നിങ്ങളു​ടെ ആരാധ​നാ​രീ​തി പ്രാധാ​ന്യ​മു​ള്ള​തോ?

ഉച്ചവെ​യി​ലിൽ ചുട്ടു​പൊ​ള്ളുന്ന, ആഫ്രി​ക്ക​യി​ലെ ഒരു കൊച്ചു​പ​ട്ടണം. സമീപ​ത്തുള്ള ഒരു താഴ്‌വ​ര​യിൽനി​ന്നു ഭ്രാന്തൻ രീതി​യി​ലുള്ള മദ്ദളം​കൊ​ട്ടും പാട്ടും ആഹ്ലാദ​ത്തി​മർപ്പിൻ കൈ​കൊ​ട്ടും കേൾക്കു​ന്നു. ഇത്‌ ഏതെങ്കി​ലും ഒരു സാമൂ​ഹിക ചടങ്ങല്ല. പരമ്പരാ​ഗ​ത​മാ​യുള്ള ആഫ്രിക്കൻ ആരാധ​ന​യാ​ണത്‌. ഈ ഒച്ചയാ​കട്ടെ, അടുത്തുള്ള ഒരു കാരി​സ്‌മാ​റ​റിക്‌ പള്ളിയിൽനി​ന്നു വരുന്ന, അവ്യക്ത ശബ്ദവു​മാ​യി കിടപി​ടി​ക്കു​ക​യാണ്‌. അവിടെ ആഹ്ലാദ​പാ​ര​വ​ശ്യ​ത്തി​ലായ ആരാധകർ അത്ഭുത “രോഗ​ശാ​ന്തി” നടത്തു​ക​യും അന്യഭാ​ഷ​ക​ളിൽ സംസാ​രി​ക്കു​ക​യു​മാണ്‌. ഇനി, പട്ടണത്തി​ന്റെ മറെറാ​രു ഭാഗ​മെ​ടു​ത്താ​ലോ, അവി​ടെ​യു​മു​ണ്ടു മറെറാ​രു കൂട്ടം ആരാധകർ. മുഴങ്ങുന്ന ശബ്ദത്തിൽ ഒരു ബാങ്കു​വി​ളി​ക്കാ​രൻ സഹമു​സ്ലീം ആരാധ​കരെ പ്രാർഥ​ന​ക്കാ​യി ക്ഷണിക്കു​ന്നു.

അതേ, ആഫ്രി​ക്ക​യി​ലെ പല നഗരങ്ങ​ളി​ലും പട്ടണങ്ങ​ളി​ലും നാനാ​വി​ധ​ത്തി​ലുള്ള മതഭക്തി ദർശി​ക്കാ​വു​ന്ന​താണ്‌. തലമു​റ​ക​ളാ​യി തങ്ങളുടെ മതപര​മായ പാരമ്പ​ര്യ​ങ്ങൾ പിൻപ​റ​റു​ന്ന​തിൽ ആഫ്രി​ക്ക​ക്കാർ സംതൃ​പ്‌ത​രാ​യി​രു​ന്നു. എന്നാൽ അങ്ങനെ​യി​രി​ക്കെ​യാണ്‌ വ്യത്യസ്‌ത യൂറോ​പ്യൻ രാജ്യ​ങ്ങ​ളു​ടെ സൈന്യ​ങ്ങ​ളും പിന്നാലെ ക്രൈ​സ്‌ത​വ​ലോ​ക​ത്തി​ന്റെ മിഷന​റി​മാ​രും എത്തിയത്‌. സകല​രെ​യും നിർദാ​ക്ഷി​ണ്യം “ക്രിസ്‌ത്യാ​നി​യാ​ക്കാൻ” ശ്രമിച്ച അവർ തദ്ദേശ​വാ​സി​ക​ളു​ടെ പേരു പോലും വെറുതെ വിട്ടില്ല.

ഫലമോ? ഇറക്കു​മതി ചെയ്‌ത വിശ്വാ​സ​ങ്ങ​ളു​മാ​യി പരമ്പരാ​ഗത ആഫ്രിക്കൻ വിശ്വാ​സ​ങ്ങ​ളും ആചാര​ങ്ങ​ളും കൂടി​ക്കു​ഴഞ്ഞ്‌ ഒരു പുതിയ മതം ഉരുത്തി​രി​ഞ്ഞു. ഇന്നുവ​രെ​യും അനേകം “ക്രിസ്‌തീയ” ആരാധകർ പരമ്പരാ​ഗത രക്ഷാക​വ​ചങ്ങൾ, ഏലസ്സുകൾ എന്നിവ ഉപയോ​ഗി​ക്കു​ന്നു. അതിലു​മു​പരി, ക്രൈ​സ്‌ത​വ​ലോ​ക​ത്തി​ന്റെ മിഷന​റി​മാർ സത്യ​ക്രി​സ്‌ത്യാ​നി​ത്വ​ത്തെ​ക്കു​റിച്ച്‌ അത്യധി​കം തെററായ ധാരണകൾ പരത്തി, അവശേ​ഷി​ച്ച​താ​കട്ടെ, നീരസ​ത്തി​ന്റേ​തായ പൈതൃ​ക​വും. ഇന്ന്‌ ബൈബി​ളി​നെ​തി​രെ ആഫ്രി​ക്ക​ക്കാ​രു​ടെ ഇടയിൽ കാണുന്ന കൊട്ടി​യ​ട​യ്‌ക്ക​പ്പെട്ട മനസ്സിന്‌ ഒരു പരിധി​വരെ ഉത്തരവാ​ദി​ത്വം പേറേ​ണ്ടത്‌ അവരാണ്‌.

എന്നുവ​രി​കി​ലും, “ക്രിസ്‌ത്യാ​നി​ത്വ”ത്തിന്റെ അനേകം രൂപങ്ങൾ ഇപ്പോ​ഴും വ്യാപ​ക​മാ​യി ആചരി​ക്ക​പ്പെ​ടു​ന്നുണ്ട്‌. ഈ അടുത്ത കാലത്താ​യി കാരി​സ്‌മാ​റ​റിക്‌ മതസമൂ​ഹ​ങ്ങൾക്കു വിശേ​ഷാൽ ജനശ്രദ്ധ ലഭിച്ചി​രി​ക്കു​ന്നു; രോഗ​ശാ​ന്തി നൽകുന്ന സഭകൾ അനേക​മാ​യി​രി​ക്കു​ന്നു. പിൻവ​രുന്ന സംഗതി​കൾ നിരീ​ക്ഷി​ച്ചു​കൊണ്ട്‌ ഈ സഭകളു​ടെ ആകർഷ​ക​ത്വം എന്തെന്ന്‌ ഒരു പത്രപം​ക്തി​യെ​ഴു​ത്തു​കാ​രി വിശദീ​ക​രി​ക്കു​ക​യു​ണ്ടാ​യി: ‘ആഫ്രിക്കൻ മതസങ്ക​ല്‌പം ഏറിയ​പ​ങ്കും പ്രയോ​ജ​ന​വാ​ദ​ത്തിൽ അധിഷ്‌ഠി​ത​മാണ്‌. ഒരു ആഫ്രി​ക്ക​ക്കാ​രനെ സംബന്ധി​ച്ചി​ട​ത്തോ​ളം മനുഷ്യ അസ്‌തി​ത്വ​ത്തി​നു നേരിട്ടു ഭൗതിക സംതൃ​പ്‌തി നൽകാൻ പ്രാപ്‌തി​യു​ള്ള​താ​യി​രി​ക്കണം മതം. അതു​കൊണ്ട്‌, ആത്മീയ മാർഗങ്ങൾ മിക്കവാ​റും സകലത്തി​ലും അനിവാ​ര്യ​ഘ​ട​ക​ങ്ങ​ളാണ്‌ എന്നു വിശ്വ​സി​ക്കുന്ന ആഫ്രി​ക്ക​ക്കാ​രന്‌ ആത്മീയ [അഥവാ രോഗ​ശാ​ന്തി] സഭകളു​ടെ നടപടി​ക്ര​മങ്ങൾ അയാളു​ടെ ജീവി​ത​രീ​തി​യു​ടെ ആവശ്യ​ങ്ങൾക്കു ചേർച്ച​യി​ലാ​യി​വ​രു​ന്നു.’ എന്നുവ​രി​കി​ലും ദുഃഖ​ക​ര​മെ​ന്നു​പ​റ​യട്ടെ, കാരി​സ്‌മാ​റ​റിക്‌ സഭകളിൽ പലതും പണമു​ണ്ടാ​ക്കുന്ന സംരം​ഭങ്ങൾ മാത്ര​മാ​ണെന്നു വ്യക്തമാ​യി ബോധ്യ​മാ​യി​രി​ക്കു​ന്നു.

ഇന്ന്‌, 6,000-ത്തിലധി​കം മതവി​ഭാ​ഗങ്ങൾ ആഫ്രി​ക്ക​യിൽ പ്രവർത്തി​ക്കു​ന്നുണ്ട്‌. രക്ഷയ്‌ക്കുള്ള താക്കോൽ കൈവ​ശം​വ​ച്ചി​രി​ക്കു​ന്ന​വ​രാണ്‌ ഈ മതങ്ങളും മതവി​ഭാ​ഗ​ങ്ങ​ളു​മെ​ല്ലാം എന്നു നിങ്ങൾക്ക്‌ ഒരുപക്ഷേ തോന്നി​യി​ട്ടു​ണ്ടാ​വാം. പക്ഷേ, വാസ്‌ത​വ​ത്തി​ലുള്ള ചോദ്യ​മി​താണ്‌, ദൈവ​ത്തിന്‌ എങ്ങനെ തോന്നു​ന്നു?

‘ഏതു മതത്തി​നും ദൈവത്തെ പ്രസാ​ദി​പ്പി​ക്കാ​നാ​വു​മോ?’

ഈ വിഷയ​ത്തിൽ പ്രപഞ്ച​ത്തി​ന്റെ സ്രഷ്ടാവ്‌ നിശ്ചയ​മാ​യും നമുക്കു മാർഗ​നിർദേശം തരാതി​രി​ക്കില്ല. (ആമോസ്‌ 3:7; പ്രവൃ​ത്തി​കൾ 17:26, 27) ദിവ്യ മാർഗ​നിർദേശം ബൈബി​ളിൽ കണ്ടെത്താ​നാ​വു​മെ​ന്ന​തിന്‌ അനേകം തെളി​വു​ക​ളുണ്ട്‌. ചിലർ പറയു​ന്ന​തു​പോ​ലെ, വെള്ളക്കാ​രു​ടെ പുസ്‌ത​കമല്ല ബൈബിൾ. വെള്ളക്കാ​ര​നോ കറുത്ത​വർഗ​ക്കാ​ര​നോ ആയ ഒരു മനുഷ്യ​നും അതിന്റെ മഹത്ത്വം എടുക്കാൻ സാധി​ക്കു​ക​യില്ല എന്നതാണു വാസ്‌തവം. “എല്ലാ തിരു​വെ​ഴു​ത്തും ദൈവ​ശ്വാ​സീ​യമാ”ണെന്നു 2 തിമൊ​ഥെ​യൊസ്‌ 3:16 പറയുന്നു. ബൈബി​ളി​ന്റെ ശരിയാ​യ​തും പ്രാ​യോ​ഗി​ക​വു​മായ പ്രബോ​ധ​നങ്ങൾ, അതിന്റെ മഹത്തായ പുരാ​ണേ​തി​ഹാ​സങ്ങൾ, കൊടും​പ​ക​യോ​ടെ​യുള്ള ആക്രമ​ണ​ത്തി​ലും അതിന്റെ അതിജീ​വനം, അതിന്റെ കൃത്യ​ത​യുള്ള പ്രവച​നങ്ങൾ, ഗോള​മാ​സ​ക​ല​മുള്ള അതിന്റെ അതുല്യ വിതരണം—ഇവയെ​ല്ലാം അതിന്റെ ഗ്രന്ഥകർത്തൃ​ത്വം ദിവ്യ​മാ​ണെ​ന്ന​തി​നുള്ള വ്യക്തമായ തെളി​വു​ക​ളാണ്‌.

ആ പുസ്‌തകം നമ്മെ എന്താണു പഠിപ്പി​ക്കു​ന്നത്‌? “സത്യ​ദൈവ”മായി ഒരുവൻ മാത്ര​മേ​യു​ള്ളൂ എന്ന്‌ അതു നമ്മോടു പറയുന്നു എന്നതാണ്‌ ഒന്നാമ​ത്തേത്‌. (യോഹ​ന്നാൻ 17:3) അങ്ങനെ​യെ​ങ്കിൽ, എങ്ങനെ​യാ​ണു സകല മതങ്ങളി​ലും സത്യമു​ണ്ടാ​വുക? ദൈവം ആര്‌, എന്ത്‌ എന്ന കാര്യം വരു​മ്പോൾ മതസമൂ​ഹങ്ങൾ പരസ്‌പരം ഏററു​മു​ട്ടു​ന്നി​ല്ലേ? ബൈബിൾ എഴുത്തുകാരനായ യാക്കോബ്‌ “നിർമ​ല​വും യഥാർഥ​വു​മായ മത”ത്തെക്കു​റി​ച്ചു സംസാ​രി​ക്കു​ക​യു​ണ്ടാ​യി. (യാക്കോബ്‌ 1:27, ററു​ഡേ​യ്‌സ്‌ ഇംഗ്ലീഷ്‌ വേർഷൻ) യഥാർഥ മതത്തെ തിരി​ച്ച​റി​യേണ്ട അത്യാ​വ​ശ്യ​മു​ണ്ടെ​ങ്കിൽ, വ്യാജ​മോ കപടമോ ആയ മതങ്ങൾ ഉണ്ടായി​രു​ന്നേ പററൂ. ദൈവത്തെ പ്രാപി​ക്കാ​നുള്ള കേവലം വ്യത്യ​സ്‌ത​മായ പാതകൾ മാത്ര​മാ​ണു സകല മതങ്ങളു​മെന്ന ആശയത്തിന്‌ ഇതു കടകവി​രു​ദ്ധ​മാ​കും.

ആരാധ​ന​യ്‌ക്കാ​യുള്ള സ്രഷ്ടാ​വി​ന്റെ നിലവാ​ര​ങ്ങൾ

ദൈവത്തെ ആരാധി​ക്കേണ്ട ശരിയായ വിധം എന്താണ്‌? സൂക്ഷ്‌മ പരിജ്ഞാ​ന​ത്തിൽ വേരൂ​ന്നി​യ​താ​യി​രി​ക്കും യഥാർഥ ആരാധ​ന​യെന്നു ബൈബിൾ നമ്മെ പഠിപ്പി​ക്കു​ന്നു. മഹാ​പ്ര​വാ​ച​ക​നായ യേശു​ക്രി​സ്‌തു ഒരിക്കൽ ഒരു ശമര്യ സ്‌ത്രീ​യോ​ടു പറഞ്ഞു: “നിങ്ങൾ അറിയാ​ത്ത​തി​നെ നമസ്‌ക​രി​ക്കു​ന്നു.” (യോഹ​ന്നാൻ 4:22) ഒരുപക്ഷേ, ഇതു നിങ്ങളു​ടെ കാര്യ​ത്തി​ലും വാസ്‌ത​വ​മാ​യി​രി​ക്കു​മോ? സർവശ​ക്ത​നായ ദൈവ​ത്തി​നു യഹോവ എന്നു വ്യക്തി​പ​ര​മായ ഒരു നാമമു​ണ്ടെന്ന്‌ ആരെങ്കി​ലും നിങ്ങളെ പഠിപ്പി​ച്ചി​ട്ടു​ണ്ടോ? (സങ്കീർത്തനം 83:18) മനുഷ്യ​നെ​യും ഭൂമി​യെ​യും സംബന്ധി​ച്ചുള്ള അവിടു​ത്തെ ഉദ്ദേശ്യം എന്താ​ണെന്നു നിങ്ങൾക്ക്‌ അറിയാ​മോ? (മത്തായി 6:9, 10; എഫെസ്യർ 1:9, 10; 3:11) മെച്ചപ്പെട്ട ഒരു ഭാവിയെ സംബന്ധിച്ച യാഥാർഥ്യ​ബോ​ധ​ത്തോ​ടു​കൂ​ടിയ ഒരു പ്രത്യാശ നിങ്ങളു​ടെ മതം നിങ്ങൾക്കു നൽകു​ന്നു​ണ്ടോ? ഒരു ക്രിസ്‌ത്യാ​നി​യെന്നു നിങ്ങൾ സ്വയം വിചാ​രി​ക്കു​ന്നെ​ങ്കിൽ, നിങ്ങളു​ടെ വിശ്വാ​സങ്ങൾ തിരു​വെ​ഴു​ത്തു​ക​ളിൽനി​ന്നു നിങ്ങൾക്കു വിശദീ​ക​രി​ക്കാ​നാ​വു​മോ? അല്ലെങ്കിൽ നിങ്ങൾ ശരി​ക്കൊ​ന്നു പരി​ശോ​ധി​ച്ചു​നോ​ക്കാൻ സമയ​മെ​ടു​ത്തി​ട്ടി​ല്ലാത്ത, കേവലം കൈമാ​റി​ക്കി​ട്ടിയ ഒരു പൈതൃ​ക​മാ​ണോ അവ?

നിങ്ങൾക്കു സൂക്ഷ്‌മ പരിജ്ഞാ​നം ഇല്ലെന്നു തോന്നു​ന്നെ​ങ്കിൽ, ദൈവ​വ​ച​ന​മായ ബൈബി​ളി​ന്റെ പഠനത്തി​ലൂ​ടെ നിങ്ങൾക്ക്‌ അതു നേടാ​വു​ന്ന​താണ്‌. വിശു​ദ്ധ​ഗ്രന്ഥം പഠിപ്പി​ക്കുന്ന സംഗതി​ക​ളു​മാ​യി സത്യാ​രാ​ധകർ പരിചി​ത​രാ​യി​രി​ക്ക​ണ​മെന്നു യഹോ​വ​യാം ദൈവം പ്രതീ​ക്ഷി​ക്കു​ന്നു. അതിലു​പരി, അവർ അതു തങ്ങളുടെ ജീവി​ത​ത്തിൽ ബാധക​മാ​ക്ക​ണ​മെന്ന്‌ അവിടുന്ന്‌ പ്രതീ​ക്ഷി​ക്കു​ന്നു. “നിന്റെ വചനം എന്റെ കാലിന്നു ദീപവും എന്റെ പാതെക്കു പ്രകാ​ശ​വും ആകുന്നു” എന്നു പറഞ്ഞ സങ്കീർത്ത​ന​ക്കാ​രന്റെ പോലത്തെ മനോ​ഭാ​വ​മാ​യി​രി​ക്കണം നമ്മു​ടേത്‌. (സങ്കീർത്തനം 119:105) ബൈബി​ളി​നെ​ക്കു​റിച്ച്‌ അറിയാ​നും മനസ്സി​ലാ​ക്കാ​നും നിങ്ങളു​ടെ മതം നിങ്ങളെ എത്രമാ​ത്രം സഹായി​ച്ചി​രി​ക്കു​ന്നു?

യേശു​ക്രി​സ്‌തു​വി​ലുള്ള വിശ്വാ​സ​മാ​ണു സത്യാ​രാ​ധ​ന​യു​ടെ മറെറാ​രു പ്രധാന സവി​ശേഷത. അവിടുന്ന്‌ കേവലം ഒരു മഹാ​പ്ര​വാ​ചകൻ മാത്രമല്ല, ദൈവ​ത്തി​ന്റെ ഏകജാ​ത​നായ പുത്ര​നും​കൂ​ടി​യാണ്‌. “ജീവന്റെ മുഖ്യ​കാ​ര്യ​സ്ഥനാ”ണു യേശു എന്നു തിരു​വെ​ഴു​ത്തു​കൾ വ്യക്തമാ​യി പ്രഖ്യാ​പി​ക്കു​ന്നു. (പ്രവൃ​ത്തി​കൾ 3:15, NW; 4:12) യേശു​വിൽ വിശ്വ​സി​ക്കു​ന്നു​വെന്ന്‌ അനേകർ അവകാ​ശ​പ്പെ​ടു​ന്നു. എന്നാൽ, അവരുടെ വിശ്വാ​സം എത്ര യാഥാർഥ്യ​മാണ്‌? ക്രിസ്‌തു​വി​ലുള്ള യഥാർഥ വിശ്വാ​സം അവിടു​ത്തെ കല്‌പ​നകൾ അനുസ​രി​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു. ഇതിനാ​യി ദൈവം​തന്നെ പ്രോ​ത്സാ​ഹി​പ്പി​ക്കു​ന്നു, എന്തെന്നാൽ അവിടുന്ന്‌ ഇപ്രകാ​രം പ്രഖ്യാ​പി​ച്ചു: “ഇവൻ എന്റെ പ്രിയ​പു​ത്രൻ; ഇവന്നു ചെവി കൊടു​പ്പിൻ.” (മർക്കൊസ്‌ 9:7) അങ്ങനെ, സത്യാ​രാ​ധകർ യേശു​വി​ന്റെ കാലടി​ക​ളോട്‌ സാധ്യ​മാ​കു​ന്നത്ര അടുത്തു നടക്കാൻ പരി​ശ്ര​മി​ക്കു​ന്നു. (1 പത്രൊസ്‌ 2:21) അവർ അങ്ങനെ ചെയ്യുന്ന ഒരു വിധം ഇതാണ്‌: അവിടുന്ന്‌ തുടങ്ങി​വെച്ച പരസ്യ​പ്ര​സം​ഗ​വേ​ല​യിൽ ഏർപ്പെ​ടു​ന്നു എന്നത്‌. (മത്തായി 4:17; 10:5-7) ഈ വേലയിൽ വ്യക്തി​പ​ര​മായ ഒരു പങ്കുണ്ടാ​യി​രി​ക്കാൻ നിങ്ങളു​ടെ മതം നിങ്ങളെ പ്രോ​ത്സാ​ഹി​പ്പി​ക്കു​ന്നു​ണ്ടോ?

സ്‌നേ​ഹ​വും സത്യാ​രാ​ധ​ന​യ്‌ക്ക്‌ ഉണ്ടായി​രി​ക്കേണ്ട മറെറാ​രു ഘടകമാണ്‌. യഹോ​വ​യാം ദൈവത്തെ സ്‌നേ​ഹ​ത്തി​ന്റെ ആളത്വം​ത​ന്നെ​യാ​യി വർണി​ച്ചി​രി​ക്കു​ന്നു. തന്റെ അനുഗാ​മി​ക​ളു​ടെ ഇടയി​ലുള്ള സ്‌നേ​ഹ​ത്താൽ അവരെ തിരി​ച്ച​റി​യാ​നാ​വു​മെന്നു യേശു പറഞ്ഞു. (യോഹ​ന്നാൻ 13:34, 35; 1 യോഹ​ന്നാൻ 4:8) ഇന്നു ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന ആളുക​ളിൽ അനേക ലക്ഷങ്ങളു​ടെ കാര്യ​മെ​ടു​ത്താൽ, സ്‌നേ​ഹ​ത്താൽ ലോകം ഏതാണ്ടു മുങ്ങി​ത്തു​ടി​ക്കേ​ണ്ട​താ​യി​രു​ന്നി​ല്ലേ? എന്നാൽ വാസ്‌ത​വ​മോ, ഏററവും സ്‌നേ​ഹ​ര​ഹി​ത​മായ സ്ഥലമാണു നമ്മുടെ ലോകം എന്നു തെളി​ഞ്ഞി​രി​ക്കു​ന്നു. ഈ നൂററാ​ണ്ടിൽ മാത്രം യുദ്ധങ്ങൾ ലക്ഷക്കണ​ക്കി​നാ​ളു​ക​ളു​ടെ ജീവിതം പിഴു​തെ​റി​ഞ്ഞി​രി​ക്കു​ന്നു. കുററ​കൃ​ത്യ​ങ്ങ​ളും അക്രമ​വും ഇപ്പോ​ഴും വ്യാപി​ച്ചു​കൊ​ണ്ടി​രി​ക്കു​ക​യാണ്‌. അതു​കൊണ്ട്‌, ‘സകലരും എന്റെ മതത്തിൽപ്പെ​ട്ട​വ​രാ​യി​രു​ന്നെ​ങ്കിൽ ലോകം കൂടുതൽ സ്‌നേ​ഹ​നിർഭ​ര​മായ ഒരു സ്ഥലമാ​കു​മാ​യി​രു​ന്നോ?’ എന്നു നിങ്ങ​ളോ​ടു​തന്നെ ചോദി​ക്കുക.

അവസാ​ന​മാ​യി, സത്യാ​രാ​ധകർ ദൈവത്തെ അറിയാത്ത ലോക​ത്തിൽനി​ന്നു വേർപെട്ടിരിക്കേണ്ടതാവശ്യമാ​ണെന്നു ബൈബിൾ പ്രകട​മാ​ക്കു​ന്നു. നിർമ​ലാ​രാ​ധ​ന​യു​ടെ സൂക്ഷി​പ്പു​കാർ എന്നനി​ല​യിൽ പുരാതന ഇസ്രാ​യേൽജ​ന​തയെ ദൈവം തിര​ഞ്ഞെ​ടു​ത്ത​പ്പോൾ അവർക്കു ചുററു​മു​ണ്ടാ​യി​രുന്ന നിലവാ​രം​കെട്ട ജനതക​ളു​മാ​യുള്ള അടുത്ത സഹവാസം ഒഴിവാ​ക്കാൻ അവിടുന്ന്‌ തന്റെ ജനത്തിനു മുന്നറി​യി​പ്പു നൽകു​ക​യു​ണ്ടാ​യി. (ആവർത്ത​ന​പു​സ്‌തകം 7:1-6) അതു​പോ​ലെ​ത​ന്നെ​യാ​ണു യോഹ​ന്നാൻ 17:16 [NW]-ൽ യേശു​ക്രി​സ്‌തു​വും തന്റെ അനുഗാ​മി​ക​ളെ​ക്കു​റി​ച്ചു പറഞ്ഞി​രി​ക്കു​ന്നത്‌: “ഞാൻ ലോക​ത്തി​ന്റെ ഭാഗമ​ല്ലാ​തി​രി​ക്കു​ന്ന​തു​പോ​ലെ അവരും ലോക​ത്തി​ന്റെ ഭാഗമല്ല.” രാഷ്‌ട്രീ​യം, അധാർമി​കത, അത്യാർത്തി​പൂണ്ട വ്യാപാ​ര​സ​മ്പ്ര​ദാ​യം അല്ലെങ്കിൽ ദൈവത്തെ അപമാ​നി​ക്കുന്ന ഏതെങ്കി​ലും തത്ത്വശാ​സ്‌ത്രങ്ങൾ എന്നിവ​യി​ലൊ​ന്നും ദൈവ​ത്തി​ന്റെ സത്യാ​രാ​ധ​കർക്ക്‌ ഒരു പങ്കും ഉണ്ടായി​രി​ക്കില്ല. (യോഹ​ന്നാൻ 18:36; 1 യോഹ​ന്നാൻ 2:15-17) “ഈ വ്യവസ്ഥി​തിക്ക്‌ അനുരൂ​പ​രാ​കു​ന്നതു വിട്ടു​ക​ള​യുക” എന്നു റോമർ 12:2-ൽ രേഖ​പ്പെ​ടു​ത്തി​യി​രി​ക്കുന്ന കൽപ്പന അവർ അനുസ​രി​ക്കു​ന്നു. നിങ്ങളു​ടെ മതം നിങ്ങളെ ചെയ്യാൻ പ്രോ​ത്സാ​ഹി​പ്പി​ക്കു​ന്നത്‌ ഇതാണോ?

സഹായം ലഭ്യമാണ്‌

അതേ, നിങ്ങൾ ആരാധി​ക്കുന്ന വിധം ദൈവത്തെ സംബന്ധി​ച്ചു പ്രാധാ​ന്യ​മുള്ള കാര്യ​മാണ്‌. അവിടു​ത്തെ സംബന്ധി​ച്ചി​ട​ത്തോ​ളം സത്യമതം ഒന്നേയു​ള്ളൂ. (എഫെസ്യർ 4:4-6) ബൈബിൾ പഠിപ്പി​ക്കുന്ന സംഗതി​ക​ളിൽ ഏതാനും മുഖ്യാ​ശ​യ​ങ്ങ​ളെ​യാ​ണു നമ്മുടെ ഈ ഹ്രസ്വ​ചർച്ച സ്‌പർശി​ച്ചി​ട്ടു​ള്ളത്‌. കൂടുതൽ പഠിക്കാൻ എന്തു​കൊ​ണ്ടു ശ്രമി​ച്ചു​കൂ​ടാ?

നിങ്ങൾ ഏതു മതപശ്ചാ​ത്ത​ല​ത്തിൽ വളർന്നു​വ​രു​ന്ന​വ​രാ​യാ​ലും, ഇക്കാര്യ​ത്തിൽ നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കാ​കും. തീവ്ര​മായ ബൈബിൾ വിദ്യാ​ഭ്യാ​സ​വേ​ല​യ്‌ക്ക്‌ അവർ ഗോള​മാ​സ​കലം പേരു​കേ​ട്ട​വ​രാണ്‌. ബൈബി​ളി​നെ​ക്കു​റിച്ച്‌ ആഴത്തി​ലുള്ള ഒരു ഗ്രാഹ്യം നേടാൻ സകല വർഗത്തി​ലും മതപശ്ചാ​ത്ത​ല​ത്തി​ലു​മുള്ള ആളുകളെ സഹായി​ക്കാൻ അവർ പ്രതി​ജ്ഞാ​ബ​ദ്ധ​രാണ്‌. (സദൃശ​വാ​ക്യ​ങ്ങൾ 2:1-6) നന്നായി ഗവേഷണം ചെയ്‌തി​ട്ടുള്ള ബൈബിൾ സാഹി​ത്യ​ങ്ങൾ അവർ പ്രസി​ദ്ധീ​ക​രി​ക്കു​ന്നു.a വ്യക്തി​പ​ര​മായ അടിസ്ഥാ​ന​ത്തിൽ സൗജന്യ​മാ​യി ബൈബിൾ പഠിപ്പി​ക്കാൻ അവർ നിങ്ങളു​ടെ ഭവനത്തി​ലേക്കു വരുക​പോ​ലും ചെയ്യും. ഈ ബൈബിൾ വിദ്യാ​ഭ്യാ​സ പരിപാ​ടി​യിൽനിന്ന്‌ ഇപ്പോൾ പ്രയോ​ജ​ന​മ​നു​ഭ​വി​ക്കുന്ന ലക്ഷക്കണ​ക്കി​നാ​ളു​കൾ ലോക​വ്യാ​പ​ക​മാ​യി​ട്ടുണ്ട്‌. എന്തു​കൊ​ണ്ടു നിങ്ങൾക്കും അങ്ങനെ ചെയ്‌തു​കൂ​ടാ? തീർച്ച​യാ​യും, നിങ്ങൾ അതു ചെയ്യു​ന്നതു മർമ​പ്ര​ധാ​ന​മാണ്‌, എന്തെന്നാൽ നിങ്ങൾ എങ്ങനെ ആരാധി​ക്കു​ന്നു എന്നതു പ്രാധാ​ന്യ​മുള്ള സംഗതി​യാണ്‌.

[അടിക്കു​റിപ്പ്‌]

[5-ാം പേജിലെ ചിത്രം]

ക്രൈസ്‌തവലോകത്തിന്റെ മിഷന​റി​മാർ സത്യ​ക്രി​സ്‌ത്യാ​നി​ത്വ​ത്തെ​ക്കു​റിച്ച്‌ അത്യധി​കം തെററായ ധാരണകൾ പരത്തി

[5-ാം പേജിലെ ചിത്രം]

കാരിസ്‌മാററിക്‌ സഭകളിൽ പലതും പണമു​ണ്ടാ​ക്കുന്ന സംരം​ഭ​ങ്ങ​ളാണ്‌

[6-ാം പേജിലെ ചിത്രം]

യേശുവിലുള്ള വിശ്വാ​സം സത്യാ​രാ​ധ​ന​യു​ടെ ഒരു മർമ​പ്ര​ധാന ഭാഗമാണ്‌

[7-ാം പേജിലെ ചിത്രം]

സൗജന്യ ഭവന ബൈബി​ള​ധ്യ​യ​ന​ങ്ങ​ളി​ലൂ​ടെ സൂക്ഷ്‌മ പരിജ്ഞാ​നം നേടാൻ യഹോ​വ​യു​ടെ സാക്ഷികൾ ലക്ഷക്കണ​ക്കി​നാ​ളു​കളെ സഹായി​ക്കു​ന്നു