാ​ണെ​ങ്കിൽ അവതര​ണങ്ങൾ കൂടുതൽ ഫലപ്ര​ദ​മാ​യി​രി​ക്കും. സ്വാഭാ​വിക ശൈലി​യിൽ സംസാ​രി​ക്കു​മ്പോൾ വീട്ടു​കാ​രന്‌ പിരി​മു​റു​ക്കം കൂടാതെ ശ്രദ്ധി​ക്കാ​നാ​കും; നമ്മുടെ ആത്മാർഥ​ത​യും ബോധ്യ​വും അതിൽ നിഴലി​ക്കു​ക​യും ചെയ്യും.—2 കൊരി. 2:17; 1 തെസ്സ. 1:5.

2. അവതര​ണങ്ങൾ തയ്യാറാ​കു​മ്പോൾ നാം പ്രാ​ദേ​ശിക സാഹച​ര്യം കണക്കി​ലെ​ടു​ക്കേ​ണ്ടത്‌ എന്തു​കൊണ്ട്‌?

² അവതരണം പൊരു​ത്ത​പ്പെ​ടു​ത്തുക: നാം സുവാർത്ത അവതരി​പ്പി​ക്കുന്ന വിധം പ്രാ​ദേ​ശിക സാഹച​ര്യ​ങ്ങളെ ആശ്രയി​ച്ചാ​ണി​രി​ക്കു​ന്നത്‌. കുശലാ​ന്വേ​ഷ​ണ​ങ്ങൾക്കു​ശേഷം സംഭാ​ഷ​ണ​ത്തി​ലേക്കു കടക്കു​ന്ന​താ​ണോ അതോ നേരിട്ടു വിഷയ​ത്തി​ലേക്കു പ്രവേ​ശി​ക്കു​ന്ന​താ​ണോ നിങ്ങളു​ടെ പ്രദേ​ശത്തെ രീതി? അത്‌ പ്രദേ​ശ​ത്തെ​യും ആളുക​ളെ​യും അനുസ​രിച്ച്‌ വ്യത്യാ​സ​പ്പെ​ട്ടി​രി​ക്കും. ചോദ്യ​ങ്ങ​ളു​ടെ ഉപയോ​ഗ​ത്തി​ലും വളരെ ശ്രദ്ധി​ക്കേ​ണ്ട​തുണ്ട്‌. ഒരു സ്ഥലത്ത്‌ ഫലകര​മാ​യി ഉപയോ​ഗി​ക്കാൻ കഴിയുന്ന ചില ചോദ്യ​ങ്ങൾ മറ്റു സ്ഥലങ്ങളിൽ ആളുകളെ അസ്വസ്ഥ​രാ​ക്കി​യേ​ക്കാം. അതു​കൊ​ണ്ടു​തന്നെ, അവതര​ണങ്ങൾ ഉപയോ​ഗി​ക്കു​മ്പോൾ നാം നല്ല ന്യായ​ബോ​ധം പ്രകട​മാ​ക്കണം; നമ്മുടെ പ്രദേ​ശ​ത്തി​നു ചേരുന്ന രീതി​യിൽ അവ പൊരു​ത്ത​പ്പെ​ടു​ത്തു​ക​യും വേണം.

3. ആളുക​ളു​ടെ പശ്ചാത്ത​ല​വും ചിന്താ​ഗ​തി​യും നാം കണക്കി​ലെ​ടു​ക്കേ​ണ്ടത്‌ എന്തു​കൊണ്ട്‌?

³ കൂടാതെ, വയൽസേ​വ​ന​ത്തി​നു തയ്യാറാ​കു​മ്പോൾ നമ്മുടെ പ്രദേ​ശ​ത്തുള്ള ആളുക​ളു​ടെ പശ്ചാത്ത​ല​വും ചിന്താ​ഗ​തി​യും നാം കണക്കി​ലെ​ടു​ക്കേ​ണ്ട​തുണ്ട്‌. ഉദാഹ​ര​ണ​ത്തിന്‌, മത്തായി 6:9, 10-ലെ “സ്വർഗ​സ്ഥ​നായ പിതാവേ” എന്ന പ്രാർഥന അറിയി​ല്ലാത്ത ഒരാ​ളോ​ടും കടുത്ത ഒരു കത്തോ​ലി​ക്കാ വിശ്വാ​സി​യോ​ടും നാം സംസാ​രി​ക്കു​ന്നത്‌ ഒരു​പോ​ലെ​യാ​യി​രി​ക്കില്ല. അൽപം ദീർഘ​ദൃ​ഷ്ടി​യു​ണ്ടെ​ങ്കിൽ ആളുകൾക്ക്‌ കൂടുതൽ ആകർഷ​ക​മായ വിധത്തിൽ അവതര​ണ​ത്തിൽ പൊരു​ത്ത​പ്പെ​ടു​ത്ത​ലു​കൾ വരുത്താൻ നമുക്കാ​കും.—1 കൊരി. 9:20-23.

4. നന്നായി തയ്യാറാ​കേ​ണ്ടത്‌ എന്തു​കൊണ്ട്‌?

⁴ മാതൃ​കാ​വ​ത​രണം എങ്ങനെ ഉപയോ​ഗി​ച്ചാ​ലും​ശരി നന്നായി തയ്യാറാ​കു​ന്ന​താണ്‌ പ്രധാനം. നാം വിശേ​ഷ​വ​ത്‌ക​രി​ക്കാൻ ആഗ്രഹി​ക്കുന്ന ലേഖന​മോ അധ്യാ​യ​മോ ശ്രദ്ധാ​പൂർവം വായിച്ച്‌ താത്‌പ​ര്യ​മു​ണർത്തി​യേ​ക്കാ​വുന്ന ആശയങ്ങൾ കണ്ടെത്തുക. അവ അവതര​ണ​ത്തിൽ ഉൾപ്പെ​ടു​ത്താ​നാ​കും. നമ്മുടെ പ്രസി​ദ്ധീ​ക​ര​ണ​ങ്ങ​ളി​ലെ വിവര​ങ്ങ​ളു​മാ​യി നന്നായി പരിചി​ത​രാ​യി​രു​ന്നാൽ മാത്രമേ അവ ഉത്സാഹ​ത്തോ​ടെ ആളുകൾക്ക്‌ നൽകാൻ നമുക്കാ​കൂ.

5. വ്യത്യ​സ്‌ത​മായ അവതര​ണങ്ങൾ തയ്യാറാ​കാ​വു​ന്നത്‌ എന്തു​കൊണ്ട്‌, അത്‌ എങ്ങനെ ചെയ്യാ​നാ​കും?

⁵ മറ്റു സമീപ​നങ്ങൾ: നൽകി​യി​രി​ക്കുന്ന മാതൃ​കാ​വ​ത​ര​ണങ്ങൾ മാത്രമേ ഉപയോ​ഗി​ക്കാൻ പാടുള്ളൂ എന്നുണ്ടോ? ഇല്ല. നിങ്ങൾക്ക്‌ കൂടുതൽ എളുപ്പ​മെന്നു തോന്നുന്ന മറ്റൊരു അവതര​ണ​മോ തിരു​വെ​ഴു​ത്തോ ഉപയോ​ഗി​ക്കാ​വു​ന്ന​താണ്‌. വിശേ​ഷി​ച്ചും മാസി​ക​ക​ളു​ടെ കാര്യ​ത്തിൽ ആമുഖ ലേഖനങ്ങൾ അല്ലാത്ത ലേഖനങ്ങൾ വിശേ​ഷ​വ​ത്‌ക​രി​ക്കാൻ കിട്ടുന്ന അവസരങ്ങൾ നന്നായി ഉപയോ​ഗി​ക്കുക; ഒരുപക്ഷേ, ആ ലേഖന​ങ്ങ​ളാ​യി​രി​ക്കാം നിങ്ങളു​ടെ പ്രദേ​ശത്ത്‌ കൂടുതൽ ആകർഷകം. സേവന​യോ​ഗ​ത്തിൽ വയൽസേവന അവതര​ണങ്ങൾ നടത്തേ​ണ്ട​തു​ള്ള​പ്പോൾ പ്രദേ​ശ​ത്തിന്‌ അനു​യോ​ജ്യ​മായ അവതര​ണങ്ങൾ നടത്താൻ ക്രമീ​ക​രണം ചെയ്യാ​വു​ന്ന​താണ്‌. അങ്ങനെ​യാ​കു​മ്പോൾ സുവാർത്ത ഫലപ്ര​ദ​മാ​യി അവതരി​പ്പി​ക്കാൻ എല്ലാവർക്കും സഹായം ലഭിക്കും.