നമുക്കു​ള്ള​തിൽ ഏറ്റവും നല്ലത്‌ യഹോ​വ​യ്‌ക്കു കൊടു​ക്കൽ

¹ യഹോവയ്‌ക്കു യാഗം അർപ്പി​ക്കാ​നാ​യി കൊണ്ടു​വ​രുന്ന മൃഗങ്ങൾ ‘ഊനമി​ല്ലാ​ത്തവ’ ആയിരി​ക്ക​ണ​മെന്ന്‌ ഇസ്രാ​യേ​ലി​നു നൽകിയ ന്യായ​പ്ര​മാ​ണ​ത്തിൽ നിഷ്‌കർഷി​ച്ചി​രു​ന്നു. ഊനമുള്ള മൃഗം സ്വീകാ​ര്യ​മാ​യി​രു​ന്നില്ല. (ലേവ്യ. 22:18-20; മലാ. 1:6-9) മാത്രമല്ല യാഗത്തി​നാ​യി ഉപയോ​ഗി​ക്കുന്ന മൃഗത്തി​ന്റെ ഏറ്റവും വിശിഷ്ട ഭാഗമായ മേദസ്സ്‌ മുഴു​വ​നാ​യി യഹോ​വ​യ്‌ക്കു നൽകണ​മാ​യി​രു​ന്നു. (ലേവ്യ. 3:14-16) ഇസ്രാ​യേ​ലി​ന്റെ പിതാ​വും യജമാ​ന​നും എന്ന നിലയിൽ അവൻ ഏറ്റവും നല്ലതു​തന്നെ ലഭിക്കാൻ അർഹനാ​യി​രു​ന്നു.

² പുരാതന നാളു​ക​ളി​ലെ​ന്ന​പോ​ലെ ഇന്നും നമ്മുടെ യാഗങ്ങ​ളു​ടെ ഗുണനി​ല​വാ​ര​ത്തിൽ ദൈവം അതീവ ശ്രദ്ധാ​ലു​വാണ്‌. യഹോ​വ​യോ​ടുള്ള ഉചിത​മായ ഭക്ത്യാ​ദ​രവ്‌ പ്രകടി​പ്പി​ക്കു​ന്ന​താ​യി​രി​ക്കണം നമ്മുടെ സേവനം. തീർച്ച​യാ​യും വ്യക്തി​ക​ളു​ടെ സാഹച​ര്യ​ങ്ങൾ വ്യത്യ​സ്‌ത​മാ​യി​രി​ക്കും. എന്നിരു​ന്നാ​ലും, കൊടു​ക്കാൻ കഴിയു​ന്ന​തിൽ ഏറ്റവും നല്ലതാ​ണോ നാം അവനു കൊടു​ക്കു​ന്നത്‌ എന്നതു സംബന്ധിച്ച്‌ ആത്മപരി​ശോ​ധന നടത്തു​ന്ന​തിന്‌ നമുക്കു നല്ല കാരണ​മുണ്ട്‌.—എഫെ. 5:9.

³ മുഴുഹൃദയത്തോടെയുള്ള സേവനം: യഹോ​വയെ ബഹുമാ​നി​ക്കാ​നും കേൾവി​ക്കാ​രു​ടെ ഹൃദയ​ങ്ങ​ളിൽ എത്തി​ച്ചേ​രാ​നും യാന്ത്രി​ക​മായ ശുശ്രൂഷ മതിയാ​വു​ക​യില്ല. നമ്മുടെ ദൈവ​മായ യഹോ​വ​യെ​യും അവന്റെ മഹത്തായ ഉദ്ദേശ്യ​ങ്ങ​ളെ​യും കുറി​ച്ചുള്ള വാക്കുകൾ നമ്മുടെ കൃതജ്ഞ​താ​നിർഭ​ര​മായ ഹൃദയ​ത്തിൽനി​ന്നു കവി​ഞ്ഞൊ​ഴു​കണം. (സങ്കീ. 145:7, NW) അതു വ്യക്തി​പ​ര​മാ​യി നല്ലൊരു ബൈബിൾ വായന, പഠന പരിപാ​ടി നിലനി​റു​ത്തേ​ണ്ട​തി​ന്റെ പ്രാധാ​ന്യം എടുത്തു​കാ​ട്ടു​ന്നു.—സദൃ. 15:28, NW.

⁴ യഹോവയ്‌ക്ക്‌ നമ്മുടെ ഏറ്റവും നല്ലതു കൊടു​ക്കു​ന്ന​തിൽ അവന്‌ ആളുക​ളോ​ടുള്ള സ്‌നേഹം അനുക​രി​ക്കു​ന്ന​തും ഉൾപ്പെ​ടു​ന്നു. (എഫെ. 5:1, 2) സത്യത്തി​ന്റെ ജീവദാ​യക സന്ദേശം കഴിയു​ന്നി​ട​ത്തോ​ളം ആളുക​ളു​മാ​യി പങ്കു​വെ​ക്കാൻ അവരോ​ടുള്ള സ്‌നേഹം നമ്മെ പ്രചോ​ദി​പ്പി​ക്കും. (മർക്കൊ. 6:34) നാം സംസാ​രി​ക്കു​ന്ന​വ​രോ​ടു വ്യക്തി​പ​ര​മായ താത്‌പ​ര്യം പ്രകട​മാ​ക്കാൻ അതു നമ്മെ പ്രേരി​പ്പി​ക്കും. ആദ്യസ​ന്ദർശ​ന​ത്തി​നു​ശേഷം അവരെ കുറിച്ചു ചിന്തി​ക്കാ​നും മടങ്ങി​ച്ചെ​ല്ലാ​നും അതു നമ്മെ പ്രചോ​ദി​പ്പി​ക്കും. അവരുടെ ആത്മീയ വളർച്ച​യ്‌ക്കു നമ്മാൽ കഴിയു​ന്ന​തെ​ല്ലാം ചെയ്യാൻ അതു നമ്മെ ഉത്തേജി​പ്പി​ക്കും.—പ്രവൃ. 20:24; 26:28, 29.

⁵ ഒരു “സ്‌തോ​ത്ര​യാ​ഗം”: നമ്മുടെ ഏറ്റവും നല്ലത്‌ യഹോ​വ​യ്‌ക്കു കൊടു​ക്കു​ന്ന​തി​നുള്ള മറ്റൊരു മാർഗം ഉത്സാഹ​പൂർവം ശുശ്രൂ​ഷ​യിൽ ഏർപ്പെ​ടുക എന്നതാണ്‌. നല്ല ചിട്ടയു​ള്ള​വ​രും വേലയിൽ ശ്രദ്ധ കേന്ദ്രീ​ക​രി​ക്കു​ന്ന​വ​രും ആയിരി​ക്കു​മ്പോൾ ലഭ്യമായ സമയം ഏറ്റവും ഫലപ്ര​ദ​മാ​യി ഉപയോ​ഗി​ക്കാൻ നമുക്കു കഴിയും. (1 തിമൊ. 4:10) നല്ല തയ്യാറാ​കൽ വ്യക്തത​യോ​ടെ​യും ബോധ്യ​ത്തോ​ടെ​യും സംസാ​രി​ച്ചു​കൊണ്ട്‌ അനുകൂ​ല​മായ പ്രതി​ക​ര​ണ​ത്തി​നുള്ള സാധ്യത വർധി​പ്പി​ക്കാൻ നമ്മെ പ്രാപ്‌ത​രാ​ക്കും. (സദൃ. 16:21, NW) മറ്റുള്ള​വ​രു​മാ​യി സുവാർത്ത പങ്കു​വെ​ക്കവേ, നമ്മുടെ ഹൃദയം​ഗ​മ​മായ വാക്കു​കളെ ഉചിത​മാ​യും “സ്‌തോ​ത്ര​യാ​ഗം” എന്നു വിളി​ക്കാൻ കഴിയും.—എബ്രാ. 13:15.