യുവജ​ന​ങ്ങളേ, ദൈവ​വ​ചനം വായി​ക്കു​വിൻ!

¹ യൗവനം വെല്ലു​വി​ളി​ക​ളു​ടെ​യും നിർണാ​യക തീരു​മാ​ന​ങ്ങ​ളു​ടെ​യും കാലഘ​ട്ട​മാണ്‌. ക്രിസ്‌തീയ യുവജ​ന​ങ്ങ​ളായ നിങ്ങളിൽ പലരും ദിവസ​വും ദൈവിക നിലവാ​ര​ങ്ങളെ ലംഘി​ക്കാ​നുള്ള സമ്മർദ​ത്തോ​ടു പോരാ​ടു​ന്ന​വ​രാണ്‌. വിദ്യാ​ഭ്യാ​സം, തൊഴിൽ, വിവാഹം തുടങ്ങിയ കാര്യ​ങ്ങ​ളിൽ തീരു​മാ​ന​മെ​ടു​ക്കു​ന്ന​തി​നു മുമ്പു​തന്നെ നിങ്ങൾക്കു വ്യക്തമായ ആത്മീയ ലാക്കുകൾ ഉണ്ടായി​രി​ക്കണം. അപ്പോൾ മാത്രമേ ഭാവി ജീവി​ത​ത്തിൽ പ്രയോ​ജ​നങ്ങൾ കൈവ​രു​ത്തുന്ന തീരു​മാ​നങ്ങൾ എടുക്കാൻ നിങ്ങൾക്കു സാധി​ക്കു​ക​യു​ള്ളൂ. സുനി​ശ്ചി​ത​മായ ആത്മീയ ലക്ഷ്യങ്ങൾ ഉണ്ടായി​രി​ക്കു​ന്നത്‌ ജ്ഞാന​ത്തോ​ടെ പ്രവർത്തി​ക്കാ​നും ജീവിതം വിജയ​ക​ര​മാ​ക്കാ​നും നിങ്ങളെ സഹായി​ക്കും. ദൈവ​വ​ചനം ക്രമമാ​യി വായി​ക്കു​ക​യും ധ്യാനി​ക്കു​ക​യും ചെയ്യു​മ്പോൾ അതിലെ നിശ്വസ്‌ത ബുദ്ധി​യു​പ​ദേ​ശ​ത്തി​നു ചേർച്ച​യിൽ ജീവി​ക്കാൻ നിങ്ങൾ പ്രചോ​ദി​ത​രാ​യി​ത്തീ​രു​ക​യും അങ്ങനെ നിങ്ങളു​ടെ ജീവിതം വിജയ​ക​ര​മാ​യി തീരു​ക​യും ചെയ്യും.—യോശു. 1:8; സങ്കീ. 1:2, 3.

² അത്‌ നിങ്ങൾക്ക്‌ എങ്ങനെ പ്രയോ​ജനം ചെയ്യും? ദുഷ്‌പ്ര​വൃ​ത്തി​യിൽ ഏർപ്പെ​ടാ​നുള്ള പ്രലോ​ഭ​നങ്ങൾ നിറഞ്ഞ​താണ്‌ സാത്താന്റെ ലോകം. (1 യോഹ. 2:15, 16) സമപ്രാ​യ​ക്കാ​രിൽനി​ന്നുള്ള സമ്മർദ​ത്തി​നു വഴങ്ങി​യതു നിമിത്തം വലിയ പ്രശ്‌ന​ങ്ങ​ളിൽ അകപ്പെ​ട്ടി​ട്ടുള്ള സഹപാ​ഠി​ക​ളെ​യോ മറ്റു യുവജ​ന​ങ്ങ​ളെ​യോ നിങ്ങൾക്ക്‌ അറിയാ​മാ​യി​രി​ക്കും. ബൈബിൾ തത്ത്വങ്ങ​ളോ​ടു പറ്റിനിൽക്കു​ന്നത്‌ പാപപൂർണ​മായ ഒരു ഗതി നിരസി​ക്കാൻ വേണ്ട ധാർമി​ക​വും ആത്മീയ​വു​മായ ബലം നിങ്ങൾക്കു നൽകും. മാത്രമല്ല, തിരു​വെ​ഴു​ത്തു ബുദ്ധി​യു​പ​ദേ​ശ​ത്തിന്‌ സാത്താന്റെ തന്ത്രപ​ര​മായ കെണി​കളെ ഒഴിവാ​ക്കാ​നും നിങ്ങളെ സഹായി​ക്കാ​നാ​കും. (2 കൊരി. 2:11; എബ്രാ. 5:14) ദൈവ​ത്തി​ന്റെ വഴിക​ളിൽ നടക്കു​ന്നത്‌ യഥാർഥ സന്തുഷ്ടി കൈവ​രു​ത്തും, സ്വന്തം ജീവി​ത​ത്തിൽ സംതൃ​പ്‌തി കണ്ടെത്താ​നും അതു സഹായി​ക്കും.—സങ്കീ. 119:1, 9, 11.

³ കാലത്തിനു മാറ്റാ​നാ​വാത്ത ദൈവിക തത്ത്വങ്ങൾ മാനു​ഷിക ജ്ഞാനത്തെ അപേക്ഷിച്ച്‌ അത്യു​ത്‌കൃ​ഷ്ട​മാണ്‌. (സങ്കീ. 119:98-100) ബൈബിൾ തത്ത്വങ്ങൾ സംബന്ധിച്ച പരിജ്ഞാ​ന​വും യഹോ​വ​യു​ടെ വെളി​പ്പെ​ടു​ത്ത​പ്പെട്ട ഉദ്ദേശ്യ​ങ്ങളെ കുറി​ച്ചുള്ള ധ്യാന​വും ഒപ്പം ഹൃദയം​ഗ​മ​മായ പ്രാർഥ​ന​യും ബൈബി​ളി​ന്റെ സർവജ്ഞാ​നി​യാം ഗ്രന്ഥകർത്താ​വായ യഹോ​വ​യാം ദൈവ​വു​മാ​യി അടുത്ത ബന്ധം കെട്ടു​പ​ണി​ചെ​യ്യാൻ നിങ്ങളെ സഹായി​ക്കും. അവൻ ഇങ്ങനെ വാഗ്‌ദാ​നം ചെയ്യുന്നു: “ഞാൻ നിന്നെ ഉപദേ​ശി​ച്ചു, [“നിനക്ക്‌ ഉൾക്കാഴ്‌ച പകർന്ന്‌,” NW] നടക്കേ​ണ്ടുന്ന വഴി നിനക്കു കാണി​ച്ചു​ത​രും; ഞാൻ നിന്റെ​മേൽ ദൃഷ്ടി​വെച്ചു നിനക്കു ആലോചന പറഞ്ഞു​ത​രും.”—സങ്കീ. 32:8.

⁴ വായനയ്‌ക്കു സമയം കണ്ടെത്തുക: ഒരു ക്രിസ്‌തീയ പെൺകു​ട്ടി മുഴു ബൈബി​ളും വായി​ക്കുക എന്ന ലക്ഷ്യം വെച്ചു, ഒരു വർഷത്തി​നു​ള്ളിൽ അവൾ അതു പൂർത്തീ​ക​രി​ക്കു​ക​യും ചെയ്‌തു. അതിന്റെ പ്രയോ​ജ​ന​മോ? അവൾ പറയുന്നു: “ഞാൻ യഹോ​വയെ കുറിച്ച്‌ വളരെ​യ​ധി​കം പഠിച്ചു, അത്‌ എന്നെ അവനോ​ടു കൂടുതൽ അടുപ്പി​ക്കു​ക​യും എന്റെ ജീവി​ത​കാ​ല​ത്തെ​ല്ലാം അവനെ ഭയപ്പെ​ടാൻ എന്നെ പ്രചോ​ദി​പ്പി​ക്കു​ക​യും ചെയ്‌തി​രി​ക്കു​ന്നു.” (യാക്കോ. 4:8) നിങ്ങൾ മുഴു ബൈബി​ളും വായി​ച്ചി​ട്ടു​ണ്ടോ? ഇല്ലെങ്കിൽ എന്തു​കൊണ്ട്‌ അതു നിങ്ങളു​ടെ ലക്ഷ്യമാ​ക്കി​ക്കൂ​ടാ? യഹോവ തീർച്ച​യാ​യും നിങ്ങളു​ടെ ശ്രമങ്ങളെ അനു​ഗ്ര​ഹി​ക്കു​ക​യും നിങ്ങൾ മഹത്തായ പ്രതി​ഫലം കൊയ്യു​ക​യും ചെയ്യും.