വ്യക്തി​മു​ദ്ര പതിപ്പിച്ച ഒരു അച്ചടി​ക്കാ​രൻ

നിങ്ങൾക്കു ബൈബി​ളി​ലെ ഒരു വാചകം കണ്ടുപി​ടി​ക്കണം. പക്ഷേ മുമ്പ്‌ അത്‌ എവി​ടെ​യാ​ണു കണ്ടതെന്ന്‌ ഓർമ​യില്ല. അത്തര​മൊ​ര​നു​ഭവം നിങ്ങൾക്ക്‌ എപ്പോ​ഴെ​ങ്കി​ലും ഉണ്ടായി​ട്ടു​ണ്ടോ? എന്നാൽ ഒരു പദം ഓർമ​യു​ണ്ടാ​യി​രു​ന്ന​തി​നാൽ ഒരു ബൈബിൾ കൊൺകോ​ഡൻസ്‌ ഉപയോ​ഗിച്ച്‌ നിങ്ങൾക്ക്‌ അതു കണ്ടെത്താൻ സാധിച്ചു. അല്ലെങ്കിൽ ഒരുപക്ഷേ നിങ്ങൾ ഒരു ക്രിസ്‌തീയ യോഗ​ത്തിൽ സംബന്ധി​ച്ചി​രി​ക്കാം. അവിടെ സന്നിഹി​ത​രായ നൂറു​ക​ണ​ക്കിന്‌, എന്തിന്‌ ആയിര​ക്ക​ണ​ക്കിന്‌ ആളുകൾ ബൈബിൾ വാക്യ​മേ​തെന്നു പറയേണ്ട താമസം, നിമി​ഷ​ങ്ങൾക്കു​ള്ളിൽ ബൈബി​ളു​കൾ തുറന്ന്‌ ആ വാക്യം വായി​ക്കു​ന്ന​തും കണ്ടിരി​ക്കാം.

ഇവയിൽ ഏതു കാര്യ​ത്തി​ലാ​യാ​ലും, നിങ്ങൾക്കു പരിച​യ​മി​ല്ലാത്ത ഒരാ​ളോ​ടു നിങ്ങൾക്കു കടപ്പാ​ടുണ്ട്‌. അദ്ദേഹം ബൈബിൾ പഠനം കൂടുതൽ എളുപ്പ​മാ​ക്കി. മാത്രമല്ല, നമുക്കി​ന്നു​ള്ളത്‌ കൃത്യ​മായ ബൈബി​ളാ​ണെന്ന്‌ ഉറപ്പു​വ​രു​ത്തു​ന്ന​തിൽ ഒരു പങ്കു വഹിക്കു​ക​യും ചെയ്‌തു. അനേകം ബൈബി​ളു​ക​ളു​ടെ രൂപഘ​ട​ന​യെ​പ്പോ​ലും അദ്ദേഹം സ്വാധീ​നി​ച്ചു.

റോബർട്ട്‌ ഏററ്യൻ ആയിരു​ന്നു ആ മനുഷ്യൻ.a അച്ചടി​ക്കാ​രന്റെ മകനായി പിറന്ന ഒരു അച്ചടി​ക്കാ​രൻ. 16-ാം നൂററാ​ണ്ടി​ന്റെ ആരംഭ​ത്തോ​ട​ടു​ത്തു ഫ്രാൻസി​ലെ പാരീ​സി​ലാ​യി​രു​ന്നു ജനനം. നവോ​ത്ഥാ​ന​ത്തി​ന്റെ​യും നവീക​ര​ണ​ത്തി​ന്റെ​യും കാലമാ​യി​രു​ന്നു അത്‌. അച്ചടി​സം​വി​ധാ​നം അവ രണ്ടിനും ഒരു മാധ്യ​മ​മാ​യി​ത്തീർന്നു. പേരു​കേട്ട ഒരു അച്ചടി​ക്കാ​ര​നാ​യി​രു​ന്നു റോബർട്ടി​ന്റെ പിതാ​വായ ഏൻട്രി ഏററ്യൻ. നവോ​ത്ഥാന കാലത്ത്‌ ഇറങ്ങിയ ഏററവും മികച്ച പുസ്‌ത​ക​പ്പ​തി​പ്പു​ക​ളിൽ ചിലത്‌ അദ്ദേഹം ഉണ്ടാക്കി​യ​വ​യാ​യി​രു​ന്നു. പാരീസ്‌ യൂണി​വേ​ഴ്‌സി​റ​റി​ക്കും അതിന്റെ ദൈവ​ശാ​സ്‌ത്ര വിഭാ​ഗ​മായ സൊർബൊ​ണി​നും വേണ്ടി​യുള്ള പാഠ്യ​പു​സ്‌ത​ക​ങ്ങ​ളും ബൈബിൾ കൃതി​ക​ളും അദ്ദേഹ​ത്തി​ന്റെ വേലയിൽ ഉൾപ്പെ​ട്ടി​രു​ന്നു.

എന്നാൽ പുത്ര​നായ റോബർട്ട്‌ ഏററ്യന്റെ കാര്യ​മാ​ണു നാം ചിന്തി​ക്കാൻപോ​കു​ന്നത്‌. അദ്ദേഹ​ത്തി​ന്റെ സ്‌കൂൾ വിദ്യാ​ഭ്യാ​സ​ത്തെ​ക്കു​റിച്ച്‌ കാര്യ​മായ വിവര​മൊ​ന്നു​മി​ല്ലെ​ങ്കി​ലും ആദ്യ കാലത്തു​തന്നെ അദ്ദേഹം ലത്തീനിൽ പ്രാവീ​ണ്യം നേടി​യി​രു​ന്നു. താമസി​യാ​തെ അദ്ദേഹം ഗ്രീക്കും എബ്രാ​യ​യും പഠിച്ചു. പിതാ​വിൽനിന്ന്‌ അച്ചടി​വി​ദ്യ വശമാ​ക്കിയ അദ്ദേഹം 1526-ൽ ഏൻട്രി​യു​ടെ പ്രസ്സ്‌ ഏറെറ​ടു​ത്തു. എങ്കിലും അതിനു​മു​മ്പെ​തന്നെ റോബർട്ട്‌ ഏററ്യൻ ഉന്നത നിലവാ​ര​മുള്ള ഭാഷാ​പ​ണ്ഡി​ത​നാ​യി അറിയ​പ്പെ​ട്ടി​രു​ന്നു. ലത്തീൻ സാഹി​ത്യ​ങ്ങ​ളു​ടെ​യും മററു ശ്രേഷ്‌ഠ​കൃ​തി​ക​ളു​ടെ​യും പണ്ഡി​തോ​ചിത വകഭേ​ദ​ങ്ങ​ള​ട​ങ്ങുന്ന പതിപ്പു​കൾ അദ്ദേഹം പ്രസി​ദ്ധീ​ക​രി​ച്ചി​രു​ന്നെ​ങ്കി​ലും അദ്ദേഹ​ത്തിന്‌ അസന്ദി​ഗ്‌ധ​മായ ഹരം ആദ്യം​മു​തലേ ബൈബി​ളി​നോ​ടാ​യി​രു​ന്നു. ലത്തീൻ ക്ലാസി​ക്കു​ക​ളു​ടെ കാര്യ​ത്തിൽ നേര​ത്തെ​തന്നെ ചെയ്‌തി​രി​ക്കു​ന്നതു ലത്തീൻ ബൈബി​ളി​ന്റെ കാര്യ​ത്തി​ലും ചെയ്യണ​മെന്ന അതിയായ ആഗ്രഹ​മാ​യി ഏററ്യന്‌. ജെറോ​മി​ന്റെ ലത്തീൻ വൾഗേ​ററ്‌ ബൈബി​ളി​ന്റെ അഞ്ചാം നൂററാ​ണ്ടി​ലെ മൂല പുസ്‌ത​ക​വു​മാ​യി കഴിയാ​വു​ന്നത്ര അടുപ്പ​ത്തിൽ പുനസ്ഥാ​പി​ക്കാ​നുള്ള പുറപ്പാ​ടാ​യി​രു​ന്നു പിന്നീട്‌.

ഒരു പരിഷ്‌ക​രിച്ച വൾഗേ​ററ്‌

ബൈബി​ളി​ന്റെ മൂല എബ്രാ​യ​യിൽനി​ന്നും ഗ്രീക്കിൽനി​ന്നു​മാ​യി​രു​ന്നു ജെറോം പരിഭാഷ നിർവ​ഹി​ച്ചത്‌. പക്ഷേ, ഏററ്യന്റെ നാളു​ക​ളാ​യ​പ്പോ​ഴേ​ക്കും വൾഗേ​ററ്‌ ഇറങ്ങി​യിട്ട്‌ ആയിര​ത്തോ​ളം വർഷം കഴിഞ്ഞി​രു​ന്നു. തലമു​റ​ക​ളി​ലൂ​ടെ വൾഗേ​റ​റി​ന്റെ പല പകർപ്പെ​ഴു​ത്തു​കൾ നടന്നതി​ന്റെ ഫലമായി പല തെററു​ക​ളും അബദ്ധങ്ങ​ളും കടന്നു​കൂ​ടി​യി​രു​ന്നു. മാത്ര​വു​മല്ല, മധ്യയു​ഗ​ത്തിൽ, മധ്യകാല ഇതിഹാ​സ​ങ്ങ​ളും പരാവർത്തന ഖണ്ഡിക​ക​ളും സംശയാ​സ്‌പ​ദ​മാം​വി​ധം കുത്തി​ത്തി​രു​കിയ സംഗതി​ക​ളു​മൊ​ക്കെ കൂടി​ക്കു​ഴഞ്ഞ്‌ ബൈബി​ളി​ന്റെ ദൈവ​നി​ശ്വസ്‌ത വചനങ്ങ​ളോ​ടു ചേർന്നു​കി​ട​ന്നി​രു​ന്നു. അവയും നിശ്വസ്‌ത എഴുത്തു​ക​ളാ​ണെന്ന മട്ടിൽ കൈ​ക്കൊ​ള്ളാൻ തുടങ്ങു​മാറ്‌ അവ ബൈബി​ളു​മാ​യി അത്രയ്‌ക്കു കൂടി​ക്ക​ലർന്നി​രു​ന്നു.

മൂലത്തി​ലി​ല്ലാ​ത്ത സകലതും നീക്കി​ക്ക​ള​യാൻ ഏററ്യൻ വിശിഷ്ട കൃതി​ക​ളു​ടെ പഠനത്തിൽ അവലം​ബി​ച്ചി​രുന്ന മൂലാ​നു​സാ​ര​മായ പരി​ശോ​ധ​നാ​വി​ദ്യ ഉപയോ​ഗി​ച്ചു. ലഭ്യമാ​യി​രുന്ന ഏററവും പഴക്കമുള്ള, മികച്ച കയ്യെഴു​ത്തു​പ്ര​തി​കൾ അദ്ദേഹം തിരഞ്ഞു​പി​ടി​ച്ചു. പാരീ​സിന്‌ അകത്തും സമീപ​ത്തു​മുള്ള ലൈ​ബ്ര​റി​ക​ളി​ലും എയ്‌വ്ര​യും സ്വാ​സോ​യും പോലുള്ള സ്ഥലങ്ങളി​ലും അദ്ദേഹം പല പുരാതന കയ്യെഴു​ത്തു​പ്ര​തി​ക​ളും കണ്ടെത്തി. അതി​ലൊന്ന്‌ ആറാം നൂററാ​ണ്ടി​ലേ​താ​യി​രു​ന്നു​വെന്നു തോന്നു​ന്നു. വ്യത്യസ്‌ത ലത്തീൻ പാഠങ്ങൾ ഖണ്ഡിക ഖണ്ഡിക​ക​ളാ​യി ശ്രദ്ധാ​പൂർവം താരത​മ്യം ചെയ്‌ത്‌ ഏററവും പ്രാമാ​ണി​ക​മാ​ണെന്നു കണ്ട ഖണ്ഡികകൾ മാത്രം തിര​ഞ്ഞെ​ടു​ത്തു. അതിന്റെ ഫലമാ​യി​രു​ന്നു ഏററ്യന്റെ ബൈബിൾ. 1528-ലായി​രു​ന്നു അത്‌ ആദ്യമാ​യി പ്രസി​ദ്ധീ​ക​രി​ച്ചത്‌. അതു ബൈബി​ളി​ന്റെ മൂലാ​നു​സാ​ര​മായ കൃത്യത പുറത്തു​കൊ​ണ്ടു​വ​രു​ന്ന​തിൽ മുന്നോ​ട്ടുള്ള ഒരു സുപ്ര​ധാന കാൽവെ​പ്പാ​യി​രു​ന്നു. അതേത്തു​ടർന്ന്‌ ഏററ്യൻ പരിഷ്‌കൃത പതിപ്പു​ക​ളി​റക്കി. വൾഗേ​റ​റി​ലെ പിശകു​കൾ തിരു​ത്താൻ അദ്ദേഹ​ത്തി​നു​മു​മ്പു മററു​ള്ളവർ ശ്രമി​ച്ചി​രു​ന്നു​വെ​ങ്കി​ലും ഗൗരവ​മായ പഠനത്തി​നുള്ള തെളി​വു​കൾ മുന്നോ​ട്ടു​വെ​ക്കുന്ന ആദ്യത്തെ പതിപ്പ്‌ ഏററ്യ​ന്റേ​താ​യി​രു​ന്നു. സംശയാ​സ്‌പ​ദ​മായ ഖണ്ഡികകൾ താൻ വിട്ടു​ക​ള​ഞ്ഞി​ട്ടു​ണ്ടെ​ങ്കിൽ, അല്ലെങ്കിൽ ഒന്നില​ധി​കം പരിഭാഷ സാധ്യ​മെ​ങ്കിൽ, അക്കാര്യം ഏററ്യൻ മാർജി​നിൽ സൂചി​പ്പി​ച്ചു. ആ തിരു​ത്ത​ലു​കൾക്കു പ്രാമാ​ണി​കത നൽകുന്ന ആധാര കയ്യെഴു​ത്തു​പ്രതി ഏതെന്നും അദ്ദേഹം എഴുതി​യി​രു​ന്നു.

16-ാം നൂററാ​ണ്ടിൽ വളരെ പുതു​മ​യാ​യി​രുന്ന മററ്‌ അനേകം സവി​ശേ​ഷ​ത​ക​ളും ഏററ്യൻ അവതരി​പ്പി​ച്ചു. ഉത്തരകാ​നോ​നിക (Apocryphal) ഗ്രന്ഥങ്ങളെ ദൈവ​വ​ച​ന​ത്തിൽനി​ന്നു വേർതി​രി​ച്ചു. പ്രവൃ​ത്തി​ക​ളു​ടെ പുസ്‌തകം സുവി​ശേ​ഷ​ങ്ങൾക്കു ശേഷവും പൗലോ​സി​ന്റെ ലേഖന​ങ്ങൾക്കു മുന്നി​ലും ആയിട്ടു വെച്ചു. പ്രത്യേക ഭാഗങ്ങൾ എവി​ടെ​യാ​ണെന്നു കണ്ടുപി​ടി​ക്കാൻ വായന​ക്കാ​രെ സഹായി​ക്കുന്ന ഏതാനും മുഖ്യ​പ​ദങ്ങൾ പേജിന്റെ മുകളിൽ കൊടു​ത്തു. ഇന്നു സാധാ​ര​ണ​മാ​യി അറിയ​പ്പെ​ടുന്ന വിഷയ​സൂ​ച​ക​മായ ഉപശീർഷ​ക​ത്തി​ന്റെ ഏററവും പുരാതന മാതൃ​ക​യാ​യി​രു​ന്നു ഇത്‌. ജർമനി​യിൽ രൂപം​കൊണ്ട അച്ചെഴു​ത്തായ കനംകൂ​ടിയ ഗോഥിക്‌, അഥവാ ടൈപ്പ്‌ അച്ചാണി ഉപയോ​ഗി​ക്കാ​തെ, ഇന്നു സർവസാ​ധാ​ര​ണ​മാ​യി ഉപയോ​ഗ​ത്തി​ലി​രി​ക്കുന്ന കനംകു​റഞ്ഞ, എളുപ്പം​വാ​യി​ക്കാ​വുന്ന, റോമൻ അച്ചെഴുത്ത്‌ ഉപയോ​ഗിച്ച്‌ മുഴു​ബൈ​ബി​ളും ആദ്യമാ​യി അച്ചടി​ച്ച​വ​രിൽ ഒരാൾ ഏററ്യ​നാ​യി​രു​ന്നു. ചില ഭാഗങ്ങൾ വ്യക്തമാ​ക്കാൻ അനേകം ഒത്തുവാ​ക്യ​ങ്ങ​ളും ഭാഷാ​ശാ​സ്‌ത്ര​പ്ര​കാ​ര​മുള്ള കുറി​പ്പു​ക​ളും അദ്ദേഹം പ്രദാനം ചെയ്‌തി​രു​ന്നു.

അനേകം ഉന്നതൻമാ​രും സഭാധ്യ​ക്ഷൻമാ​രും ഏററ്യന്റെ ബൈബി​ളിൽ മതിപ്പു​പ്ര​ക​ടി​പ്പി​ച്ചു. കാരണം വൾഗേ​റ​റി​ന്റെ അച്ചടിച്ച വേറെ ഏതൊരു പതിപ്പി​നെ​ക്കാ​ളും അതു മികച്ച​താ​യി​രു​ന്നു. ഭംഗി​ക്കും കരവി​രു​തി​നും ഉപയോ​ഗ​ത്തി​നും അദ്ദേഹ​ത്തി​ന്റെ പതിപ്പ്‌ ഒരു മാനദ​ണ്ഡ​മാ​യി​ത്തീർന്നു. അതിനു​ശേഷം പെട്ടെ​ന്നു​തന്നെ അതു യൂറോ​പ്പി​ലെ​ങ്ങും അനുക​രി​ക്ക​പ്പെട്ടു.

കൊട്ടാര അച്ചടി​ക്കാ​രൻ

“പ്രവൃ​ത്തി​യിൽ സാമർത്ഥ്യ​മുള്ള പുരു​ഷനെ നീ കാണു​ന്നു​വോ? അവൻ രാജാ​ക്കൻമാ​രു​ടെ മുമ്പിൽ നില്‌ക്കും,” സദൃശ​വാ​ക്യ​ങ്ങൾ 22:29 പറയുന്നു. ഏററ്യന്റെ പുതു​മ​യാർന്ന കരവി​രു​തും ഭാഷാ​വൈ​ഭ​വ​വും ഫ്രാൻസി​ലെ രാജാ​വാ​യി​രുന്ന ഫ്രാൻസിസ്‌ ഒന്നാമന്റെ ശ്രദ്ധയിൽപ്പെ​ടാ​തെ പോയില്ല. ലത്തീൻ, എബ്രായ, ഗ്രീക്ക്‌ എന്നിവ​യു​ടെ കാര്യ​ത്തിൽ രാജാ​വി​ന്റെ അച്ചടി​ക്കാ​ര​നാ​യി ഏററ്യൻ. അങ്ങനെ, ഫ്രഞ്ച്‌ അച്ചടി​വി​ദ്യ​യി​ലൂ​ടെ പുറത്തു​വ​ന്നി​ട്ടു​ള്ള​തിൽ, ഇന്നും വിശിഷ്ട കൃതി​ക​ളാ​യി ഗണിക്ക​പ്പെ​ടു​ന്ന​വ​യിൽ ചിലത്‌ ഏററ്യൻ നിർമി​ച്ച​താ​യി​രു​ന്നു. ഫ്രാൻസിൽ അച്ചടിച്ച, ആദ്യ​ത്തേ​തും ഏററവും മികച്ച​തു​മായ സമ്പൂർണ എബ്രായ ബൈബിൾ ഉത്‌പാ​ദി​പ്പി​ക്കാൻ 1539-ൽ അദ്ദേഹം ശ്രമം തുടങ്ങി. 1540-ൽ അദ്ദേഹം തന്റെ ലത്തീൻ ബൈബി​ളിൽ ചിത്രീ​ക​ര​ണങ്ങൾ ചേർത്തു. എന്നാൽ അവ മധ്യയു​ഗ​ങ്ങ​ളിൽ സർവസാ​ധാ​ര​ണ​മാ​യി​രുന്ന, ബൈബിൾ സംഭവ​ങ്ങ​ളു​ടെ പതിവു സാങ്കല്‌പിക ചിത്ര​ങ്ങ​ളാ​യി​രു​ന്നില്ല. പകരം, പുരാ​വ​സ്‌തു തെളി​വു​ക​ളി​ലോ ബൈബി​ളിൽത്ത​ന്നെ​യോ കാണുന്ന അളവു​ക​ളും വിവര​ണ​ങ്ങ​ളും അടിസ്ഥാ​ന​മാ​ക്കി​യുള്ള പ്രബോ​ധ​നാ​ത്മ​ക​മായ ചിത്ര​ര​ച​ന​ക​ളാ​യി​രു​ന്നു ഏററ്യ​ന്റേത്‌. ഉടമ്പടി​പ്പെ​ട്ടകം, മഹാപു​രോ​ഹി​തന്റെ വസ്‌ത്രങ്ങൾ, സമാഗ​മ​ന​കൂ​ടാ​രം, ശലോ​മോ​ന്റെ ആലയം എന്നിവ​പോ​ലുള്ള വിഷയങ്ങൾ വിശദ​മാ​യി വരച്ചു​കാ​ട്ടു​ന്ന​വ​യാ​യി​രു​ന്നു മരത്തിന്റെ അച്ചുപ​യോ​ഗിച്ച്‌ അച്ചടിച്ച ഈ ചിത്രങ്ങൾ.

രാജാ​വി​ന്റെ കയ്യെഴു​ത്തു​ശേ​ഖരം അച്ചടി​ക്കു​ന്ന​തി​നു​വേണ്ടി ഗ്രീക്ക്‌ അച്ചെഴു​ത്തി​ന്റെ ഒരു പ്രത്യേക സെററ്‌ ഓർഡർചെ​യ്‌തു വരുത്തിയ ഏററ്യൻ അതുപ​യോ​ഗിച്ച്‌ ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ പണ്ഡി​തോ​ചിത വകഭേ​ദങ്ങൾ നൽകുന്ന ആദ്യത്തെ പതിപ്പു നിർമാ​ണം ആരംഭി​ച്ചു. ഏററ്യന്റെ ഗ്രീക്കു പാഠത്തി​ന്റെ ആദ്യത്തെ രണ്ടു പതിപ്പു​കൾ ഡെസി​ഡി​റീ​യസ്‌ എറാസ്‌മ​സി​ന്റെ പരിഭാ​ഷ​യെ​ക്കാൾ ഏറെ​യൊ​ന്നും മെച്ചമാ​യി​രു​ന്നില്ല. എങ്കിലും, 1550-ലെ മൂന്നാ​മത്തെ പതിപ്പിൽ ഏററ്യൻ പൊ.യു. അഞ്ചാം നൂററാ​ണ്ടി​ലെ ബേസ്സേ കോഡ​ക്‌സും സെപ്‌റ​റു​വ​ജിൻറ്‌ ബൈബിൾ ഉൾപ്പെടെ ഏതാണ്ട്‌ 15 കയ്യെഴു​ത്തു​പ്ര​തി​ക​ളിൽനി​ന്നുള്ള താരത​മ്യ​ങ്ങ​ളും റഫറൻസു​ക​ളും ചേർത്തു. വളരെ വ്യാപ​ക​മായ അംഗീ​കാ​രം ലഭിച്ച ഏററ്യന്റെ ഈ പതിപ്പ്‌ പിന്നീട്‌ ടെക്‌സ്‌റ​റസ്‌ റെസെ​പ്‌റ​റസ്‌ അഥവാ റിസീ​വ്‌ഡ്‌ ടെക്‌സ്‌ററ്‌ എന്നു പേരുള്ള പരിഭാ​ഷ​യു​ടെ അടിസ്ഥാ​ന​മാ​യി​ത്തീർന്നു. ജെയിംസ്‌ രാജാ​വി​ന്റെ പരിഭാഷ ഉൾപ്പെടെ അനേകം പിൽക്കാല പരിഭാ​ഷകൾ ഈ റിസീ​വ്‌ഡ്‌ ടെക്‌സ്‌റ​റി​നെ ആധാര​മാ​ക്കി​യു​ള്ള​താണ്‌.

നവീക​ര​ണ​ത്തി​നെ​തി​രെ സോർബോൺ

ലൂഥറി​ന്റെ​യും മററു നവീക​ര​ണ​വാ​ദി​ക​ളു​ടെ​യും ആശയങ്ങൾ യൂറോ​പ്പി​ലു​ട​നീ​ളം വ്യാപി​ച്ച​തോ​ടെ, കത്തോ​ലി​ക്കാ സഭയ്‌ക്കു ജനങ്ങളു​ടെ ചിന്തയെ നിയ​ന്ത്രി​ക്ക​ണ​മെ​ന്നാ​യി. വായന​യ്‌ക്കു നിയ​ന്ത്രണം ഏർപ്പെ​ടു​ത്തി​ക്കൊണ്ട്‌ ഇതു ചെയ്യാ​നാ​യി​രു​ന്നു അവരുടെ ശ്രമം. ഏതെങ്കി​ലും കത്തോ​ലി​ക്കാ രാജ്യത്ത്‌ “മതനി​ന്ദകൾ” അടങ്ങുന്ന പുസ്‌ത​കങ്ങൾ അച്ചടി​ക്കു​ന്ന​തോ വിൽക്കു​ന്ന​തോ വായി​ക്കു​ന്ന​തോ വിലക്കി​ക്കൊണ്ട്‌ ലിയോ X-ാമൻ പാപ്പാ 1520 ജൂൺ 15-ന്‌ ഒരു കൽപ്പന പുറ​പ്പെ​ടു​വി​ച്ചു. മാത്ര​വു​മല്ല, ലൗകിക അധികാ​രി​കൾ തങ്ങളുടെ അധികാ​ര​മ​ണ്ഡ​ല​ങ്ങ​ളിൽ ആ കൽപ്പന നിയമം മുഖേന നടപ്പാ​ക്ക​ണ​മെ​ന്നും അത്‌ ആവശ്യ​പ്പെട്ടു. ഇംഗ്ലണ്ടിൽ ഹെൻട്രി VIII-ാമൻ മേൽപ്പറഞ്ഞ സെൻസർഷി​പ്പി​ന്റെ ചുമതല കത്തോ​ലി​ക്കാ ബിഷപ്പായ കത്‌ബർട്ട്‌ ടൻസ്‌റ​റാ​ളി​നെ ഏൽപ്പിച്ചു. എങ്കിലും, യൂറോ​പ്പി​ന്റെ മിക്ക ഭാഗങ്ങ​ളി​ലും പഠിപ്പി​ക്കൽ സംഗതി​ക​ളിൽ അവിതർക്കിത അധികാ​ര​മു​ണ്ടാ​യി​രു​ന്നതു പാപ്പാ കഴിഞ്ഞാൽപ്പി​ന്നെ പാരീസ്‌ സർവക​ലാ​ശാ​ല​യി​ലെ ദൈവ​ശാ​സ്‌ത്ര​ജ്ഞൻമാ​രു​ടെ വൈജ്ഞാ​നിക വിഭാ​ഗ​മായ സോർബോ​ണി​നാ​യി​രു​ന്നു.

കത്തോ​ലി​ക്കാ പാരമ്പ​ര്യ​വാ​ദി​ക​ളു​ടെ ശബ്ദമാ​യി​രു​ന്നു സോർബോൺ. നൂററാ​ണ്ടു​ക​ളോ​ളം കത്തോ​ലി​ക്കാ വിശ്വാ​സ​ത്തി​ന്റെ കോട്ട​മ​തി​ലാ​യി അതു വീക്ഷി​ക്ക​പ്പെട്ടു. സോർബോ​ണി​ന്റെ സെൻസർമാർ പണ്ഡി​തോ​ചിത വകഭേ​ദ​ങ്ങ​ള​ട​ങ്ങുന്ന സകല പതിപ്പു​ക​ളെ​യും വൾഗേ​റ​റി​ന്റെ തദ്ദേശ​ഭാ​ഷാ പരിഭാ​ഷ​ക​ളെ​യും എതിർത്തു. സഭയ്‌ക്ക്‌ “ഉപയോ​ഗ​ശൂ​ന്യ”മെന്നു “മാത്രമല്ല ഹാനികര”വുമാ​യാണ്‌ അവർ അതി​നെ​യെ​ല്ലാം വീക്ഷി​ച്ചത്‌. തിരു​വെ​ഴു​ത്തി​ന്റെ അധികാ​ര​ത്തിൽ അധിഷ്‌ഠി​ത​മ​ല്ലാത്ത സഭാ പഠിപ്പി​ക്ക​ലു​ക​ളെ​യും ചടങ്ങു​ക​ളെ​യും പാരമ്പ​ര്യ​ങ്ങ​ളെ​യും നവീക​ര​ണ​വാ​ദി​കൾ ചോദ്യം​ചെ​യ്‌തി​രുന്ന ഒരു സമയമാ​യി​രു​ന്ന​തു​കൊണ്ട്‌ ഇതിൽ അതിശ​യി​ക്കാ​നൊ​ന്നു​മി​ല്ലാ​യി​രു​ന്നു. എന്നുവ​രി​കി​ലും, സോർബോ​ണി​ലെ അനേകം ദൈവ​ശാ​സ്‌ത്ര​ജ്ഞൻമാർക്കും ബൈബി​ളി​ന്റെ​തന്നെ കൃത്യ​പ​രി​ഭാ​ഷ​യെ​ക്കാൾ പ്രധാനം സഭയുടെ വന്ദ്യമായ പഠിപ്പി​ക്ക​ലു​ക​ളാ​യി​രു​ന്നു. ഒരു ദൈവ​ശാ​സ്‌ത്രജ്ഞൻ പറഞ്ഞു: “ഒരിക്കൽ ഒരു പഠിപ്പി​ക്കൽ ഏർപ്പെ​ടു​ത്തി​ക്ക​ഴി​ഞ്ഞാൽപ്പി​ന്നെ മതിൽപ്പ​ണി​ക്കു​ശേഷം പൊളി​ച്ചു​മാ​റ​റുന്ന താത്‌ക്കാ​ലിക മരത്തട്ട്‌ പോ​ലെ​യാ​ണു തിരു​വെ​ഴു​ത്തു​കൾ.” എബ്രായ, ഗ്രീക്ക്‌ എന്നിവ​യിൽ പിടി​പാ​ടു​ള്ള​വ​രാ​യി​രു​ന്നില്ല വൈജ്ഞാ​നിക വിഭാ​ഗ​ത്തി​ലെ മിക്കവ​രും. എന്നിട്ടും, ബൈബി​ളിൽ ഉപയോ​ഗി​ച്ചി​രി​ക്കുന്ന വാക്കു​ക​ളു​ടെ മൂല അർഥത്തി​ലേക്ക്‌ ഊളി​യിട്ട്‌ ഇറങ്ങു​ക​യാ​യി​രുന്ന ഏററ്യ​ന്റെ​യും നവീക​ര​ണ​വാ​ദി​ക​ളായ മററു പണ്ഡിതൻമാ​രു​ടെ​യും പഠനങ്ങളെ അവർ തുച്ഛീ​ക​രി​ച്ചു. “ഗ്രീക്ക്‌, എബ്രായ എന്നിവ​യെ​ക്കു​റി​ച്ചുള്ള പരിജ്ഞാ​നം പ്രചരി​പ്പി​ച്ചാൽ സകല മതങ്ങളു​ടെ​യും നാശമാ​വും ഫലം” എന്നു പോലും ഒരു സോർബോൺ പ്രൊ​ഫസ്സർ പറഞ്ഞു​ക​ളഞ്ഞു.

സോർബോൺ ആക്രമ​ണ​ങ്ങൾ

വൈജ്ഞാ​നിക വിഭാ​ഗ​ത്തി​ലെ സെൻസർമാർ ഏററ്യന്റെ ആദ്യപ​രി​ഭാ​ഷകൾ പാസ്സാ​ക്കി​വി​ട്ടു​വെ​ങ്കി​ലും, അതു വിവാ​ദ​ര​ഹി​ത​മാ​യി​ട്ട​ല്ലാ​യി​രു​ന്നു. മുമ്പ്‌ 13-ാം നൂററാ​ണ്ടിൽ, യൂണി​വേ​ഴ്‌സി​റ​റി​യു​ടെ ഔദ്യോ​ഗിക ബൈബി​ളാ​യി വൾഗേ​ററ്‌ പ്രതി​ഷ്‌ഠി​ക്ക​പ്പെട്ടു. ഒരു അപ്രമാ​ദി​ത്വ ഗ്രന്ഥമാ​യാണ്‌ അനേക​രും അതിനെ വീക്ഷി​ച്ചത്‌. വൾഗേ​റ​റി​ന്റെ വേലയിൽ ഏർപ്പെ​ട്ടി​രുന്ന, ആദരണീയ പണ്ഡിത​നായ എറാസ്‌മ​സി​നെ വൈജ്ഞാ​നിക വിഭാഗം കുററം​വി​ധി​ക്കു​ക​പോ​ലും ചെയ്‌തു. പുരോ​ഹി​ത​ന​ല്ലാത്ത, പ്രദേ​ശത്തെ ഒരു സാധാരണ അച്ചടി​ക്കാ​രൻ ഔദ്യോ​ഗിക പാഠം തിരു​ത്താ​നുള്ള സാഹസം കാട്ടുന്നു എന്നതു​തന്നെ ചിലർക്കു ഭയാന​ക​മാ​യി​രു​ന്നു.

ഒരുപക്ഷേ, എന്തി​നെ​ക്കാ​ളും ഉപരി​യാ​യി, ഏററ്യന്റെ മാർജിൻ കുറി​പ്പു​ക​ളാ​വാം ദൈവ​ശാ​സ്‌ത്ര​ജ്ഞൻമാർക്കു തലവേ​ദ​ന​യാ​യത്‌. വൾഗേ​ററ്‌ പാഠത്തി​ന്റെ സാധു​ത​യിൻമേൽ സംശയ​ത്തി​ന്റെ നിഴൽപ​ര​ത്തു​ന്ന​താ​യി​രു​ന്നു ആ കുറി​പ്പു​കൾ. ഏററ്യനു ചില ഖണ്ഡികകൾ വ്യക്തമാ​ക്ക​ണ​മെ​ന്നേ​യു​ണ്ടാ​യി​രു​ന്നു​ള്ളൂ. എന്നാൽ ഫലമോ, ദൈവ​ശാ​സ്‌ത്ര മേഖല​യി​ലേക്ക്‌ അതി​ക്ര​മി​ച്ചു കയറി​യവൻ എന്ന കുററം അദ്ദേഹ​ത്തി​നു​മേൽ ചുമത്ത​പ്പെട്ടു. തന്റെ കുറി​പ്പു​കൾ കേവലം ഹ്രസ്വ​മായ സംഗ്ര​ഹ​ങ്ങ​ളാണ്‌, അഥവാ സ്വഭാ​വം​കൊ​ണ്ടു ഭാഷാശാസ്‌ത്ര​പ​ര​മാണ്‌ എന്ന്‌ അവകാ​ശ​പ്പെ​ട്ടു​കൊണ്ട്‌ അദ്ദേഹം ആരോ​പണം നിഷേ​ധി​ച്ചു. ഉദാഹ​ര​ണ​ത്തിന്‌, ഉല്‌പത്തി 37:35-നെക്കു​റി​ച്ചുള്ള അദ്ദേഹ​ത്തി​ന്റെ കുറിപ്പ്‌ “നരകം” എന്ന പദത്തിന്‌ [ലത്തീനിൽ ഇൻഫെർനം] അവിടെ ദുഷ്ടൻമാർ ശിക്ഷി​ക്ക​പ്പെ​ടുന്ന ഒരു സ്ഥലമായി മനസ്സി​ലാ​ക്കാ​നാ​വി​ല്ലെന്നു വിശദീ​ക​രി​ച്ചു. അദ്ദേഹം ആത്മാവി​ന്റെ അമർത്ത്യ​ത​യെ​യും മധ്യസ്ഥം​വ​ഹി​ക്കാ​നുള്ള “വിശു​ദ്ധൻമാ​രു”ടെ കഴിവി​നെ​യും നിഷേ​ധി​ച്ചു​വെന്ന്‌ വൈജ്ഞാ​നിക വിഭാഗം കുററ​മാ​രോ​പി​ച്ചു.

എന്നുവ​രി​കി​ലും, ഏററ്യനു രാജാ​വി​ന്റെ പ്രീതി​യും സംരക്ഷ​ണ​വും ലഭിച്ചു. ഫ്രാൻസിസ്‌ ഒന്നാമൻ നവോ​ത്ഥാന പഠനങ്ങ​ളിൽ, വിശേ​ഷി​ച്ചും തന്റെ കൊട്ടാര അച്ചടി​ക്കാ​രന്റെ വേലയിൽ, വലിയ താത്‌പ​ര്യം പ്രകട​മാ​ക്കി. ഏററ്യനെ സന്ദർശി​ക്കു​ക​പോ​ലും ചെയ്‌തി​രുന്ന രാജാവ്‌ ഒരിക്കൽ അദ്ദേഹം ഒരു പാഠത്തി​ന്റെ ഏതാനും അവസാന നിമിഷ മിനു​ക്കു​പ​ണി​യിൽ ഏർപ്പെ​ട്ടി​രി​ക്കു​ക​യാ​യി​രു​ന്നു എന്നു മനസ്സി​ലാ​ക്കി​യ​പ്പോൾ അദ്ദേഹ​ത്തി​നു​വേണ്ടി ക്ഷമാപൂർവം കാത്തി​രു​ന്നു​വെന്നു റിപ്പോർട്ടു​കൾ പറയുന്നു. അങ്ങനെ രാജാ​വി​ന്റെ പിൻബ​ല​ത്തോ​ടെ ഏററ്യൻ സോർബോ​ണി​നെ​തി​രെ പിടി​ച്ചു​നി​ന്നു.

ദൈവ​ശാ​സ്‌ത്ര​ജ്ഞൻമാർ അദ്ദേഹ​ത്തി​ന്റെ ബൈബി​ളു​കൾ നിരോ​ധി​ക്കു​ന്നു

എന്നിരു​ന്നാ​ലും, 1545-ൽ സോർബോൺ വൈജ്ഞാ​നിക വിഭാ​ഗ​ത്തി​ന്റെ മുഴു​ക്രോ​ധ​വും ഏററ്യന്റെ നേർക്കു തിരി​യാ​നുള്ള സംഭവ​ങ്ങ​ളു​ണ്ടാ​യി. നവീക​ര​ണ​വാ​ദി​കൾക്കെ​തി​രെ ഒരു ഐക്യ​നി​ര​യു​ണ്ടാ​ക്കു​ന്നതു പ്രയോ​ജ​ന​മാ​വു​മെന്നു തോന്നി കൊ​ളോൺ (ജർമനി), ലൂവൻ (ബെൽജി​യം), പാരീസ്‌ എന്നിവി​ട​ങ്ങ​ളി​ലെ കത്തോ​ലി​ക്കാ യൂണി​വേ​ഴ്‌സി​റ​റി​കൾ പാരമ്പ​ര്യ​വി​രുദ്ധ പഠിപ്പി​ക്ക​ലു​കൾ സെൻസർ ചെയ്യു​ന്ന​തിൽ സഹകരി​ക്കാ​മെന്നു നേര​ത്തെ​തന്നെ സമ്മതി​ച്ചി​ട്ടു​ണ്ടാ​യി​രു​ന്നു. ലൂവൻ യൂണി​വേ​ഴ്‌സി​റ​റി​യി​ലെ ദൈവ​ശാ​സ്‌ത്ര​ജ്ഞൻമാർ ഏററ്യന്റെ ബൈബിൾ പാരീ​സി​ന്റെ നിരോ​ധിത പുസ്‌തക പട്ടിക​യിൽ വന്നിട്ടില്ല എന്നതിൽ വിസ്‌മയം പ്രകടി​പ്പി​ച്ചു​കൊണ്ട്‌ സോർബോ​ണിന്‌ എഴുതി​യ​പ്പോൾ, അവ തങ്ങളുടെ കണ്ണിൽപ്പെ​ട്ടി​രു​ന്നെ​ങ്കിൽ തീർച്ച​യാ​യും നിരോ​ധി​ക്കു​മാ​യി​രു​ന്നു​വെന്നു സോർബോൺ കളവായി മറുപടി കൊടു​ത്തു. അതോടെ വൈജ്ഞാ​നിക വിഭാ​ഗ​ത്തി​ലു​ണ്ടാ​യി​രുന്ന ഏററ്യന്റെ ശത്രു​ക്കൾക്ക്‌ ലൂവനി​ലെ​യും പാരീ​സി​ലെ​യും വൈജ്ഞാ​നിക വിഭാ​ഗ​ങ്ങ​ളു​ടെ സംയുക്ത ആഭിമു​ഖ്യ​ത്തിൽ ഫ്രാൻസിസ്‌ ഒന്നാമനെ അദ്ദേഹ​ത്തി​ന്റെ അച്ചടി​ക്കാ​രന്റെ തെററു​ക​ളെ​ക്കു​റി​ച്ചു ബോധ്യ​പ്പെ​ടു​ത്താ​നാ​വു​മെന്ന്‌ ഉറപ്പായി.

അതിനി​ടെ, ശത്രു​ക്ക​ളു​ടെ നീക്കങ്ങ​ളെ​ക്കു​റി​ച്ചു മുന്നറി​യി​പ്പു ലഭിച്ച ഏററ്യൻ രാജാ​വി​നെ ആദ്യം പോയി​ക്കണ്ടു. ദൈവ​ശാ​സ്‌ത്ര​ജ്ഞൻമാർ കണ്ടെത്തിയ തെററു​ക​ളു​ടെ ഒരു പട്ടിക അവർ തയ്യാറാ​ക്കി​ത്ത​രു​മെ​ങ്കിൽ, അവരുടെ തിരു​ത്ത​ലു​കൾ സഹിതം അവ അച്ചടി​ക്കാ​നും വിൽക്ക​പ്പെ​ടുന്ന ഓരോ ബൈബി​ളി​നോ​ടു​മൊ​പ്പം അത്‌ ഉൾപ്പെ​ടു​ത്താ​നും താൻ തയ്യാറാ​ണെ​ന്നൊ​രു നിർദേശം ഏററ്യൻ മുന്നോ​ട്ടു​വെച്ചു. രാജാ​വിന്‌ ഈ പരിഹാ​രം ബോധി​ച്ചു. പ്രസ്‌തുത നിർദേശം നടപ്പി​ലാ​ക്കാ​നുള്ള ഉത്തരവാ​ദി​ത്വം രാജാവു തന്റെ കൊട്ടാര വേദപാ​ഠ​ക​നായ പീയർ ഡൂ ഷാസ്‌റ​റ​ലി​നെ ഏൽപ്പിച്ചു. “നമ്മുടെ വിശ്വാ​സം നിഷേ​ധി​ക്കു​ക​യും ഇപ്പോ​ഴത്തെ . . . മതനി​ന്ദ​കളെ പിന്തു​ണ​യ്‌ക്കു​ക​യും ചെയ്യു​ന്ന​വർക്കുള്ള പോഷണ”മാണ്‌ ഏററ്യന്റെ ബൈബിൾ എന്നും അതു തെററു​കൾ നിറഞ്ഞ​താ​യ​തി​നാൽ അതിനെ “പൂർണ​മാ​യി നിർത്തേ​ണ്ട​തും തീർത്തും നശിപ്പി​ക്കേ​ണ്ട​തു​മാ​ണെ”ന്നും 1546 ഒക്‌ടോ​ബ​റിൽ വൈജ്ഞാ​നിക വിഭാഗം ഡൂ ഷാസ്‌റ​റ​ലിന്‌ എഴുതി. രാജാ​വിന്‌ അതു വിശ്വാ​സ​മാ​യില്ല. ഏററ്യന്റെ ബൈബി​ളി​നോ​ടൊ​പ്പം അച്ചടി​ക്കാൻ കഴി​യേ​ണ്ട​തി​നു ദോഷാ​രോ​പ​ണങ്ങൾ ഹാജരാ​ക്കാൻ വൈജ്ഞാ​നിക വിഭാ​ഗ​ത്തോട്‌ അദ്ദേഹം വ്യക്തി​പ​ര​മാ​യി കൽപ്പിച്ചു. അവർ ഇതു ചെയ്യാ​മെന്ന്‌ ഏററു​വെ​ങ്കി​ലും, വാസ്‌ത​വ​ത്തിൽ അവർ ചെയ്‌തത്‌ തെറെ​റന്നു വിചാ​രി​ക്കുന്ന സംഗതി​ക​ളു​ടെ ഒരു വിശദ​മായ പട്ടിക​യു​ണ്ടാ​ക്കാ​തി​രി​ക്കാൻ എന്തെല്ലാം ചെയ്യാ​മോ അതൊ​ക്കെ​യാണ്‌.

1547 മാർച്ചിൽ ഫ്രാൻസിസ്‌ ഒന്നാമൻ മരിച്ചു. അതോടെ നഷ്ടമാ​യ​തോ സോർബോ​ണി​ന്റെ കരുത്തി​നെ​തി​രെ ഏററ്യ​നു​ണ്ടാ​യി​രുന്ന ഏററവും ശക്തനായ മിത്ര​വും. ഹെൻട്രി രണ്ടാമൻ സിംഹാ​സ​ന​സ്ഥ​നാ​യ​പ്പോൾ, വൈജ്ഞാ​നിക വിഭാഗം ദോഷാ​രോ​പ​ണങ്ങൾ ഹാജരാ​ക്കണം എന്ന തന്റെ പിതാ​വി​ന്റെ കൽപ്പന അദ്ദേഹം പുതുക്കി. എന്നുവ​രി​കി​ലും, ജർമൻ പ്രഭു​ക്കൻമാർ രാഷ്‌ട്രീയ ലക്ഷ്യങ്ങൾക്കു​വേണ്ടി നവീക​ര​ണത്തെ എപ്രകാ​രം ഉപയോ​ഗ​പ്പെ​ടു​ത്തു​ന്നു എന്നു നിരീ​ക്ഷിച്ച ഹെൻട്രി​ക്കു കൊട്ടാര അച്ചടി​ക്കാ​രന്റെ ബൈബി​ളി​നു​ണ്ടെന്നു തോന്നിയ നേട്ടങ്ങ​ളി​ലോ കോട്ട​ങ്ങ​ളി​ലോ ഒന്നും അത്ര വലിയ താത്‌പ​ര്യ​മി​ല്ലാ​യി​രു​ന്നു. പുതിയ രാജാ​വി​നു കീഴിൽ ഫ്രാൻസി​നെ കത്തോ​ലി​ക്ക​വും ഏകീകൃ​ത​വു​മാ​യി നിലനിർത്തുക എന്നതി​ലാ​യി​രു​ന്നു അദ്ദേഹ​ത്തി​നു താത്‌പ​ര്യം. ദൈവ​ശാ​സ്‌ത്ര​ജ്ഞൻമാർ തങ്ങളു​ടേ​തായ ദോഷാ​രോ​പ​ണ​ങ്ങ​ളു​ടെ പട്ടിക ഹാജരാ​ക്കു​ന്ന​തു​വരെ ഏററ്യന്റെ ബൈബി​ളു​ക​ളു​ടെ വിൽപ്പന നിരോ​ധി​ക്ക​ണ​മെന്ന്‌ 1547 ഡിസംബർ 10-ന്‌ രാജാ​വി​ന്റെ ഉപദേ​ശ​ക​സ​മി​തി തീരു​മാ​നി​ച്ചു.

മതനി​ന്ദ​ക​നാ​യി കുററം​വി​ധി​ക്ക​പ്പെ​ടു​ന്നു

ഏററ്യന്റെ കേസ്‌ പ്രത്യേക കോട​തി​യി​ലേക്കു മാററാൻ ഉപാധി​കൾ തേടു​ക​യാ​യി​രു​ന്നു വൈജ്ഞാ​നിക വിഭാഗം അപ്പോൾ. മതനി​ന്ദ​ക​ളു​ടെ കേസുകൾ വിചാരണ ചെയ്യാൻ പുതു​താ​യി സ്ഥാപി​ച്ച​വ​യാ​യി​രു​ന്നു അത്തരം കോട​തി​കൾ. ആരും പറയാ​തെ​തന്നെ തന്റെ അപകടാ​വ​സ്ഥ​യെ​ക്കു​റിച്ച്‌ ഏററ്യനു നല്ല ബോധ്യ​മു​ണ്ടാ​യി​രു​ന്നു. നിലവിൽ വന്ന്‌ രണ്ടു വർഷത്തി​നു​ള്ളിൽത്തന്നെ കോട​തി​ക്കു ഷാൻബ്ര അർഡാൻറ്‌, അഥവാ “കത്തുന്ന മുറി” എന്ന പേരു വീണു. ഏതാണ്ട്‌ 60 പേരെ തൂക്കി​ലേ​ററി. അതിൽ ഏററ്യന്റെ വീട്ടിൽനി​ന്നു വിളി​പ്പാട്‌ അകലെ പ്ലാസ്‌ മൂബറിൽവെച്ച്‌ ജീവ​നോ​ടെ ചുട്ടു​കൊന്ന ഏതാനും അച്ചടി​ക്കാ​രും പുസ്‌ത​ക​വിൽപ്പ​ന​ക്കാ​രും ഉൾപ്പെ​ടു​ന്നു. അദ്ദേഹ​ത്തി​നെ​തി​രെ തെളി​വി​ന്റെ എന്തെങ്കി​ലും ഒരു കണിക കിട്ടാൻവേണ്ടി ഏററ്യന്റെ വീട്‌ ആവർത്തി​ച്ചു പരി​ശോ​ധി​ച്ചു. 80-ലധികം സാക്ഷി​കളെ ചോദ്യം ചെയ്‌തു. ഏററ്യനെ മതനി​ന്ദ​യ്‌ക്കു കുററം​വി​ധി​ക്കാ​നാ​വ​ശ്യ​മായ വിവരം നൽകു​ന്ന​വർക്ക്‌ അദ്ദേഹ​ത്തി​ന്റെ സ്വത്തിന്റെ നാലി​ലൊ​ന്നു ലഭിക്കു​മെന്ന വാഗ്‌ദാ​നം കൊടു​ത്തു. എന്നിട്ടും, അവരുടെ ഒരേ ഒരു തെളിവ്‌ ഏററ്യൻ തന്റെ ബൈബി​ളിൽ പരസ്യ​മാ​യി അച്ചടി​ച്ചതു മാത്ര​മാ​യി​രു​ന്നു.

വൈജ്ഞാ​നി​ക വിഭാ​ഗ​ത്തി​ന്റെ ദോഷാ​രോ​പ​ണങ്ങൾ തന്റെ ഉപദേ​ശ​ക​സ​മി​തി​ക്കു കൈമാ​റ​ണ​മെന്നു രാജാവു വീണ്ടും കൽപ്പിച്ചു. പക്ഷേ, അതി​ലൊ​ന്നും അവർ കുലു​ങ്ങി​യില്ല. ‘മതനി​ന്ദ​യാ​യി തങ്ങൾ കുററം​വി​ധി​ക്കു​ന്ന​തി​നുള്ള കാരണങ്ങൾ എഴുതി​ക്കൊ​ടു​ക്കുന്ന പതി​വൊ​ന്നും ദൈവ​ശാ​സ്‌ത്ര​ജ്ഞൻമാർക്കില്ല, അവർ വാക്കാലേ മറുപടി പറയൂ. അതു നിങ്ങൾ വിശ്വ​സി​ക്കണം, അല്ലാ​യെ​ങ്കിൽ എഴുത്തി​നൊ​ന്നും യാതൊ​രു അറുതി​യും ഉണ്ടാകാൻ പോകു​ന്നില്ല’ എന്നായി​രു​ന്നു വൈജ്ഞാ​നിക വിഭാ​ഗ​ത്തി​ന്റെ ഉത്തരം. ഹെൻട്രി പിന്നെ തിരി​ച്ചൊ​ന്നും പറഞ്ഞില്ല. അവസാന നിരോ​ധനം ഏർപ്പെ​ടു​ത്തി. ഏററ്യൻ നിർമിച്ച ഏതാണ്ട്‌ സകല ബൈബിൾ പുസ്‌ത​ക​ങ്ങ​ളും നിരോ​ധി​ക്ക​പ്പെട്ടു. പ്ലാസ്‌ മൂബറി​ലെ തീയിൽനി​ന്നു രക്ഷപെ​ട്ടു​വെ​ങ്കി​ലും, തന്റെ ബൈബി​ളു​ക​ളു​ടെ​മേ​ലുള്ള സമ്പൂർണ നിരോ​ധ​ന​വും കൂടു​ത​ലായ ഉപദ്ര​വ​സാ​ധ്യ​ത​യും കണക്കി​ലെ​ടുത്ത്‌ അദ്ദേഹം ഫ്രാൻസ്‌ വിട്ടു​പോ​കാൻ തീരു​മാ​നി​ച്ചു.

നാടു​വിട്ട അച്ചടി​ക്കാ​രൻ

1550 നവംബ​റിൽ ഏററ്യൻ സ്വിറ​റ്‌സർലൻഡി​ലെ ജനീവ​യി​ലേക്കു കടന്നു. ഫ്രാൻസിൽ വൾഗേ​ററ്‌ അല്ലാതെ മറേറ​തെ​ങ്കി​ലും ബൈബിൾ പ്രസി​ദ്ധീ​ക​രി​ക്കു​ന്നതു വൈജ്ഞാ​നിക വിഭാഗം നിയമ​വി​രു​ദ്ധ​മാ​ക്കി​യി​രു​ന്നു. ഇപ്പോൾ തനിക്കി​ഷ്ട​മു​ള്ളതു പ്രസി​ദ്ധീ​ക​രി​ക്കാൻ സ്വാത​ന്ത്ര്യം ലഭിച്ച​തോ​ടെ 1551-ൽ ഏററ്യൻ തന്റെ ഗ്രീക്കു “പുതിയ നിയമം” വീണ്ടും അച്ചടിച്ചു. അതിൽ സമാന്തര കോള​ങ്ങ​ളിൽ മററു രണ്ടു ലത്തീൻ ഭാഷാ​ന്ത​ര​ങ്ങ​ളു​മു​ണ്ടാ​യി​രു​ന്നു (വൾഗേ​റ​റു എറാസ്‌മ​സി​ന്റേ​തും). അതിനു​ശേഷം, സമാന്ത​ര​കോ​ള​ത്തിൽ എറാസ്‌മ​സി​ന്റെ ലത്തീൻ പാഠം സഹിതം 1552-ൽ അദ്ദേഹം ഗ്രീക്കു തിരു​വെ​ഴു​ത്തു​ക​ളു​ടെ ഒരു ഫ്രഞ്ചു പരിഭാഷ പുറത്തി​റക്കി. ഈ രണ്ടു പതിപ്പു​ക​ളി​ലാണ്‌ ഏററ്യൻ വാക്യ​ങ്ങളെ സംഖ്യ​കൊ​ണ്ടു തിരി​ക്കുന്ന സംവി​ധാ​നം ഏർപ്പെ​ടു​ത്തി​യത്‌. അതേ സംവി​ധാ​നം​ത​ന്നെ​യാണ്‌ ഇന്നും സാർവ​ത്രി​ക​മാ​യി ഉപയോ​ഗി​ക്കു​ന്നത്‌. വാക്യ​വി​ഭ​ജ​ന​ത്തി​നു പലരും മുമ്പു ശ്രമി​ച്ചി​ട്ടു​ണ്ടെ​ങ്കി​ലും പ്രചാരം ലഭിച്ചത്‌ ഏററ്യന്റെ സമ്പ്രദാ​യ​ത്തി​നാ​യി​രു​ന്നു. 1553-ൽ അദ്ദേഹം പുറത്തി​റ​ക്കിയ ഫ്രഞ്ച്‌ ബൈബി​ളാ​യി​രു​ന്നു വാക്യ​വി​ഭ​ജ​ന​മുള്ള ആദ്യത്തെ സമ്പൂർണ ബൈബിൾ.

1557-ൽ ഏററ്യൻ പുറത്തി​റ​ക്കിയ ഇരട്ട വേർഷൻ ലത്തീൻ ബൈബി​ളും ശ്രദ്ധേ​യ​മാ​യി​രു​ന്നു, കാരണം അതിൽ ദൈവ​ത്തി​ന്റെ വ്യക്തി​പ​ര​മായ നാമം, അതായത്‌ യഹോവ എന്ന നാമം, എബ്രായ തിരു​വെ​ഴു​ത്തു​ക​ളിൽ ഉടനീളം ഉപയോ​ഗി​ച്ചി​രു​ന്നു. എബ്രായ ചതുര​ക്ഷ​രി​ക്കു (יהוה) പകരമാ​യി അഡോ​ണാ​യി എന്ന്‌ ഉപയോ​ഗി​ക്കു​ന്നത്‌ യഹൂദ അന്ധവി​ശ്വാ​സ​ത്തി​ല​ധി​ഷ്‌ഠി​ത​മാ​യി മാത്ര​മാണ്‌, അതിനാൽ അതു തള്ളിക്ക​ള​യ​ണ​മെന്ന്‌ അദ്ദേഹം രണ്ടാം സങ്കീർത്ത​ന​ത്തി​ന്റെ മാർജി​നിൽ രേഖ​പ്പെ​ടു​ത്തി. ഈ പതിപ്പിൽ, എബ്രായ പാഠത്തി​ന്റെ അർഥം ധ്വനി​പ്പി​ക്കാൻ കൂടു​ത​ലാ​യി ചേർത്ത ലത്തീൻ പദങ്ങളെ ഏററ്യൻ ചെരി​ച്ചെ​ഴു​ത്തി​ലാ​ക്കി. ഈ സാങ്കേ​തി​ക​രീ​തി പിന്നീട്‌ മററു ബൈബി​ളു​ക​ളി​ലും ഏർപ്പെ​ടു​ത്ത​പ്പെട്ടു. ഊന്നലി​നു​വേണ്ടി ചെരി​ച്ചെ​ഴുത്ത്‌ ഉപയോ​ഗി​ക്കുന്ന ആധുനി​ക​രീ​തി പരിച​യി​ച്ചി​ട്ടുള്ള ഇന്നത്തെ വായന​ക്കാ​രെ പലപ്പോ​ഴും കുഴക്കി​യി​ട്ടു​ള്ള​താണ്‌ ഈ പൈതൃ​കം.

അദ്ദേഹ​ത്തി​ന്റെ പഠനഫ​ലങ്ങൾ മററു​ള്ള​വർക്കു ലഭ്യമാ​ക്കാൻ തീരു​മാ​നി​ച്ചു​റച്ച ഏററ്യൻ വിശുദ്ധ തിരു​വെ​ഴു​ത്തു​ക​ളു​ടെ പ്രസി​ദ്ധീ​ക​ര​ണ​ത്തി​നു​വേണ്ടി തന്റെ ജീവി​തം​തന്നെ സമർപ്പി​ച്ചു. അദ്ദേഹ​ത്തി​ന്റെ ശ്രമങ്ങ​ളോ​ടും മൂലത്തിൽ എഴുതി​യി​രു​ന്ന​തു​പോ​ലെ​യുള്ള ബൈബിൾ വചനങ്ങൾ പുറത്തു​കൊ​ണ്ടു​വ​രാൻ ശ്രദ്ധാ​പൂർവം കഠിന​ശ്രമം ചെയ്‌ത മററു​ള്ള​വ​രു​ടെ അധ്വാ​ന​ത്തോ​ടും ഇന്നു ദൈവ​വ​ച​നത്തെ മൂല്യ​വ​ത്താ​യി കരുതു​ന്ന​വർക്കു കൃതജ്ഞത തോന്നി​യേ​ക്കാം. അവർ തുടങ്ങി​വെച്ച ആ പ്രക്രിയ ഇന്നും തുടരു​ക​യാണ്‌. കാരണം നമുക്കു പുരാതന ഭാഷക​ളെ​ക്കു​റി​ച്ചുള്ള കൂടുതൽ കൃത്യ​മായ വിവരങ്ങൾ ലഭിക്കു​ക​യും നാം ദൈവ​വ​ച​ന​ത്തി​ന്റെ കൂടുതൽ പഴക്കവും കൃത്യ​വു​മായ കയ്യെഴു​ത്തു​പ്ര​തി​കൾ കണ്ടെത്തു​ക​യും ചെയ്യുന്നു. തന്റെ മരണത്തി​നു (1559) കുറച്ചു മുമ്പ്‌ ഏററ്യൻ ഗ്രീക്കു തിരു​വെ​ഴു​ത്തു​ക​ളു​ടെ ഒരു പുതിയ പരിഭാ​ഷ​യു​ടെ പണിയി​ലാ​യി​രു​ന്നു. “ആരാ അതു വാങ്ങുക? ആരാ അതു വായി​ക്കുക?” എന്ന്‌ അദ്ദേഹ​ത്തോ​ടു ചോദി​ച്ച​പ്പോൾ, അദ്ദേഹം ഉറപ്പോ​ടെ ഇങ്ങനെ ഉത്തരം​പ​റഞ്ഞു: ‘ദൈവ​ഭ​ക്തി​യും അറിവു​മുള്ള സകല മനുഷ്യ​രും.’

[അടിക്കു​റി​പ്പു​കൾ]

[10-ാം പേജിലെ ചിത്രം]

റോബർട്ട്‌ ഏററ്യന്റെ ശ്രമങ്ങൾ തലമു​റ​ക​ളോ​ളം ബൈബിൾ വിദ്യാർഥി​കളെ സഹായി​ച്ചി​രി​ക്കു​ന്നു

[കടപ്പാട]

Bibliothèque Nationale, Paris

[12-ാം പേജിലെ ചിത്രം]

ഏററ്യന്റെ പ്രബോ​ധ​നാ​ത്മ​ക​മായ ചിത്രീ​ക​ര​ണങ്ങൾ തലമു​റ​ക​ളോ​ളം അനുക​രി​ക്ക​പ്പെ​ട്ടി​രു​ന്നു

[കടപ്പാട]

Bibliothèque Nationale, Paris