സാക്ഷാ​ലുള്ള ജീവനെ നിധി​പോ​ലെ കാക്കുക

ഈ ജീവിതം മാത്ര​മാ​ണോ ഉള്ളത്‌? അതിൽ കൂടു​ത​ലു​ണ്ടെന്നു ബൈബിൾ സൂചി​പ്പി​ക്കു​ന്നു. കാരണം, ‘സാക്ഷാ​ലുള്ള ജീവനെ പിടിച്ചു കൊള്ളാൻ’ അതു നമ്മെ പ്രോ​ത്സാ​ഹി​പ്പി​ക്കു​ന്നു. (1 തിമൊ​ഥെ​യൊസ്‌ 6:17-19) നമ്മുടെ ഇപ്പോ​ഴത്തെ ജീവൻ സാക്ഷാ​ലുള്ള ജീവന​ല്ലെ​ന്നു​വ​രി​കിൽ വേറെ എന്താണ്‌?

“നിത്യ​ജീ​വനെ”യാണു ദൈവ​ഭ​യ​മുള്ള ആളുകൾ മുറുകെ പിടി​ക്കേ​ണ്ട​തെന്നു മുകളിൽ സൂചി​പ്പിച്ച തിരു​വെ​ഴു​ത്തി​ന്റെ സന്ദർഭം വ്യക്തമാ​ക്കു​ന്നു. (1 തിമൊ​ഥെ​യൊസ്‌ 6:12) ഭൂരി​പ​ക്ഷത്തെ സംബന്ധി​ച്ചി​ട​ത്തോ​ളം അത്‌ ഭൂമി​യി​ലെ നിത്യ​ജീ​വ​നെ​യാണ്‌ അർഥമാ​ക്കു​ന്നത്‌. ആദ്യ മനുഷ്യ​നായ ആദാമിന്‌ ഒരു പറുദീ​സാ​ഭൂ​മി​യിൽ എന്നേക്കും ജീവി​ക്കു​ന്ന​തി​നുള്ള പ്രത്യാ​ശ​യു​ണ്ടാ​യി​രു​ന്നു. (ഉല്‌പത്തി 1:26, 27) “നൻമതിൻമ​ക​ളെ​ക്കു​റി​ച്ചുള്ള അറിവി​ന്റെ വൃക്ഷത്തിൻ” ഫലം തിന്നാൽ മാത്രമേ അവൻ മരിക്കു​ക​യു​ള്ളാ​യി​രു​ന്നു. (ഉല്‌പത്തി 2:17) എന്നാൽ ആദാമും ഭാര്യ ഹവ്വായും അനുസ​ര​ണ​ക്കേടു കാണി​ച്ചു​കൊണ്ട്‌ ആ വൃക്ഷത്തിൽനി​ന്നു ഭക്ഷിച്ച​തി​നാൽ ദൈവം അവർക്കു മരണശിക്ഷ വിധിച്ചു. ‘അതു തിന്ന നാളിൽ’ അവർ ദൈവ​ത്തി​ന്റെ ദൃഷ്ടി​യിൽ മരിക്കു​ക​യും ശാരീ​രിക മരണത്തി​ലേക്കു നിലം​പ​തി​ക്കാൻ തുടങ്ങു​ക​യും ചെയ്‌തു. അവരുടെ ജീവിതം മേലാൽ അവർ ആരംഭ​ത്തിൽ ആസ്വദി​ച്ചി​രു​ന്ന​തി​നു തുല്യ​മാ​യി​രു​ന്നില്ല.

“സാക്ഷാ​ലുള്ള ജീവ”നിലേ​ക്കുള്ള വഴി

‘സാക്ഷാ​ലുള്ള ജീവൻ’ സാധ്യ​മാ​ക്കു​ന്ന​തി​നു​വേണ്ടി യഹോ​വ​യാം ദൈവം മനുഷ്യ​വർഗത്തെ രക്ഷിക്കാ​നുള്ള ഒരു ക്രമീ​ക​രണം ചെയ്‌തു. ഈ ക്രമീ​ക​ര​ണ​ത്തെ​ക്കു​റി​ച്ചു മനസ്സി​ലാ​ക്കാൻ ഒരു ചെറിയ ഫാക്‌റ​റ​റി​യെ​ക്കു​റി​ച്ചു നമുക്കു സങ്കൽപ്പി​ക്കാം. വർഷങ്ങൾക്കു മുമ്പ്‌ ആദ്യത്തെ ജോലി​ക്കാ​രൻ ഓപ്പ​റേ​റ​റർക്കുള്ള നിർദേ​ശ​ക​ഗ്രന്ഥം അവഗണി​ക്കു​ക​യും യന്ത്രങ്ങൾക്കെ​ല്ലാം കേടു​വ​രു​ത്തു​ക​യും ചെയ്‌ത​തി​നാൽ അതിലുള്ള എല്ലാ യന്ത്രങ്ങൾക്കും തകരാറു സംഭവി​ച്ചു, തൻമൂലം ഓപ്പ​റേ​റ​റർമാർക്കു ബുദ്ധി​മു​ട്ട​നു​ഭ​വ​പ്പെ​ടു​ന്നു. ഉള്ള യന്ത്രങ്ങൾകൊ​ണ്ടു പരമാ​വധി പ്രവർത്തി​ക്കാ​നേ ഇപ്പോ​ഴത്തെ ഓപ്പ​റേ​റ​റർമാർക്കു കഴിയൂ. ഫാക്‌റ​റ​റി​യു​ടെ ഉടമ തന്റെ ജോലി​ക്കാ​രെ സഹായി​ക്കാൻവേണ്ടി യന്ത്രങ്ങൾ പുനർനിർമി​ക്കാൻ ഉദ്ദേശി​ക്ക​യും അതിനാ​വ​ശ്യ​മായ തുക മാററി​വ​യ്‌ക്ക​യും ചെയ്യുന്നു.

ആദ്യത്തെ ‘യന്ത്ര ഓപ്പ​റേ​ററർ’ ആയിരുന്ന ആദാം തനിക്കു ലഭിച്ച ജീവനെ നിധി​പോ​ലെ കാത്തു​കൊ​ണ്ടില്ല. തൻമൂലം, പ്രവർത്തന വൈക​ല്യം സംഭവിച്ച യന്ത്രത്തി​നു സമാന​മാ​യി അവൻ അപൂർണ ജീവൻ തന്റെ സന്താന​ങ്ങ​ളി​ലേക്കു കടത്തി​വി​ട്ടു. (റോമർ 5:12) ഫാക്‌റ​റ​റി​യി​ലെ ഈ അവസ്ഥ പരിഹ​രി​ക്കാൻ കഴിയാ​തെ​പോയ പിന്നീടു വന്ന ഓപ്പ​റേ​റ​റർമാ​രെ​പ്പോ​ലെ സാക്ഷാ​ലുള്ള ജീവൻ സ്വയം നേടി​യെ​ടു​ക്കാൻ ആദാമി​ന്റെ സന്താന​ങ്ങൾക്കു കഴിയാ​തെ പോയി​രി​ക്കു​ന്നു. (സങ്കീർത്തനം 49:7) ആശയറ​റ​തെന്നു തോന്നി​ക്കുന്ന ഈ സാഹച​ര്യം നേരെ​യാ​ക്കാൻ, മനുഷ്യ​വർഗ​ത്തി​നു​വേണ്ടി നിത്യ​ജീ​വൻ തിരികെ വാങ്ങാൻ, യഹോവ തന്റെ ഏകജാത പുത്രനെ ഭൂമി​യി​ലേക്ക്‌ അയച്ചു. (ലൂക്കൊസ്‌ 1:35; 1 പത്രൊസ്‌ 1:18, 19) മനുഷ്യ​വർഗ​ത്തി​നു​വേണ്ടി ഒരു ബലിമ​രണം വരിച്ചു​കൊണ്ട്‌ ദൈവ​ത്തി​ന്റെ ഏകജാത പുത്ര​നായ യേശു​ക്രി​സ്‌തു അതിനുള്ള ഫണ്ടു പ്രദാനം ചെയ്‌തു—ആദാം നഷ്ടപ്പെ​ടു​ത്തി​യ​തി​നു തുല്യ മൂല്യ​മുള്ള ജീവൻ. (മത്തായി 20:28; 1 പത്രൊസ്‌ 2:22) വില​യേ​റിയ ഈ ബലിയെ ആസ്‌പ​ദ​മാ​ക്കി സാക്ഷാ​ലുള്ള ജീവൻ നൽകാൻ യഹോ​വക്കു കഴിയും.

അനുസ​ര​ണ​യു​ള്ള മനുഷ്യ​വർഗത്തെ സംബന്ധി​ച്ചി​ട​ത്തോ​ളം യേശു​വി​ന്റെ മറുവി​ല​യാ​ഗം പറുദീ​സാ​ഭൂ​മി​യി​ലെ നിത്യ​ജീ​വനെ അർഥമാ​ക്കും. (സങ്കീർത്തനം 37:29) ഹാർമ​ഗെ​ദോൻ എന്നു പരാമർശി​ച്ചി​രി​ക്കുന്ന, “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”ത്തെ അതിജീ​വി​ക്കുന്ന സകലർക്കും ഈ പ്രത്യാശ പകർന്നി​രി​ക്കു​ന്നു. (വെളി​പ്പാ​ടു 16:14-16) അതു ഭൂമി​യിൽനി​ന്നു സകല ദുഷ്ടത​യും തുടച്ചു​മാ​റ​റും. (സങ്കീർത്തനം 37:9-11) ആ സമയത്തി​നു​മു​മ്പു മരിച്ചു​പോ​കുന്ന, ദൈവ​ത്തി​ന്റെ സ്‌മര​ണ​യി​ലു​ള്ളവർ, ഭൂമി​യിൽ പുനഃ​സ്ഥാ​പി​ക്ക​പ്പെട്ട പറുദീ​സ​യി​ലേക്ക്‌ ഉയിർപ്പി​ക്ക​പ്പെ​ടും. ദൈവത്തെ അനുസ​രി​ക്കുന്ന സകലർക്കും​വേണ്ടി കരുതി​യി​രി​ക്കുന്ന സാക്ഷാ​ലുള്ള ജീവൻ ആസ്വദി​ക്കാ​നുള്ള പ്രത്യാ​ശ​യും അവർക്കു​ണ്ടാ​യി​രി​ക്കും.—യോഹ​ന്നാൻ 5:28, 29.

നമ്മുടെ ഇപ്പോ​ഴത്തെ ജീവനെ കാത്തു​പ​രി​പാ​ലി​ക്കേ​ണ്ട​തി​ന്റെ ആവശ്യം

നമ്മുടെ ഇപ്പോ​ഴത്തെ ജീവന്റെ പവിത്രത സംബന്ധിച്ച്‌ അവഗണന കാണി​ക്കാൻ നമുക്ക്‌ അവകാ​ശ​മു​ണ്ടെന്ന്‌ ഇതിനർഥ​മില്ല. യന്ത്രം സംരക്ഷി​ക്കു​ക​യി​ല്ലാത്ത ഒരു ജോലി​ക്കാ​ര​നു​വേണ്ടി ഫാക്‌റ​റ​റി​യു​ടെ ഉടമ സമയവും പണവും ചെലവ​ഴിച്ച്‌ ഒരു യന്ത്രം പുനർനിർമി​ക്കു​മോ? മറിച്ച്‌, പഴയ യന്ത്രം കാത്തു​സൂ​ക്ഷി​ക്കാൻ തന്റെ കഴിവി​ന്റെ പരമാ​വധി ശ്രമിച്ച ഒരു വ്യക്തി​യു​ടെ പക്കൽ പുനഃ​നിർമിച്ച യന്ത്രം തൊഴി​ലു​ടമ ഏൽപ്പി​ക്കു​ക​യി​ല്ലേ?

ജീവൻ ദൈവ​ത്തിൽനി​ന്നുള്ള വില​യേ​റിയ ദാനമാണ്‌. ആ ദാനത്തി​ന്റെ ഉദാര​മായ ഉറവി​ട​മെന്ന നിലയിൽ അവൻ നാം അതു കാത്തു​സൂ​ക്ഷി​ക്കാൻ ആഗ്രഹി​ക്കു​ന്നു. (സങ്കീർത്തനം 36:9; യാക്കോബ്‌ 1:17) ഭൂമി​യി​ലുള്ള ജനത്തിൻമേൽ യഹോ​വ​ക്കുള്ള താത്‌പ​ര്യ​ത്തെ​പ്പ​ററി പരാമർശി​ച്ചു​കൊ​ണ്ടു യേശു പറഞ്ഞു: “നിങ്ങളു​ടെ തലയിലെ മുടി​പോ​ലും എല്ലാം എണ്ണിയി​രി​ക്കു​ന്നു.” (ലൂക്കൊസ്‌ 12:7) കൊല​പാ​തകം ചെയ്യരു​തെന്നു യഹോവ ഇസ്രാ​യേ​ല്യ​രോ​ടു കൽപ്പിച്ചു. സ്വാഭാ​വി​ക​മാ​യും അതിൽ ആത്മഹത്യ​യും ഉൾപ്പെ​ട്ടി​രു​ന്നു. (പുറപ്പാ​ടു 20:13) ആത്മഹത്യ​യെ ഒരു ഐച്ഛിക തീരു​മാ​ന​മാ​യി വീക്ഷി​ക്കു​ന്നത്‌ ഒഴിവാ​ക്കാൻ ഇതു നമ്മെ സഹായി​ക്കു​ന്നു.

നമ്മുടെ ക്ഷേമത്തിൽ യഹോ​വ​ക്കുള്ള സ്‌നേ​ഹ​പു​ര​സ്സ​ര​മായ താത്‌പ​ര്യം തിരി​ച്ച​റി​ഞ്ഞു​കൊണ്ട്‌ ദൈവ​ഭ​യ​മുള്ള ജനം ഇപ്പോ​ഴത്തെ ആചാര​ങ്ങ​ളിൽ ബൈബിൾ തത്ത്വങ്ങൾ ബാധക​മാ​ക്കു​ന്നു. ഉദാഹ​ര​ണ​ത്തിന്‌, സത്യ​ക്രി​സ്‌ത്യാ​നി​കൾ ‘ജഡത്തി​ലെ​യും ആത്മാവി​ലെ​യും സകല കൻമഷ​വും നീക്കി ദൈവ​ഭ​യ​ത്തിൽ വിശു​ദ്ധി​യെ തികച്ചു​കൊ​ള്ളേണ്ട’ ആവശ്യ​മു​ള്ള​തി​നാൽ അവർ പുകയി​ല​യും ചിത്ത​ഭ്രമം ഉളവാ​ക്കുന്ന മയക്കു​മ​രു​ന്നു​ക​ളും പരിത്യ​ജി​ക്കു​ന്നു.—2 കൊരി​ന്ത്യർ 7:1.

“ശാന്ത ഹൃദയം” നിലനിർത്താ​നും അധാർമിക നടത്ത ഒഴിവാ​ക്കാ​നു​മുള്ള ദൈവ​ത്തി​ന്റെ ബുദ്ധ്യു​പ​ദേ​ശ​ത്തിൽനി​ന്നു മനുഷ്യ ജീവനിൽ അവനുള്ള താത്‌പ​ര്യം വീണ്ടും കാണാ​വു​ന്ന​താണ്‌. (സദൃശ​വാ​ക്യ​ങ്ങൾ 14:30; ഗലാത്യർ 5:19-21) ഈ ഉന്നത നിലവാ​രങ്ങൾ പിൻപ​റ​റു​ന്ന​തി​ലൂ​ടെ നാം ആരോ​ഗ്യ​ത്തെ ക്ഷയിപ്പി​ക്കുന്ന കോപം, ലൈം​ഗി​ക​മാ​യി പകരുന്ന രോഗങ്ങൾ എന്നിവ​യിൽനി​ന്നു സംരക്ഷി​ക്ക​പ്പെ​ടു​ക​യാണ്‌.

തന്റെ ജനത്തിന്റെ ജീവനിൽ യഹോ​വ​ക്കുള്ള താത്‌പ​ര്യം അമിത​തീ​ററി, അമിത​മ​ദ്യ​പാ​നം എന്നിവ​യിൽനിന്ന്‌ ഒഴിഞ്ഞു​നിൽക്കാ​നുള്ള അവന്റെ അനുശാ​സ​ന​ത്തിൽനി​ന്നും വ്യക്തമാണ്‌. (ആവർത്ത​ന​പു​സ്‌തകം 21:18-21; സദൃശ​വാ​ക്യ​ങ്ങൾ 23:20, 21) അത്യാ​ഗ്ര​ഹി​ക​ളും മദ്യപൻമാ​രും ദൈവ​രാ​ജ്യം അവകാ​ശ​മാ​ക്കു​ക​യി​ല്ലെന്ന്‌, അതായത്‌ അവർ സാക്ഷാ​ലുള്ള ജീവൻ ഒരിക്ക​ലും അനുഭ​വി​ക്കു​ക​യി​ല്ലെന്ന്‌, ക്രിസ്‌ത്യാ​നി​കൾക്കു മുന്നറി​യി​പ്പു നൽകി​യി​രി​ക്കു​ന്നു. (1 കൊരി​ന്ത്യർ 6:9, 10; 1 പത്രൊസ്‌ 4:3) മിതത്വം പാലി​ക്കാൻ നമ്മെ പ്രോ​ത്സാ​ഹി​പ്പി​ച്ചു​കൊണ്ട്‌ സ്വയം പ്രയോ​ജ​ന​മ​നു​ഭ​വി​ക്കാൻ യഹോവ നമ്മെ പഠിപ്പി​ക്കു​ന്നു.—യെശയ്യാ​വു 48:17.

ദൈവ​ത്തി​ന്റെ പ്രമാ​ണങ്ങൾ പിൻപ​ററി ജീവി​ക്കു​മ്പോൾ നമ്മുടെ ഇപ്പോ​ഴത്തെ ജീവനെ നാം നിധി​പോ​ലെ കാക്കു​ന്നു​വെന്നു പ്രകട​മാ​ക്കു​ക​യാണ്‌. തീർച്ച​യാ​യും, സാക്ഷാ​ലുള്ള ജീവൻ അതിലും പ്രധാ​ന​പ്പെ​ട്ട​താണ്‌. അത്‌ എന്നേക്കു​മു​ള്ള​താ​ക​യാൽ സത്യ​ക്രി​സ്‌ത്യാ​നി​കൾ അതിന്‌ ഇപ്പോ​ഴത്തെ ജീവ​നെ​ക്കാൾ പ്രാധാ​ന്യം കൽപ്പി​ക്കു​ന്നു. യേശു​ക്രി​സ്‌തു തന്റെ ജീവൻ ബലിയർപ്പി​ച്ച​പ്പോൾ അവൻ ദൈവ​ഹി​ത​ത്തി​നു വഴങ്ങു​ക​യാ​ണു ചെയ്‌തത്‌. അവനെ സംബന്ധി​ച്ചി​ട​ത്തോ​ളം തന്റെ പിതാ​വി​നോ​ടുള്ള അനുസ​രണം ഭൂമി​യി​ലെ ജീവ​നെ​ക്കാൾ വളരെ​യ​ധി​കം പ്രാധാ​ന്യ​മു​ള്ള​താ​യി​രു​ന്നു. യേശു​വി​ന്റെ ആ നിലപാ​ടി​ന്റെ ഫലമായി അവൻ പുനരു​ത്ഥാ​നം പ്രാപി​ക്കു​ക​യും സ്വർഗ​ത്തിൽ അമർത്ത്യ ജീവൻ കരസ്ഥമാ​ക്കു​ക​യും ചെയ്‌തു. (റോമർ 6:9) യേശു​വി​ന്റെ മരണം അവന്റെ മറുവി​ല​യാ​ഗ​ത്തിൽ വിശ്വാ​സം പ്രകട​മാ​ക്കുന്ന അനുസ​ര​ണ​യുള്ള മനുഷ്യ​വർഗത്തെ സംബന്ധി​ച്ചി​ട​ത്തോ​ളം നിത്യ​ജീ​വ​നെ​യും അർഥമാ​ക്കു​ന്നു.—എബ്രായർ 5:8, 9; 12:2.

രക്തം സംബന്ധി​ച്ചുള്ള ജീവത്‌പ്ര​ധാ​ന​മായ നിയമം

യേശു​വി​ന്റെ അനുഗാ​മി​കൾ അവന്റെ ആലോചന പ്രതി​ഫ​ലി​പ്പി​ക്കു​ന്നു​വെ​ന്നതു വ്യക്തമാണ്‌. യേശു ചെയ്‌ത​പോ​ലെ സകല കാര്യ​ത്തി​ലും ദൈവത്തെ സന്തോ​ഷി​പ്പി​ക്കാൻ അവർ അവസരം തേടുന്നു. ജീവര​ക്ഷാ​ക​ര​മെന്നു ചില ഡോക്ടർമാർ വിശേ​ഷി​പ്പി​ക്കുന്ന രക്തപ്പകർച്ചകൾ അവർ നിരസി​ക്കു​ന്ന​തി​ന്റെ കാരണം ഇതു വിശദീ​ക​രി​ക്കു​ന്നു. രക്തപ്പകർച്ച നിരസി​ച്ചു​കൊ​ണ്ടു തന്റെ ജീവൻ നിധി​പോ​ലെ കാക്കു​ന്നു​വെന്ന്‌ ഒരു വ്യക്തി പ്രകട​മാ​ക്കി​യ​തെ​ങ്ങ​നെ​യെന്നു നമുക്കു കാണാം.

യേശു​ക്രി​സ്‌തു​വി​നെ​പ്പോ​ലെ സത്യ​ക്രി​സ്‌ത്യാ​നി​കൾ ദൈവ​ദൃ​ഷ്ടി​യിൽ ജീവി​ച്ചി​രി​ക്കാൻ ആഗ്രഹി​ക്കു​ന്നു. അത്‌ അവനെ പൂർണ​മാ​യി അനുസ​രി​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു. ദൈവ​വ​ചനം ക്രിസ്‌തു​വി​ന്റെ അനുഗാ​മി​ക​ളോട്‌ ഇങ്ങനെ കൽപ്പി​ക്കു​ന്നു: “വിഗ്ര​ഹാർപ്പി​തം, രക്തം, ശ്വാസം​മു​ട്ടി​ച്ച​ത്തതു, പരസംഗം എന്നിവ വർജ്ജി​ക്കു​ന്നതു ആവശ്യം.” (പ്രവൃ​ത്തി​കൾ 15:28, 29) ക്രിസ്‌ത്യാ​നി​കൾക്കു നൽകിയ കൽപ്പനകളിൽ രക്തം സംബന്ധി​ച്ചുള്ള ഈ നിയമം ഉൾപ്പെ​ടു​ത്തി​യത്‌ എന്തു​കൊ​ണ്ടാണ്‌?

ഇസ്രാ​യേ​ല്യർക്കു നൽകിയ നിയമം രക്തം വർജി​ക്കാൻ ആവശ്യ​പ്പെട്ടു. (ലേവ്യ​പു​സ്‌തകം 17:13, 14) ക്രിസ്‌ത്യാ​നി​കൾ മോ​ശൈക ന്യായ​പ്ര​മാ​ണ​ത്തിൻ കീഴിലല്ല. എങ്കിലും രക്തം ഭക്ഷിക്ക​രുത്‌ എന്ന കൽപ്പന ന്യായ​പ്ര​മാ​ണ​ത്തി​നു മുമ്പു​ണ്ടാ​യി​രു​ന്ന​താ​ണെന്ന്‌ അവർ തിരി​ച്ച​റി​യു​ന്നു; അത്‌ ജലപ്ര​ള​യ​ത്തി​നു മുമ്പ്‌ നോഹക്കു നൽകി​യി​രു​ന്നു. (ഉല്‌പത്തി 9:3, 4; കൊ​ലൊ​സ്സ്യർ 2:13, 14) നോഹ​യു​ടെ സന്തതി​ക​ളാ​യി പിറന്ന ഭൂമി​യി​ലെ സകല ജനതകൾക്കും ഈ കൽപ്പന ബാധക​മാണ്‌. (ഉല്‌പത്തി 10:32) അതിനു​പു​റമേ, രക്തത്തിന്റെ പരിശു​ദ്ധി സംബന്ധി​ച്ചു ദൈവം നിർബന്ധം പിടി​ക്കു​ന്ന​തി​ന്റെ കാരണം മനസ്സി​ലാ​ക്കാൻ മോ​ശൈക ന്യായ​പ്ര​മാ​ണം നമ്മെ സഹായി​ക്കു​ന്നു. ഏതെങ്കി​ലും തരത്തിൽപ്പെട്ട രക്തം ഭക്ഷിക്കു​ന്ന​തിൽനിന്ന്‌ ഇസ്രാ​യേ​ല്യ​രെ വിലക്കി​യ​ശേഷം ദൈവം ഇങ്ങനെ പറഞ്ഞു: “മാംസ​ത്തി​ന്റെ ജീവൻ രക്തത്തിൽ അല്ലോ ഇരിക്കു​ന്നതു; യാഗപീ​ഠ​ത്തിൻമേൽ നിങ്ങൾക്കു​വേണ്ടി പ്രായ​ശ്ചി​ത്തം കഴിപ്പാൻ ഞാൻ അതു നിങ്ങൾക്കു തന്നിരി​ക്കു​ന്നു; രക്തമല്ലോ ജീവൻമൂ​ല​മാ​യി പ്രായ​ശ്ചി​ത്തം ആകുന്നതു.” (ലേവ്യ​പു​സ്‌തകം 17:11) രക്തം യാഗപീ​ഠ​ത്തിൽ യാഗ​ത്തോ​ടു ബന്ധപ്പെട്ട ഉപയോ​ഗ​ത്തി​നാ​യി ദൈവം മാററി വെച്ചി​രു​ന്ന​താണ്‌. രക്തത്തിന്റെ പവിത്രത സംബന്ധിച്ച അവന്റെ നിയമം ഭൂമി​യി​ലെ സകല ജീവ​ന്റെ​മേ​ലും അവനുള്ള അധികാ​രത്തെ വെളി​പ്പെ​ടു​ത്തു​ന്നു. (യെഹെ​സ്‌കേൽ 18:4; വെളി​പ്പാ​ടു 4:11) യഹോ​വ​യു​ടെ വീക്ഷണ​ഗ​തി​യിൽനി​ന്നു നമ്മുടെ ജീവനെ വീക്ഷി​ക്കു​മ്പോൾ അതു നമ്മുടെ സ്വന്തമല്ല മറിച്ച്‌, ദൈവം നമ്മെ ഏൽപ്പി​ച്ചി​രി​ക്കു​ന്നതു മാത്ര​മാണ്‌ എന്നു നാം തിരി​ച്ച​റി​യു​ന്നു.

നമ്മുടെ ദൃഷ്ടാ​ന്ത​ത്തിൽ കണ്ട ഓപ്പ​റേ​ററർ ഒരു യന്ത്രത്തി​ന്റെ കാര്യ​ത്തിൽ ഉത്തരവാ​ദി​യാ​യി​രു​ന്ന​തു​പോ​ലെ നമ്മുടെ ഇപ്പോ​ഴത്തെ ജീവൻ നമ്മെ ഭരമേൽപ്പി​ച്ചി​രി​ക്ക​യാണ്‌. നിങ്ങളു​ടെ യന്ത്രത്തി​നു കേടു​പോ​ക്കൽ ആവശ്യ​മാ​യി​വ​രു​ക​യും നിർദേ​ശ​ക​ഗ്ര​ന്ഥ​ത്തിൽ പ്രത്യേ​കം നിരോ​ധി​ച്ചി​രി​ക്കുന്ന ഭാഗങ്ങൾ കൂട്ടി​ച്ചേർത്തു തത്‌കാ​ലം കേടു​പോ​ക്കാൻ ഒരു മെക്കാ​നിക്ക്‌ നിർദേ​ശി​ക്കു​ക​യും ചെയ്യു​ന്നു​വെ​ങ്കിൽ നിങ്ങൾ എന്തു ചെയ്യും? അതിലെ നിർദേ​ശ​ങ്ങൾക്ക​നു​സൃ​ത​മാ​യി യന്ത്രം ശരിയാ​ക്കാ​മോ എന്നു കാണു​ന്ന​തി​നു നിങ്ങൾ മററു മെക്കാ​നി​ക്കു​ക​ളു​മാ​യി ആലോ​ചി​ക്കു​ക​യി​ല്ലേ? മനുഷ്യ ജീവൻ ഒരു യന്ത്ര​ത്തെ​ക്കാൾ വളരെ​യേറെ പ്രധാ​ന​വും സങ്കീർണ​വു​മാണ്‌. മനുഷ്യ​രെ ജീവ​നോ​ടെ നിലനിർത്തു​ന്ന​തി​നുള്ള നിർദേ​ശ​ക​ഗ്ര​ന്ഥ​മായ നിശ്വസ്‌ത വചനത്തിൽ നമ്മുടെ നിർമാ​താവ്‌ ജീവൻ നിലനിർത്തു​ന്ന​തി​നു രക്തത്തിന്റെ ഉപയോ​ഗം നിരോ​ധി​ക്കു​ന്നു. (ആവർത്ത​ന​പു​സ്‌തകം 32:46, 47; ഫിലി​പ്പി​യർ 2:16) ആ നിർദേ​ശ​ക​ഗ്ര​ന്ഥ​ത്തി​ലെ നിർദേ​ശ​ങ്ങ​ളോ​ടു പററി​നിൽക്കു​ന്നതു ന്യായ​യു​ക്ത​മല്ലേ?

വാസ്‌ത​വ​ത്തിൽ, രക്തരഹിത ചികിത്സ ആവശ്യ​പ്പെ​ടുന്ന ക്രിസ്‌തീയ രോഗി​കൾ തങ്ങളുടെ കാര്യ​ത്തിൽ എല്ലാ വൈദ്യ ചികി​ത്സ​യും നിരസി​ക്കു​കയല്ല ചെയ്യു​ന്നത്‌. തങ്ങളുടെ ജീവ​നോട്‌—ഇപ്പോ​ഴ​ത്തെ​യും ഭാവി​യി​ലെ​യും—ആദരവു കാട്ടുന്ന ചികിത്സ ആവശ്യ​പ്പെ​ടു​ക​മാ​ത്ര​മാണ്‌ അവർ ചെയ്യു​ന്നത്‌. ക്രിസ്‌ത്യാ​നി​കൾ എടുത്തി​രി​ക്കുന്ന നിലപാ​ടി​നെ ധൈര്യ​പൂർവം ആദരി​ക്കുന്ന ഡോക്ടർമാർ ക്രിസ്‌ത്യാ​നി​ക​ളു​ടെ അഭ്യർഥ​ന​യ്‌ക്കു ചേർച്ച​യിൽ അവരെ ചികി​ത്‌സി​ക്കു​ന്ന​തി​ന്റെ പ്രയോ​ജ​ന​ത്തി​നു സാക്ഷ്യം നൽകു​ക​യാണ്‌. “യഹോ​വ​യു​ടെ സാക്ഷി​കളെ കണ്ടുമു​ട്ടി​യത്‌ ഒരു പുതിയ മൂല്യ സംഹി​ത​യി​ലേക്ക്‌ എന്നെ നയിച്ചു” എന്ന്‌ വളരെ​പ്പേർക്കു രക്തപ്പകർച്ച നൽകി​യി​ട്ടുള്ള ഒരു സർജൻ പറയുന്നു. അദ്ദേഹം ഇപ്പോൾ സാക്ഷി​ക​ള​ല്ലാ​ത്ത​വ​രെ​പ്പോ​ലും രക്തം കൂടാതെ ചികി​ത്സി​ക്കാൻ ശ്രമി​ക്കു​ക​യാണ്‌.

സാക്ഷാ​ലുള്ള ജീവനെ നിധി​പോ​ലെ കാക്കൽ

യഹോ​വ​യു​ടെ സാക്ഷി​കളെ ചികി​ത്സി​ക്കു​ന്ന​തി​ലൂ​ടെ ഈ സർജൻ കണ്ടെത്തിയ പുതിയ മൂല്യ സംഹിത എന്തായി​രു​ന്നു? ഒരു രോഗി​യെ ചികി​ത്സി​ക്കു​ന്ന​തിൽ ഉൾപ്പെ​ട്ടി​രി​ക്കു​ന്നത്‌ രോഗം ബാധിച്ച ഭാഗം മാത്രമല്ല മറിച്ച്‌, മുഴു വ്യക്തി​യു​മാണ്‌ എന്ന്‌ അദ്ദേഹം ഇപ്പോൾ തിരി​ച്ച​റി​യു​ന്നു. തന്റെ ശാരീ​രി​ക​വും ആത്മീയ​വും വൈകാ​രി​ക​വു​മായ ക്ഷേമത്തിന്‌ ഏററവും നല്ല സംരക്ഷണം ആവശ്യ​പ്പെ​ടാൻ ഒരു രോഗി​യെ അനുവ​ദി​ക്കേ​ണ്ട​തി​ല്ലേ?

15 വയസ്സുള്ള കൂമി​കൊ​യെ സംബന്ധി​ച്ചി​ട​ത്തോ​ളം മാരക​മായ രക്താർബു​ദം ചികി​ത്സി​ക്കു​ന്ന​തി​നു​വേണ്ടി രക്തപ്പകർച്ച സ്വീക​രി​ക്കുക എന്നത്‌ സാധ്യ​മാ​യി​രു​ന്ന​തി​ലേ​ക്കും ഏററവും മോശ​മായ തിര​ഞ്ഞെ​ടു​പ്പാ​യി​രു​ന്നു. ഈ വിധത്തിൽ ഏതാനും ആഴ്‌ച​ക​ളോ മാസങ്ങ​ളോ വർഷങ്ങ​ളോ പോലും തന്റെ ജീവൻ നീട്ടിയെടു​ക്കാൻ ശ്രമി​ക്കു​ന്നത്‌ അവൾക്കു ദീർഘ​കാ​ല​ത്തേക്കു നഷ്ടപ്പെ​ടാൻ പോകു​ന്ന​തി​നു തക്ക വിലയു​ള്ള​താ​യി​രു​ന്നില്ല. യഹോ​വ​യാം ദൈവ​ത്തിന്‌ അവന്റെ സാക്ഷി​ക​ളിൽ ഒരാൾ എന്നനി​ല​യിൽ തന്റെ ഇപ്പോ​ഴത്തെ ജീവൻ സമർപ്പിച്ച അവൾ ജീവ​ന്റെ​യും രക്തത്തി​ന്റെ​യും പവി​ത്ര​തയെ ആദരിച്ചു. പിതാ​വും മററു ബന്ധുക്ക​ളും അവൾ സ്വീക​രിച്ച നിലപാ​ടി​നെ ശക്തമായി എതിർത്തെ​ങ്കി​ലും കൂമി​കൊ ഉറച്ചു നില​കൊ​ണ്ടു. അവളുടെ ഡോക്ടർ ഒരിക്കൽ അവളോട്‌ ഇങ്ങനെ ചോദി​ച്ചു: “നിന്റെ ദൈവം കുറവു​കൾ ക്ഷമിക്കു​ന്ന​വ​നാ​ണെ​ങ്കിൽ നീ രക്തപ്പകർച്ച സ്വീക​രി​ച്ചാ​ലും അവൻ നിന്നോ​ടു ക്ഷമിക്കു​ക​യി​ല്ലേ?” അനുര​ഞ്‌ജ​ന​പ്പെട്ട്‌ അങ്ങനെ തന്റെ ബൈബി​ള​ധി​ഷ്‌ഠിത വിശ്വാ​സം തള്ളിക്ക​ള​യാൻ കൂമി​കൊ വിസമ്മ​തി​ച്ചു. “ജീവന്റെ വചനത്തിൽ മുറുകെ പിടി​ച്ചു​കൊണ്ട്‌” അവൾ തന്റെ തീരു​മാ​ന​ത്തിൽ നില​കൊ​ണ്ടു. (ഫിലി​പ്യർ 2:16, NW) അവളുടെ അവിശ്വാ​സി​യാ​യി​രുന്ന മുത്തശ്ശി പറഞ്ഞ​പ്ര​കാ​രം, “കൂമി​കൊ അവളുടെ ദൈവ​വി​ശ്വാ​സം കൈവി​ടു​ക​യില്ല.” അവളുടെ പിതാ​വി​ന്റെ​യും മുത്തശ്ശി​യു​ടെ​യും ഡോക്ടർമാ​രു​ടെ​യും മനോ​നി​ല​യിൽ പെട്ടെ​ന്നു​തന്നെ മാററം സംഭവി​ച്ചു.

മരണത്തിൽനി​ന്നു തന്നെ ഉയിർപ്പി​ക്കാൻ കഴിയുന്ന യഹോ​വ​യാം ദൈവ​ത്തി​ലുള്ള കൂമി​കൊ​യു​ടെ വിശ്വാ​സം അനേക​രെ​യും വികാ​ര​ഭ​രി​ത​രാ​ക്കി. മരിക്കു​ന്ന​തി​നു മുമ്പ്‌ അവൾ പിതാ​വി​നോട്‌ ഇങ്ങനെ അപേക്ഷി​ച്ചു: “ഞാൻ മരിച്ചാൽത്ത​ന്നെ​യും എനിക്കു പറുദീ​സ​യി​ലേക്ക്‌ പുനരു​ത്ഥാ​നം ലഭിക്കും. എന്നാൽ അങ്ങ്‌ ഹാർമ​ഗെ​ദോ​നിൽ നശിപ്പി​ക്ക​പ്പെ​ട്ടാൽ ഞാൻ പിന്നെ അങ്ങയെ കാണു​ക​യില്ല. അതു​കൊ​ണ്ടു ദയവു​ചെ​യ്‌തു ബൈബിൾ പഠിക്കൂ.” “നീ സുഖം പ്രാപി​ച്ചു കഴിയു​മ്പോൾ ഞാൻ പഠിക്കും” എന്ന്‌ അവളുടെ പിതാവു പറഞ്ഞു​കൊ​ണ്ടി​രു​ന്നു. എന്നാൽ കഠിന രോഗം​മൂ​ലം കൂമി​കൊ മരിച്ച​പ്പോൾ പിതാവ്‌, “ഞാൻ നിന്നെ പറുദീ​സ​യിൽവച്ചു കാണും, കൂമി​കൊ” എന്ന ഒരു കുറിപ്പ്‌ അവളുടെ ശവമഞ്ച​ത്തിൽ വയ്‌ക്കു​ക​യു​ണ്ടാ​യി. ശവസം​സ്‌കാര ശുശ്രൂഷ കഴിഞ്ഞ​പ്പോൾ ശുശ്രൂ​ഷ​യിൽ പങ്കെടു​ത്ത​വ​രോട്‌ അദ്ദേഹം സംസാ​രി​ച്ചു, എന്നിട്ട്‌ ഇങ്ങനെ പറഞ്ഞു: “പറുദീ​സ​യിൽവച്ച്‌ അവളെ കാണു​മെന്നു ഞാൻ കൂമി​കൊ​യോ​ടു വാഗ്‌ദാ​നം ചെയ്‌തി​ട്ടുണ്ട്‌. അതിൽ എനിക്കി​പ്പോ​ഴും വിശ്വാ​സ​മില്ല, കാരണം ഞാൻ അതേപ്പ​ററി അത്രയ്‌ക്കു പഠിച്ചി​ട്ടില്ല, എങ്കിലും അതേപ്പ​ററി സൂക്ഷ്‌മ​പ​രി​ശോ​ധന നടത്താൻ ഞാൻ തീരു​മാ​നി​ച്ചു കഴിഞ്ഞു. ദയവു​ചെ​യ്‌ത്‌ എന്നെ സഹായി​ക്കൂ.” കുടും​ബ​ത്തി​ലുള്ള മററു​ള്ള​വ​രും ബൈബിൾ പഠിക്കാൻ ആരംഭി​ച്ചു.

ജീവ​നെ​പ്ര​തി യഥാർഥ ആദരവും ജീവി​ക്ക​ണ​മെന്ന ആഗ്രഹ​വും കൂമി​കൊ​യ്‌ക്ക്‌ ഉണ്ടായി​രു​ന്നു. അവളുടെ ഇപ്പോ​ഴത്തെ ജീവൻ രക്ഷിക്കു​ന്ന​തിന്‌ ഡോക്ടർമാർ ചെയ്‌ത​തെ​ല്ലാം അവൾ വിലമ​തി​ച്ചു. എന്നുവ​രി​കി​ലും, സ്രഷ്ടാ​വി​ന്റെ നിർദേ​ശ​ക​ഗ്ര​ന്ഥ​ത്തി​ലെ നിർദേ​ശ​ങ്ങ​ളോ​ടു പററി​നി​ന്നു​കൊണ്ട്‌ സാക്ഷാ​ലുള്ള ജീവനെ നിധി​പോ​ലെ കാക്കു​ന്നു​വെന്ന്‌ അവൾ തെളി​യി​ച്ചു. ലക്ഷങ്ങളെ സംബന്ധി​ച്ചി​ട​ത്തോ​ളം അത്‌ ഒരു പറുദീ​സാ​ഭൂ​മി​യി​ലെ നിത്യ​ജീ​വ​നാ​യി​രി​ക്കും. അവരു​ടെ​യി​ട​യിൽ നിങ്ങൾ ഉണ്ടായി​രി​ക്കു​മോ?