വിശ്വ​സ്‌ത​ത​യു​ടെ ദൃഷ്ടാ​ന്ത​ങ്ങൾ

¹ മുഴുസമയ സേവന​ത്തി​ന്റെ ഒരു പുതിയ സവി​ശേ​ഷ​ത​യാ​യി​രു​ന്നു 1937-ൽ ആരംഭിച്ച പ്രത്യേക പയനിയർ വേല. പ്രാപ്‌ത​രും ക്രിസ്‌തീയ ശുശ്രൂ​ഷ​യിൽ അനുഭ​വ​സ​മ്പ​ന്ന​രു​മായ സ്‌ത്രീ​പു​രു​ഷ​ന്മാർ സംഘടന താത്‌പ​ര്യ​പ്പെ​ടുന്ന എവി​ടെ​യും സേവി​ക്കാൻ സന്നദ്ധരാ​യി മുന്നോ​ട്ടു​വന്നു. പതിറ്റാ​ണ്ടു​കൾക്കു​ശേഷം ഇന്നും പ്രത്യേക പയനി​യർമാർ വിശ്വ​സ്‌ത​ത​യു​ടെ അനുക​ര​ണ​യോ​ഗ്യ​മായ ദൃഷ്ടാ​ന്ത​ങ്ങ​ളാ​യി തുടരു​ന്നു.—എബ്രാ. 6:12.

² മുൻനിരയിൽ പ്രവർത്തി​ച്ചവർ: ഗ്രാമ​ഫോ​ണു​മാ​യി വീടുകൾ സന്ദർശിച്ച്‌ റെക്കോർഡു ചെയ്‌ത സന്ദേശങ്ങൾ കേൾപ്പി​ച്ചു​കൊ​ണ്ടാ​യി​രു​ന്നു പ്രത്യേക പയനി​യർമാർ ആദ്യകാ​ല​ങ്ങ​ളിൽ പ്രവർത്തി​ച്ചത്‌. മടക്കസ​ന്ദർശ​ന​വേ​ള​യി​ലും ബൈബിൾ ചർച്ചകൾക്കുള്ള അടിസ്ഥാ​ന​മാ​യി റെക്കോർഡു ചെയ്‌ത വിവരങ്ങൾ അവർ ഉപയോ​ഗി​ച്ചി​രു​ന്നു. സഭകൾ അപ്പോൾത്തന്നെ സ്ഥാപി​ത​മാ​യി​രുന്ന വലിയ നഗരങ്ങ​ളി​ലാ​യി​രു​ന്നു ആ രീതി അവലം​ബി​ച്ചി​രു​ന്നത്‌. പിന്നീട്‌ രാജ്യ​ഘോ​ഷ​ക​രു​ടെ വർധിച്ച ആവശ്യ​മുള്ള സ്ഥലങ്ങളി​ലേക്ക്‌ പ്രത്യേക പയനി​യർമാ​രെ അയയ്‌ക്കു​ക​യു​ണ്ടാ​യി. താത്‌പ​ര്യം കാണിച്ച സകല​രെ​യും അവർ വീണ്ടും സന്ദർശി​ക്കു​ക​യും ബൈബി​ള​ധ്യ​യ​നങ്ങൾ നടത്തു​ക​യും ചെയ്‌തു. അവരുടെ ആത്മാർഥ​മായ പരി​ശ്ര​മ​ത്തി​ന്റെ ഫലമായി നൂറു​ക​ണ​ക്കി​നു പുതിയ സഭകൾ രൂപം​കൊ​ണ്ടു. സുവാർത്താ​പ്ര​സം​ഗ​ത്തി​ലെ അവരുടെ അക്ഷീണ​യ​ത്‌നം നാം ഇന്നു സംഘട​ന​യിൽ കാണുന്ന വളർച്ച​യ്‌ക്കു കളമൊ​രു​ക്കി. (യെശ. 60:22) “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ” സുവാർത്ത എത്തിക്കു​ന്ന​തിൽ പ്രത്യേക പയനി​യർമാർ ഇന്നും ഒരു സുപ്ര​ധാന പങ്കുവ​ഹി​ക്കു​ന്നു.—കൊലൊ. 1:23.

³ അനുകരണയോഗ്യർ: പതിറ്റാ​ണ്ടു​ക​ളാ​യി മുഴു​സമയ ശുശ്രൂഷ ചെയ്യു​ന്ന​വ​രാണ്‌ ചില പ്രത്യേക പയനി​യർമാർ. ഈ വർഷങ്ങ​ളി​ലെ​ല്ലാം വ്യത്യസ്‌ത സാഹച​ര്യ​ങ്ങ​ളി​ലൂ​ടെ കടന്നു​പോയ വിശ്വ​സ്‌ത​രായ ആ സ്‌ത്രീ​പു​രു​ഷ​ന്മാ​രു​ടെ വിശ്വാ​സം നല്ലവണ്ണം സ്‌ഫുടം ചെയ്യ​പ്പെ​ട്ടി​രി​ക്കു​ന്നു. (1 പത്രൊ. 1:6, 7) പ്രത്യേക ആവശ്യ​മുള്ള സ്ഥലങ്ങളിൽ സേവി​ക്കാ​നാ​യി സുഖസൗ​ക​ര്യ​ങ്ങൾ ബലിക​ഴി​ക്കാൻ അവർ തയ്യാറാ​യി​രു​ന്നി​ട്ടുണ്ട്‌. അവരിൽ ചില​രെ​ല്ലാം ഇപ്പോൾ പ്രായം​ചെ​ന്ന​വ​രും ആരോ​ഗ്യ​പ്ര​ശ്‌ന​ങ്ങ​ളോ വെല്ലു​വി​ളി നിറഞ്ഞ മറ്റു സ്ഥിതി​വി​ശേ​ഷ​ങ്ങ​ളോ നേരി​ടു​ന്ന​വ​രു​മാണ്‌. (2 കൊരി. 4:16, 17) സാമ്പത്തിക സ്ഥിതി​യി​ലു​ണ്ടായ അപ്രതീ​ക്ഷി​ത​മാ​റ്റം ഇന്ത്യയി​ലെ വേലയെ ബാധി​ച്ച​പ്പോൾ അവരി​ല​നേ​കർക്കും പ്രിയ​ങ്ക​ര​മായ തങ്ങളുടെ സേവന​പ​ദവി കൈവി​ടേ​ണ്ടി​വന്നു. എങ്കിലും “വാർദ്ധ​ക്യ​ത്തി​ലും അവർ ഫലം കായിച്ചു”കൊണ്ടി​രി​ക്കു​ന്നു. (സങ്കീ. 92:14) യഹോ​വ​യിൽ ആശ്രയം വെച്ചു​കൊണ്ട്‌ അവർ അവനിൽനി​ന്നുള്ള അനു​ഗ്ര​ഹങ്ങൾ ആസ്വദി​ക്കു​ന്നു.—സങ്കീ. 34:8; സദൃ. 10:22.

⁴ പ്രത്യേക പയനി​യർമാർ തീർച്ച​യാ​യും നമ്മുടെ ഹൃദയം​ഗ​മ​മായ അഭിന​ന്ദനം അർഹി​ക്കു​ന്നു. മുമ്പു പ്രത്യേക പയനി​യർമാർ ആയിരു​ന്ന​വ​രോ ഇപ്പോൾ പ്രത്യേക പയനി​യർമാ​രാ​യി സേവി​ക്കു​ന്ന​വ​രോ നിങ്ങളു​ടെ സഭയിൽ ഉണ്ടെങ്കിൽ അവരോ​ടൊ​ത്തു സമയം ചെലവ​ഴി​ച്ചു​കൊ​ണ്ടും അവരുടെ അനുഭ​വ​പ​രി​ച​യ​ത്തിൽനി​ന്നു പഠിച്ചു​കൊ​ണ്ടും നിങ്ങൾക്കുള്ള നല്ല അവസരം നന്നായി പ്രയോ​ജ​ന​പ്പെ​ടു​ത്തുക. വിശ്വസ്‌ത രാജ്യ​ഘോ​ഷകർ എന്ന നിലയിൽ അവർ അനുഷ്‌ഠി​ക്കുന്ന സേവന​ത്തോ​ടു വിലമ​തി​പ്പു പ്രകട​മാ​ക്കുക. അവരുടെ ദൃഢവി​ശ്വ​സ്‌ത​ത​യിൽനി​ന്നു പ്രോ​ത്സാ​ഹനം ഉൾക്കൊ​ള്ളുക. അവരുടെ വിശ്വാ​സം അനുക​രി​ക്കുന്ന ഏവർക്കും അവരെ​പ്പോ​ലെ​തന്നെ യഹോ​വ​യു​ടെ പ്രീതി​യും അനു​ഗ്ര​ഹ​വും ആസ്വദി​ക്കാ​നാ​കും, എന്തു​കൊ​ണ്ടെ​ന്നാൽ “വിശ്വ​സ്‌ത​താ​പൂർവം പെരു​മാ​റു​ന്നവർ അവനു പ്രിയ​ങ്ക​ര​രാണ്‌.”—സദൃ. 12:22, ഓശാന ബൈബിൾ.