ശുശ്രൂ​ഷ​യ്‌ക്കി​ടെ ഉണ്ടാകുന്ന പ്രശ്‌ന​ങ്ങളെ എങ്ങനെ നേരി​ടാം?

1. ക്രിസ്‌തീയ ശുശ്രൂ​ഷകർ എന്തു പ്രതീ​ക്ഷി​ക്കണം? അത്‌ എന്തു ചോദ്യ​ങ്ങൾ ഉയർത്തു​ന്നു?

¹ തന്റെ അനുഗാ​മി​കൾ പീഡി​പ്പി​ക്ക​പ്പെ​ടു​മെന്ന്‌ യേശു മുൻകൂ​ട്ടി​പ്പ​റ​യു​ക​യു​ണ്ടാ​യി. (യോഹ. 15:20) അന്ത്യം അടുത്തു​വ​രവെ സാത്താന്റെ ക്രോധം വർധി​ച്ചി​രി​ക്കു​ക​യാണ്‌. അതു​കൊ​ണ്ടു​തന്നെ എതിർപ്പു​കൾ കൂടുതൽ രൂക്ഷമാ​കു​മെന്ന്‌ നാം പ്രതീ​ക്ഷി​ക്കേ​ണ്ടി​യി​രി​ക്കു​ന്നു. (വെളി. 12:12) ശുശ്രൂ​ഷ​യിൽ ആയിരി​ക്കെ ആത്മരക്ഷ​യ്‌ക്കാ​യി നമുക്ക്‌ എന്തു ചെയ്യാ​നാ​കും? ആവശ്യ​മെ​ങ്കിൽ പോലീ​സി​ന്റെ സഹായം തേടാ​മോ? നമ്മെ ഉപദ്ര​വി​ക്കു​ന്ന​വർക്കെ​തി​രെ നാം കേസ്‌ ചാർജ്‌ ചെയ്യേ​ണ്ട​തു​ണ്ടോ?

2. ശാരീ​രിക ഉപദ്ര​വ​ത്തിൽനി​ന്നു രക്ഷനേ​ടാൻ ക്രിസ്‌ത്യാ​നി​കൾ ന്യായ​മായ നടപടി​കൾ സ്വീക​രി​ക്കേ​ണ്ടത്‌ എന്തു​കൊണ്ട്‌?

² ജീവൻ വില​പ്പെ​ട്ട​താണ്‌: യഹോവ ജീവനെ വളരെ വില​പ്പെ​ട്ട​താ​യി കാണുന്നു. അതു​കൊണ്ട്‌ ഇസ്രാ​യേൽ ജനതയ്‌ക്ക്‌ ന്യായ​പ്ര​മാ​ണം നൽകി​യ​പ്പോൾ ജീവനും ആരോ​ഗ്യ​വും സംരക്ഷി​ക്കാൻ ഉതകുന്ന നിയമ​ങ്ങ​ളും അവൻ അതിൽ ഉൾപ്പെ​ടു​ത്തി​യി​രു​ന്നു. (ആവ. 22:8) ഇന്നു ദൈവ​ദാ​സ​ന്മാർ ന്യായ​പ്ര​മാ​ണം അനുസ​രി​ക്കാൻ ബാധ്യ​സ്ഥ​ര​ല്ലെ​ങ്കി​ലും ജീവനെ അവർ വില​യേ​റി​യ​താ​യി​ത്തന്നെ കരുതു​ന്നു. അതു​കൊണ്ട്‌ എതിരാ​ളി​ക​ളിൽനിന്ന്‌ ആക്രമണ ഭീഷണി ഉണ്ടാകു​മ്പോൾ ക്രിസ്‌ത്യാ​നി​കൾ ആത്മരക്ഷ​യ്‌ക്കുള്ള നടപടി​കൾ സ്വീക​രി​ക്കും.

3. ആക്രമണ ഭീഷണി ഉണ്ടാകു​ന്ന​പക്ഷം നാം എന്തു ചെയ്യണം?

³ ആത്മരക്ഷ​യ്‌ക്കാ​യി എന്തു​ചെ​യ്യാം? കോപാ​കു​ല​രായ ജനക്കൂ​ട്ട​ത്തിൽനി​ന്നു രക്ഷപ്പെ​ടാൻ യേശു അവിടം വിട്ട്‌ പോയ ഒന്നി​ലേറെ സന്ദർഭ​ങ്ങ​ളെ​ക്കു​റിച്ച്‌ തിരു​വെ​ഴു​ത്തു പറയുന്നു. (ലൂക്കോ. 4:28-30; യോഹ. 8:59) നമ്മുടെ കാര്യ​ത്തി​ലും, ഒരു ആക്രമണ ഭീഷണി ഉണ്ടാകു​ന്ന​പക്ഷം പ്രദേശം വിട്ട്‌ പോകു​ന്ന​താ​യി​രി​ക്കും ബുദ്ധി. എതിർപ്പു​കൾ ശമിക്കു​ന്ന​തു​വരെ മറ്റു പ്രദേ​ശ​ങ്ങ​ളിൽ നമുക്ക്‌ പ്രസം​ഗ​പ്ര​വർത്തനം തുടരാ​നാ​കും.—മത്താ. 10:23.

4. എതിരാ​ളി നമ്മെ തടഞ്ഞു​വെ​ക്കാൻ ശ്രമി​ച്ചാൽ എന്തു ചെയ്യാ​വു​ന്ന​താണ്‌?

⁴ നമ്മെ തടഞ്ഞു​വെ​ക്കാ​നോ വീടി​നു​ള്ളിൽ പൂട്ടി​യി​ടാ​നോ എതിരാ​ളി ശ്രമി​ക്കു​ന്നെ​ങ്കി​ലോ? സാഹച​ര്യം കണക്കി​ലെ​ടു​ത്തിട്ട്‌ എങ്ങനെ പ്രതി​ക​രി​ക്കണം എന്നു തീരു​മാ​നി​ക്കാം. എന്തായാ​ലും ഒരു ക്രിസ്‌ത്യാ​നി, അന്യാ​യ​മായ അത്തരം ഉപദ്ര​വങ്ങൾ കൈയും​കെട്ടി നിന്ന്‌ ഏറ്റുവാ​ങ്ങേ​ണ്ട​തില്ല. എതിരാ​ളി​യെ തള്ളിമാ​റ്റി​ക്കൊ​ണ്ടോ മറ്റോ നമുക്ക്‌ ഓടി രക്ഷപ്പെ​ടാൻ കഴി​ഞ്ഞേ​ക്കും. ഇനി, തന്റെ ആരോ​ഗ്യ​മോ ജീവനോ അപകട​ത്തി​ലാ​ണെന്ന്‌ തോന്നു​ന്ന​പക്ഷം, അടികൾ തടുക്കാ​നോ ഒരു നിമി​ഷ​ത്തേക്ക്‌ എതിരാ​ളി​യെ പരി​ഭ്ര​മി​പ്പി​ക്കാ​നാ​യി ഒന്നു തിരി​ച്ച​ടി​ക്കാ​നോ ഒരു ക്രിസ്‌ത്യാ​നി തീരു​മാ​നി​ച്ചാൽ അത്‌ തെറ്റാ​വില്ല.—2008 ജൂൺ ഇംഗ്ലീഷ്‌ ലക്കം ഉണരുക!–യിലെ “ബൈബി​ളി​ന്റെ വീക്ഷണം: ആത്മരക്ഷ​യ്‌ക്കാ​യി ശ്രമി​ക്കു​ന്നത്‌ ഉചിത​മാ​യി​രി​ക്കു​ന്നത്‌ എപ്പോൾ?” എന്ന ലേഖന​ത്തി​ന്റെ 10, 11 പേജുകൾ കാണുക.

5. ശുശ്രൂഷ നിർവ​ഹി​ക്കാൻ നിയമ​ത്തി​ന്റെ സഹായം തേടാ​നാ​കു​ന്നത്‌ എങ്ങനെ?

⁵ പോലീ​സി​നെ വിളി​ക്കേ​ണ്ട​തു​ണ്ടോ? ശുശ്രൂ​ഷ​യ്‌ക്കി​ടെ ഉണ്ടായ ചില പ്രശ്‌ന​ങ്ങളെ നേരി​ടാൻ പൗലോസ്‌ അപ്പൊ​സ്‌തലൻ റോമൻ നിയമത്തെ ആശ്രയി​ക്കു​ക​യു​ണ്ടാ​യി. ഉദാഹ​ര​ണ​ത്തിന്‌, എതിരാ​ളി​കൾ അവനെ​തി​രെ വ്യാജ ആരോ​പ​ണങ്ങൾ ഉന്നയി​ച്ച​പ്പോൾ, അവൻ കൈസ​റി​നു മുമ്പാകെ ഉപരി​വി​ചാ​ര​ണ​യ്‌ക്ക്‌ അപേക്ഷി​ച്ചു. (പ്രവൃ. 25:11) അതിനു​മുമ്പ്‌ മറ്റൊരു സാഹച​ര്യ​ത്തിൽ, ചാട്ടയടി ഒഴിവാ​ക്കാ​നാ​യി റോമാ​പൗ​രൻ എന്ന നിലയി​ലുള്ള തന്റെ അവകാശം അവൻ ഉപയോ​ഗ​പ്പെ​ടു​ത്തി​യ​താ​യി വിവരണം പറയുന്നു. (പ്രവൃ. 22:25, 29) ‘നമ്മുടെ നന്മയ്‌ക്കാ​യി ദൈവ​ത്തി​ന്റെ ശുശ്രൂ​ഷ​ക​നാ​യി’ വർത്തി​ക്കുന്ന ലൗകിക അധികാ​രി​ക​ളു​ടെ സംരക്ഷണം നേടു​ന്നത്‌ ഉചിത​മാണ്‌ എന്നാണ്‌ ഇതെല്ലാം കാണി​ക്കു​ന്നത്‌.—റോമ. 13:4.

6. ശുശ്രൂ​ഷ​യി​ലാ​യി​രി​ക്കെ, രക്ഷപ്പെ​ടാ​നാ​കാത്ത ഒരു സാഹച​ര്യ​ത്തിൽ എത്തി​പ്പെ​ട്ടാൽ എന്തു ചെയ്യണം?

⁶ മേൽപ്പറഞ്ഞ വിവര​ങ്ങ​ളിൽനിന്ന്‌ ഒരു കാര്യം വ്യക്തമാ​കു​ന്നു: ശുശ്രൂ​ഷ​യി​ലാ​യി​രി​ക്കെ അപകട​ക​ര​മായ ഒരു സാഹച​ര്യം ഉണ്ടാകു​ക​യും നമുക്ക്‌ ഓടി രക്ഷപ്പെ​ടാൻ പറ്റാതാ​കു​ക​യും ചെയ്‌താൽ എത്രയും വേഗം പോലീ​സി​നെ വിളി​ക്കേ​ണ്ട​താണ്‌. അപകടം മണത്താൽ ഉടൻതന്നെ പോലീ​സി​നെ വിളി​ക്കാ​നാ​യി ചില സഹോ​ദ​രങ്ങൾ അടുത്തുള്ള പോലീസ്‌ സ്റ്റേഷന്റെ ഫോൺനമ്പർ മൊ​ബൈ​ലിൽ സൂക്ഷി​ക്കു​ന്നു. വയൽസേ​വ​ന​യോ​ഗം നടത്തുന്ന സഹോ​ദ​ര​ന്മാർ തങ്ങളോ​ടൊ​പ്പം വയൽസേ​വ​ന​ത്തിൽ ഏർപ്പെ​ടുന്ന സഹോ​ദ​ര​ങ്ങ​ളു​ടെ കാര്യ​ത്തിൽ പ്രത്യേക ശ്രദ്ധ പുലർത്തണം.—1 പത്രോ. 5:2, 3.

7. ശുശ്രൂ​ഷ​യ്‌ക്കി​ടെ ശാരീ​രിക ഉപദ്രവം നേരി​ടു​ന്ന​പക്ഷം കേസു കൊടു​ക്കു​ന്നത്‌ ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

⁷ കേസ്‌ കൊടു​ക്കേ​ണ്ട​തു​ണ്ടോ? ശുശ്രൂ​ഷ​യ്‌ക്കി​ടെ ആരെങ്കി​ലും ശാരീ​രിക ഉപദ്രവം ഏൽപ്പി​ക്കു​ന്ന​പക്ഷം നാം ആ വ്യക്തി​ക്കെ​തി​രെ കേസു കൊടു​ക്കേ​ണ്ട​തു​ണ്ടോ? എതിരാ​ളി കൂടുതൽ പ്രശ്‌നങ്ങൾ ഉണ്ടാക്കു​മെന്ന ഭയം​കൊ​ണ്ടോ അവിശ്വാ​സി​ക​ളായ തന്റെ ബന്ധുക്ക​ളു​ടെ​യോ സമൂഹ​ത്തി​ന്റെ​യോ മുമ്പിൽ തനിക്കു മാന​ക്കേ​ടാ​കു​മെന്ന ചിന്ത​കൊ​ണ്ടോ കേസു കൊടു​ക്കേ​ണ്ടെന്ന്‌ ചിലർ തീരു​മാ​നി​ക്കു​ന്നു. പക്ഷേ, കേസു കൊടു​ത്തി​ല്ലെ​ങ്കിൽ യഹോ​വ​യു​ടെ സാക്ഷി​കളെ എന്തു​ചെ​യ്‌താ​ലും ആരും ചോദി​ക്കാ​നില്ല എന്ന ധാരണ​യാ​യി​രി​ക്കും എതിരാ​ളി​കൾക്ക്‌ ലഭിക്കു​ന്നത്‌. മാത്രമല്ല, കൂടുതൽ ആക്രമ​ണങ്ങൾ അഴിച്ചു​വി​ടാൻ അവർ ധൈര്യം കാണി​ച്ചെ​ന്നും​വ​രാം. (സഭാ. 8:11) കേസു കൊടു​ക്കു​ന്ന​തു​വഴി, “സുവി​ശേ​ഷ​ത്തി​ന്റെ പ്രതി​വാ​ദ​ത്തി​ലും അതിന്റെ നിയമ​പ​ര​മായ സ്ഥിരീ​ക​ര​ണ​ത്തി​ലും” നമ്മളും ഒരു പങ്കുവ​ഹി​ക്കു​ക​യാ​യി​രി​ക്കും. ഭാവി​യിൽ നമ്മുടെ സഹോ​ദ​രങ്ങൾ ആ പ്രദേ​ശത്തു പ്രവർത്തി​ക്കു​മ്പോൾ പ്രശ്‌ന​ങ്ങ​ളു​ണ്ടാ​കാ​നുള്ള സാധ്യത കുറയ്‌ക്കാ​നും അത്‌ ഉതകി​യേ​ക്കാം.—ഫിലി. 1:7.

8. ഉപദ്ര​വങ്ങൾ ഉണ്ടെങ്കി​ലും നിർഭ​യ​രാ​യി പ്രസം​ഗ​വേല തുടരാൻ നമുക്ക്‌ കഴിയു​ന്നത്‌ എന്തു​കൊണ്ട്‌?

⁸ എതിരാ​ളി​കൾ വിജയി​ക്കില്ല: നാം എതിർപ്പ്‌ പ്രതീ​ക്ഷി​ക്കണം എന്നുള്ളതു ശരിയാണ്‌. പക്ഷേ ഭയപ്പെ​ടേണ്ട കാര്യ​മില്ല. കാരണം സർവശ​ക്ത​നായ ദൈവ​ത്തി​ന്റെ പിന്തുണ എല്ലായ്‌പോ​ഴും നമ്മോ​ടൊ​പ്പ​മുണ്ട്‌. (യെശ. 41:10; എബ്രാ. 13:6) സുവാർത്ത പ്രസം​ഗി​ക്കു​ന്ന​തിൽനിന്ന്‌ നമ്മെ തടയാൻ എതിരാ​ളി​കൾക്കാ​വില്ല; യഹോവ അതിന്‌ അനുവ​ദി​ക്കു​ക​യില്ല. (യെശ. 54:17) എതിർപ്പു​കൾ സഹിച്ചു​കൊണ്ട്‌ ശുശ്രൂ​ഷ​യിൽ തുടരു​ന്നത്‌ “ദൈവ​ത്തി​നു പ്രസാ​ദകര”മായ ഒരു കാര്യ​മാണ്‌. അതു​കൊ​ണ്ടു​തന്നെ എതിരാ​ളി​കൾ മൂലമു​ണ്ടാ​കുന്ന ഏതൊരു ഹാനി​യു​ടെ​യും ദോഷ​ഫ​ലങ്ങൾ ഒടുവിൽ ദൈവം ഇല്ലായ്‌മ ചെയ്യും. (1 പത്രോ. 2:19, 20) പിന്തു​ണ​യും സഹായ​വു​മാ​യി യഹോ​വ​യു​ടെ സംഘട​ന​യും നമ്മുടെ കൂടെ​യുണ്ട്‌. ശുശ്രൂ​ഷ​യി​ലാ​യി​രി​ക്കെ ആരെങ്കി​ലും നമ്മെ ഉപദ്ര​വി​ക്കു​ക​യോ അധികാ​രി​കൾതന്നെ നമ്മുടെ വേല നിയമ​വി​രു​ദ്ധ​മാണ്‌ എന്ന നിലപാ​ടു സ്വീക​രി​ക്കു​ക​യോ ചെയ്യുന്ന സാഹച​ര്യ​ങ്ങ​ളിൽ ഉടൻതന്നെ മൂപ്പന്മാ​രെ വിവരം അറിയി​ക്കേ​ണ്ട​താണ്‌. അവർ ബ്രാഞ്ച്‌ ഓഫീ​സു​മാ​യി ബന്ധപ്പെ​ടു​ന്ന​താ​യി​രി​ക്കും. ദുഷ്‌ക​ര​മായ ഈ അന്ത്യനാ​ളു​ക​ളിൽ ശുശ്രൂഷ നിർവ​ഹി​ക്കവെ നമുക്ക്‌ തുടർന്നും ജാഗ്ര​ത​യും ന്യായ​ബോ​ധ​വും പ്രകട​മാ​ക്കാം!—പ്രവൃ. 5:41, 42.