“ഒരു കാറ്റും ശരിയായ കാറ്റല്ലാ”ത്തപ്പോൾ

“ഏതു തുറമു​ഖത്ത്‌ അടുക്ക​ണ​മെന്ന്‌ അറിയാത്ത ഒരുവനെ സംബന്ധി​ച്ചി​ട​ത്തോ​ളം ഒരു കാറ്റും ശരിയായ കാറ്റല്ല.” ഒന്നാം നൂറ്റാ​ണ്ടി​ലെ റോമൻ തത്ത്വചി​ന്ത​ക​നാ​യി​രുന്ന ലൂക്യൂസ്‌ ആന്യൂസ്‌ സെനികാ പറഞ്ഞ​തെന്നു കരുത​പ്പെ​ടുന്ന ഈ വാക്കുകൾ ചിരകാ​ല​മാ​യി അംഗീ​ക​രി​ച്ചു​വ​രുന്ന ഒരു സത്യത്തെ അരക്കി​ട്ടു​റ​പ്പി​ക്കു​ന്നു: ജീവി​ത​ത്തി​നു ദിശ ഉണ്ടായി​രി​ക്കു​ന്ന​തി​നു ലക്ഷ്യങ്ങൾ അനിവാ​ര്യ​മാണ്‌.

എന്നിരു​ന്നാ​ലും, ജീവിതം മിക്ക​പ്പോ​ഴും ലക്ഷ്യര​ഹി​ത​മാണ്‌. അനുദിന ജീവി​ത​ത്തി​ലെ പാറ​ക്കെ​ട്ടു​ക​ളും നീർച്ചു​ഴി​ക​ളും ഒഴിവാ​ക്കു​ന്ന​തിൽ തൃപ്‌തി​യ​ട​യു​ന്ന​വ​രാണ്‌ അനേക​രും. ഒരു നിശ്ചിത സ്ഥാനമി​ല്ലാ​തെ അവർ “കാറ്റു​മൂ​ലം ഒരു നിമിഷം മുന്നി​ലേ​ക്കും അടുത്ത നിമിഷം പിന്നി​ലേ​ക്കും ആടിയു​ല​യുന്ന” തിരമാ​ല​ക​ളെ​പ്പോ​ലെ ആയിത്തീ​രു​ന്നു. (യാക്കോബ്‌ 1:6, “ഫിലി​പ്‌സ്‌”) അത്തരമാ​ളു​കളെ സംബന്ധി​ച്ചി​ട​ത്തോ​ളം “ഒരു കാറ്റും ശരിയായ കാറ്റല്ല.”

ലക്ഷ്യോ​ന്മു​ഖ​രാ​യി​രു​ന്ന​വ​രു​ടെ ദൃഷ്ടാ​ന്തങ്ങൾ ബൈബിൾ പ്രദാ​നം​ചെ​യ്യു​ന്നുണ്ട്‌. അവർ ഇന്നു ക്രിസ്‌ത്യാ​നി​കൾക്ക്‌ അനുക​ര​ണ​പാ​ത്ര​ങ്ങ​ളാ​യി ഉതകുന്നു. മോശ ‘പ്രതി​ഫ​ല​ത്തിൽ ദൃഷ്ടി പതിപ്പി​ച്ചു.’ (എബ്രായർ 11:26, “പി.ഒ.സി. ബൈബിൾ”) പൗലോസ്‌ എഴുതി: “ഞാൻ സമ്മാനം നേടാൻ ലക്ഷ്യത്തി​നു നേരേ ഓടുന്നു.” “അതേ മനോ​ഭാ​വ​മു​ണ്ടാ​യി​രി​ക്കാൻ” അവൻ സഹവി​ശ്വാ​സി​കളെ പ്രോ​ത്സാ​ഹി​പ്പി​ച്ചു.—ഫിലി​പ്യർ 3:14, 15, “ടുഡേ​യ്‌സ്‌ ഇംഗ്ലീഷ്‌ വേർഷൻ.”

ബൈബിൾ വാഗ്‌ദ​ത്ത​ങ്ങ​ളിൽ നമ്മുടെ ദൃഷ്ടികൾ ഉറപ്പായി കേന്ദ്രീ​ക​രി​ച്ചു​കൊണ്ട്‌, ലക്ഷ്യോ​ന്മു​ഖ​രായ അത്തരം മനുഷ്യ​രു​ടെ വിശ്വാ​സം നമ്മൾ അനുക​രി​ക്കു​മാ​റാ​കട്ടെ.—എബ്രായർ 13:7 താരത​മ്യം ചെയ്യുക.