സിംഗ​പ്പൂർ ആരാധനാ സ്വാത​ന്ത്ര്യം ചവുട്ടി​മെ​തി​ക്കു​ന്നു

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റഞ്ച്‌ ഫെബ്രു​വരി 24-ാം തീയതി സായാഹ്നം. സിംഗ​പ്പൂർ നഗരത്തി​ലെ നാലു ഭവനങ്ങൾ പൊലീസ്‌ റെയ്‌ഡു ചെയ്‌തു. മൊത്തം 69 പേരെ അറസ്റ്റു ചെയ്‌തു.a അവരിൽ 71 വയസ്സുള്ള ഒരു സ്‌ത്രീ​യും 15 വയസ്സുള്ള രണ്ടു പെൺകു​ട്ടി​ക​ളും ഉണ്ടായി​രു​ന്നു. എന്തിന്‌? കുറ്റക​ര​മോ വിധ്വം​സ​ക​മോ ആയ പ്രവർത്ത​ന​മാ​യി​രു​ന്നോ കാരണം? അല്ല. അപകട​ക​ര​മോ അധാർമി​ക​മോ സാമൂ​ഹി​ക​വി​രു​ദ്ധ​മോ എന്നു പറയാ​വു​ന്ന​തി​ന്റെ അടുത്തു​പോ​ലും വരാവുന്ന ഒരു സംഗതി​യി​ലും അവരാ​രും ഏർപ്പെ​ട്ടി​രു​ന്നില്ല. ധാർമിക മൂല്യ​ങ്ങൾക്കും സുരക്ഷി​ത​ത്വ​ത്തി​നും തങ്ങളുടെ സഹസിം​ഗ​പ്പൂ​രു​കാ​രു​ടെ ക്ഷേമത്തി​നും അവർ യാതൊ​രു​വിധ ഭീഷണി​യും ഉയർത്തി​യി​രു​ന്നില്ല. എന്നിട്ടും നാലു ഭവനങ്ങൾ അരിച്ചു​പെ​റു​ക്കിയ പൊലീസ്‌ ബൈബിൾ പഠിക്കാ​നും സാമൂ​ഹിക കൂടി​വ​രവ്‌ ആസ്വദി​ക്കാ​നും എത്തിയി​രുന്ന 69 പേരെ പൊലീസ്‌ സ്റ്റേഷനി​ലേക്കു പിടി​ച്ചു​കൊ​ണ്ടു​പോ​യി. രാത്രി മുഴു​വ​നും തടഞ്ഞു​വ​യ്‌ക്ക​പ്പെട്ട അവരെ ചോദ്യം ചെയ്യു​ക​യും അവരുടെ വിരല​ട​യാ​ള​വും ഫോ​ട്ടോ​യും എടുക്കു​ക​യും ചെയ്‌തു—അതേ, സാധാരണ കുറ്റവാ​ളി​ക​ളെ​പ്പോ​ലെ അവരെ വിരട്ടി! ഈ സമയത്ത്‌—നിലവാ​ര​ത്തി​നൊ​ക്കാത്ത അവസ്ഥയിൽ കഴിഞ്ഞ 18 മണിക്കൂ​റും—നിയ​മോ​പ​ദേശം തേടാൻ അവരെ അനുവ​ദി​ച്ചി​ല്ലെ​ന്നു​ത​ന്നെയല്ല, തങ്ങൾ എവി​ടെ​യാ​ണെന്നു വീട്ടു​കാ​രെ അറിയി​ക്കു​ന്ന​തിന്‌ ഒന്നു ഫോൺ ചെയ്യാൻകൂ​ടി അനുവ​ദി​ച്ചില്ല. തിരക്കി​ട്ടു ചെയ്‌ത അത്തരം നടപടി സമാധാ​ന​പ്രി​യ​രും നിയമാ​നു​സാ​രി​ക​ളു​മായ ഈ പൗരന്മാ​രെ എങ്ങനെ ബാധി​ച്ചി​രി​ക്കാ​മെ​ന്നത്‌ ഊഹി​ക്കാ​വു​ന്ന​തേ​യു​ള്ളൂ!

ജർമൻ നാസി ഭരണത്തി​ന്റെ​യും സോവി​യറ്റ്‌ യൂണി​യ​നി​ലെ​യും പൂർവ യൂറോ​പ്പി​ലെ​യും മൃഗീയ കമ്മ്യു​ണിസ്റ്റ്‌ യുഗത്തി​ന്റെ​യും ഇരുണ്ട നാളു​ക​ളി​ലെ അവസ്ഥകളെ അനുസ്‌മ​രി​പ്പി​ക്കു​ന്ന​താണ്‌ അവിടു​ത്തെ സ്ഥിതി​വി​ശേഷം. സിംഗ​പ്പൂ​രിൽ ചെല്ലുന്ന ഒരു സാധാരണ സന്ദർശ​കനു വളരെ വൃത്തി​യും വെടി​പ്പു​മുള്ള സമ്പന്നമായ ആ ആധുനിക നഗര രാഷ്ട്ര​ത്തിൽ ഇത്തരം സംഗതി​കൾ പ്രതീ​ക്ഷി​ക്കാ​നാ​വില്ല. സാമ്പത്തിക, സാമൂ​ഹിക പുരോ​ഗ​തി​യു​ടെ കാര്യ​ത്തിൽ 20-ാം നൂറ്റാ​ണ്ടി​ലെ ഒരു അത്ഭുത​മാ​ണെന്നു പേരെ​ടു​ത്തി​രി​ക്കുന്ന രാജ്യ​മാ​ണു സിംഗ​പ്പൂർ. സംസാര സ്വാത​ന്ത്ര്യം, മതസ്വാ​ത​ന്ത്ര്യം, ഒന്നിച്ചു​കൂ​ടു​ന്ന​തി​നുള്ള സ്വാത​ന്ത്ര്യം എന്നിവ​യുൾപ്പെ​ടെ​യുള്ള അടിസ്ഥാന മനുഷ്യാ​വ​കാ​ശങ്ങൾ പൗരന്മാർക്ക്‌ ഉറപ്പു​നൽകുന്ന ഭരണഘ​ട​ന​യുള്ള ഒരു പ്രഖ്യാ​പിത ജനാധി​പ​ത്യ​മാണ്‌ അവി​ടെ​യു​ള്ളത്‌.

എന്നിട്ടും, ബൈബിൾ പഠിക്കാ​നും ക്രിസ്‌തീയ കൂട്ടായ്‌മ പങ്കു​വെ​ക്കാ​നും ഒരുമി​ച്ചു​കൂ​ടിയ യഹോ​വ​യു​ടെ സാക്ഷി​ക​ളാ​യി​പ്പോ​യി എന്ന ഒറ്റക്കാ​ര​ണ​ത്താ​ലാ​യി​രു​ന്നു ഫെബ്രു​വ​രി​യിൽ അവർ അറസ്റ്റു ചെയ്യ​പ്പെ​ട്ടത്‌. “നിയമ​പ​ര​മ​ല്ലാത്ത ഒരു സമൂഹ​ത്തി​ന്റെ യോഗ​ത്തിൽ പങ്കെടു​ത്തു” എന്നതാ​യി​രു​ന്നു അവർക്കെ​തി​രെ​യുള്ള കുറ്റം.

വാസ്‌ത​വ​ത്തിൽ, 1972 മുതൽ യഹോ​വ​യു​ടെ സാക്ഷി​കൾക്കു സിംഗ​പ്പൂ​രിൽ നിയമാം​ഗീ​കാ​രം നിഷേ​ധി​ക്ക​പ്പെ​ട്ടി​രി​ക്കു​ക​യാണ്‌. അന്നു സിംഗ​പ്പൂർ സഭയുടെ രജിസ്‌​ട്രേഷൻ റദ്ദാക്ക​പ്പെ​ടു​ക​യും വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി പ്രസി​ദ്ധീ​ക​രി​ക്കുന്ന ബൈബിൾ ഉൾപ്പെ​ടെ​യുള്ള സാഹി​ത്യ​ങ്ങൾ നിരോ​ധി​ക്ക​പ്പെ​ടു​ക​യും ചെയ്‌തു. എന്തടി​സ്ഥാ​ന​ത്തി​ലാ​യി​രു​ന്നു ഈ നടപടി എന്നു ചോദ്യം​ചെ​യ്യാ​നുള്ള അവസരം​പോ​ലും നിഷേ​ധി​ക്ക​പ്പെട്ടു. 1994 ഫെബ്രു​വ​രി​യിൽ നിരോ​ധിത ബൈബിൾസാ​ഹി​ത്യ​ങ്ങൾ കൈവ​ശം​വെ​ച്ചു​വെന്ന്‌ ആരോ​പി​ച്ചു കുറ്റക്കാ​രാ​ക്കിയ നാലു സാക്ഷി​ക​ളു​ടെ കേസിൽ ഈയിടെ ഈ ഔദ്യോ​ഗിക വിവേ​ച​ന​ത്തി​ന്റെ നിയമ​സാ​ധുത സിംഗ​പ്പൂർ കോട​തി​ക​ളിൽ ചോദ്യം ചെയ്യ​പ്പെട്ടു. അവരെ കുറ്റം​വി​ധി​ച്ച​തി​നെ​തി​രെ​യുള്ള അപ്പീൽ 1994 ആഗസ്റ്റിൽ വാദം കേട്ടു. എന്നാൽ അത്‌ ഉടനടി തള്ളപ്പെട്ടു. അതിനു​ശേഷം പിറ്റേ മാസം ഹൈ​ക്കോ​ട​തി​യി​ലെ മുഖ്യ ന്യായാ​ധി​പ​നായ യോങ്‌ പെങ്‌ ഹൗ തന്റെ അഭി​പ്രാ​യം പുറ​പ്പെ​ടു​വി​ച്ചു. ഇതിൽ മതപര​മായ സ്വാത​ന്ത്ര്യ​ത്തി​ന്റെ ലംഘന​മി​ല്ലെ​ന്നും അംഗങ്ങൾ സൈനിക സേവന​ത്തിൽ പങ്കെടു​ക്കാ​ത്ത​തു​കൊണ്ട്‌ യഹോ​വ​യു​ടെ സാക്ഷികൾ ദേശീയ സുരക്ഷി​ത​ത്വ​ത്തിന്‌ ഒരു ഭീഷണി​യാണ്‌ എന്നതിന്റെ അടിസ്ഥാ​ന​ത്തിൽ അവരെ കുറ്റം​വി​ധി​ച്ച​തിൽ ന്യായ​മു​ണ്ടെ​ന്നു​മാ​യി​രു​ന്നു അദ്ദേഹ​ത്തി​ന്റെ പക്ഷം. 1995 ഫെബ്രു​വരി 17-ന്‌ നാലു സാക്ഷികൾ ഈ പ്രതി​കൂല ന്യായ​വി​ധി​ക്കെ​തി​രെ സിംഗ​പ്പൂർ അപ്പീൽ കോട​തി​യിൽ പോകാൻ അനുമതി തേടി. എന്നാൽ അപേക്ഷ തള്ളപ്പെ​ടു​ക​യാ​ണു​ണ്ടാ​യത്‌.

സിംഗ​പ്പൂ​രി​ലെ ഗവൺമെൻറ്‌ നിയ​ന്ത്രിത പത്രങ്ങൾ അവസാ​നത്തെ ഈ തീരു​മാ​ന​ത്തിന്‌ വൻ പ്രാധാ​ന്യം കൊടുത്ത്‌ അവതരി​പ്പി​ച്ചു. ഈ കോടതി തീരു​മാ​ന​വും അതിനു ലഭിച്ച പ്രസി​ദ്ധി​യും പിന്നീ​ടു​ണ്ടായ സംഭവ​ങ്ങ​ളു​ടെ മുൻനി​ഴ​ലാ​യി​രു​ന്നു. ഒരാഴ്‌ച​യ്‌ക്കു​ള്ളിൽത്തന്നെ 69 സാക്ഷികൾ അറസ്റ്റി​ലാ​യി. ഇവരിൽ ബ്രിട്ടൻ, ഫ്രാൻസ്‌, ലക്‌സം​ബർഗ്‌ എന്നീ രാജ്യ​ങ്ങ​ളി​ലെ പൗരന്മാ​രായ നാലു പേർക്കെ​തി​രെ​യു​ണ്ടാ​യി​രുന്ന കുറ്റാ​രോ​പണം പിന്നീടു പിൻവ​ലി​ച്ചു. എങ്കിലും, ഇവർക്കു​പോ​ലും ലഭിച്ച അനുഭവം ഭയാന​ക​മാ​യി​രു​ന്നു. ഭാര്യാ​സ​മേതം അനേക വർഷങ്ങ​ളാ​യി സിംഗ​പ്പൂ​രിൽ ജീവിച്ചു ജോലി​ചെ​യ്‌തു​വ​രി​ക​യാ​യി​രു​ന്നു ഒരാൾ. ജോലി​യും വാടക​വീ​ടും നഷ്ടപ്പെട്ട അവർ അനേകം ഉറ്റ സുഹൃ​ത്തു​ക്ക​ളോ​ടു യാത്ര​പ​റ​ഞ്ഞു​പി​രി​യാൻ നിർബ​ന്ധി​ത​രാ​യി.

നിരോ​ധി​ക്ക​പ്പെട്ട ഒരു സമൂഹ​വു​മാ​യുള്ള ബന്ധമാ​യി​രു​ന്നു ശേഷി​ക്കുന്ന പ്രായ​പൂർത്തി​വന്ന 63 പേർക്കെ​തി​രെ​യുള്ള കുറ്റാ​രോ​പണം. ചിലരു​ടെ കുറ്റമാ​കട്ടെ നിരോ​ധി​ക്ക​പ്പെട്ട സാഹി​ത്യ​ങ്ങൾ കൈവ​ശം​വെ​ച്ചു​വെ​ന്ന​തും. അവർക്കു മൂന്നു വർഷത്തെ തടവോ 3,000 ഡോളർ (2,100 അമേരി​ക്കൻ ഡോളർ) പിഴയോ അല്ലെങ്കിൽ രണ്ടും ഒരുമി​ച്ചോ ലഭി​ച്ചേ​ക്കാം. യുവജ​ന​ങ്ങൾക്കുള്ള കോട​തി​യി​ലാ​ണു 15 വയസ്സുള്ള രണ്ടു പെൺകു​ട്ടി​ക​ളു​ടെ വിചാരണ നടന്നത്‌.

ദേശീയ അഖണ്ഡത​യ്‌ക്കും ഐക്യ​ത്തി​നും ഭീഷണി​യി​ല്ല

ലോക​മെ​മ്പാ​ടും, യഹോ​വ​യു​ടെ സാക്ഷികൾ വസിക്കുന്ന 200-ലധികം രാജ്യ​ങ്ങ​ളി​ലും, അവർ അന്തസ്സു​ള്ള​വ​രും സത്യസ​ന്ധ​രും നിയമാ​നു​സാ​രി​ക​ളു​മായ ആളുക​ളാ​യാണ്‌ അറിയ​പ്പെ​ടു​ന്നത്‌. ഏതെങ്കി​ലും തരത്തി​ലുള്ള വിധ്വം​സക, ഗവൺമെൻറു​വി​രുദ്ധ പ്രവർത്ത​ന​ത്തിൽ പങ്കെടു​ക്കാ​നുള്ള അവരുടെ അചഞ്ചല​മായ വിസ്സമ്മതം പേരു​കേ​ട്ട​താണ്‌. അത്തരം ക്രിസ്‌തീ​യ​മ​ല്ലാത്ത നടപടി​യു​ടെ ഫലമായി അവർ പുറത്താ​ക്ക​പ്പെ​ടു​ക​യോ ഭ്രഷ്ടു​കൽപ്പി​ക്ക​പ്പെ​ടു​ക​യോ ചെയ്യാ​വു​ന്ന​താണ്‌. സത്യമാ​യും, സിംഗ​പ്പൂർ ഗവൺമെൻറിന്‌ അവരെ ഭയപ്പെ​ടേ​ണ്ട​തായ യാതൊ​രു കാരണ​വു​മില്ല. സിംഗ​പ്പൂ​രി​ന്റെ ദേശീയ സുരക്ഷി​ത​ത്വ​ത്തി​നും ദേശീയ അഖണ്ഡതാ​ബോ​ധ​ത്തി​നും ഐക്യ​ത്തി​നും അവർ യാതൊ​രു വിധത്തി​ലും ഭീഷണി​യല്ല. (റോമർ 13:1-7) ഇക്കാര്യം സിംഗ​പ്പൂർ പ്രധാ​ന​മ​ന്ത്രി​യായ ഗോ ചോക്‌ ടോം​ഗി​നു വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റി​യു​ടെ പ്രസി​ഡൻറായ മിൽട്ടൻ ജി. ഹെൻഷൽ 1995 മാർച്ച്‌ 21-ന്‌ എഴുതിയ കത്തിൽ വ്യക്തമാ​യി പ്രസ്‌താ​വി​ച്ചി​ട്ടുണ്ട്‌. ഞങ്ങളുടെ വായന​ക്കാർക്കു​വേണ്ടി പ്രസ്‌തുത കത്ത്‌ ഇതോ​ടൊ​പ്പം പ്രസി​ദ്ധീ​ക​രി​ക്കു​ക​യാണ്‌.

ബിസി​നസ്‌, ഗവൺമെൻറ്‌, സ്വകാ​ര്യ​മേഖല എന്നീ തലങ്ങളി​ലെ സ്വാത​ന്ത്ര്യ​സ്‌നേ​ഹി​ക​ളായ ആളുകൾ സിംഗ​പ്പൂ​രി​ലെ സ്ഥിതി​വി​ശേ​ഷങ്ങൾ എങ്ങനെ​യാ​യി​ത്തീ​രു​മെന്നു താത്‌പ​ര്യ​ത്തോ​ടെ നോക്കി​ക്കൊ​ണ്ടി​രി​ക്കും. സ്വന്തം ഭരണഘ​ട​ന​യും അന്താരാ​ഷ്ട്ര സമൂഹ​വും ഉയർത്തി​പ്പി​ടി​ക്കുന്ന മനുഷ്യ​ന്റെ മൗലി​ക​മായ അവകാ​ശ​ങ്ങ​ളോ​ടും സ്വാത​ന്ത്ര്യ​ത്തോ​ടു​മുള്ള യോജി​പ്പിൽ സിംഗ​പ്പൂർ ഗവൺമെൻറ്‌ പ്രവർത്തി​ക്കു​മോ? തീർച്ച​യാ​യും, ലോക​മെ​മ്പാ​ടു​മുള്ള യഹോ​വ​യു​ടെ സാക്ഷി​കൾക്കു സിംഗ​പ്പൂ​രി​ലെ തങ്ങളുടെ സഹാരാ​ധ​ക​രു​ടെ കാര്യ​ത്തിൽ ആഴമായ ഉത്‌ക​ണ്‌ഠ​യുണ്ട്‌. അവർ അവർക്കു​വേണ്ടി പ്രാർഥി​ക്കു​ക​യും ബൈബി​ളിൽ കാണുന്ന ഈ ഉറപ്പ്‌ അനുസ്‌മ​രി​ക്കു​ക​യും ചെയ്യുന്നു: “യഹോവ ന്യായ​പ്രി​യ​നാ​കു​ന്നു; തന്റെ വിശു​ദ്ധ​ന്മാ​രെ ഉപേക്ഷി​ക്കു​ന്ന​തു​മില്ല.”—സങ്കീർത്തനം 37:28.

[അടിക്കു​റിപ്പ]

[30-ാം പേജിലെ ചതുരം]

മാർച്ച്‌ 21, 1995

Goh Chok Tong

Prime Minister

Istana Annexe

Singapore 0923

Republic of Singapore

Lee Kuan Yew

Senior Minister

Prime Minister’s Office

460 Alexandra Road

37-00 PSA Bldg

Singapore 0511

Republic of Singapore

ബഹുമാ​ന​പ്പെട്ട മന്ത്രി​മാർക്ക്‌:

ഈയിടെ, സിംഗ​പ്പൂ​രിൽനി​ന്നു ലഭിച്ച 1995 ഫെബ്രു​വരി 25-ാം തീയതി​യി​ലെ പത്രറി​പ്പോർട്ടു​കൾ അങ്ങേയറ്റം അലോ​സ​ര​പ്പെ​ടു​ത്തു​ന്ന​താ​യി​രു​ന്നു. ബൈബിൾ പഠിക്കു​ക​യാ​യി​രുന്ന യഹോ​വ​യു​ടെ സാക്ഷി​ക​ളു​ടെ യോഗ​സ്ഥ​ലത്തു പൊലീസ്‌ കയറി 69 പേരെ അറസ്റ്റു ചെയ്‌തു​വെന്ന്‌ അതിൽ റിപ്പോർട്ടു​ണ്ടാ​യി​രു​ന്നു. ഈ റിപ്പോർട്ടു മുഖാ​ന്തരം ലോക​ശ്രദ്ധ സിംഗ​പ്പൂ​രി​ലെ യഹോ​വ​യു​ടെ സാക്ഷി​ക​ളു​ടെ അവസ്ഥയി​ലേക്കു തിരി​ഞ്ഞി​രി​ക്കു​ക​യാണ്‌. കഴിഞ്ഞ 20 വർഷത്തി​ല​ധി​ക​മാ​യി അവിടെ അവരുടെ പ്രവർത്ത​ന​വും സാഹി​ത്യ​വും നിരോ​ധി​ക്ക​പ്പെ​ട്ടി​രി​ക്കു​ക​യാ​ണ​ല്ലോ.

200-ലധികം രാജ്യ​ങ്ങ​ളിൽ നിയമ​ത്തി​ന്റെ പരിപൂർണ സംരക്ഷ​ണ​ത്തോ​ടെ പരസ്യ​മാ​യി പ്രവർത്തി​ക്കുന്ന ഒരു മതസം​ഘ​ട​നയെ ജനാധി​പത്യ തത്ത്വങ്ങൾ ഉയർത്തി​പ്പി​ടി​ക്കുന്ന ഒരു രാജ്യ​മായ സിംഗ​പ്പൂ​രിൽ നിരോ​ധി​ക്കു​ന്ന​തി​ന്റെ കാരണം മനസ്സി​ലാ​ക്കുക പ്രയാ​സ​മാണ്‌. പൗരന്മാ​രു​ടെ ആരാധനാ സ്വാത​ന്ത്ര്യ​ത്തിന്‌ സിംഗ​പ്പൂർ നൽകുന്ന ഭരണഘ​ട​നാ​പ​ര​മായ ഉറപ്പിന്റെ വീക്ഷണ​ത്തിൽ അത്‌ അതി​ലേറെ അലോ​സ​ര​പ്പെ​ടു​ത്തു​ന്ന​തു​മാണ്‌.

യഹോ​വ​യു​ടെ സാക്ഷികൾ ഒരിട​ത്തും ദേശീയ സുരക്ഷി​ത​ത്വ​ത്തിന്‌ ഒരിക്ക​ലും ഭീഷണി ഉയർത്തി​യി​ട്ടില്ല. വാസ്‌ത​വ​ത്തിൽ, സമാധാ​ന​പ്രി​യ​രും കഠിനാ​ധ്വാ​നി​ക​ളും ധാർമി​ക​മാ​യി നേരു​ള്ള​വ​രു​മെന്ന സൽപ്പേര്‌ അവർക്ക്‌ ലോകത്ത്‌ എവി​ടെ​യു​മുണ്ട്‌. നിങ്ങളു​ടെ രാജ്യത്തു നിങ്ങൾ ഈ ഗുണങ്ങൾ പ്രോ​ത്സാ​ഹി​പ്പി​ക്കു​ന്നു​ണ്ടെന്ന്‌ എനിക്ക്‌ ഉറപ്പുണ്ട്‌.

ക്രിസ്‌ത്യാ​നി​കൾക്കുള്ള ബൈബിൾനി​ല​വാ​ര​ങ്ങ​ളോ​ടു കർശന​മാ​യി പറ്റിനിൽക്കു​ന്ന​തി​നാൽ, ചില​പ്പോ​ഴെ​ല്ലാം യഹോ​വ​യു​ടെ സാക്ഷി​ക​ളു​ടെ നിലപാ​ടു തെറ്റി​ദ്ധ​രി​ക്ക​പ്പെ​ട്ടി​ട്ടുണ്ട്‌ അല്ലെങ്കിൽ വളച്ചൊ​ടി​ക്ക​പ്പെ​ട്ടി​ട്ടുണ്ട്‌ എന്നതു സത്യം​തന്നെ. എന്നാൽ ക്രിസ്‌ത്യാ​നി​ത്വ​ത്തി​ന്റെ സ്ഥാപക​നും തന്റെ നാളിലെ ഗവൺമെ​ന്റായ “കൈസർ”ക്ക്‌ എതിരാ​യി​രു​ന്നു എന്നു തെറ്റി​ദ്ധ​രി​ക്ക​പ്പെ​ട്ടു​വെ​ന്നതു സത്യമാ​യി​രു​ന്നി​ല്ലേ? യഹോ​വ​യു​ടെ സാക്ഷികൾ യേശു​വി​ന്റെ​യും ആദിമ ക്രിസ്‌ത്യാ​നി​ക​ളു​ടെ​യും മാതൃക കേവലം പിൻപ​റ്റു​ന്നു​വെന്നു മാത്രം. അവർ തങ്ങൾ വസിക്കു​ന്നി​ടത്തെ ഗവൺമെൻറി​നെ ആദരി​ക്കു​ക​യും നികു​തി​കൾ കൊടു​ക്കു​ക​യും നല്ല ധാർമി​കത ഉന്നമി​പ്പി​ക്കു​ക​യും ചെയ്യുന്നു. മനസ്സാ​ക്ഷി​യുള്ള, നേരുള്ള പൗരന്മാ​രാണ്‌ അവർ. യഹോ​വ​യു​ടെ സാക്ഷികൾ ഏതെങ്കി​ലും രാജ്യത്ത്‌ ഏതെങ്കി​ലും തരത്തി​ലുള്ള വിധ്വം​സക പ്രവർത്ത​ന​ങ്ങ​ളിൽ ഒരിക്ക​ലും പങ്കെടു​ത്തി​ട്ടില്ല. സിംഗ​പ്പൂ​രിൽ അവരു​ള്ള​തു​കൊണ്ട്‌ നിങ്ങളു​ടെ രാജ്യ​ത്തി​ന്റെ ദേശീയ താത്‌പ​ര്യ​ങ്ങൾക്ക്‌ അവർ യാതൊ​രു ഭീഷണി​യും ഉയർത്തു​ന്നി​ല്ലെന്ന്‌ എനിക്ക്‌ ഉറപ്പു​ത​രാൻ സാധി​ക്കും.

സിംഗ​പ്പൂ​രി​ലെ യഹോ​വ​യു​ടെ സാക്ഷി​കൾക്കെ​തി​രെ നിങ്ങൾ കൈ​ക്കൊണ്ട അടിച്ച​മർത്തൽ നടപടി​കൾ ഈ അടുത്ത കാലത്തെ പത്രറി​പ്പോർട്ടു​കൾ ഹേതു​വാ​യി ഇപ്പോൾ സകലരും അറിഞ്ഞി​രി​ക്കു​ക​യാണ്‌. ലോക​മെ​മ്പാ​ടു​മുള്ള 1.2 കോടി​യോ​ളം വരുന്ന അവരുടെ സഹകാ​രി​കൾക്ക്‌ അതു വിശേ​ഷാൽ ഉത്‌ക​ണ്‌ഠ​യ്‌ക്കു കാരണ​മാണ്‌. ഈ സ്ഥിതി​വി​ശേ​ഷ​ത്തിന്‌ ഒരു പരിഹാ​രം ഉണ്ടാക്കാ​നും ഭരണഘടന ഉറപ്പു​നൽകുന്ന ആരാധനാ സ്വാത​ന്ത്ര്യ​വും മനസ്സാക്ഷി സ്വാത​ന്ത്ര്യ​വും നിങ്ങളു​ടെ രാജ്യത്തെ യഹോ​വ​യു​ടെ സാക്ഷി​കൾക്കു നൽകാ​നും നിങ്ങളു​ടെ നല്ല അധികാ​രം ഉപയോ​ഗി​ക്ക​ണ​മെന്നു ഞാൻ നിങ്ങ​ളോട്‌ അഭ്യർഥി​ക്കു​ക​യാണ്‌.

ഞങ്ങളുടെ സംഘട​ന​യെ​യും പ്രവർത്ത​ന​ത്തെ​യും കുറി​ച്ചുള്ള ഏതൊരു തെറ്റി​ദ്ധാ​ര​ണ​യും ദൂരീ​ക​രി​ക്കു​ന്ന​തി​നു യഹോ​വ​യു​ടെ സാക്ഷി​ക​ളു​ടെ പ്രതി​നി​ധി​ക​ളു​മാ​യുള്ള ഒരു തുറന്ന ചർച്ച സഹായി​ക്കു​മെന്നു ഞാൻ വിശ്വ​സി​ക്കു​ക​യും യഹോ​വ​യു​ടെ സാക്ഷി​ക​ളിൽനി​ന്നു സിംഗ​പ്പൂർ ഗവൺമെൻറി​നു യാതൊ​ന്നും ഭയപ്പെ​ടാ​നി​ല്ലെന്ന്‌ ഉറപ്പു​നൽകു​ക​യും ചെയ്യുന്നു. അത്തര​മൊ​രു കൂടി​ക്കാ​ഴ്‌ച​യ്‌ക്കു ക്രമീ​ക​രി​ക്കാൻ എനിക്കു സന്തോ​ഷ​മേ​യു​ള്ളൂ.

നിങ്ങളു​ടെ മറുപടി പ്രതീ​ക്ഷി​ക്കു​ന്നു.

ആദരപൂർവം,

മിൽട്ടൻ ജി. ഹെൻഷൽ

പ്രസിഡൻറ്‌

[31-ാം പേജിലെ ചിത്ര​ത്തിന്‌ കടപ്പാട്‌]

Nik Wheeler/H. Armstrong Roberts