യഹോ​വ​യു​ടെ നാമം ഭൂമി​യി​ലെ​മ്പാ​ടും പ്രസി​ദ്ധ​മാ​ക്കൽ

¹ ‘ഭൂമി​യു​ടെ അററ​ത്തോ​ളം തന്റെ സാക്ഷി​ക​ളാ​കാൻ’ യേശു തന്റെ ശിഷ്യ​ന്മാ​രെ നിയോ​ഗി​ച്ച​പ്പോൾ അവർക്കു പിന്തു​ട​രാ​നാ​യി അവൻ അതി​നോ​ട​കം​തന്നെ ഒരു മാതൃക വെച്ചി​ട്ടു​ണ്ടാ​യി​രു​ന്നു. (പ്രവൃ. 1:8) എപ്പോൾ, എവിടെ ആളുകളെ കണ്ടുമു​ട്ടി​യാ​ലും അവരോ​ടെ​ല്ലാം അവൻ മനുഷ്യ​വർഗത്തെ സംബന്ധി​ച്ചുള്ള ദൈ​വോ​ദ്ദേ​ശ്യ​ത്തെ​ക്കു​റി​ച്ചു സംസാ​രി​ച്ചു. യേശു​വി​നെ അനുക​രി​ച്ചു​കൊണ്ട്‌, യഹോ​വ​യു​ടെ നാമം “ഭൂമി​യിൽ എല്ലാട​വും പ്രസി​ദ്ധമാ”ക്കാൻ വിശ്വസ്‌ത അടിമ​വർഗം പല മാർഗങ്ങൾ ഉപയോ​ഗി​ച്ചു​കൊ​ണ്ടി​രി​ക്കു​ന്നു.—യെശ. 12:4, 5.

² മുൻ കാലങ്ങ​ളിൽ ചെയ്‌തി​രു​ന്നത്‌: കഴിഞ്ഞ കാലങ്ങ​ളിൽ പ്രസം​ഗങ്ങൾ വർത്തമാ​ന​പ​ത്ര​ങ്ങ​ളിൽ പ്രസി​ദ്ധീ​ക​രി​ക്കു​മാ​യി​രു​ന്നു; “സൃഷ്ടി​പ്പിൻ ഫോട്ടോ നാടകം” നിർമിച്ച്‌ ദശലക്ഷ​ങ്ങ​ളു​ടെ മുമ്പാകെ പ്രദർശി​പ്പി​ക്കു​ക​യു​ണ്ടാ​യി; ഉച്ചഭാ​ഷി​ണി ഘടിപ്പിച്ച കാറു​ക​ളും ഗ്രാമ​ഫോ​ണു​ക​ളും വ്യാപ​ക​മാ​യി ഉപയോ​ഗി​ച്ചു; കുറെ​ക്കാ​ല​ത്തേക്ക്‌ റേഡി​യോ​യും ഉപയോ​ഗി​ച്ചി​രു​ന്നു—എല്ലാം സുവാർത്ത പ്രസം​ഗി​ക്കു​ന്ന​തി​നാ​യി​രു​ന്നു. എന്നിരു​ന്നാ​ലും, ആളുകളെ നേരിട്ട്‌ സന്ദർശി​ക്കു​ന്ന​തിന്‌ ആയിരു​ന്നു എല്ലായ്‌പോ​ഴും ഊന്നൽ നൽകി​യി​രു​ന്നത്‌. അങ്ങനെ, കണ്ടെത്തുന്ന താത്‌പ​ര്യ​ത്തെ വളർത്തി​യെ​ടു​ക്കാൻ സാധി​ക്കു​മാ​യി​രു​ന്നു. തത്‌ഫ​ല​മാ​യി, യഹോ​വ​യു​ടെ നാമം എല്ലായി​ട​ത്തും പ്രസി​ദ്ധ​മാ​ക്കു​ന്ന​തിൽ വീടു​തോ​റു​മുള്ള ശുശ്രൂഷ വളരെ ഫലപ്ര​ദ​മായ ഒരു മാർഗ​മാ​ണെന്നു തെളി​ഞ്ഞി​രി​ക്കു​ന്നു.—പ്രവൃ. 5:42.

³ ഇക്കാലത്ത്‌ ചെയ്‌തു​കൊ​ണ്ടി​രി​ക്കു​ന്നത്‌: കാലം മാറി​യ​തോ​ടെ ആളുക​ളു​ടെ ജീവി​ത​വും തിരക്കു​പി​ടി​ച്ചത്‌ ആയിത്തീർന്നു. അതിനാൽ, മിക്ക സ്ഥലങ്ങളി​ലും വിരള​മാ​യി മാത്രമേ ആളുകളെ വീട്ടിൽ കണ്ടെത്താ​നാ​കൂ. ആത്മീയ കാര്യങ്ങൾ വായി​ക്കാ​നും അവയെ​ക്കു​റി​ച്ചു ധ്യാനി​ക്കാ​നും സമയം കണ്ടെത്തുന്ന ആളുകൾ ചുരു​ക്ക​മാണ്‌. തന്മൂലം, നാം നമ്മുടെ ശുശ്രൂ​ഷ​യിൽ യഥോ​ചി​തം പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തുണ്ട്‌. നമ്മുടെ നിയമിത പ്രദേ​ശത്തെ ഭവനങ്ങൾ തുടർച്ച​യാ​യി പ്രവർത്തി​ച്ചു തീർക്കു​ന്ന​തോ​ടൊ​പ്പം തന്നെ, ആളുകളെ കണ്ടെത്താ​വുന്ന ഇടങ്ങളി​ലേക്കു പോകാ​നും നമ്മുടെ പ്രത്യാ​ശ​യെ​ക്കു​റി​ച്ചു പ്രതി​വാ​ദം ചെയ്യാൻ ‘എപ്പോ​ഴും ഒരുങ്ങി​യി​രി​ക്കാ’നും നാം പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. (1 പത്രൊ. 3:15) അതിന്റെ അർഥം, സഹജോ​ലി​ക്കാർ, സഹപാ​ഠി​കൾ, തെരു​വി​ലും പാർക്കി​ലും പാർക്കിങ്‌ സ്ഥലങ്ങളി​ലും ഉള്ള ആളുകൾ, കടകളിൽ കാണുന്ന ആളുകൾ എന്നിങ്ങനെ കണ്ടുമു​ട്ടുന്ന ഏവരോ​ടും സാക്ഷീ​ക​രി​ക്കാൻ ശ്രമി​ക്കണം എന്നാണ്‌. അതേ, യഹോ​വ​യു​ടെ പിന്തുണ ഉള്ളതി​നാൽ, നമുക്ക്‌ അതിൽ വിജയി​ക്കാൻ കഴിയും. എന്നാൽ, ആളുകളെ കണ്ടെത്തി സാക്ഷീ​ക​രി​ക്കു​ന്ന​തിൽ നിങ്ങൾക്ക്‌ ഒരു പങ്കുണ്ടോ?

⁴ വ്യക്തി​ക​ളെന്ന നിലയിൽ ലഭ്യമായ ഏതൊരു മാർഗ​വും ഉപയോ​ഗി​ച്ചു​കൊണ്ട്‌ നമ്മുടെ പ്രദേ​ശത്ത്‌ യഹോ​വ​യു​ടെ നാമം പ്രസി​ദ്ധ​മാ​ക്കു​ന്ന​തിൽ നമുക്കു തുടരാം. നീതി​ഹൃ​ദ​യരെ ആകർഷി​ക്കുന്ന യഹോ​വ​യിൽ ആശ്രയി​ക്കവെ, ശുശ്രൂഷ പൂർണ​മാ​യി നിറ​വേ​റ്റു​ന്ന​തിൽ നമുക്ക്‌ വലിയ സംതൃ​പ്‌തി കണ്ടെത്താ​നാ​കും.—യോഹ. 6:44.