ദൈവ​ത്തി​ന്റെ പ്രാവ​ച​നിക വചനങ്ങൾ എല്ലാം നിവൃ​ത്തി​യേ​റും!

¹ യഹോ​വ​യു​ടെ സാക്ഷികൾ എല്ലായ്‌പോ​ഴും ബൈബിൾ പ്രവച​ന​ങ്ങ​ളിൽ തത്‌പ​ര​രാ​യി​രു​ന്നി​ട്ടുണ്ട്‌. അതു​കൊണ്ട്‌, ഡിസ്‌ട്രി​ക്‌റ്റ്‌ കൺ​വെൻ​ഷന്റെ വിഷയം “ദൈവ​ത്തി​ന്റെ പ്രാവ​ച​നിക വചനം” എന്നായി​രി​ക്കും എന്ന്‌ കഴിഞ്ഞ​വർഷം അറിഞ്ഞ​പ്പോൾ നാം ആവേശ​ഭ​രി​ത​രാ​യി. ‘തത്സസമ​യത്തെ ഭക്ഷണം’ എന്ന നിലയിൽ യഹോവ എന്താണു കരുതി​വെ​ച്ചി​രി​ക്കു​ന്നത്‌ എന്നറി​യാൻ നാമേ​വ​രും ആകാം​ക്ഷ​യു​ള്ളവർ ആയിരു​ന്നു. (മത്താ. 24:45) അവൻ നമ്മെ നിരാ​ശ​പ്പെ​ടു​ത്തി​യില്ല.

² കൺ​വെൻ​ഷന്റെ സവിശേഷ ആശയങ്ങൾ: “ദൈവ​ത്തി​ന്റെ പ്രാവ​ച​നിക വചനത്തി​നു ശ്രദ്ധ നൽകുക” എന്ന വെള്ളി​യാ​ഴ്‌ചത്തെ മുഖ്യ​വി​ഷയ പ്രസം​ഗ​ത്തിൽ രൂപാ​ന്ത​രീ​കരണ വൃത്താന്തം സംബന്ധിച്ച പ്രബോ​ധ​നാ​ത്മ​ക​മായ ഒരു ചർച്ച ഉൾപ്പെ​ട്ടി​രു​ന്നു. (മത്താ. 17:1-9) പുതിയ വ്യവസ്ഥി​തി തൊട്ടു​മു​മ്പിൽ സ്ഥിതി​ചെ​യ്യുന്ന ഈ അന്ത്യനാ​ളു​ക​ളു​ടെ പരമാ​ന്ത്യ​ത്തിൽ നാം എത്തിയി​രി​ക്കു​ന്ന​തി​നാൽ ഇപ്പോൾത്തന്നെ നാം ഏറ്റവും നല്ല നാളു​ക​ളു​ടെ കവാട​ത്തി​ലാണ്‌ എന്ന വസ്‌തു​ത​യ്‌ക്ക്‌ അത്‌ ഊന്നൽ നൽകി! ദൈവ​ത്തി​ന്റെ പ്രാവ​ച​നിക വചനത്തി​നു ശ്രദ്ധ കൊടു​ക്കാൻ കഴിയുന്ന ഒരു സുപ്ര​ധാന വിധം അതു ക്രമമാ​യി വായി​ക്കുക എന്നതാണ്‌. “ദൈവ​വ​ചനം വായി​ക്കു​ന്ന​തിൽ ആനന്ദം കണ്ടെത്തുക” എന്ന സിമ്പോ​സി​യം നമ്മുടെ ബൈബിൾ വായന കൂടുതൽ പ്രതി​ഫ​ല​ദാ​യ​ക​വും ആസ്വാ​ദ്യ​വു​മാ​ക്കാ​നുള്ള പ്രാ​യോ​ഗിക നിർദേ​ശങ്ങൾ നൽകി.

³ ശനിയാഴ്‌ച ഉച്ചകഴിഞ്ഞ്‌, നാം അന്ത്യനാ​ളു​ക​ളി​ലാ​ണു ജീവി​ക്കു​ന്ന​തെന്നു നമുക്കു ബോധ്യ​മാ​യി​രി​ക്കു​ന്ന​തി​ന്റെ കാരണങ്ങൾ പുനര​വ​ലോ​കനം ചെയ്‌തു. അവയെ​ല്ലാം ഓർമി​ക്കാൻ നിങ്ങൾക്കു കഴിയു​മോ? നമ്മുടെ നാളുകൾ ഹബക്കൂ​ക്കി​ന്റെ നാളു​ക​ളോ​ടു വളരെ സാദൃ​ശ്യ​മു​ള്ള​വ​യാ​ണെ​ന്നും യഹോവ ദുഷ്ടന്മാ​രെ നശിപ്പിച്ച്‌ നീതി​മാ​ന്മാ​രെ രക്ഷിക്കവെ സുപ്ര​ധാന സംഭവങ്ങൾ അരങ്ങേ​റു​മെ​ന്നും ഞായറാഴ്‌ച രാവിലെ നാം മനസ്സി​ലാ​ക്കി​യ​പ്പോൾ ഹബക്കൂ​ക്കി​ന്റെ പ്രവചനം ജീവസ്സു​റ്റ​താ​യി​ത്തീർന്നു. യാക്കോ​ബി​നെ​യും ഏശാവി​നെ​യും കുറി​ച്ചുള്ള ബൈബിൾ നാടക​ത്തി​ലെ ആശയം നിങ്ങൾക്കു മനസ്സി​ലാ​യോ? ഉദാസീ​ന​ത​യു​ടെ​യോ വിപ്ര​തി​പ​ത്തി​യു​ടെ​യോ ആത്മാവി​നെ ചെറു​ത്തു​കൊണ്ട്‌, യഹോ​വ​യിൽ നിന്നുള്ള അനു​ഗ്ര​ഹങ്ങൾ തേടു​ന്ന​തി​നാ​യി നാം സജീവ​മാ​യി പ്രയത്‌നി​ക്കണം.

⁴ താത്‌പ​ര്യ​ജ​ന​ക​മായ ഒരു പുതിയ പുസ്‌തകം: “ദാനീ​യേൽ പ്രവച​ന​ത്തി​നു ശ്രദ്ധ കൊടു​പ്പിൻ” എന്ന പുതിയ പുസ്‌തകം ലഭിച്ച​പ്പോൾ നാമേ​വ​രും എത്ര ആവേശ​ഭ​രി​ത​രാ​യി! വായന​ക്കാ​രെ പിടി​ച്ചി​രു​ത്താൻ പോന്ന ഈ പ്രസി​ദ്ധീ​ക​രണം നിങ്ങൾ ഇപ്പോൾ വായി​ച്ചു​കൊ​ണ്ടി​രി​ക്കു​ക​യാണ്‌ എന്നതിൽ സംശയ​മില്ല. ഇത്‌ പ്രകാ​ശനം ചെയ്‌ത പ്രസം​ഗകൻ ഇങ്ങനെ പ്രസ്‌താ​വി​ച്ചു: “ഏതാനും വിശദാം​ശങ്ങൾ ഒഴികെ ദാനീ​യേൽ പുസ്‌ത​ക​ത്തി​ലെ എല്ലാ പ്രവച​ന​ങ്ങ​ളും നിവൃ​ത്തി​യേറി കഴിഞ്ഞി​രി​ക്കു​ന്നു.” നമ്മുടെ നാളു​ക​ളു​ടെ അടിയ​ന്തി​ര​ത​യ്‌ക്ക്‌ ഇത്‌ അടിവ​ര​യി​ടു​ന്നി​ല്ലേ?

⁵ ഇനിയും നിവൃ​ത്തി​യേ​റാ​നുള്ള ദൈവിക വാഗ്‌ദാ​ന​ങ്ങ​ളും ഒന്നൊ​ഴി​യാ​തെ നിവൃ​ത്തി​യേ​റും എന്ന നമ്മുടെ ബോധ്യ​ത്തെ കൺ​വെൻ​ഷൻ പരിപാ​ടി​കൾ വളരെ​യ​ധി​കം ബലിഷ്‌ഠ​മാ​ക്കി. ദൈവ​ത്തി​ന്റെ പ്രാവ​ച​നിക വചനം മറ്റുള്ള​വ​രോ​ടു പ്രഖ്യാ​പി​ക്കു​ന്ന​തിൽ തുടരാൻ നാം പ്രചോ​ദി​പ്പി​ക്ക​പ്പെ​ട്ടി​രി​ക്കു​ന്നു!