സ്‌മാ​ര​ക​ത്തി​നു​വേണ്ടി നന്നായി തയ്യാറാ​കു​ക

യേശു​ക്രി​സ്‌തു​വി​ന്റെ മരണത്തി​ന്റെ ഓർമ ആചരി​ക്കാ​നാ​യി തയ്യാ​റെ​ടു​ക്കുക—അവന്റെ അനുഗാ​മി​കളെ സംബന്ധി​ച്ചി​ട​ത്തോ​ളം എത്ര ആഹ്ലാദ​ക​ര​മായ ഒരു പദവി​യാ​ണത്‌! (ലൂക്കൊ. 22:19) സ്‌മാ​ര​ക​ത്തി​നാ​യി നാം എന്തെല്ലാം ഒരുക്ക​ങ്ങ​ളാണ്‌ നടത്തേ​ണ്ടത്‌?

◼ സ്ഥലവും സമയവും: സ്‌മാ​ര​കാ​ച​ര​ണ​ത്തി​ന്റെ കൃത്യ സമയവും സ്ഥലവും എല്ലാവർക്കും അറിയാ​മാ​യി​രി​ക്കണം. ഒന്നില​ധി​കം സഭകൾ സ്‌മാ​ര​ക​ത്തി​നാ​യി ഒരേ രാജ്യ​ഹാൾ ഉപയോ​ഗി​ക്കു​മ്പോൾ സ്‌മാ​ര​കാ​ച​ര​ണ​ങ്ങൾക്കി​ട​യി​ലുള്ള സമയം കുറവാ​യി​രി​ക്കും; അതു​കൊണ്ട്‌ കൂടി​വ​രു​ന്നവർ സമയത്ത്‌ ഹാളിൽ എത്തുക​യും തിക്കും തിരക്കും കൂടാതെ ഹാൾവി​ട്ടു​പോ​കു​ക​യും ചെയ്യേ​ണ്ട​താണ്‌. പ്രവേശന കവാടം, ഇടനാഴി, പാർക്കിങ്‌ സ്ഥലം എന്നിവി​ട​ങ്ങ​ളിൽ അനാവശ്യ തിരക്ക്‌ ഒഴിവാ​ക്കാൻ വേണ്ട ക്രമീ​ക​ര​ണങ്ങൾ ചെയ്‌തി​രി​ക്കണം.

◼ ക്ഷണക്കത്ത്‌: എല്ലാ പ്രസാ​ധ​കർക്കും ആവശ്യ​ത്തി​നുള്ള ക്ഷണക്കത്തു​കൾ ലഭിച്ചി​ട്ടു​ണ്ടോ, അവർ അതിന്റെ ഉള്ളടക്ക​വു​മാ​യി പരിചി​ത​രാ​ണോ? ക്ഷണക്കത്തു​കൾ നൽകേണ്ട വിധം നിങ്ങൾ പരിശീ​ലി​ച്ചു നോക്കി​യി​ട്ടു​ണ്ടോ? ആർക്കൊ​ക്കെ ക്ഷണക്കത്തു നൽകാ​നാണ്‌ നിങ്ങൾ തീരു​മാ​നി​ച്ചി​രി​ക്കു​ന്നത്‌? എല്ലാ ക്ഷണക്കത്തു​ക​ളും കൊടു​ത്തു​തീർക്കാൻ നല്ലൊരു ശ്രമം​ചെ​യ്യുക.

◼ യാത്രാ​സൗ​ക​ര്യം: ചില താത്‌പ​ര്യ​ക്കാർക്കും സഹോ​ദ​ര​ങ്ങൾക്കും സ്‌മാ​ര​കാ​ച​ര​ണ​ത്തി​നു ഹാജരാ​കാൻ യാത്രാ​സൗ​ക​ര്യ​മോ മറ്റ്‌ സഹായ​മോ ആവശ്യ​മാ​യി​രു​ന്നേ​ക്കാം. അവരെ സഹായി​ക്കാൻ എന്തു ക്രമീ​ക​ര​ണ​ങ്ങ​ളാണ്‌ ചെയ്‌തി​രി​ക്കു​ന്നത്‌?

◼ സ്‌മാ​ര​ക​ചി​ഹ്നങ്ങൾ: ചിഹ്നങ്ങ​ളു​ടെ കൈമാ​റൽ സൂര്യാ​സ്‌ത​മ​യ​ശേഷം മാത്രമേ നടക്കു​ക​യു​ള്ളൂ എന്ന്‌ ഉറപ്പു​വ​രു​ത്തുക. രോഗ​മോ മറ്റ്‌ അവശത​ക​ളോ നിമിത്തം ഹാജരാ​കാൻ സാധി​ക്കാത്ത അഭിഷി​ക്തർ ആരെങ്കി​ലും ഉണ്ടെങ്കിൽ അവർക്ക്‌ ചിഹ്നങ്ങ​ളിൽ പങ്കുപ​റ്റാ​നുള്ള ക്രമീ​ക​രണം ചെയ്യുക. ഉചിത​മായ തരത്തി​ലുള്ള അപ്പവും വീഞ്ഞും തയ്യാറാ​ക്കി വെച്ചിരിക്കണം.—w03 2/15 പേ. 14-15 ¶14, 17 കാണുക.

◼ രാജ്യ​ഹാൾ: മുന്ന​മേ​തന്നെ ഹാൾ നന്നായി വൃത്തി​യാ​ക്കി​യി​രി​ക്കണം. പ്ലെയി​റ്റു​കൾ, ഗ്ലാസ്സുകൾ, അനു​യോ​ജ്യ​മായ മേശ, മേശവി​രി എന്നിവ നേര​ത്തേ​തന്നെ ഹാളിൽ എത്തിക്കു​ക​യും പരിപാ​ടി തുടങ്ങു​ന്ന​തി​നു​മുമ്പ്‌ അവ ഉചിത​മായ ഇടങ്ങളിൽ ക്രമീ​ക​രി​ക്കു​ക​യും ചെയ്യുക. രാജ്യ​ഹാ​ളി​നു പകരം മറ്റൊ​രി​ട​മാണ്‌ ഉപയോ​ഗി​ക്കു​ന്ന​തെ​ങ്കിൽ, ഹാജരാ​കുന്ന എല്ലാവർക്കും സുഖക​ര​മാ​യി കേൾക്കാൻ മതിയായ വിധത്തി​ലുള്ള ശബ്ദസം​വി​ധാ​നം ഉണ്ടെന്ന്‌ ഉറപ്പു​വ​രു​ത്തു​മ​ല്ലോ? സേവക​ന്മാ​രെ​യും സ്‌മാ​ര​ക​ചി​ഹ്നങ്ങൾ വിതരണം ചെയ്യു​ന്ന​വ​രെ​യും നേരത്തേ തിര​ഞ്ഞെ​ടുത്ത്‌ അവർ എന്തൊക്കെ, എങ്ങനെ​യെ​ല്ലാം ചെയ്യണ​മെന്ന നിർദേ​ശങ്ങൾ നൽകണം. മാന്യ​മായ വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും പ്രാധാ​ന്യ​ത്തെ​ക്കു​റി​ച്ചും അവരെ ഓർമി​പ്പി​ക്കുക.

യേശു​ക്രി​സ്‌തു​വി​ന്റെ മരണത്തി​ന്റെ ഓർമ ആചരി​ക്കുന്ന ഈ സുപ്ര​ധാന വേളയ്‌ക്കാ​യി വ്യക്തി​പ​ര​മാ​യും സഭയെന്ന നിലയി​ലും നന്നായി ഒരുങ്ങാൻ നാം ആഗ്രഹി​ക്കു​ന്നു. തന്റെ പ്രിയ​പു​ത്രന്റെ ബലിമ​ര​ണ​ത്തി​ലൂ​ടെ യഹോവ മനുഷ്യ​വർഗ​ത്തി​നാ​യി ചെയ്‌തി​രി​ക്കുന്ന സകലതി​നോ​ടും ഹൃദയം​നി​റഞ്ഞ വിലമ​തിപ്പ്‌ പ്രകട​മാ​ക്കു​ന്ന​വ​രു​ടെ​മേൽ അവൻ സമൃദ്ധ​മായ അനു​ഗ്രഹം വർഷി​ക്കു​ക​തന്നെ ചെയ്യും.